Samsæri Steingríms J

gegn bæjarstjórnarmeirihlutanum sem þá hafði staðið farsælllega  í  18 ár  í Kópavogi framdi hann þegar hann í skjóli nætur rak alla stjórn Lífeyrisjóðs Starfsmanna Kópavogskaupstaðar og framkvæmdastjóra frá völdum og setti sinn kommúnista yfir málin.   Ástæðan var að þessir aðilar  höfðu verndað lífeyri eigendanna með því að ávaxta laust fé í bæjarsjóði Kópavogs, sem er ábyrgðarmaður lífeyrisisjóðsins. Fleiri sjóðir á vegum bæjarfélaga gerðu eins en þar voru þóknanlegir menn við völd. Þetta var á tíma nýhrundra banka og þjóðfélagið logaði stafna á milli í hatri og tortryggni.

Að því er virðist hefur rannsókn málsins verið skipulega dregin á langinn til þess að valda sem mestum skaða á viðkomandi persónum sem eru úr öðrum stjórnmálaflokkum en ráðherrans. En nú hefur rannsókn málsins staðið í 3 ár, ég endurtek 3 ár. 3 ár til að rannsaka einfalt mál sem liggur á borðinu. Engu var stolið, ekkert fá tapaðist, ekkert lán var afskrifað, engar vinnuferðir voru farnar, engin spilling, engin vinafyrirgreiðsla, engir búsetustyrkir þegnir.  Lífeyrissjóður starfsmanna Kópavogs skilaði bestu ávöxtun lífeyrissjóða landsins árið sem þessi glæpur var framinn.

Hinsvegar er morgunljóst hver afleiðingin er orðin fyrir þolendurna sem nú hafa verið ákærðir og skulu koma fyrir dómara. Mannorð viðkomandi hefur verið dregið niður í svaðið. Fylgi Sjálfstæðisflokks og Framsóknarflokks beið hnekki vegna þess málflutnings að málsaðilarnir ef ekki allir flokksmenn líka  úr þeim flokkum séu glæpamenn sem enginn getur komið nálægt með 10 feta stöng. Samfylkingarfulltrúinn segist ekki hafa skilið neitt í því sem hann var að gera og því segist hann saklaus. Hinir tveir, Gunnar I Birgisson og Ómar Stefánsson eru ósamstarfshæfir af því þeir séu "glæpamenn undir ákæru" eins og málflutningurinn hljómar.

Sú grundvallarregla að hver maður sé saklaus þar til sekt hans sé sönnuð gildir ekki þegar Steingríms-réttlætið á í hlut eða túlkun hans á því meðal andstæðinga þessara flokka.

 

Athugasemdir

[Helga Kristjánsdóttir, 12.2.2012 kl. 20:32]

Ofstækið olli tímabundnum skaða,rétt eins og mál Geirs,nú er fylgi Samfylkingar að dala og verða eins lítið og það var hjá forvera þess Alþýðuflokknum.

[Júlíus Björnsson, 13.2.2012 kl. 22:24]

Ísland í dag er draumur Sossa élítu, allir á hjóli, raðir í samfylkingar einokunar drasverslum, laukur og kartöflur uppistaðan í fæðunni, og allir leigendur síns íverustaðar. Seðlabankar UK og EU hafa leiðrétt vöruviðskipta gengi Íslands miðað PPP og HCIP og enga raunávöxtunar kröfu eða ofurlífeyri í vöruverðum. Þetta eru svipaðar rauntekjur og á hvern íbúa þýsklands, enn þá. Það þarf enga sérfræðing að sjá hér verða ekki nema 200.000 hræður eftir 15 ár, eða lið sem sem sættir sig við Litlu Ráðstjórnar Sovét. Eignarupptak er algjör hvað varðar Íslenska millistétt í anda Stalíns, eða Hitler gagnvart Gyðingum.