Leita í fréttum mbl.is

Bloggfærslur mánaðarins, desember 2015

Margrét kveður

fangelsið á LitlaHrauni og segist ekki vera á leiðinni í forsetaframboð.

Það var auðvitað að hún gerði mér þetta því ég hefði kosið hana EF...

Enginn annar frambjóðandi hefur skírskotað til mín eins og hún Margrét Frímanns EN ...

Við bíðum öll með óþreyju þó Margrét hafi kvatt- allavega að sinni.


Er ekki nóg komið

af þessari brjálæðis samþjöppun peningasöfnunar undir tilviljanastjórn af götunni?

Svo segir í Mogga:

"Heildareignir íslenskra lífeyrissjóða um áramótin verða um 3.200 milljarðar króna, eða um 300 milljörðum króna meiri en í ársbyrjun.

 

Þetta kemur fram í áætlun Gunnars Baldvinssonar, framkvæmdastjóra Almenna lífeyrissjóðsins, sem hann vann að beiðni Morgunblaðsins. Til samanburðar lækkuðu eignir sjóðanna um rúmlega 400 milljarða eftir efnahagshrunið haustið 2008.

 

Gangi þessi áætlun eftir munu eignirnar hafa aukist um 822 milljónir króna á hverjum einasta degi ársins.

 

Gunnar segir lífeyrissjóðina hafa hagnast á hækkandi hlutabréfaverði.

 

»Innlend verðbréf draga vagninn en á fyrstu ellefu mánuðum ársins hækkuðu innlend hlutabréf um rúm 38%. Innlend hlutabréf vógu 15% af eignum sjóðanna í ársbyrjun en í árslok hafði hlutfallið hækkað í nálægt 20% af eignum,« segir Gunnar um þróunina í ár. "

Ríkið og sveitarfélögin berjast í bökkum. Þessir aðilar eiga tilkall til svona þriðjungs af þessum peningum í formi skattgreiðsla sem verða hafnar þegar greitt er út úr sjóðunum. Þá hafa lífeyrisjóðafurstarnir verið búnir að veltast með þessa peninga áratugum saman. Tapa þeim, eða velta þeim til einhvers hagnaðar. Fyrir hverja? Þá sem eiga að fá lífeyrinn?

Að hluta til rétt. En líka hafa þeir lagt undir sig allt á Íslandi. Öll fyrirtæki sem eitthvað kveður að eru í eign sjóðanna og undir stjórn þessara fursta sem enginn eigandinn kaus heldur eru valdir eftir kjafthætti þeirra hvers og eins. Ekki eftir hæfileikum til annars.Might makes right! Þeirra verður dýrðin.

Hvenær sem eitthvað á að gera í þjóðfélaginu  er kallað eftir að lífeyissjóðirnir komi að þessu eða hinu. Kaupi banka, kaupi Landsvirkjun, kaupi allt sem nöfnum tjáir að nefna.  Í munni Sjálfstæðismanna kallast þetta einkavæðing. Svo er líka samfélagsvæðing farin að heyrast fra´þeim um sama fyrirbrigðið. Samfélagsbanki á að veita einkabönkunum samkeppni. Hvað með RÚV og þá Útvarp Sögu, ÍNN og  Stöð2 ? Þarf ekki ríkisflugfélag til að veita Flugleiðum samkeppni?

En er þetta fræðilega tal ekki frekar um lífeyrissjóðavæðingu en einkavæðingu? Hver er afleiðingin fyrir þjóðfélagið? Sósíalismi segi ég. Ef Hannes Hólmsteinn hefur betri skýringar þá þessu  þætti mér fengur að þeim svo ég viti hverju ég eigi að trúa.

Ég held að þróunin verði hinsvegar meiri spilling og minni arðsemi. Óhjákvæmilega eins og reynslan hefur verið undir sósíalismanum allstaðar. En undir honum er fjármununum stjórnað af þeim sem ekki eiga neitt í þeim eins og í hreinum ríkisrekstri. Þá fara þeir að þjóna einkahagsmunum stjórnendanna frekar en öðru.

Hvenær sem talað er um ríkisrekstur fara ýmsir "nýfrjálshyggjuspekingar" sem kommarnir kalla svo að heimta honum sé breytt í einkarekstur til að bæta hann.  En þeir sem eiga nauðsynlega peninga til að kaupa eru ekki neinir nema lífeyrissjóðir sem eiga bankana sem búa til peningana. Sem svo lána þeim frökkustu fyrst. En bankarnir en framleiða verðbólguna með peningaprentuninni Og verðbólgan framleiðir spillinguna og flest öll mein þjóðfélagsins. Þessi fákeppnisframleiðsla dag og nátt nemur 822 milljónum á dag hjá lífeyrissjóðunum til biðbótar við peningaframleiðslu  bankanna í rafeyri.

Ríkið vantar peninga til að borga undir flóttafólkið og fleira tengt aumingjamálum sem Alþingi framleiðir. Sveitarfélögin þurfa peninga í meiri aumingjaframfærslu, ferðalaga spíssanna og alla aðra spillingu þeirra og góðverkagerð á félagsmálasviðinu. Hvernig væri að sækja þá strax af iðgjöldunum í spillingarsjóðakerfið íslenska.

Ég tel að það mætti skoða að breyta lífeyissjóðakerfinu að hluta til í gegnumstreymiskerfi í Seðlabankanum. Þar eigi hver gjaldandi sína skúffu á sínu nafni.Þaðan komi lífeyrir launþegans þegar nóg er lifað.Spara lífeyrissjóðabatteríið eitthvað eða minnka það.

En auðvitað er þetta tómt mál að tala um. Því þeir sem eru búnir að fá völdin og peningana skila þeim aldrei ótilneyddir. Og þeir sem við taka reynast yfirleitt ekki hótinu betri eins og stjórnmálasaga okkar ber og vinnubrögðin á Alþingi bera vitni um.

Þar er aldrei nóg komið.

 

 


Misskilningur Birgittu

fannst mér vera sá möguleiki að gríðarlegt fylgi Pírata í skoðanakönnunum væri ekki tilkomið vegna aðdáunar þessa fjölda  á forystu hennar og meðreiðarsveinanna í stjórn litlu Píratahreyfingarinnar sem kom henni á þing, heldur eitthvað allt annað?

Það er margt fólk þarna úti sem hefur reynslu af hinu hefðbundna stjórnmálastarfi og egódýrkun forystumanna flokkanna eins og hún birtist okkur. Ég hef ekki hugmynd um það hvernig þessi hjörð myndi greiða atkvæði yfirleitt í næstu kosningum en hygg að Birgitta yrði hissa á einhverju.

Bjarni Benediktsson fjármálaráðherra er ekki sjálfstæðisstefnan holdi klædd í dag, Hann er ekki birtingarmynd hugsjóna Sjálfstæðisflokksins heldur nokkurskonar  ríkisstarfsmaður í fjármálaráðuneytinu, að vísu fjármálaráðherra Sjálfstæðisflokksins og formaður hans, en kosinn í það embætti af tiltölulega fáum Landsfundarfulltrúum miðað við þann fjölda sem kaus flokkinn til sjávar og sveita. En Sjálfstæðismenn eru margir að spyrja sig í dag hvernig forystan ætli að ná gamla fylginu flokksins til baka? Hvort flokkurinn ætli bara að stansa í svona fjórðungs fylgi og vera ánægður með það til frambúðar? Hvar eru  nú allar heitstrengingarnar á Landsfundinum liðna?. Sjást þær einhversstaðar?

Árni Páll er á sama hátt ekki óumdeildur foringi Samfó, Katrín Jakobs annaðhvort fulltrúi Steingrímsliðanna eða ekki og svo framvegis. Það er formanna að fara fyrir ósamstæðum hjörðum og ná því besta út. Árni Páll er brjóstumkennanlegur með deyjandi flokk sinn alveg eins og hún Katrín Jakobsdóttir með sinn. Guðmundur Steingríms er  orðinn að þátíð með sinn flokk og svo kominn að það er ekki  einu sinni hægt að vorkenna honum lengur þó maður vildi.

Ég er ekkert viss um að Birgitta yrði kosinn kapteinn Pírata ef allsherjar kosning færi fram meðal þeirra sem svöruðu í skoðanakönnunum. Birgitta klökknar hinsvegar yfir því hversu margir Píratar eru orðnir og heldur í einfeldni sinni að hún sé þar með leiðtogi alls þessa flokks. Flokkurinn er kominn í yfir krítíska stærð sem þarf ekki að samsvara gamla flokknum á nema óverulegan hátt.Og hann mun kjósa sér sjálfur þá forystu sem hann þarfnast.

Ég held að þessi túlkun Birgittu geti verið mikill misskilningur. Þetta fólk er kannski miklu fremur að láta í ljósi stuðning við það að völdin verði færð frá Alþingismönnum eins og Birgittu til dæmis og til fólksins sjálfs  sem geti ráðið málum þjóðarinnar í auknum mæli í þjóðaratkvæðagreiðslum svipað og gert er í Sviss.

Frosti Sigurjónsson Framsóknarmaður var á Útvarpi Sögu og hélt fram svipuðum skoðunum um ágæti stjórnarfarsins í Sviss umfram okkar starfshætti á Alþingi.  Hann lýst vandkvæðum þingmanns við að koma fram með þingmál eða lagafrumvörp, hversu kerfið er stirt og hversu samansúrrauð stjórnin er á því og í höndum örfárra manna. Venjulegur þingmaður kemst hvorki lönd né strönd með sín hjartans mál. Hann lýsti ofurefli báknsins afar vel og hvernig þingmönnum eru allar bjargir bannaðar við að breyta neinu sem máli skiptir eins og sendiráðssyndróminu, passendurnýjununum sem eru óþarfar með öllu, nema kannski nýjar myndir, óþarfa siglingum þingmanna og fulltrúa sem eru glórulausar með öllu eins og sást best á erindislausu ferðalagi Dags B. Eggertssonar með á annan tug fylgdarliðs á Parísarráðstefnuna á dögunum og þannig má lengi telja.

Ég er ekkert viss um að ég sé ginkeyptari fyrir ýmsum boðskap Sjálfstæðisflokksins, sem heyrist eiginlega ekki um þessar mundir vegna forystukreppunnar sem flokkurinn er í til lands og sveita, heldur en því sem Frosti Sigurjónsson sagði um gjaldeyrismál, bankamál og ríkisábyrgðir á bönkunum íslensku  sem við ekki eigum einu sinni ekki neitt í eftir aðgerðir Rauðskeggs sællar minningar.Frosti virtist hinsvegar skynja það að krafan um stjórnarfar sem líkist meira því sem ríkir í Sviss en það sem við höfum hér á Íslandi er vaxandi hérlendis. Sem ég til dæmis hef marga fyrirvara á enda orðinn gamall fauskur og úreltur með öllu. 

Ég held þess vegna að það sé alveg ástæðulaust fyrir Birgittu að klökkna yfir Píratafylginu  vegna þess að það segir nákvæmlega ekkert um hennar styrkleika sem flokksforingja vegna þess að hún hefur ekkert hitt þetta fólk sjálf og þekkir það alls ekki.

Margir Sjálfstæðismenn eru til dæmis nokkuð vissir um að þarna sé að finna okkar fólk að stórum hluta sem sé að lýsa vanþóknun sinni á steinrunnum starfsháttum flokksins okkar og Valhallar en gefi sig upp með þessum hætti til að koma þessu á framfæri við establishmentið.

Það er því alls óvitað hvað yrði upp á teningnum ef Píratar héldu einhverskonar landsfund. Hvort Birgitta yrði einu sinni með eftir það eða hvort upp risi alveg nýr flokkur með allt aðrar hugmyndir en hún sem er áreiðanlega kominn fram yfir síðasta söludag í pólitík,búin að vera þarna í eilífðartíma. 

Það sem er í rauninni að gerast hjá öllum öðrum flokkum eins og Frosti ýjar að. Fólk er orðið kexað á gangi mála á Alþingi og þeim fornaldarvinnubrögðum sem er sýnd í sjónvarpi allra landsmanna. 

Fólkið kallar á breytingar ef ekki byltingar. Það er búið að fá nóg af kjaftæði um allt og ekki neitt. Það vill sjá breytingar og það miklar breytingar strax.

Þar í liggur hinn pólitíski misskilningur Birgittu og fleiri steinrunninna Alþingismanna.


"Skipulögð innrás"

segir Zeman forseti Tékklands. Svo segir á Mbl.is:

 

"For­seti Tékk­lands, Mi­los Zem­an, sem er þekkt­ur fyr­ir hat­ursum­mæli sín um inn­flytj­end­ur, seg­ir að flótta­menn­irn­ir sem streymi til Evr­ópu sé „skipu­lögð inn­rás“ og ung­ir menn frá Sýr­landi og Írak ættu frek­ar að sýna dug, vopn­ast og berj­ast við liðsmenn Rík­is íslams.

„Ég er al­gjör­lega sann­færður um að við horf­um fram á skipu­lagða inn­rás og alls ekki óskipu­lagðan flótta fólks,“ sagði Zem­an í jóla­skila­boðum sín­um til tékk­nesku þjóðar­inn­ar í dag"

Skv. GGF eru öll ummæli um að flóttamenn séu ekki æskilegir né þessvegna ekki velkomnir til Vesturlanda, hatursummæli. Líka í Morgunblaðinu? Af hverju má ekki halda því fram að þáttaka í borgarastríði sé borgaraleg skylda íbúanna í viðkomandi landi? Ekki borgara annarra landa?  

Það má ekki einu sinni velta því fyrir sér hvort þau hundruð þúsunda sem féllu í bandarísku borgarstyrjöldinni hefðu ekki frekar vilja vera hælisleitendur í Canada eða Mexíco ef slíkt hefði verið í boði? En þá var víst lítill sósíall til sem bauð upp á slíkt.

Enda hvernig hefði  Lincoln forseti fyrirskipað Shermann hershöfðingja að taka á þeim mönnum sem það reyndu í stað þess að skrá sig í herinn eða þá hvernig hefði Robert E. Lee tekið á bómullargreifunum sem vildu ekki koma í hans her?

Er bara Assad augnlæknir vondur maður,hvað sem líður Hipppokratesareið hans? Eða hvað hét hann læknirinn myndarlegi í Kosovo, Radovan Karasitsch eða eitthvað svoleiðis og hann Vladek hershöfðingin hans? Hver var vondur í stríðinu í Kósóvó og hver var góður? Bombuðum við í Nató ekki fyrrum saklausa borgara Júgóslavíu?

Hversvegna á alþjóðasamfélagið svonefnda ekki að loka landamærum strax á ríki sem fer í borgarastyrjöld sem fyrstu aðgerð? Enginn fari út né inn  nema friðflytjendur og SÞ? Hjálpargögn svo. Móttakendur flóttamanna hófu ekki stríðið.Þeir eiga ekki að þurfa útkljá það? Er það ekki  fólksins í viðkomandi landi?

Var Írak ekki öðruvísi? Þar gerðum við innrás í nafni alþjóðasamfélagsins og democrazyunnar af því að hann Saddam verkfræðingur og einræðisherra var svo vondur þrátt fyrir margar medalíur SÞ fyrir framfarir í heilbrigðismálum þjóðarinnar?  Hvað gerðum við svo? Skildum við þá ekki eftir í rúst aftur á steinöld með allt í mjöli? Öll skolprörin, rafmagnslínurnar  og vatnsleiðslurnar hans Saddams ónýtar? Allir innviðir nútíma samfélags tröllum gefnir?

Af hverju má ekki ræða flóttamannamálið fyrir geltinu í þessu GGF? Er nauðynlegt að útiloka fyrirfram þann möguleika að flóttamaður geti haft óhreint mjöl í sínum poka og sé ekki endilega sá sem hann segist vera? Einblína bara á  börnin í hópnum, hvað þau séu góð og gleyma öllu öðru? Hvað ef þetta er skipulagt af ISIS? Er ekki eitt mál að klára stríðið? Er þá ekki fyrst hægt að ræða friðinn?

 

 


Finnar og Evran

DWO-FI-Finnland-ha-1-Kopiehttp://www.welt.de/finanzen/article150301939/Finnen-bewerten-den-Euro-als-historischen-Irrtum.html                                                                                                   Línuritið sem fengið er úr blaðinu "die Welt" sýnir breytingu á þjóðarframleiðslu Finna 0-5 árum fyrir og eftir að kreppur dynja yfir landið.

Sú fyrsta kemur 1929 og sýnir skærblái ferillinn þróun landsframleiðslunnar frá 1924 til 1935. Daufasta línan sýnir landsframleiðslubreytingarnar 1985-1996. Svarta línan sýnir þróunina eftir að núverandi kreppa hófst 2008 eða vaxtartímabilið 2003 fram að hruninu 2008 og þróunina frá 2008 til 2016. Landsframleiðslan hefur ekki náð sér ennþá og er 6 % minni en hún var 2008. Kreppan stendur enn í Finnlandi.

Hver er munurinn? Timo Soini utanríkisráðherra kennir því að í þessari kreppu núna eru Finnar með Evruna síðan 1.janúar 1999. Allt gekk vel fram að 2008. Fylgi við áframhaldandi veru Finna í ESB fer hrað minnkandi eins og í Grikklandi og Bretlandi.

Einmitt þá undirbýr íslensk stjórnmálahreyfing inngöngu Íslands í mynstsamstarfið.

Alveg án tillits til þess hvernig íslenskur vinnumarkaður starfar. En þar spila tvöhundruð kjarafélög fótbolta með íslensku krónuna. Flugi boltans er stýrt með gengislofti Seðlabankans.

"Situr einn með sollið fés,

Seðlabanka Jóhannes,

fellir gengið fyrsta des,

fer þá allt til helvítes."  

Til eru þeir sem kunna þessar ljóðlínur.

Með Evrunni kemur bara enginn fyrsti des. lengur hjá Finnum. Þeirra hagstjórnartæki eru vextir og samdráttur á almenna vinnumarkaðnum.Því opinberir starfsmenn taka aldrei þátt í neinum efnahagsaðgerðum nema verkföllum. 

Ekki hefur heyrst annað en að Viðreisn hans Benedikts undirbúi framboð í öllum kjördæmum. Hvernig skyldu þeir sjá fyrir sér Ísland, Evruna og verkfallsréttinn?

Skyldi verða talað um Icesave, Icexit, Fixit, Grexit og Brexit einhvern fyrsta des..?

 

 


Getum við gert betur?

er fyrirsögn á grein sem hann Baldur okkar Ágústsson skrifar í Morgunblaðið á aðfangadag. Ég er nokkkuð viss um að greinin hlýtur velvild hjá mörgu´af þögla fólkinu en æsir eithvað af GGF liðinu upp. Þó ég sé nú yfirleitt ekki margmáll um kirkju og kristni þá styð ég þjóðkirkjuna og  stjórnarskrána okkar hvað hana varðar í óbreyttri mynd. Greinin er svona en ég feitletra að vild sjálfur:

"Jólin eru góður tími til að velta því fyrir sér hversu mótað íslenskt þjóðfélag er af kristinni trú - hve miklu hún hefur skipt okkur gegnum aldirnar. Að segja satt, standa við gefin loforð og sýna kærleika.

Allt eru þetta mannkostir sem tryggja okkur betra líf er þeir fylla okkur af heilindum og leyfa okkur að vænta hins sama af öðrum. Kenningar biblíunnar eru um margt undirstaða þeirra laga sem við höfum sett þjóðfélagi okkar. Svona fylgir kristnin okkur fram eftir ævi og verður okkur viðmið um hvað er rétt og hvað rangt - og blessunarlega mörgum ljósið í lífi þeirra. Til kirkjunnar leitum við þegar sorgin knýr dyra, hátíðlegir gleðidagar ganga í garð, þegar við biðjum litlum börnum okkar Guðs blessunar og á sérstökum hátíðisdögum kirkjunnar - eins og um jól.

Þegar við lítum til þess hverju kristin trú hefur áorkað og eins hins, ranglætis og mannvonsku sem hún hefur komið í veg fyrir, hlýnar okkur um hjartaræturnar. Þetta gerist því oftar sem við heyrum af þjóðfélögum með allt annað gildismat og önnur trúarbrögð sem verða þeim afsökun, ef ekki beinlínis ástæða fyrir grimmd og líkamsmeiðingum auk andlegrar kúgunar.

Sorglegt er að sjá fólk, sem fyrir slíku hefur orðið, flutt til um hálfan heiminn til Íslands undir yfirskini björgunar og velgjörnings - sem í hinni stóru heildarmynd heimsins yfir þær milljónir sem bágt eiga, er ekki dropi í hafið. Ekki einn dropi - og samt með ófyrirsjáanlegum afleiðingum í marga ættliði, svo vísað sé til reynslu annarra þjóða. Víða heyrist líka minnst á ISIS og sagan af Trójuhestinum forna rifjuð upp.

 

Fögur orð eru ekki nóg

 

Ósjálfrátt leitar hugurinn til orða forsætisráðherra: »Að vel þurfi að taka á móti þessu fólki.« Vissulega falleg orð, en þó, sé til þess litið að stjórnvöld eiga að sjá um velferð Íslendinga sjálfra, þá hlýtur maður að spyrja: »Hvernig hafa þau tekið á móti öryrkjum og öldruðum, fátækum og sjúkum?« Fólki af eigin húsi. Þarf e.t.v. að minna stjórnvöld á að þau eru í vinnu hjá íslenskri þjóð?

 

Jafn fögur og trúin og kærleikurinn eru er ekki hægt að fylgja honum blindandi - það er að bjóða hættunni heim. Þannig er nú þessi heimur og auðséð að honum er enn ekki stjórnað af konungi konunganna.

 

Þó að það flóttafólk sem hingað leitar sé ekki beinlínis á okkar ábyrgð er skiljanlegt að margir finni til með því og vilji hjálpa. Það, hins vegar, að flytja fólk inn í þeim mæli að gagn sé að - ef um »framtíðargagn« er að ræða, er ekki bara hæpið heldur beinlínis ógerlegt. Þetta sjá þeir sem sjá vilja. Spurningin er eiginlega; fyrir hverja er þessi dropateljara flutningur? Er risinn vaxandi hjálpariðnaður á Íslandi sem þarf að sjá fyrir verkefnum? Starfar hér fólk sem ekki nægir, í nafnleysi, að rétta nauðstöddum hönd heldur hefur þörf fyrir að láta þakka sér fyrir - helst með tárvotum augum? Spyrji nú hver sitt hjarta og svari heilt.

 

Sláandi er þegar formaður samtaka löggæslumanna talar hreint út frá reynsluheimi sínum og faglegri þekkingu þá sætir hann brigslyrðum, ásökunum og uppnefnum - sem raunar segja meira um þá sem slíku beita en þann sem fyrir verður. Hafi hann - Sigurður Magnússon - þökk fyrir sitt framlag.

 

Kristin trú hefur fylgt Íslendingum í eitt þúsund ár. Það segir meira en mörg orð um hinn heiðna sið og trúarskiptin að forfeður okkar, víkingarnir, sem voru skiptir í afstöðu til þess hvort ætti að breyta um trú í landinu, settu Þorgeir Ljósvetningagoða til að taka ákvörðun og hétu allir að hlýða úrskurði hans. Ó, að við ættum slíkan stjórnmálamann í dag. Eftir allnokkra umhugsun tjáði Þorgeir þingheimi: »Það mun vera satt, er vér slítum í sundur lögin að vér munum slíta og friðinn.«

 

Þorgeiri var sem sagt ljóst að tvenn trúarbrögð í landinu myndu valda ófriði og styrjöldum. Fáein undantekningaratriði voru gefin ásatrúarmönnum til að milda þeim breytinguna - kristnum að meinalausu.

 

Ýmsir hafa síðan tekið sér penna í hönd og hafa þar vinstri menn farið fremstir í lagasetningu um »trúfélög« en aðrir setið mis-skömmustulegir hjá, þegar dýrar lóðir hafa verið gefnar fulltrúum fjarlægra trúarbragða sem refsa innfæddum og ferðamönnum fyrir að hafa svo mikið sem biblíu í farangri sínum. Nefndir vinstri menn nota hvert tækifæri til að mæra það sem þeir kalla fjölmenningarþjóðfélag en ég er ekki viss um að það sé til frekar en þorskýsa.

 

Hafi þeir allir skömm fyrir en Þorgeir Ljósvetningagoði sérstaka þökk. Enginn hefur skrifað heilla orð um trúmál og af meira innsæi en hann - í þúsund ár. Meira að segja forystufólk hinnar lútersku kirkju sem í árhundruð var okkur sameiningartákn berst ekki fyrir styrk hennar og tilveru, heldur lyppast niður gagnvart framandi trúarbrögðum - haldandi að þannig geti »öll dýrin í skóginum verið vinir«.

Þeir geta gert betur, svo ekki sé dýpra í árinni tekið. Eftir stendur, hvað getum og viljum við kristnir gera flóttamönnum til hjálpar?

Undirritaður mun á næstunni leggja fram hugmynd hér í blaðinu sem verndar bæði hina landlausu og íslenskt þjóðfélag, menningu og tungu.Guð gefi okkur gleðileg jól og veiti landi og þjóð blessun sína."

Mér finnst hugsun Baldurs vera góð og umhugsunarefni. Getum við ekki gert betur með því að hjálpa nauðstöddu fólki í heimkynnum þess heldur en að skapa því einangrun og bæði því og innfæddum félagslegar kvalir í framandi samfélagi eins og Valdimar Jóhannesson lýsir reynslu Svía svofellt:

 

"....Efna - og velferðakerfi EU ber ekki þessa þjóðflutninga framandi þjóða, sem ekki bara, markvist slátrar kristnum í heimalandinu, heldur logar allt nú þegar í Evrópu innbyrðis milli þessara KLANA í flóttamannabúðunum, því það er ekkert annað sem þetta fólk er.  Evrópa hefur áttað sig á því að fjölmenning er draumórar og blekking.

Þetta flóttafólk kemur ekki til með að vinna fyrir sér næstu t,d, sjö árin nema að mjög litlu leiti. Aðeins þeir sem hafa menntun fá vinnu og svo að sjálfsögðu þessar þúsundir sem hverfa undir jörð , því þeir eru glæpamenn, sem lifa á örbyrgð sambræðra sína. Atvinnumálastofnun Svíþjóðar hefur sent ólæsa og óskrifandi araba og sómalíusvertingja á ymiss námskeið, til að dylja atvinnuleysið. Sumir hafa bara verið tvo ménuði í landinu.

Ökukennaraskólar i Svíþjóð eru með svona námsmenn í hundruðum til að veita þeim meirapróf fyrir þyngri farartæki eins og stætisvagna, rútur og vöruflutningabíla, Þegar þeim er sagt að þeir geti ekki lært, því þeir hafa ekki getuna, þá verða þeir hótfullir og hafa mjög stuttan kveikjuþráð. Þeir kvarta yfir því að kennararnir eru konur og neita að hlýða fyrirskipunum.

Sænskuþekkingin er svo bágborin að margir grípa ekki orðið "Bromsa". Tryggingafélög neita að tryggja farartæki hjá fyrirtækju, sem ræður þetta fólk í vinnu, vegna óhappa og slisahættu, sem þegar hefur komið fram í æfingunum. Sumir eru það hortugir að þeir beint líta niður á kennarana.

Það er skýrt tekið fram hjá Atvinnumiðluninni að múslimar eigi að ganga fyrir Svíum í vinnu, þótt Svíarnir hafi próf og getu til að sinna þessum verkum. Ómældar hundruðir milljóna til spillis bara í þessu heimska dæmi..."

Er það ekki í raun merkilegt að GGF skuli útiloka með  öllu að vandamál muni fylgja innflutningi flóttamanna  og hælisleitendum ótengdum flótta undan stríði?  Að það skipti ekki máli fyrir aðlögun hvort þetta fólk sé kristið eða múslímar af því að búið sé að ákveða að á Íslandi ríki fjölmenning?

Já, líklega getum við öll gert margt betur eins og hann Baldur okkar Ágústsson segir.

 


Langtímamarkmið Kínverja

eins og Japan fyrir stríð, eru landvinningar. Þeir eru stórum þjóðum í litlum löndum nauðsynlegir. "Der Drang nach Osten" er hugtak sem framtíðarspámönnum í vestur-Evrópu var hugleikið . Þar biðu möguleikarnir þó þyrfti að rýma dálítið til fyrir nýjum herrum. Styrjöld var nauðsynleg að dómi Adolfs  til að koma þessu í kring. Á seinni tímum hefur Þjóðverjum og fleirum lærst að það er jafn skilvirkt að beita kaupmennsku í stað vopna.

Generalplan_Ost.svg

 

Kínverjar eru hér engin undantekning. Ég fæ ekki betur séð en þetta sé að fara fram í Afríku.  Kínverjar eru komnir til mikilla áhrifa viða um álfuna. Meðal annars í næsta landi við Lybíu, Alsír.

Til eru þeir sem telja að Kínverjar séu að styðja við flóttamannastrauminn frá Afríku til Evrópu með ráðum og dáð. Það léttir auðvitað leikinn að losna við ómenntaða Afríkubúa til Evrópu þar sem menntaðir  Kínverjar koma þeirra í stað. Þeir eignast víðlend ríki með miklar auðlindir. Þegar fá Kínverjar um þriðjung af allri olíu sinni frá Afríku. Önnur ítök vaxa daga frá degi.

 Svona sáu nasistar Evrópu fyrir sér

Um leið og þetta gerist minkar samkeppnishæfni evróps iðnaðar gagnvart kínverskum. Evrópa færist nær núverandi Afríkustigi en Afríka færist nær Kínastigi.  Kínverjar hafa  það fram yfir Evrópumenn að þeir hugsa fram í tímann. Þeir hugsa í öldum meðan þeir síðarnefndu hugsa í áratugum ef vel er en í flestum tilvikum aðeins fram á nef sér á líðandi stund.

Stærð Afríku er ótrúleg(https://www.google.is/?gws_rd=cr,ssl&ei=LC18VtrWHMHZPPTClJgL#q=chinese+in+africa) Bandaríkin, Kína, Indland  og Evrópa rúmast innan í henni.

china-africa

Við erum að horfa á "ethnic cleansing" Afríku eins og Milósevitch ætlaði að gera í Kósóvo en fékk ekki næði til. Já og nasistar í A-Evrópu.  Kínverjar eru skynsamari en svo að gefa færi á sér við slíkt athæfi utan Tíbet. Þeir eru hinsvegar hægt og bítandi að ná völdum þar sem best og arðvænlegast er er að bera niður í heimsálfunni. Líklega er það líka best fyrir Afríku sð svo verði því öðruvísi virðist ekki vera hægt að lyfta þim kynstofnum sem hana byggja.

Menn gleyma því gjarnan að Afríka var matarkista sem flutti fæðuvörur út í stórum stíl á nýlendutímanum. Það var sjálfstæðið sem tortímdi landinu sem getur ekki brauðfætt sig í dag.

 

Gyðingar gætu breytt Sahara í aldingarð ef þeir fengju til þess tækifæri eins og í Gólanhæðum. Kínverjar munu líklega gera þetta með tímanum. Hugsanlega þó ekki fyrr en á næstu öld. Þeim liggur hinsvegar ekkert á því þeir hafa langtímasjónarmið. 

Það var hlálegt að horfa á Kínverja espa iðnaðarþjóðirnar til að draga úr útblæstri gróðurhúsalofts hjá sér í París. Á meðan eru þeir sjálfir með tugi kolavera í smíðum þá hvetja þeir iðnaðarþjóðirnar til að draga saman orkuvinnsluna frekar en að byggja kjarnorkuver sem eru óvinsæl  umræðuefni í vinsældakeppni vestrænna stjórnmálamanna. Sjálfir gætu Kínverjar byggt kjarnorkuver undir Peking ef þeirra ráðamönnum þeim dytti það í hug. Kínverjar mun engann þátt taka í útblástursminnkunnni sem á til dæmis að fara hvað hlutfallslega mest fram á Íslandi.

map_chinese_investment_africa

Viðskiptasamningar Kínverja í Afríku

Nú höfum við það verkefni segir forsætisráðherra vor að taka vel á móti flóttamönnum sem hingað koma. Í hans verðandi heimabæ og heimabæ fjármálaráðherra hefur ekki heyrst neitt um það hversu margir flóttamenn eigi þangað að fara. Fréttir um áforma Garðbæinga í flóttamannamóttöku eru fáar.

Í dag er skrifað í Mogga að nýbyggingar haldi ekki í við skortinn á íbúðarhúsnæði í landinu. Hvar skyldi eiga að fá húsnæði fyrir fjölda flóttamanna sem eru að koma?  

Ég heyrði um háaldraðan stórlistamann þjóðarinnar sem var að missa húsnæði sitt í hendur Arion-banka, vegna uppáskriftar fyrir afkomanda. Verðu þessi fyrrum íbúð listamannsins búsetuúrræði fyrir flóttamenn?

Kínverjar vita hvað þeir eru að gera.Þeir framleiða slöngubáta, mótora og margt annað. Þeir vita sínu viti meðan við vitum það ekki því við höfum engin langtímamarkmið sem þjóð heldur skekjumst fyrir veðri og vindum bjálfalegra skammtíma refsiaðgerða ESB gegn Rússum.

Íslendingar ættu ekki að taka afstöðu gegn neinum öðrum þjóðum nema um mannréttindi sé að ræða. Styrjaldir eða viðskiptastríð koma okkur ekkert við þar sem smáþjóð á allt undir langtímasjónarmiðum um viðskiptafrelsi. 

 


Aumingja Evrópa

mín, þessi gamla og góða með öll sín séreinkenni og blóði drifnu sögu. Í skiptum fyrir reglulegar styrjaldir og ringulreið  er komið Evrópusamband með stundarfrið og ringulreið. 

 

Nú er ákvarðanatakan í álfunni komin til embættismanna sem eins og annarsstaðar geta ekki tekið meiri háttar ákvarðanir. Evrópusambandið er því í algerri upplausn allstaðar nema opinberlega.

Milljónasti flóttamaðurinn tók land í dag. Evrópusambandið veit ekki hvað það ætlar að gera hvað varðar flóttamenn. Það gerir því ekki neitt og vandamálið vex dag frá degi. Afríka og Arabalöndin stefna í að flytja stóran hluta af fátæklingum sínum til Evrópu og á framfæri skattgreiðenda þar. Þetta fólk er illa hæft til vinnu í þróuðum samfélögum og verður því mest til byrði.

Líklega skeður þetta allt með stuðningi Kínverja sem fá þá rýmri möguleika til að nema ný lönd í Afríku. Þeir eru trúlega búnir að átta sig á hvernig þeir geta skákað ESB á alþjóða mörkuðum með fleiri fólksflutningum. Þeir sjá að ESB getur ekki tekið ákvarðanir sem máli skipta. Þeir hjálpa því trúlega til með ráðum og dáð.

Þjóðríkin sem nú verða fyrir innrás þjóðflutninganna  væru löngu búin að loka landamærum sínum ef þeirra væri ákvörðunin. Þau væru búin að setja hafnbann á Libýu og ríkin þaðan sem bátarnir leggja upp frá. En ESB getur ekkert gert vegna ófærni stjórnkerfisins. Vandamálið bara hleðst upp.

Hugsanlega gæti einhverjum stjórnmálamanni dottið í hug að það mætti reyna að kaupa þetta fólk af sér og flytja það til baka með nýprentaðar evrur í vasanum? Lofa því grænum skógum til viðbótar? En slík ákvörðun er ESB um megn.Flóttamannafjöldinn heldur því áfram að vaxa stjórnlaust þar til að kveikt verður aftur undir kötlunum í Auswitch eða álíka skelfing rennur upp. 

Að nokkrum Íslendingum detti í hug að láta land okkar ganga í þvílíkan vanskapning sem ESB er ofaxið mínm skilningi sem var nú aldrei uppp á marga fiska hvort eð var. Hér hafa þó verið bæði nasistar og kommúnistar sem boðuðu mér stórasannleika á öllum tímum. Ég var ég sjálfur meira að segja hérumbil Evrópusinni um stund áður en ég áttaði mig.

Ég bjó í Þýzkalandi árum saman á mínum ungu dögum. Mér rennur til rifja að sjá hvert þar stefnir. En ég get ekkert gert. Ég get bara þanið kjaft gegn því að Ísland ani út í sama foraðið og meginlandsþjóðirnar og Skandínavía.

Aumingja Evrópa mín sem mér þótti einu sinni svo undurvænt um. Mig tekur það sárt að sjá þig svona leikna.Ég fer í frí til Florida í febrúar.

 


Aldraðir í prófkjörin?

Erling Garðar Jónasson skrifar sem oftar í Mogga um kjör eldri borgara. Hann segir:

"Ráðstefna Öldrunarráðs ríkisins um ofbeldi gegn öldruðum fór nýlega fram. Þar var stefnt saman fólki til að kynnast niðurstöðu sérfræðinga um mælt og ómælt ofbeldi gegn öldruðum. Valdbeiting er verknaður sem valdhafi, annað tveggja einstaklingar eða stjórnsýsla, beitir samkvæmt sínu siðgæði, í formi andlega eða líkamlega meiðandi ofbeldis. Sá eða sú sem býr við slíka gjörninga af lýðræðiskjörinni stjórnsýslu glatar trausti til ríkisstjórna, stjórnmálamanna, stjórnmálaflokka. Trúnaður og traust milli þegns og stjórnsýslu brestur. Vonleysi, kvíði og reiði býr um sig hjá þeim sem órétti eru beittir.

 

Öll þekkjum við til slíkra gjörninga og við þekkjum líka þau kvíðaköst og reiði sem einkenndu allt samfélagið í síðustu »kreppu« og fyrri, og gerum enn í uppgjöri bankamála. Og margur aldraður lifir enn við 2009 skerðingarnar sem eru enn við lýði.

 

Fram kom að tíðni ofbeldis gegn öldruðum í heimahúsi skv. erlendum rannsóknum er 4-6% af fólki 65 ára og eldra. Tíðni hækkar með hækkandi aldri og versnandi heilsu. Af innlendum skýrslum er að skilja að vandinn hér á landi sé nokkuð líkur.

 

Af einhverjum ástæðum er ekki fram sett niðurstaða um hversu hátt þetta hlutfall er á íslenskum hjúkrunar- og dvalarheimilum. Það skyldi þó aldrei vera af ásettu ráði? Ég vona að svo sé ekki.

 

Hinsvegar er upplýst að 70% eftirlaunafólks eru með minna en 300.000 kr. í tekjur á mánuði, samkvæmt svari ráðherra við fyrirspurn um tekjur 67 ára og eldri. Á síðasta skattári skiluðu 44.680 67 ára og eldri skattframtali. Af þeim höfðu 31.028 tekjur undir 300.000 kr. á mánuði eða 69,4% af hópnum. Hér er miðað við samanlagðar tekjur að meðtöldum greiðslum frá Tryggingastofnun ríkisins. Ef eingöngu er miðað við aðrar tekjur en greiðslur frá Tryggingastofnun, t.d. atvinnutekjur, lífeyrissjóðsgreiðslur og fjármagnstekjur, höfðu 34.239 tekjur undir 300.000 kr. á mánuði eða 76,6% af hópnum. Samkvæmt upplýsingum frá Tryggingastofnun ríkisins fengu í nóvember 2014 32.200 einstaklingar greiddan ellilífeyri frá Tryggingastofnun. Af þeim höfðu 21.864 einstaklingar tekjur undir 300.000 kr. á mánuði eða 67,90% af hópnum.

 

Það er því kýrskýrt eftir þessa ráðstefnu ríkisins að ríkið er að beita aldraða mesta ofbeldi sem þeir búa við. Enginn þarf að efast lengur um ofbeldishneigð stjórnsýslu okkar við gamlingja íslenskrar þjóðar.

 

En við vitum að þjóðin bíður eftir lausnum frá þessum vanda, við eldri vitum líka að við höfum greitt allan væntanlegan umsýslukostnað og erum enn að, ekki meira ofbeldi takk. Það eru verkefni fræðinga með sjálfsvitund, ónæmra á alla þykjustuleiki, að koma í veg fyrir þetta ofbeldi. Aðalatriðið er að með henni fáist örlítil innsýn inn í hugsanagang í stjórnarráði íslensku þjóðarinnar, ekki bara nú í núinu, heldur til að vera krónísk innsýn í framtíðarþróun þess. Krafa landsmanna er auðvitað að auka hag sinn - efla menningu sína - skapa öllum þau skilyrði til hugar og handar að sambærilegt sé við það besta í samfélagi þjóða. Sjáið þið til að þeir sem lifað hafa í svartnætti íslenskra peningamála, á einföldum eftirlaunum, ekki margföldum sem þingmenn og ráðherrar, munu til lengdar fara varlega í að ljá því hug eða heyrn að blekkjast af jarðsambandslausum, yfirboðum og rugli þeirra sem skipaðir eru til að vaka yfir hagsmunum okkar. Það fólk sem er treyst til að standa vörð má aldrei komast í þá aðstöðu að ræna af okkur sjálfræði og efnahagslegu sjálfstæði og beita okkur ofbeldi."

Hvað gera menn í vanda Erling? Af hverju ferð þú ekki fram í prófkjöri fyrir næsta vænlega stjórnmálaflokk? Ef þú kemst á lista ertu þá ekki  kominn með naglbít í staðinn fyrir þetta rell í blöðunum?

Erling Garðar og jafnvel Björgvin líka í prófkjör? 


Framlag ríkisstjórnarinnar

til verðlagsmála er að hækka brennivín og bensín um áramótin.

Umhyggjan fyrir kjörum einstæðra mæðra, aldraðra og öryrkja kemur afbragðsvel í ljós með þessu nýjasta framlag ríkisstjórnarinnar.

 


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 1
  • Sl. sólarhring: 7
  • Sl. viku: 73
  • Frá upphafi: 3417881

Annað

  • Innlit í dag: 1
  • Innlit sl. viku: 56
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband