Þá vaknaði Þyrnirós !

Fjármálaeftirlitið hefur sofið sínum venjulega Þyrnirósarsvefni  þegar litli maðurinn úr stofnfjáreigenda hópi BYR reynir að kalla yfir þyrnigerðið. En þegar kommaprinsinn í fjármálaráðuneytinu kallar þá rýkur apparatið á fætur og stefnir hersveitum sínum til orrustu. Nú var lag á að taka í hnakkadrambið á Gunnari Birgissyni í Kópavogi. Þar hafði hann látið Bæjarsjóð Kópavogs, sem ber alla ábyrgð á Lífeyrissjóði starfsmanna Kópavogs. taka lán kjá sjóðnum með beztu ávöxtun. Aðeins var farið í 10. 7 % af heildareignum sjóðsins en samkvæmt lögum má aðeins fara í 10 % til eins aðila. Fjármálaráðuneytið og  Kópavogur höfðu gert samkomulag um málið rétt áður en þetta gerðist og v ar unnið samkvæmt því.

 

En nú var uppi tippið á  kommaprinsinum. Hann rak Gunnar  Birgisson úr stjórninni og stefndi honum fyrir hegningarlagabrot. Að vísu voru þarna vinstrigemsar með Gunnari í stjórninni sem hlutu sömu örlög, en auðvitað mátti fórna þeim fyrir aðalþrjótinn sem stóð til viðbótar höllum fæti í bæjarstjórn. Stjórnin öll rekin frá völdum eins og glæpamenn en "réttsýnn" kvenlögfræðingur settur yfir sukkið.

E n stofnfjáreigandinn í BYR er engu nær. Þyrnirós lætur sem hún sofi þegar hann á í hlut.

 

Athugasemdir

[Árni Gunnarsson, 20.6.2009 kl. 13:41]

Sammála þangað til kemur að kommafóbíunni. Hún er mér alltaf jafn óskiljanleg. En af öllu fjármálasukkinu hér þar sem refsivert athæfi er borðleggjandi í nokkrum tugum tilvika í það minnsta þá finnst mér nú þetta það lítilfjörlegasta.

Og Byr vel á minnst!

[Óskar Helgi Helgason (IP-tala skráð) 20.6.2009 kl. 15:37]

Heilir og sælir; Halldór og Árni - sem aðrir, hér á síðu verkfræðingsins orðsnjalla !

Árni ! O; jú, gamli góði félagi. Til dæmis; á Brezhnev tímabilinu, voru alls lags munaðar vöru verzlanir, tileinkaðar flokks broddunum, í Sovét kerfinu. 

Allt; hvað að Alþýðunni laut, var handstýrt, úr skömmtunarkerfi flokksins - nákvæmlega; hinu sama eru Steingrímur, og þau VG liðar, að koma á hér - fyrir nú utan, fjandsamlegt ríkisbanka kerfið eftir hrun - hvar fólk og fyrirtæki fá ekki fyrirgreiðslu af neinu tagi, nema fyrir hundsleg tryggð og auðmýkt, við Þistilfirðinginn.

Hræsni Steingríms; í bílamálunum, er löngu kunn. Á spánýjan bíl, eða nýlegan / hefir alla vega not af honum - þókt svo; aki um á gömlum Volvo, frá árunum 1971/1972, þegar hann þarf að endurnýja hræsni sína, reglulega.

Svo; fátt eitt sé talið, ágæti Skagfirðingur.

Með; hinum beztu kveðjum, úr Árnesþingi - sem jafnan /

Óskar Helgi Helgason 

[Óskar Helgi Helgason (IP-tala skráð) 20.6.2009 kl. 15:48]

Öllu; hvað að Alþýðunni laut -

og hundslega tryggð, átti að standa þar.

ÓHH

[Árni Gunnarsson, 20.6.2009 kl. 16:28]

Óskar Helgi: Hundslega tryggð kannast ég við í pólitíkinni frá valdatíma Davíðs Oddssonar. Og hundsleg tryggð gerir alltaf vart við sig hjá fólki sem trúir á kennisetningar hægri og vinstri vitleysunnar. Eins hjá fólki sem hefur tekið eina trú fyrir alla ævina og kýs sinn flokk hverju sem fram vindur.

Við Íslendingar þurfu manneskjulegar leikreglur í litlu samfélagi. Þær leikreglur munu hvorki blind markaðsöfl né blindur Marxisismi setja þessari þjóð. 

Við sitjum nú í súpu óheftrar markaðshyggju og ég sé engin merki um Marxisma hjá stjórnvöldum okkar í dag. Því miður sé ég ekki heldur merki um almenna skynsemi eða skarpa sýn til endurreisnar að neinu ráði. Manískur ótti við kommúnisma í stjórnsýslu okkar er ástæðulaus enn sem komið er.

[Óskar Helgi Helgason (IP-tala skráð) 20.6.2009 kl. 16:48]

Komið þið sælir; enn á ný !

Árni !

Ég hlaut ákúrur einar; í fjölskyldu samkundum, sem víðar, á 10. áratug nýliðinnar aldar, þá ég hafði uppi varnaðarorð mörg, gagnvart því, sem kynni að leiða af drifkrafti frjálshyggjunnar, undir handleiðslu ódámsins, Davíðs Oddssonar, og fylgjara hans.

Um margt; getum við því verið sammála, forni spjallvinur, en einsýnt þykir mér, að gæðinga kerfið Sovézka, er að komast á, hér,, undir leiðsögn þessa margsaga hrakmennis, úr Þistilfirði norður, og einka nóta hans - kratanna, og viðlíka fyrirbrigða, hver ætla, að viðhalda herferðinni, gegn því gamla Íslandi, sem við munum þó enn - þú mun lengur, Árni minn.

Stend enn; við þvergirðing minn, unz sannfærður verði, um annað, að nokkru, eða þá öllu leyti. Þannig blasir; núverandi sem, auðmýkjandi framtíðarsýn Íslands, við mér, að minnsta kosti.

Því segi ég enn; burt með hálf káks liðið, úr íslenzkum stjórnmálum - alfarið, hvert tjónið hefir unnið - sem; þau, hver leitast við, að viðhalda óréttlætinu, með óþolandi lausa göngu fjárglæfra lýðsins - innan þings, sem utan.

Með beztu kveðjum - sem hinum fyrri, öllum /

Óskar Helgi Helgason   

[Anna Sigríður Guðmundsdóttir, 20.6.2009 kl. 21:17]

Okkar hundslega tryggð kemur ekki að gagni ef hún er bundin einhverju gömlu svikulu kerfi.

Hugsum með okkar eigin heila og gleymum flokkaáróðri. Okkur var gefið einhverskonar vit til að stjórna okkur.

Ef það gengur ekki er það kanski  læknavísindin sem hafa klikkað eða lyfjamafían???

[Guðmundur B. Ingvarsson, 21.6.2009 kl. 00:26]

Sæll Halldór.  Vildi benda þér á að nafnorðið verð er eintöluorð og því ekki til í fleirtölu.

[Guðmundur B. Ingvarsson, 21.6.2009 kl. 00:28]

Æ þessi ábending mín átti nú við næstu færslu á eftir.

[Halldór Jónsson, 22.6.2009 kl. 22:45]

Kæri Guðmundur,

Í verktakabransanum er talað um verð í fleirölu. "Einingaverðin voru þessi", "hann er á lágum verðum". Þú verður að vera meira í tengslum við þjóðlífið núna  heldur en einhverjar úreltar málfræðibækur frá síðustu öld.