Svandís klórar yfir.

        

Svandís Svavarsdóttir reynir að lægja öldurnar sem risið hafa vegna tilræðis hennar við hagsmuni Íslendinga með grein í málgagni Samfylkingarinnar í dag.

 Hún reynir að tala það niður hvernig uppgjöf Íslendinga gagnvart ESB leiðir til brottfalls aukalegra losunarkvóta Íslendinga. Hún reynir að drepa málinu á dreif með almennu málskrúði um ágæti þess að fela sig algerlega viðskiptakerfi ESB með því að sækja ekki um undanþágur fyrir Íslendinga. Með hennar orðum: „Ísland er nú þegar, lagalega séð, hluti af viðskiptakerfi ESB með losunarheimildir og nú liggur fyrir að frá og með 1. janúar 2013 munu losunarheimildir til stóriðju hér á landi koma úr viðskiptakerfi ESB....Ekki liggja fyrir nákvæmar úthlutunarreglur á heimildum til ál- og járnblendiframleiðslu innan ESB. Þó bendir allt til þess að fyrirtæki á þessu sviði fái stærstan hluta heimilda og hugsanlega allar fríar í fyrstu, en síðan muni koma til vaxandi skerðingar á heimildum, sem fyrirtæki þurfa að mæta með því að draga úr losun eða kaupa heimildir.“Hverjir hafa unnið leynt og ljóst að því að koma okkur í þau spor að liggja flöt undir skrifstofuveldinu í Brüssel ? Eru það ekki sömu öflin og reyna að keyra okkur inní ESB með öllum ráðum, svelta okkur og kúga til þess ef ekki vill betur ?Svandís segir enn:„Á Umhverfisþingi sagði ég að íslensk stjórnvöld færu ekki til Kaupmannahafnar til að biðja um nýjar undanþágur í loftslagsmálum og var því þá haldið fram að ég hefði afsalað þjóðinni einum 15 milljörðum á því tímabili sem Kýótó-bókunin nær yfir og að mál yrðu í algjöru uppnámi í árslok 2012 þegar fyrsta skuldbindingartímabil Kýótó rennur út. Staðreyndin er sú að engar breytingar verða á losunarheimildum íslenskra fyrirtækja á skuldbindingartímabili Kýótó-bókunarinnar, til ársloka 2012. Málið snýst um hvers konar kerfi við munum búa við eftir 2012. Við erum í annarri stöðu í samningaviðræðum nú en þegar samið var um Kýótó-bókunina fyrir áratug síðan. Við höfum í raun tekið upp reglur Evrópusambandsins (ESB) um losun gróðurhúsalofttegunda að hluta til, samkvæmt skuldbindingum okkar í EES- samningnum. Ísland er nú þegar, lagalega séð, hluti af viðskiptakerfi ESB með losunarheimildir og nú liggur fyrir að frá og með 1. janúar 2013 munu losunarheimildir til stóriðju hér á landi koma úr viðskiptakerfi ESB.Hver kom okkur í aðra stöðu ? Ríkisstjórnin og Svandís.  Staðreyndin er þessi svo vitnað sér í Vigdísi Hauksdóttur: „Það tókst á fundi samningsaðila í Marrakesh í árslok 2001. Þessi ákvörðun markaði mikil tímamót og í framhaldinu gátu Íslendingar undirritað Kyoto bókunina og fullnægt skuldbindingum hennar. Helsta skilyrði íslenska ákvæðisins var að um »einstakt« verkefni hafi verið að ræða. Það fól í sér að heimilt koltvíoxíðútstreymi frá nýrri stóriðju eða stækkun stóriðjuvers, sem hæfi starfsemi eftir 1990 og leiddi til meira en 5% aukningar í útstreymi á fyrsta skuldbindingartímabili bókunarinnar 2008 til 2012, yrði haldið utan við útstreymisheimild bókunarinnar eftir að útstreymisheimildir viðkomandi ríkis hafa verið fullnýttar.“ 

Það er þetta sem Svandís ætlar að gefa eftir. Ekki minna en 15 milljarða virði hvað sem blekkingunum  og málskrúðinu í Fréttablaðinu í dag líður.

Yfirklór Svandísar dugar ekki.   

Athugasemdir

[Halldór Jónsson, 16.10.2009 kl. 18:48]

Þeð er einhver andskotinn að blogginu, þetta kemur allt í bendu á skjáinn, öllum greinaskilum sleppt osfrv. þetta er ekki eins og ég ætlaði að hafa útlitið. Mér finnst þetta hafa versnað eftir að ég nota Word2007.

[Ágúst H Bjarnason, 16.10.2009 kl. 21:47]

Ef þú gerir uppkastið í Word, þá máttu helst ekki afrita með copy-paste peint úr því í textagluggann í stjórnborðinu.

Yfirleitt er miklu betra að smella á takkann "skeyta úr word" og nota copy-paste yfir í gluggann sem opnast.  ("skeyta úr word" takkinn er rétt fyrir ofan venjulega textagluggann).

Prófaðu það,

[Halldór Jónsson, 17.10.2009 kl. 15:59]

Takk frændi, prófa þetta

[Björn Birgisson, 18.10.2009 kl. 23:48]

Ekki veit ég nákvæmlega hvar hinn íslenski Getsemane garður er. Grunar þó að hann sé ekki fjarri Valhöll, enda gróið vel í því umhverfi. Garðurinn sá er nátengdur einum frægustu svikum í samanlagðri mannkynssögunni. Persónur og leikendur í þeim svikum voru Jesús Jósefsson, Símon Pétur, kvótalaus útgerðarbóndi og ræfils hani, sem átti það til að gala í tíma og ótíma. Stjórnmálahani? Líklega.

Hrunið síðast liðið haust á sér spaugilegar hliðar, þótt hinn harmræni þáttur vegi auðvitað þyngst. Nú keppast fylgismenn hrunflokkanna við að afneita sínum forustumönnum. Segja stefnu sinna flokka ágæta, en illa framfylgt af kjörnum leiðtogum sínum. Eitt sé stefna flokks, annað sé breiskleiki lélegra forustumanna. Kapitalisminn sé góður, en misboðið og traðkaður niður í svaðið af vondum kapitalistum! Nú skal gera skýran greinarmun á stefnu flokka og því hvernig forustumenn koma henni til skila. Í Getsemane nútímans er betra að afneita fólki en flokkum og þarf ekkert hanagrey til.

Samkvæmt þessum eftirá tilbúnu kenningum var stefna spænskra falangista fín, en Franco kom óorði á hana. Samkvæmt því var stefna fasistanna á Ítalíu ágæt, en illfyglið hann Mussolini kom óorði á hana. Samkvæmt því var stefna þjóðernisjafnaðarmanna í Þýskalandi bara ágæt, en ræfillinn hann Hitler og hans menn komu óorði á hana. Dæmin eru mýmörg um frábærar stefnur flokka og afleita forustumenn.

Þekkja menn þetta nokkuð á Íslandi?