Leita í fréttum mbl.is

Hlustið á Jón Kristjánsson!

Í Mogga í dag er grein eftir Jón Kristjánsson um stefnuna í    Hafró í aldarfjórðung. Jón segir m.a.:

"Codsave, stærra en Icesave?

Íslenskum útgerðar- og sjómönnum var talin trú um að með því að leggja óveiddan þorsk inn í banka, Selvogsbanka, Hornbanka og Kjölsenbanka, myndi hann renta sig meira en ef hann væri seldur strax.

Lofað var að fiskibankarnir myndu skila 500 þús. tonna jafnstöðuafla þorsks um ókomna tíð.
Mönnum var talin trú um að fengi þorskurinn að vaxa aðeins lengur ykist afraksturinn, auk þess sem stærri hrygningarstofn væri trygging fyrir góðri afkomu til langs tíma litið. Þjóðin beit á agnið eins og lífvana þorskur. En fátt hefur mistekist eins hrapallega og þessi "fjárfesting": Það munar um 6 milljónum tonna á loforðinu og raunveruleikanum frá 1983.Sé reiknað með gjaldeyrisverðmæti 500 kr/kg leggur tapið, neikvæðir vextir, sig á um 3 þúsund milljarða króna, sem er hressilega betur en Icesave skuldin. Því má segja að ráðgjafastofnunin Hafró, sé dýrasta stofnun landsins og hafi valdið þjóðarbúinu meira tapi en allt bankahrunið. En snillingarnir á Hafró starfa áfram í umboði ríkisins og leggja nú til enn meiri sparnað. Makríllinn skal lagður inn í ávöxtunarbanka náttúrunnar, svo og síldin, ýsan, ufsinn, kolinn og steinbíturinn að ógleymdum skötuselnum.

Athygli vekur að hvorki Hafró né Fiskistofa þurfa að sæta niðurskurði í kreppunni, enda mjög uppteknir við að byggja upp fiskistofna¨",

Það er bíbí vitlaust finnst mér að það sé hægt að geyma stórþorskinn, í MANNSSTÆRÐ ! sem nú syndir, öllum á óvart, inn með makrílnum, sem við eigum að geyma fyrir ESB, í sjónum.  Það á að veiða uppúr og niður úr  af öllum stofnum.Að stærðarvelja með veiðarfærum veldur úrkynjun og erfðabreytingum eins og dr. Jónas Bjarnason hefur fært góð rök fyrir.

Að vera að geyma fisk í hafinu, þar sem hvalirnir éta margfaldan kvóta HAFRÓ hljóta allir að sjá að eru gervivísindi. Einmitt núna þegar við þurfum á meiri sjávarafla að halda, þá rekur Hafró sjómennina okkar í land. Drepum frekar fiskinn en fólkið sagði Bjarni Ben.

Þessu verður að linna.En Íslands óhamingju verður allt að vopni. Þessi guðsvolaða ríkisstjórn gerir ekkert í þessu frekar en öðru.


« Síðasta færsla | Næsta færsla »

Athugasemdir

1 Smámynd: Sigurður Þórðarson

Flott og þarft hjá þér að vekja athygli á þessu.

Sigurður Þórðarson, 12.9.2009 kl. 15:47

2 Smámynd: Þráinn Jökull Elísson

Athyglisverð og þörf grein. Vonandi að fræðingarnir hjá Hafró vakni nú af Þyrnirósarsvefninum.

Þráinn Jökull Elísson, 12.9.2009 kl. 19:42

3 Smámynd: Ómar Bjarki Smárason

Það er full þörf á að halda þessu á lofti, Halldór, sérstaklega eftir að aðalgagnrýnandi Kvótakerfisins, Kristinn Pétursson, virðist horfinn úr Bloggheimum.....

Ómar Bjarki Smárason, 12.9.2009 kl. 23:10

4 Smámynd: Sigurður Þórðarson

Málið er að LÍÚ-arar eru meðvirkir í þessari lönguvitleysu af því að þeir fá að veðsetja óveiddan fisk eins og hann sé bankainnistæða.

Þegar veiðiheimildir eru skornar eða leyft að flytja þær milli ára hækkar leigukerfið þrífst með því að gera nógu marga meðvirka.

Sigurður Þórðarson, 13.9.2009 kl. 01:21

5 Smámynd: Ómar Bjarki Smárason

Þetta kerfi er þannig ekkert frábrugðið bankakerfinu, fyrir hrunið.... og líklega er bara spurning hvenær innistæðurnar þrýtur.....kannski það sé ráðlegt að að fara að leita að innistæðum annars staðar....? Einhversstaðar hljóta að leynast smugur og Barentshöf.....

Ómar Bjarki Smárason, 13.9.2009 kl. 01:58

6 Smámynd: Sigurður Grétar Guðmundsson

Það virðist vera hægt að læða inn hringavitleysum hjá stjórnmálamönnum, fá þá til að trúa bábiljum sem þeir hvorki geta ná nenna að setja sig inn í, láta ýmsa pótintáta moka í sig vitleysunni sem vísindi. Þar má benda á tvö mál:

1. Arfavitlausa "vísindastjórn" Hafró á fiskveiðum, alltaf verið að "byggja" upp stofnanna með því að leyfa ákveðnum hluta fiskistofnsins að drepast úr elli í stað þess að við veiðum þá og sköpum verðmæti.

2. Ofstækisfullir umhverfissinnar hafa komið þeirri fáránlegu bábilju inn í flesta valdamikla stjórnmálamenn að helsta umhverfismálið sé að losna við sem mest af koltvísýringi CO2 sem er reyndar undirstaða lífs á jörðinni. Og nú er búið að samþykkja að meðalhiti jarðar hækki ekki um meira en 2°C fram til næstu aldamóta. Að láta sér detta í hug að við mannlýsnar getum á nokkurn hátt ráðið veðrum og vindum eða  loftlagi. Ég held að þetta sé hámark heimskunnar.

Sigurður Grétar Guðmundsson, 13.9.2009 kl. 14:38

7 Smámynd: Björn Birgisson

Halldór, þetta er fín pæling hjá þér og hristir upp í lesendum. Seint verða menn sammála um kvótakerfið, hvorki kosti þess né galla. Ekki ætla ég út í þá umræðu hér. Eitt vil ég þó nefna. Þegar kvótagreifunum var heimilaður rétturinn til framsals, var lagður hornsteinn að hruninu síðast liðið haust. Skyndileg, óverðskulduð, auðlegð kvótasölumanna varð til að upp spruttu alls kyns pótintátar í þjóðfélaginu sem sögðu: Nú vil ég líka. Ný þjóðaríþrótt varð til: Að auðgast af engu.

Björn Birgisson, 13.9.2009 kl. 16:39

8 Smámynd: Ómar Bjarki Smárason

Skarplega athugað hjá þér Björn.... Það voru nefnilega búnir ímyndaðir peningar úr engu......

Ómar Bjarki Smárason, 13.9.2009 kl. 17:52

9 Smámynd: Halldór Jónsson

Glymið því ekki að bankar búa peninga til út engu í samvinu við Seðlabanka, svonefndur bankmultiplier er noyaður til þess. Þannig er hægt að tífalda peninga án þess að leggja nokkuð annað til en bankastarfsemi.

Halldór Jónsson, 16.9.2009 kl. 07:56

10 Smámynd: Ómar Bjarki Smárason

Þannig að ef ég legg milljón banka þá á ég að fá tíu til baka, fremur en að bankastjórarnir eigi að fá sérstaka bónusa fyrir að taka við innlegginu. Eða þannig skil ég þetta, Halldór. Eitthvað hafa stjórnendur bankanna misskilið hlutverk sitt, eða þá að lagaramminn er meingallaður.... eða kannski er ég bara svona lélegt efni í hagfræðing. Kannski eins gott að ég valdi jarðfræðina en ekki viðskiptafræðina á sínum tíma....

Ómar Bjarki Smárason, 16.9.2009 kl. 16:27

11 Smámynd: Halldór Jónsson

Ónei Ómar, bankinn kópierar þínar og lánar10 öðrum þína milljón og á þannig 10 útistandandi 10 milljónir útá þín einu. Vertu bara áfram í jarðfræðini, reyndu bara að finna gull í jörðinni úr því að þú hefur svona mikinn áhuga á því.

Halldór Jónsson, 16.9.2009 kl. 17:13

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.3.): 0
  • Sl. sólarhring: 4
  • Sl. viku: 43
  • Frá upphafi: 0

Annað

  • Innlit í dag: 0
  • Innlit sl. viku: 40
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband