Mátulegt á þá ?

 

Hversvegna eigum við að vera að borga Icesave ? Hvað koma athafnir íslenzkra glæpamanna mér við ? Eða þjóðinni allri ? Ekkjunni með eyririnn sinn ? Öryrkjanum með ómegn sitt ? Einstæðu móðurinni ? Ófæddu börnunum ?

Mér finnast ráðamenn okkar vera ráðalaust fólk. Fáráðlingar og rolur. Að detta í hug  að leggja tvöfalda  Versalasamninga á okkar bognu bök ! Okkur sem vorum ekki einu sinni í stríði !

Krimmarnir í Landsbankanum beittu með galdraþulum  fyrir meðaljóninn  í Bretlandi og Hollandi með loforðum um hærri vexti. Gróðafíknin tældi þeirra heimskingja til þeirra íslenzku  bófa, sem flögguðu með " The National Bank of Iceland" . Hver treysti ekki þjóðarbanka Íslands  til að borga hæstu vexti ? 

Það var galið að selja  Björgólfi þetta nafn með bankanum, nýkomnum frá Rússlandi. Hann var líka fljótur að opna útibú í Pétursborg eftir kaupin.  Þetta er eins og selja einhverjum íslenzka fánann og segja honum að fara í víking með hann. Leyfi Buccaneers  til að ræna yfir heimshöfin  með ríkisábyrgð ? 

Hvað gátu þeir Sigurjón Digri og hinir í Landsbankanum ekki svikið marga bara með svona stóru nafni,  sem beinlínis ber í sér fyrirheit um ríkisábyrgð ?  Var þetta ekki stór þáttur í því að fá útlendinga til að leggja inná Icesave ?

Við sem þjóð getum hinsvegar ekki borið ábyrgð á því að íslenzkir krimmar féfletti útlendinga. Ekki frekar en Nígería tekur ábyrgð á að einhverjir Nígeríumenn lofuðu Íslendingum sem öðrum líka gulli og grænum skógum. Þeir plötuðu marga Íslendinga sem ég þekki. Þeir titluðu sig sem einhverja Prof.Dr.UmbaGumba og sögðust vera beint inni í ráðuneytunum og þyrftu að koma peningum  inná íslenzka reikninga. Gegn furstalega  háum vöxtum. Og jafnvel greindustu menn féllu fyrir gróðafíkninni.  Alveg eins og litlir og stórir Bretar og Hollendingar fyrir Icesave.

Sem var bara the big Icescam ! Samstofna við hið alsvarta Nigeriuscam,  nema þeir eru hvítir í framan í Landsbankanum.

Þeir sömu Íslendingar og létu ginnast af Nígeriscamminu vilja ekkert tala um þetta. En áreiðanlega datt þeim aldrei í huga að lögsækja Nígeríustjórn fyrir. Hvað þá svörtu þrjótana sjálfa.

Þessvegna er það svo arfavitlaust að halda að Íslendingar eigi að borga fyrir Icesave sem bankakrimmarnir okkar fundu upp.  Þeim var bara nær þessum ösnum sem létu þá gabba sig.

Mátulegt á þá !

Þessi helvíti í íslenzku bönkunum göbbuðu mig til að kaupa hlutabréf í þessum bönkum sínum. Allt tapað og ég sit uppi með það að hafa verið reyktur! En ég er ekki að heimta að Seðlabanki Íslands eða Fjármálaeftirlitið eigi að bæta mér skaðann.  Ég var fíflið ! Og ég vissi líka að Murphy segir að það sé ósiðlegt að láta fífl halda peningunum sínum og hefði þessvegna átt að gruna þá um græsku. Allt kom fyrir ekki, þeir náðu mér helvítin atarna þó að ég sæi við Nígeríubófunum á sínum tíma .

Til hvers á ég þá að vera að borga fyrir bresk og hollenzk fífl ?

Mátulegt á þá !

Athugasemdir

[Ómar Bjarki Smárason, 6.7.2009 kl. 23:23]

Er ekki málið að nafn Landsbankans hefur villt Bretum og Hollendingum sýn og þeir haldið að þetta væri "National Bank of Iceland" sem hann var ekki, þó hann hafi kannski einu sinni verið það.... þannig að þetta heila mál er byggt á misskilningi... svona "lost in translation dæmi".... snjallir lögfræðingar hljóta að geta sýnt fram á það, ef þeir eru ekki allir allt of uppteknir að því að verja "auðvisana"..... og kannsk hefði ríkið átt að selja Björgúlfunum Lánsbanka en ekki Landsbankann!!!

[Adda Þorbjörg Sigurjónsdóttir, 7.7.2009 kl. 07:24]

Steingrímur, það hefur enginn ráðherra lögformlegt leyfi til að skuldsetja ríkið nema með samþykki alþingis. Hafi einhver sagt eitthvað sem mætti túlka svona þá er það aldrei bindandi nema með aðkomu þjóðþings. Til þess er þingið. Ef þessar fyrri umræður væru ígildi samnings þyrfti ekki allan þennan málarekstur hér. Ég held þú misskiljir heiður. það er enginn heiður í að samþykkja skuldir á Ísland umfram þær sem því ber og eyðileggja innviði þess til áratuga. Sagan mun ekki fara fögrum orðum um þá sem lögformlega sökkva íslandi, hvar er kjarkurinn sem var á Kópavogsfundinum þegar sagt var: "Vér mótmælum allir".

[Halldór Jónsson, 7.7.2009 kl. 07:48]

Kollege Steingrímur

Ég held að fólk hafi nú ekki hlustað fyrst á Davíð tala vel um íslenzka banka  og svo lesið og fallið fyrir auglýsingum  frá National Bank of Iceland um hærri vexti. Hefði hann talað illa um bankana þá hefðu fleiri en þú  talið slíkt þjóðhættulegt, sem neikvæð umræða um banka er alltaf. Vill nokkur yfirleitt ræða íslenzka banka núna ?

Ómar,

þetta var Lánsbanki. Nú geta Bjöggarnir ekki borgað lánið sem þeir fengu hjá kaupþingi til að kaupa bankann af ríkinu.

Adda,

Var það ekki á Menntaskólafundinum sem þingmenn tóku undir með Jóni Sigurðssyni og sögðu þetta við Trampe greifa. En vér mótmælum allir hlýtur að vera það sem við segjum núna við Icesave.

Pétur Blöndal segisr að við megum aldrei skuldbinda okkur meira en 1 % af landsframleiðslu árlega vegna Icesave. Ríkisábyrgðin verði að toppa þar.

Hvað segir Steingrímur um það ? 

[Hörður Halldórsson, 7.7.2009 kl. 10:51]

Landsbankaskammirnar eru búnir að gera meiri skráveifu en Nígeríusvindlararnir .Tökum dæmi :."Adu  Oniakweli þarf að flytja mikið  fé til Englands en þarf að stofna reikning en fær ekki af pólitískum ástæðum.Getur þú stofnað 200 punda reikning fyrir hann  með margföldum hagnaði og   .................." Nei flestir sjá í gegnum þetta.    En það var mjög erfitt að standast Icesave loforðin enda með Ísland sem bakhjarl og Ísland naut mikils traust fyrir 1-2 árum síðan.Auglýsingarnar og vefurinn var mjög flottur.Við erum búnir að tapa traustinu sem við höfðum.

[Halldór Jónsson, 7.7.2009 kl. 13:39]

The National Bank of Iceland. Hver treystir ekki svona nafni jafnvel þó að Icesave hafi aðeins verið í 16 sæti hvað innlánsvexti varðar sem í boði voru á markaði. Ég held að þeir hafi farið langt á þessu flotta nafni.

Þeir Landsbankamenn voru hinsvegar meðvitaðir um að þeir voru að fremja hættulega hluti þar sem þeir tímdu ekki að að stofna dótturfélag á Englandi. Þeir vissu alveg hvað þetta gat kostað.Þar liggur alvarleikinn í  athæfi þeirra. Einbeittur og meðvitaður brotavilji myndi einhver kalla það. Og íslenzk stjórnvöld gerðu ekkert til að stoppa þá.

[Jakob Þór Haraldsson, 7.7.2009 kl. 14:15]

Ótrúlega vel skrifuð grein hjá þér - mikil & góð speki eins og ávalt frá þér!  Í mínum huga hafa íslenskir bankaeigendur framið stærstu BANKARÁN sögunnar - meiriháttar afrek hjá þeim - en frekar skítinn tilfinning að íslenski SAUÐURINN eigi að greiða hluta ránsfengsins til baka - bara af því að þessi GLÆPAMENN fæddust á Íslandi....  Síðast þegar ég vissi voru þetta EINKABANKAR og það skiptir lagalega séð litlu máli hvað "Solla stirða, ekki meir Geir & Björgvin Sig "blaðra & bulla" slíkt hefur enginn lagaleg gildi - þó vissulega hafi þeirra HEIMSKULEGA blaður vissulega siðferðislegt gildi!"  Á þjóðin að taka á sig allar þessar birgðar af því að HEIMSKIR & SPILTIR íslenskir stjórnmálamenn þáðu "mútur & verndartolla frá útrásar skúrkunum?"  Ég fagna því þegar allt þetta lið (DRASL) verður sent í fangelsi og látið sæta ábyrgð fyrir íslenskum dómstólum.  Sköm þeirra er ÆVARANDI..!

kv. Heilbrigð skynsemi

[Elle_, 9.7.2009 kl. 21:32]

Það gerir fólk ekki að fíflum að vera platað af banka.  En að maður hafi sagt e-ð í viðtali úti í bæ, eru tæplega rök fyrir því að ríkissjóður Íslands sé ábyrgur fyrir tapinu.  Hvað með allt fólkið sem var logið að og platað af starfsmönnum innan bankanna og annarra lánafyrirtækja og tapaði?  Ekki hefur ríkissjóður bætt mér upp neitt tap þó slíkur starfsmaður hafi valdið mér stórtapi.