Gríski harmleikurinn.

Nú ættu kratarnir okkar að skreppa til Grikklands og kynna sér gríska hramleikinn. Hvernig er að lifa í Evrulandi og geta ekki stjórnað kaupgjaldshækkunum eða ríkishallanum  innanlands.

 Papandreou yfirkrati þeirra Grikkja, einskonar Össur,  vill launahækkunarstopp ekki seinna en í gær. En hallinn á fjárlögunum er óstöðvandi, 12 % í ár, verðlagið er orðið svo hátt að túristarnir eru hættir að koma og fara til Tyrklands.  Hann getur ekki skorið neitt niður af bráðnauðsyndlegum gæluverkefnum suðræna  velferðarkerfisins. Hann bara gleymdi því að það er öðruvísi þegar þú stjórnar ekki myntinni sjálfur. Grikkir eru komnir í ruslflokk með sitt lánshæfismat.  Þeir geta ekki neitt nema lagt upp laupana og hætt að vinna, henda grjóti í lögguna og brenna bíla til að mótmæla afleiðingum kratismans.

Grikki vantar peninga en þeir geta hvorki prentað þá né fellt gengið til að lækka kaupið í landinu.Þeir verða að fá lán og meiri lán alveg eins og Össur.  Þeir eru nefnilega með evru eins og Þýskaland. Jafnvel Adolf var nokkuð klár á því að Grikkir væru ekki jafnokar Þjóðverja að framleiðni og vinnusemi. Hann gaf heldur ekki mikið fyrir möguleika þeirra til að standa uppí hárinu á Þýskalandi. Honum hefði aldrei dottið í hug að Grikkir gætu búið við Reichsmarkið. Og þeim ekki heldur á þeim tíma. En nú er komin önnur tíð. Ár kratans gæti það kallast að kínverskum sið.Engin þjóð sem ekki framleiðir á borð við Þýskaland getur haft sömu mynt og þeir og lifað með það. Það er bara svoleiðis til lengdar.

Svona fer fyrir landi sem lætur stjórnmállega dillettanta í kratalíki ljúga að sér. Nú sitja þeir í Evrópuforaðinu og geta ekki neitt. Nú bisar Þorsteinn Pálsson með krötunum útí Brüssel að færa Íslendingum samningsdrögin til samþykktar.

Er það þetta sem við viljum? Algert kaupstopp ?( Góð hugmynd annars  ) Stórhækkun skatta til þess að jafna fjárlagahallann ? (Pólitískt harakiri og idjótí ) Spænsk fiskiskip á miðin til að hjálpa Íslendingum  að hætti Össurar ? 

Ætlum við að endurtaka gríska harmleikinn?

Athugasemdir

[Júlíus Björnsson, 24.11.2009 kl. 03:45]

Þá ættu sossarnir að gera sér grein fyrir því að ekkert Meðlima-Ríki fær yfirdrátt hjá Evrópska Seðlabankanum eða Kerfi Evrópskra Seðlabanka undir honum. Öll Meðlima-Ríki kaupa evrur á sínu umsamda jöfnunargengi.

Fjármögnun fer fram í gegnunum einkabanka og kauphöll. [eykur virkni]

Evru upptaka merkir að einkabankarnir fá ekki afhentar krónur hjá Seðlabankanum á Íslandi  heldur skammtaðan kvóta af evrum sem hann kaupir frá Seðlabankakerfi og Seðlabanka Evrópu á jöfnunargengi falinnar krónu.

Hvað eigum þá að gera ef fáir Íslendingar flytja allar evrunnar úr landi. 

Eftir að kjör almennings fóru niður í Norður hlutanum [í samanburði við Suðurhlutan] þá byrjaði að halla undan lávirðisauka túrisma í Suðri.

[Sigurður Ingólfsson, 24.11.2009 kl. 15:23]

Hvað þarf til að fá fólk til þess að viðurkenna að rök þeirra og stefna í Evrópumálum er röng ? Þessi grein þín er algjörlega rökheld og ætti að vera skyldulesning fyrir krata og aðra sem tekið hafa stefnuna í suðaustur.