Ísland að verða ónýtt land.

Ísland er í rauninni ónýtt land. Hér er í rauninni dauðinn einn á ferð og vonleysið í hásæti eftir að glæpamenn hafa farið ránshendi um þjóðarauðinn.  Fólk flykkist úr landi þar sem framtíðin er enginn önnur en meiri skattar, meiri verðbólga, meira atvinnuleysi, meiri ríkisrekstur.  Stofnanir þjóðfélagsins eru flestar ónýtar og líka þó að leigðir hafi verið útlendingar til að reka þær.  Dómskerfið er ónýtt, réttarríkið er ónýtt, fangelsin eru ónýt  og margar  stofnanir þjóðfélagsins virka alls ekki. Æ fleiri eru að örvænta um framtíð þessa þjóðfélags sem feður okkar byggðu.

Á aðalfundi BYR 13 apríl var kosið í stjórn . Að því loknu var talið að 3 menn af B.-lista, lista fyrri stjórnar, hefðu hlotið 3 menn og fulltrúi almennra stofnfjáraðila hefði hlotið 2 menn. Þegar yfir atkvæðin var farið kom í ljós að fyrri stjórn hafði smyglað inn ólögmætu umboði frá Luxemburg sem varðaði bréf Karenar Millen. Umboðið var ógilt af tveimur ástæðum í það minnsta. Það var óvottað og það mátti heldur ekki nota atkvæði Karenar á fundinum þar sem bréfin voru komin í eigu söfnunarsjóðs í Luxemburg. Auk þess hafði stjórn BYR aldrei samþykkt söluna á bréfunum né skráð þau rétt í lista stofnfjáreigenda.

Þegar atkvæði samkvæmt þessu umboði voru dregin frá B-lista kom í ljós að A-lista bar þriðji maðurinn en ekki B-lista. Stjórnin í BYR situr því keik og ólö-gmæt í trássi við lög og rétt. Er það svo sem í stíl við aðrar gerðir þessara sömu aðila í skiptum sínum við BYR.

Fyrri stjórn skilur við BYR fjárhagslega á hnjánum,  þar sem hún fór þvílíkri ránshendi um fyrirtækið að við lög ætti að varða.  Byr tapaði nærri þrjátíu milljörðum á árinu án trygginga og stór hluti þess varð til vegna viðskipta fyrirtækja tengdum stjórninni. Framtíð þess er vonarpeningur einn. Sparisjóðsstjórinn hefur þreföld laun forsætisráðherra og löggiltur endurkoðandinn annað eins. 

Auk þess tóku stjórnarmenn og sparisjóðsstjóri meira en milljarð úr kassanum hjá BYR til að lána Exeter Holdings, skúffufyrirtæki tengdra aðila,  til að kaupa af þeim sjálfum þeirra stofnbréf  á uppsprengdu verði.  Engum öðrum stofnfjáraðilum stóðu slík kostakjör til boða.  Þetta er þvílíkur bandíttaháttur að víðast hvar  á byggðu bóli væri búið að handtaka þessa menn. Hér sitja þeir hinir sperrtustu og þykjast hafa traust. Líklega þó  aðeins  hvors annars.

Þessir sömu aðilar, núna með strámenn fyrir sig, halda völdunum í fyrirtækinu með röngu og nota völdin til að hindra það að þessi mál og hugsanlega önnur komu uppá yfirborðið. A-listinn hefur kært atkvæðagreiðsluna til Fjármálaeftirlitsins, sem auðvitað ansar engum umkvörtunum almennra borgara enda greinilega aðeins varðhundur ríkiskerfisins.    Þetta er enn ein ónýt stofnun eins og flestar aðrar þegar litli maðurinn á í hlut.  Næst verður þess freistað að vekja upp dómstóla með því að krefjast lögbanns á setu B-listans í meirihluta stjórnar.  Sjálfsagt er það eins vonlaust og annað þar sem íslenzkir dómstólar eru yfirleitt aðeins varðhundar kerfisins eins og Vilmundur Gylfason nefndi það fyrir margt löngu. Og ráða bara við innbrot í sjoppur eins og Davíð komst að orði þegar Baugsmenn voru sýknaðir eftir að hafa teflt fram lögfræðingahernum sínum.

BYR þarf á stuðningi að halda eftir það bankarán fyrri  ráðamanna sem kynnt var í ársreikningi fyrirtækisins.  Enginn maður vill auðvitað koma nálægt fyrirtækinu með meiri framlög meðan svona er í pottinn búið, að allir fyrri misgjörðamennirnir sitja þarna á verði hvor yfir annars rassi. Hver vill leggja inn fé sem þessir aðilar geta gramsað til sín hvenær sem nýtt  færi kynni að gefast ?

 BYR stefnir því í þau ömurlegu örlög að lenda í fangi ríkisófreskjunnar og verða fjórði svokallaður ríkisbanki. Sem eru gersamlega ónýtar stofnanir með pí sinnum of margt starfsfólk miðað við höfðatölu. Það eru 1.5 milljón bankamenn í USA meðan þeir eru yfir fimmþúsund hér.  

Nýlega  lánaði íslenzka ríkið einkabönkunum VBS og Saga Capital fé til langs tíma með lágum vöxtum. Hvernig væri nú að lána einstaklingunum, sem mynda stofnfjárhóp BYR fé á sömu kjörum til að kaupa meira stofnfé í BYR ? Þá á ríkið möguleika á að endurheimta féið í stað þess að leggja það fram í mögulegar ræningjahendur sem björgunarpakka í BYR .Dreifð eignaraðild BYR væri góð von til þess að gömlu bankaævintýrin með krosseignatengslunum, ofurlaunum,  heimskulegri útlánastefnu, fámennisbraski   og öllu því sukki og svínarí sem þar viðgekkst,  endurtaki sig ekki.

Í stjórnarkjörinu í BYR var enn einn naglinn rekinn í líkkistu íslenzks samfélags. Hann þarf að draga út aftur ef bjarga á BYR. 

Annars er  Ísland að verða meira ónýtt land.

 

Athugasemdir

[Óskar Helgi Helgason (IP-tala skráð) 17.6.2009 kl. 01:59]

Heill og sæll; Halldór - æfinlega !

Kom upp í huga mér; þá ég las yfir, sköruglega grein þína, atvikið úr Sjöunda innsigli; Ingmars Bergmann, frá 1957, þá þeir; Riddarinn og Dauðinn tóku skák sína, á ströndu Landsins helga (misminni mig ekki), hver þetta meistara stykki Bergmanns, átti að gerast, á Krossferða tímanum (11. - 14. aldanna).

Var sýnd; í RÚV Sjónvarpi síðast, 1982/3 - 1985/6, að mig minnir.

Örlagarík; reyndist skákin alla vega verða, fyrir Riddarann.

Skyldi geta verið; að samsvörun einhverja, megi finna, með þeim ógnar örlaga vefjum, í hverja Ísland og Íslendingar eru vafðir, af hálfu Myrkranna herja - manngerðra, og í söguþræði þessarrar gömlu filmu, Halldór ?

Með beztu kveðjum; úr Árnesþingi /

Óskar Helgi Helgason 

     

[Jakob Þór Haraldsson, 17.6.2009 kl. 02:02]

Hjartanlega sammála ÖLLU sem þú nefnir hér að ofan, t.d.: "Þegar atkvæði samkvæmt þessu umboði voru dregin frá B-lista kom í ljós að A-lista bar þriðji maðurinn en ekki B-lista. Stjórnin í BYR situr því keik og ólö-gmæt í trássi við lög og rétt. Er það svo sem í stíl við aðrar gerðir þessara sömu aðila í skiptum sínum við BYR." Það er ástæðan fyrir því að ég sem mjög lítil stofnfjáreigandi í Byr er mjög sáttur við að standa að KÆRU á hendur ólöglegar stjórnar Byr...!  ÉG vil að réttkjörin stjórn taki þarna við svo við getum kært fráfarandi stjórnarmeðlimi í tengslum við t.d.: "umboðssvik, markaðsmisnotkun, brot á lögum sparisjóðsins, brot á lögum tengt fjármálafyrirtækjum, brot á hlutafjárlögum og í raun gef ég mér að síðasta kæran á hendur þessa liðs tengist "hreinum & beinum ÞJÓFNAÐI en það kemur betur í ljós þessar lánabækur Byr´s verða opnaðar.  Ég lít á 20-30 stærstu útlána töp BYR´s sem hreint & klárt RÁN um hábjartan dag, ég sé þetta ekki sem eðlileg lán heldur að vissir hluthafar hafi í raun "arðrænt Byr fyrst með útgreiðslu á brengluðari upphæð sem arðgreiðslu - sú greiðsla var bara GLÆPUR og þessi lán voru ekkert annað en GLÆPUR" - það verður hlutverk íslenskra dómstóla að skera úr um þessi mál - okkur mun takast að koma þessum málum í eðlilega farveg um leið og við komum þessari ólöglegri stjórn frá!

Manni blöskrar auðvitað að FME og íslensk stjórnvöld skuli ekki vinna með okkur í þessu máli, þau draga lappirnar og gera allt sem þau geta til að hlífa fólki sem tengist "Toxit BAUG og þeirra siðblinda liði" - "One RING to rule them all - one ring to bind them" er nema von að allir tali um XS sem SAMSPILLINGUNA og XD sem RÁNFUGLINN.  Solla stirða & ekki meir Geir hafa breytt íslensku samfélgi í glæpasamfélga þar sem "óreiðumenn fá frítt spill af því að þeir höfðu vit á því að veita styrki (mútur réttara orð) til flokkanna!  Já spiltir íslenskir "stjórnmálamenn & nokkrir útrásar skúrkar hafa í raun eyðilagt okkar frábæra land" - skömm þeirra er ÆVARANDI - skítapakk með skítlegt eðli eins og Óli grís orðaði svo vel - "takes ONE 2 know ONE...!"

kv. Heilbrigð skynsemi

[Hörður Halldórsson, 17.6.2009 kl. 10:30]

 Sorglegt  að sjá gamla Sparisjóð vélstjóra og fleiri gróin fyrirtæki rústað.

[Karl Gauti Hjaltason, 17.6.2009 kl. 15:42]

Já, Halldór.  Þetta er allt saman með miklum ólíkindum og það á bara eftir að versna á meðan að menn eru ekki að sjá heildarmyndina.

Kveðjur í Kópavoginn.

[Halldór Jónsson, 24.6.2009 kl. 00:24]

Á föstudaginn kemur verður tekin fyrir lögbannsbeiðni okkar á setu  3 . manns  ræningjalistans í stjórn BYR. Þeir halda meirihlutanum í skjóli ólögmæts umboðs frá Luxembourg.

Þá sést hvort eitthvað réttlæti er yfirleitt í boði á Íslandi í dag.   Við verðum að borga milljón í tryggingu uppúr vösunum þessir aumingjar. BYR lánar okkur ekki til slíks.