Leita í fréttum mbl.is

Bloggfærslur mánaðarins, ágúst 2017

Áhrifamaður í Sjálfstæðisflokknum ??!!

Robertsem ég á að vera virðist vera aðalatriðið í athugasemdum nafnlausu kommatittanna sem kalla sig virka í athugasemdum í netheimum og sjá ástæðu til að senda mér athugasemdir á mitt ómerkilega blogg.  Hringja meira að segja í dóttur mína sem er í opinberu stjórnmálastarfi öfugt við mig og hóta henni pólitískum eldi og brennisteini ef kallinn sé að skrifa þetta sem þeim ekki líkar. Góða fólkið er virkilega að sanna sig að víðsýni sinni, góðvild  og rökvísi.

Það þykist vera þess siðferðislega umkomið að geta dæmt Róbert Árna í ævilanga útlegð og starfsbann fyrir brot sem hann er búinn að afplána ýtrustu fengelsisirefsingu fyrir. Það er sallað á mig í DV og athugasemdum fyrir meinta siðferðisbresti að mati þessara stórmenna.

Þeim til upplýsingar er mér er slétt sama um svona gelt í hugleysingjum bak við dulnefni hvað þá það sem skrifað er í þetta DV.   Ég hef bara sagt það sem mér finnst um málið og stend við það. Af umræðunni má ráða að Róberti Árna virðist ekkert hæfa nema dauðinn einn að mati þessa Góða fólks. Virkilega blóðþyrstur hópur er þetta lið. Engin fyrirgefning, ekkert vopnahlé,  eilíf útskúfun,  til andskotans með manninn og lengra ef hann kemst. Hvers á þessi dæmdi maður úrkosti? Verður hann ekki að fara af landi brott í ævilanga útlegð eins og var á Sturlungaöld? 

Það er svo eftir öðru hjá þessu liði að auðvitað skal reynt að sverta  Sjálfstæðisflokkinn af því að ég, af öllu fólki, leyfi mér að ræða um Róbert Árna þegar svo margir sækja að honum.   Ég virðist til dæmis skipta miklu minna máli hjá DV og það sem ég skrifa heldur en að ég muni vera einhver  áhrifamaður í Sjálfstæðisflokknum.

 Aldrei hef ég upplifað það að mínar skoðanir hafi verið mikils metnar í þeim flokki enda á ég víst Íslandsmetið í því að falla í miðstjórnarkosningum á mörgum Landsfundum þess flokks. Áhrifamaður!. Tjui!  Það var þá helst!

Þessi miðstjórnarkjör sýna auðvitað hvað þessi flokkur er greindur á Landsfundi. Enda er ég steinhættur að bjóða mig fram til starfa fyrir Sjálfstæðisflokkinn fyrir löngu og horfi bara á sýninguna sem einhverjir aðrir áhrifamenn stjórna en ég. 

 


Hvar er ættjarðarástin?

á hjá kommatittunum á Fréttablaðinu?

Svo skrifar Kjartan Hreinn Njálsson í blaðið það:

"Það fellur í skaut komandi kynslóða að takast á við afleiðingar loftslagsbreytinga.

Eftir rúmlega tvö hundruð ár af framförum og tilheyrandi losun gróðurhúsalofttegunda finnum við nú fyrir fyrstu hrinu áfalla sem rekja má til hnattrænna breytinga á veðrakerfum Jarðarinnar. Á komandi áratugum munu þessi áhrif magnast og verða sífellt skelfilegri fyrir samfélag mannanna og náttúruna sem við eigum tilvist okkar að þakka. Að óbreyttu mun hitastig plánetunnar halda áfram að hækka, með þurrkum, skógareldum og hitabylgjum. Fellibyljir verða öflugri og sjávarstaða mun hækka um 30 til 120 sentímetra fyrir árið 2100.

Þjóðir heims hafa sameinast um sögulegt samkomulag sem felur í sér að halda hnattrænni hlýnun vel undir tveimur gráðum (hlýnun miðað við tíma fyrir iðnbyltinguna er í kringum eina gráðu núna). Þó svo að lítið bóli á róttækum aðgerðum og óstöðugt stjórnmálaástand í nokkrum af helstu iðnríkjum heims ógni þessu markmiði, þá er ekki öll von úti.

Breytingar á loftslagi Jarðarinnar eru óumflýjanlegar, það eina sem við getum gert er að berjast fyrir því að halda þeim í lágmarki. Börnin okkar þurfa að heyja þessa baráttu á sama tíma og þau takast á við breyttan veruleika. Framlag einstaklingsins til að stemma stigu við losun gróðurhúsalofttegunda er takmarkað, en þó mikilvægt. Þjóðríkin, borgaryfirvöld og einkafyrirtækin verða að axla sína ábyrgð. Einstaklingarnir, ég og þú, getum með okkar litla framlagi mótað nauðsynlegan tíðaranda breytinga. Gjörðir okkar geta hraðað orkuskiptum og breytingum á þjóðmálastefnum sem annars tæki áratugi að ná í gegn.

Þannig þurfum við að hefja undirbúning unga fólksins fyrir þessa baráttu og útskýra fyrir því að gamlar og skynsamlegar hugmyndir eins og að flokka rusl eru ekki til þess fallnar að hafa mikil áhrif.

Til þess að hafa raunveruleg áhrif þarf komandi kynslóð taka upp bíllausan lífsstíl, eignast færri börn, draga úr flugferðum og leggja meiri áherslu mataræði sem byggir á grænmeti. Sá sem neytir fyrst og fremst grænmetisfæðis leggur fjórum sinnum meira af mörkum til minnkunar losunar en sá sem aðeins flokkar og endurvinnur rusl. Þetta eru þær aðferðir sem skila mestu, bæði þegar horft er til losunar og áhrifa á stefnumörkun.

Þetta er þekking sem börnin okkar fá ekki á skoðanasíðum Fréttablaðsins. Þetta er þekking sem fæst með uppeldi og kennslu. Þar sem við gefum komandi kynslóðum breytt heimili í vöggugjöf, þá ættum við einnig að gefa þeim þekkinguna og viðhorfið sem þarf til að hafa áhrif á þann heim."

Á sama tíma vill þetta lið flytja inn fleiri hælisleitendur og flóttamenn frá óskyldum óþjóðum og skipta þannig u þjóð í landinu. Talar svo umm menningararf Íslendinga þess á milli!

Það fer ekki mikið fyrir ættjarðarástinni á Baugsmiðlinum. 


Hófsemi og yfirvegun

kemur fram í bréfi Gunnars Heiðarssonar til mín. Hann skrifar:

" Það er undarleg lenska sjálfskipuðu fræðimannanna á svið loftlagsfræða, að vilja alltaf miða við hvernig loftslagið var hér á jörðu í byrjun 20 aldar, undir lok litlu ísaldar.

Vill virkilega fólk hafa slíkt veðurfar á jörðinni? Þar sem uppskerubrestur var nánast árlegur, sökum kulda og siglingaleiðir lokaðar stórann hluta árs. Vilja Íslendingar fá aftur slíkt veðurfar, þegar hægt var að fara gangandi milli Akraness og Reykjavíkur á ís?

Það er engum blöðum um að flétta að veðurfar á jörðinni hefur batnað, frá lokum litlu ísaldar. Er það svo slæmt?

Hvert hið "rétta" hitastig jarðar skuli vera hefur enginn getað svarað, enda sennilega alltaf rétt hitastig á jörðinni, bara mis hátt.

Um ástæður þess hvers vegna hitastig hefur hækkað, frá lokum litlu ísaldar eru menn hins vegar ekki sammála.

Gróðapungar halda sínu fram og hafa keypt til sín fjölda "fræðinga" til að halda upp sínum málstað. Alvöru loftlagsfræðingar halda hins vegar fram að þetta skapist af náttúrulegum orsökum, að orsakavaldurinn sé fyrst og fremst sólin.

Hvað um það, þá má maður þakka fyrir að lifa svona góðæri. Hversu lengi það varir veit enginn, en vonandi að börn manns og barnabörn fá sem lengst að njóta þessa góða loftlags. Það mun kólna aftur."

Vilja okkar loftslagsspekingar úr röðum vinstri manna, aðallega úr VG, virkilega að við fáum aftur harðindaár með grasleysi?Vilja menn fá litlu ísöldina aftur þegar Ísland var nær óbyggilegt til landsins ár eftir ár?. Vilja menn hafís á Húnaflóa og túnakal ár eftir ár eins og var upp úr 1960?

Það væri gaman að vita hvað þeir telja eðlilegt árferði kommatittirnir? Þeir þekkja víst ekki  hófsemi eða yfirvegun í loftslagsumræðum frekar en í þjóðfélagsréttlætinu, kjaramálum eða þessháttar.


Sama króna notuð oft?

er hagfræði vinstri manna þegar kemur að góðverkum. Þeir virðast halda að getan til góðverka sé endalaus og sama krónan verði notuð að vild þeirra og óskhyggju.

Einar S. Hálfdánarson skrifar svo í Mogga dagsins:

"Kolbeinn Óttarsson Proppé, þingmaður Vinstri grænna, segir það bull og lýðskrum að tengja aðstoð við flóttafólk og hælisleitendur við stöðu fátækra Íslendinga. „Hættiði þessu rugli. Þetta er mannfjandsamleg skoðun og stórhættuleg, því hún gerir ekkert nema viðhalda fátækt,“ segir þingmaðurinn. „Það tengist því jafn mikið og því sem stjórnarráðið eyði[r] í ljósritunarvél og malbikun í Berufjarðarbotni.“

Af framansögðu má ljóst vera að þingmaðurinn er greindur vel og rökfastur eftir því. Hver lætur ekki sannfærast eftir lesturinn? Þjóðin á að hlusta þegar Kolbeinn tjáir sig um fjármál; þar er hann á heimavelli. Kolbeinn er ekki einn um þessa skoðun og málflutningur á borð við þennan er engan veginn einsdæmi. Þvert á móti býst ég við að meirihluti vinstrimanna deili svipuðum skoðunum.

Þjóðarkakan

Hið rétta er auðvitað að það sem stjórnarráðið eyðir í ljósritunarvél og malbikun í Berufjarðarbotni tengist. Fjármunir sem notaðir voru í Vaðlaheiðargöng eru farnir, sokknir. Landspítalinn eða eitthvert annað verkefni varð af þeim. Þeir sex milljarðar sem í ár fara í raunverulega flóttamenn og svo hina sem hingað koma í frítt fæði, þjónustu og uppihald verða ekki notaðir til annars.

Hver þjóð hefur nefnilega bara svonefndar þjóðartekjur til ráðstöfunar líkt og heimili ráðstöfunartekjur sínar. Þess vegna fer sá sem segir að fjármunina mætti nota til aðstoðar þurfandi hvorki með bull né lýðskrum. Og þeir sem átta sig ekki á samhenginu eru í slæmum málum.

Raunar er málflutningur Kolbeins talandi dæmi. Hann er rökþrota og grípur því til þvílíks málflutnings.

Almenningur áttar sig

Kona sem starfar við leigubifreiðaakstur greindi frá því um daginn á facebook að hún hefði nýlokið að keyra mann frá NorðurAfríku í læknisskoðun. Hann lét vel af sér. Þetta var þriðja landið sem hann gat þess við komuna að hann væri á flótta í. Þá opnast allar dyr og ekki síst á Íslandi. Hann er með frítt upphald, húsnæði, drjúga vasapeninga og heilbrigðisþjónustu (enginn biðlisti þar). Meira að segja tannlæknirinn er til reiðu. Með öðrum orðum þá er hann tekinn fram fyrir innfædda. Segi menn svo að hér sé ekki lengur gestrisni! Hvort ætli „flóttamennirnir“ líti svo á að við séum virðingarverðir eða blábjánar?

Hvað finnst flóttamönnum?

Mér var sagt frá flóttamönnum sem hingað komu ekki alls fyrir löngu við illan leik. Þeir höfðu lent upp á kant við stjórnvöld í föðurlandi sínu. Þar er slíkt ekki tekið út með sældinni þar sem sjaríalögin eru í hávegum höfð. Á Íslandi sæta slík ríki ekki miklum ávirðingum; við geymum gagnrýnina handa Trump forseta. Það undraði þessa ungu menn að félagar þeirra í bústaðnum fyrir hælisleitendur virtust geta verið akandi og þar að auki stundað ýmsa svarta atvinnustarfsemi. Einhvern tíma þótti það ekki góð latína á vinstri bæjum. – En eins og svo oft á Íslandi þá er mælikvarðinn lagaður að viðfangsefninu.

Sveinbjörg Birna

Hún Sveinbjörg Birna vandaði sig ekki um daginn þegar hún vék gagnrýnisorðum að málefnum flóttamann og fékk makleg málagjöld. Norðmenn afgreiða Albani og slíka á einum degi. Oft þegar maður kemur á Fornebu frá Austur-Evrópu fer enginn frá borði nema sýna vegabréf. (Norðmenn eru í Schengen, það stoppar ekki almenna skynsemi þar). Lögreglan afgreiðir svo málið. Enginn dómari og Rauði krossinn að sinna öðru.

Málgagnið mbl.is fékk vitnisburð um hversu miklu betur við stæðum okkur. Hér stæði þeim allt til boða. Nema hvað? Hér er Unnur Brá gerð að forseta Alþingis fyrir gott fordæmi. "

Sokkinn kostnaður er hugtak sem vinstri menn skilja ekki. Þeir halda að það sé bara nóg að benda á vandamálin og þá sé hægt að leysa þau með sömu krónunni.


Heimsendaspámenn

TX-major-hurricanes-vs-Gulf-SSTs-550x413 (1)

rjúka upp og segja:

QED, allt vegna losunar á gróðurhúsalofti!

 

Í fréttunum í gær kom fram að eigg skemmtiferðaskip í tómagangi í Sundahöfn losar jafnmikið og allir bílafloti landsmann á einni viku. Hvað losar það þegar það fer í gang að sigla? Iðullega 3 í einu í höfninni allt sumarið.

Aðeins 17 stóru gámaskipin á höfunum losa jafnmikið og allur bílafloti jarðarinnar. Okkar túrismi lifir mikið á fluginu. Þar uppi er losunin mun skilvirkari og áhrifameiri. Bílarnir okkar mælast varla í þeim samanburði

En eins og þetta línurit segir er engin ástæða til að draga þá ályktun að Harvey í Texas sé einhver  birtingarmynd losunar manna á CO2. Þetta er náttúrlegt fyrirbrigði þar sem óheppilegar aðstæður raðast saman. 

Trump mun ekki láta heimsendaspámennina trufla sig eða fara að hlusta meira  á fjörtíuþúsund fífl gróðapungsins AlGore frá París.


Er ekki komið að Íslendingum

að senda Bandaríkjamönnum aðstoð vegna flóðana í Texas?

Ekki stóð á þeim að hjálpa okkur þegar gaus í Vestmannaeyjum svo dæmi sé tekið.

Er ekki rétt að við gerum eitthvað núna Íslendingar?


Berufsverbot?

eða svipting atvinnuþekkingar virðist vera efst á baugi hjá þeim sem djöflast á Róberti Árna.

Maður þessi beitti engan ofbeldi, nauðgaði engum heldur keypti sér það sem hann gat keypt.Sem ekki var sjálfsagt við hæfi.

Hann er stöðugt milli tannanna á góða fólkinu vegna þess að hann er lærður lögfræðingur og má aftur vinna á þeim vettvangi. Hann mætti til dæmis rukka alveg eins og að dæma í sakamálum. Nei, hann skal skila ærunni aftur og vera hrakinn allstaðar.

Annar maður nauðgaði fósturdóttur sinni nær daglega til fullorðinsára. Hann fékk líka uppreisn æru um leið og Róbert Árni. Hans nafns er hvergi getið. Fæstir vita hver hann er eða hvað hann má gera og ekki gera. Öllu góða fólkinu virðist sama um það. Er hann betri eða verri en Róbert Árni?

Gyðingar sættu Berfufsverbot(sviptingu atvinnuréttinda) í þriðja ríkinu. Er góða fólkið hér eitthvað betra?


Skurðstofur eða skemmtiskokk

á Vestfjörðum?

Tveir læknar, Tómas Guðbjartsson og Ólafur Már Björnsson og  skrifa í Fréttó um alla fossana sem þeir vilja hafa ósnerta á Vestfjörðum.

Geta þeir hugsað sér að standa uppi straumlausir á skurðstofum á Ísafirði ef þeir þyrftu að fara að vinna á Vestfjörðum í stað þessa að skemmtiskokka?

Eiga Vestfirðingar ekki að að fá rafmagn til nauðsynlegrar starfsemi vegna þess að einhverjir spéfuglar að sunnan vilja glápa á einhverja fossa á Vestfjörðum? Ætlum við ekki að búa í þessu landi öllu með því sem nútíminn krefst?

Til þess þarf rafmagn í skurðstofur sem aðra starfsemi nútíma samfélags, ekki bara skemmtiskokk með bakpoka. 


Hvað gerir Sue Ellen næst?

mun J.R. jafna um Clive?

Katrín Jakobs skrifar í Fréttó um framtíðina í stjórnmálunum:

"Heilbrigðisráðherra var á vorþingi þráspurður um það hvert hann hygðist stefna hvað varðar einkarekstur í heilbrigðiskerfinu. Ráðherrann margítrekaði að ekki stæði til að fara í neinar grundvallarbreytingar á heilbrigðiskerfinu eða að auka stórkostlega við einkarekstur í kerfinu. Nú lítur hins vegar út fyrir að flokkur heilbrigðisráðherra, Björt framtíð, sem talaði mjög fyrir kerfisbreytingum á sviði sjávarútvegs og landbúnaðar fyrir kosningar, ætli sér fyrst og fremst kerfisbreytingar í átt til aukins einkarekstrar í heilbrigðiskerfinu.

Aðrar kerfisbreytingar hafa gufað upp. Þannig bárust í síðustu viku fréttir af því að Sjúkratryggingar Íslands hygðust semja við Klíníkina við Ármúlann um brjóstnám og brjóstauppbyggingu á konum sem greinast með BRCA-genið.

Hingað til hafa þessar aðgerðir sem krefjast innlagnar og kalla á sérhæfða þjónustu eingöngu verið gerðar á Landspítalanum en Klíníkin hefur lengi sóst eftir samningi um þessar aðgerðir eins og fjallað hefur verið um á opinberum vettvangi og vísað til langra biðlista á spítalanum. Því var hafnað af síðasta heilbrigðisráðherra, Kristjáni Þór Júlíussyni. En nú er ákveðið á vakt Bjartrar framtíðar að semja við einkaaðila og opna þar með á enn frekari einkavæðingu í heilbrigðisþjónustunni.

Fram undan eru fleiri stórar ákvarðanir. Hvað mun heilbrigðisráðherra gera þegar kemur að ákvörðun um rekstur sjúkrahótels sem nú er verið að reisa á lóð Landspítalans við Hringbraut?

Mun hann fela Landspítalanum rekstur þess eins og spítalinn hefur sjálfur óskað eftir?

Eða bjóða reksturinn út til að færa enn stærri hluta heilbrigðiskerfisins í hendur einkaaðila sem greiða sér svo arð úr rekstrinum?

Sveltistefna gagnvart almannaþjónustu virðist vera helsta lím þessarar ríkisstjórnar. Í stað þess að fylgja vilja meirihluta landsmanna sem vill sjá meira fé renna til heilbrigðiskerfisins og enn fremur að það sé félagslega rekið á að viðhalda sveltistefnunni sem birtist kýrskýrt í nýsamþykktri fimm ára fjármálaáætlun og standa fyrir enn frekari einkavæðingu á almannaþjónustu.

Um það snýst þessi ríkisstjórn, þetta eru einu kerfisbreytingarnar sem hún stendur fyrir. Það þarf líklega ekki að leita annarra skýringa á því hvers vegna hún er að loknu hálfu ári enn óvinsælli en sjálfur Donald Trump."

Hvað gerir Michael og Miss Elly næst?

Skyldi þetta vera dæmi um framtíðarsýnir V.G.? Er þetta allt sem formaður V.G. hefur til  málanna að leggja? Getraunastíll um skuggaleg áform ríkisstjórnarinnar? Er þetta stefnan? Eru þetta tillögurnar? Eiga kjósendur að meta þetta sem gott og gilt?

Enda þorði Katrín (mik-eða lit-) la ekki að taka þátt í ríkisstjórn þegar henni bauðst það. Hún vill heldur stunda svona svona skeytasendingar í  Dallas-stíl á síðum Kratamálgagnsins. Þar vildi hún jú helst vera með Steingrími J. á sínum tíma. Man einhver ráðherratíð hennar eða helstu afrek? 

Eru ekki margir sem sakna hennar Sue Ellen og vildu vita hvað hún gerir næst?

 


Eigum við að láta kúga okkur til samúðar?

til samúðar?

Svo segir Moggi:

" Kær­u­nefnd út­lend­inga­mála hef­ur synjað níg­er­ísku hjón­un­um Sunday Iserien og Joy Lucky um end­urupp­töku á máli þeirra og þar með staðfest ákvörðun um að senda þau og átta ára gamla dótt­ur þeirra Mary úr landi og til Níg­er­íu. 

Frétt mbl.is: Segja dauðann bíða sín í heima­land­inu

Geng­ur í skóla í fyrsta sinn á æv­inni

Hjón­un­um barst synj­un­in í dag, en þau hafa búið hér á landi í eitt og hálft ár. Hingað kom fjöl­skyld­an í leit að betra lífi eft­ir að hafa upp­lifað of­beldi, fá­tækt, hót­an­ir og gríðarleg áföll í heima­land­inu og á Ítal­íu þangað sem þau flúðu fyr­ir níu árum. Þar var Joy fórn­ar­lamb man­sals, en Sunday hafði upp­lifað póli­tísk­ar of­sókn­ir í heima­land­inu.

Hér á landi líður þeim vel, eins og fram kom í viðtali við þau á mbl.is í síðasta mánuði, þar sem þau sögðust jafn­framt upp­lifa ör­yggi í fyrsta sinn í ára­tug. Sunday hef­ur starfað hjá sama bygg­inga­fyr­ir­tæki síðastliðið eitt og hálft ár, og Joy hef­ur sótt ís­lensku­nám­skeið og kirkju hér á landi. Þá geng­ur Mary í skóla í fyrsta sinn á æv­inni. Hér líður henni vel og hef­ur náð góðum tök­um á ís­lensku. Hún er fædd á Ítal­íu og hef­ur aldrei búið í Níg­er­íu.

Frétt mbl.is: Stúlk­urn­ar „svipt­ar sín­um rétti“

Biðluðu til al­menn­ings

Hjón­in biðluðu fyrr í sum­ar til al­menn­ings og stjórn­valda að skoða málið og leyfa þeim að vera áfram hér á landi, en þau segja dauðann bíða sín í heima­land­inu. Þá voru und­ir­skrift­ir 2.500 Íslend­inga af­hent­ar full­trúa dóms­málaráðuneyt­is­ins fyrr í mánuðinum, þar sem þess var kraf­ist að mál fjöl­skyld­unn­ar yrði end­ur­skoðað.

Þeir sem hafa kynnst hjón­um við nám og starfi bera þeim góða sög­una, og segja þau standa sig af­burða vel. 

Joy er þó illa far­in á sál og lík­ama vegna reynslu sinn­ar. Hún glím­ir við und­ir­liggj­andi and­leg veik­indi og hef­ur hrakað mjög mikið á sein­ustu vik­um og mánuðum. Nú ný­lega var henni vísað á bráðadeild og hef­ur hún hlotið aðhlynn­ingu þar, og er í áfram­hald­andi meðferð.

Frétt mbl.is: Vita ekki hvenær brott­vís­un fer fram

Rétt­ur barna oft brot­inn

Þá hef­ur fjöl­skyld­an fundað með umboðsmanni barna þar sem fram kom að embættið teldi að í mál­um sem þess­um væru rétt­indi barna oft brot­in þegar rétt­ur þeirra til að tjá sig væri sniðgeng­inn. Ekki væri hægt að ákv­arða um hags­muni barna eða hafa þá að leiðarljósi ef sjón­ar­mið þeirra væru ekki tek­in til greina.

Í nýj­um út­lend­inga­lög­um seg­ir í 25. gr. að hags­mun­ir barns skuli hafðir að leiðarljósi. Barni sem myndað get­ur eig­in skoðanir skuli tryggður rétt­ur til að tjá sig í máli sem það varðar og tekið skuli til­lit til skoðana þess í sam­ræmi við ald­ur og þroska.

„Við málsmeðferð fjöl­skyld­unn­ar er því haldið fram af hálfu stjórn­valda að þau hafi það sem bestu [sic] fyr­ir Mary að leiðarljósi en það get­ur ekki staðist skoðun að það sé barni fyr­ir bestu að vera rifið upp með rót­um og flutt til lands þar sem það hef­ur aldrei búið, og framtíð þess er ekki tryggð. Fjöl­skyld­an átti fund með embætti umboðsmanns barna sem hef­ur lýst yfir áhyggj­um sín­um af mál­efn­um barna sem óska eft­ir vernd hér á landi,“ seg­ir í til­kynn­ingu frá No Bor­ders Ice­land vegna máls­ins.

Tengsl við landið virt að vett­ugi

Seg­ir þar jafn­framt að litið hafi verið fram hjá því með öllu að Joy og fjöl­skylda henn­ar eigi enn þá á hættu að sæta of­sókn­um af hálfu þeirra sem seldu hana í vændi fyr­ir hart­nær ára­tug. „Vísað er til þess að hún geti leitað til yf­ir­valda þar í landi en marg­vís­leg­ar skýrsl­ur benda til þess að yf­ir­völd séu ým­ist ekki hæf eða of spillt til að tak­ast á við slík mál og að íbú­ar lands­ins treysti ekki yf­ir­völd­um fyr­ir slík­um mál­um. Þá hafa tengsl fjöl­skyld­unn­ar við landið einnig verið virt að vett­ugi.

Fjöl­skyld­an var með gilt dval­ar­leyfi á Ítal­íu þegar þau komu hingað, vegna reynslu Joy og aðstæðna þeirra. Þau ákváðu að yf­ir­gefa Ítal­íu vegna stöðugra hót­ana samlanda Joy sem standa að baki man­sali og vonuðust til að Ísland yrði friðsælli staður."

Konan er ekki nígerísk heldur Ítali. Hver segir að hún segi satt?

Það eru milljónir manna sem geta sagt okkur sögur og vælt í okkur. Þau eru bara búin að fá að vera hér allt og lengi vegna okkar eoigin ræfildóms. Auðvitað má vorkenna öllum sem eiga bágt. En á þetta fólk svo bágara en allt annað að það megi kúga okkur til samúðar?

 


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband