Leita í fréttum mbl.is

Bloggfærslur mánaðarins, mars 2013

Íslenskur stirðbusaháttur

lýsir sér ekki hvað síst í viðmótinu sem okkur kúnnunum er sýndur í þessum okursjoppum sem við verðum að skipta við heima.

Við sættum okkur við að borga fyrir pokana við kassana. Afgreiðslukrakkinn eða útlendingurinn segir HVAMARGAPOKA og stimplar inn stórfé á stykki og verðum sjálf að tína ofan í þá. Meðan hér  er einhver með bros á vör, ef ekki stimplarinn sjálfur sem setur ofan í ókeypis óýra poka á hringekju og málið er afgreitt.

Af hverju er allt svona frosið og fúlt hjá okkur? 

Af hverju getur ekki Súllenberger til dæmis gert þetta svona, hann ætti að hafa séð þetta?

Svo spýta íslenskir sóðar tyggjói hvar sem þeir eru og allar stéttir eru útbíaðar. Hér er bara stórsekt við svona athæfi auk þess sem fólkið bara hegðar sér ekki svona af uppeldislegum ástæðum.

Fólk er hér kurteist og elskulegt mótsett við íslenska dóna sem göslast áfram af ruddakap og tillitsleysi. Skólarnir okkar eru ekki að skila sívilíséruðu fólki því miður. Það er eitthvað að í þeim efnum.

Hér í Flórídu eru götur hreinar og sópaðar mótsett við íslenskt svínarí og stirðbusahátt margs fólks. 

 


Okursjoppan Ísland

er staðreynd. Allt þetta kjaftæði um norræna velferðarsamfélagið stenst bara ekki. Það er engin velferð á Íslandi sem er neitt betri en í Bandaríkjunum.

Ég er hér í Florídu. Fór í búð um kvöldið. Keypti 12 Heineken bjóra, 1.5 L af góðu hvítvini og 1.5 L af góðu rauðvíni(það var von á gestum)12 svínakótelttur,kartöflur,baunadós,1,5 lítra af ís glas af rauðkáli,sítrónur rasp,eintak af Time. 95 dollarar.

Kaupi bensín á bílinn á minna en einn dollar lítrann

0.75 L af bourbon wiskí á 9 dollara. Fatnaður ótrúlega ódýr.Einbýlishús á 100 000 dollara 80 % lán á 3.%.Íbúðir á 70.000.Stór nýr bíll á 25.000 dollara. Notaðir á skíd og kanil.

Það er þetta sem við Íslendingar þurfum að skoða af hverju við pyndum okkur sjálf með því að greiða pí sinnum meira fyrir flest allt til lífsins okkar. Af hverju við látum einstæða móður sem þarf að keyra barnið sitt í leikskólann borga jafnmikið fyrir bensínlítrann og gallónið(3.6L) kostar hér, svona mikið fyrir húsnæðis-og lóðaokrið heima. Lágvörubúðirnar okkar eru bara brandaraokursjoppur, vaskbrjálæðið uppá 25.5% þegar söluskattur hér eins stafa tala.

Og til viðbótar þá eru tannlæknar svo ódýrir og góðir hérna að fólk er farið að beinlínis að koma hingað til að nýta sér þá.

Hvað ætla flokkarnir sem eru að bjóða fram að gera í þessu okurþjóðfélagi sem við höldum úti?

Ísland er ein stór okursjoppa miðað við Bandaríkin. Ég kem ekki auga á velferðina hans Steingríms, hvorki norræna né bandaríska.


RÆS !

Svo skrifar Kolbrún Bergþórsdóttir í Mbl. Í dag:

 

“…Kosningabaráttan, sem er reyndar ekki enn farin af stað, mun að stórum hluta snúast um kosningaloforð Framsóknarflokksins. Sá flokkur verður því flokka mest í sviðsljósinu. Það kann einmitt að vinna með flokknum. Formaður flokksins, Sigmundur Davíð Gunnlaugsson, er vanur að koma fram í fjölmiðlum, kemur vel fyrir og virkar staðfastur. Það er enginn leikur fyrir pólitíska andstæðinga að eiga við hann. 

 

Framsóknarflokkurinn hóf kosningabaráttu á undan öllum öðrum flokkum og hefur því nokkurt forskot á þá. Formenn hinna svifaseinu flokka þurfa að sýna verulega snerpu ætli þeir að rétta hlut flokka sinna.

 

Svo ættu þeir að íhuga hvort ekki væri rétt að endurskoða kosningastefnu sem er ekki að skila þeim neinu í skoðanakönnunum. kolbrun@mbl.is...”

 

Ætli þeir séu ekki áskrifendur að Morgunblaðinu þarna uppi í Valhöll?

 

Er ekki komið RÆS


Þinghelgi?

er eitthvað sem forðar Álheiði Ingadóttur og Steingrími J. frá því að fá venjulega meðhöndlun sakamanna í rannsókn grafalvarlegra brota þeirra gegn valdstjórninni. Venjulegt fólk hefði verið handtekið, sett í gæsluvarðhald og verið dæmt fyrir þær aðfarir sem þau tóku þátt í 2009 og greint er frá í Mbl. í dag.

Verða þessi brot fyrnd þegar þing verður rofið?

Njóta þau áfram þinghelgi? 


Hver hættir?

Á Bjarni að hætta?

Á Illugi að hætta?

Á Guðlaugur þór að hætta?

Þetta eru umræðuefni sem maður heyrir hvar sem maður kemur orðið og Sjálfstæðisflokkinn ber á góma.

" Ég get ekki kosið flokkinn meðan þetta fólk er þarna."

" Ég fyrirgef ekki stuðninginn við Icesave. "

Þetta er ein  ástæðan sem fólk tilgreinir beint við mann að sé fyrir því að fylgi flokksins hrynur svona skelfilega.

Ekki málefni heldur menn skipta máli?

Höldum við sjálfir ekki hinu gagnstæða fram? Er fólk að kaupa það?

Önnur ástæða er tilgreind sem klaufalegar samþykktir Landsfundar.

Svo kemur annað fólk og segist ekki treysta forystumönnum flokksins til að fara eftir Landsfundarsamþykktum hvað varðar ESB. Talar um fyrri afstöðu einstakra manna.

Er það eitthvað gefið að fylgið myndi endurheimtast ef þetta fólk segði af sér?

Voru það ekki margir fleiri en þessir menn sem samþykktu Icesave?

Eiga þeir að hætta líka?

 Allir?

Eða bara sumir?

Sat ekki til dæmis Guðlaugur Þór  hjá við Icesave?

Er ekki  Tryggvi Þór hættur?

Er ekki  Árni Johnsen hættur?

Er ekki Ásbjörn hættur? 

Eru fleiri á aftökulistanum eða er allt í lagi með alla aðra þingmenn? Og úr öllum hinum flokkunum sem menn ætla nú að kjósa í stað Sjálfstæðisflokksins?

Svo kemur Júlíus Sólnes í Mbl. og reiknar út í Mbl. í dag  að tillögur Sjálfstæðisflokksins kosti helmingi meira en það sem Framsóknarflokkurinn ætlar að setja í heimilin ?

Framsóknarmenn fá þá  allt fylgið út á að gera helmingi minna fyrir heimilin en Sjálfstæðísflokkurinn?

Erum við Sjálfstæðismenn  enn einu sinni að flækja okkur í snöru Leiftursóknarinnar og hengjumst í því að geta ekki skýrt út hvað við meinum á máli sem kjósandinn skilur?

Skjótum við okkur alltaf í fótinn fyrir kosningar  Sjálfstæðimenn? 

Ef við skiptum um hesta í miðri ánni, mun þá kjósandinn hætta við að hætta að kjósa okkur? 

 


Fylgispekt og gagnrýnislaus meðvirkni.

er eitthvað sem Ögmundur innanríkis veltir fyrir sér í grein í Morgunblaðinu í dag.

'Eg er ekki viss um hverja Ögmundur hefur sérstaklega í huga þegar hann skrifar þetta. Sjálfsagt frekar Framsóknarmenn eða Sjálfstæðísmenn fremur en Vinstri Græna, því þeir eru sem vitað er trúir sínum hugsjónum og láta aldrei teyma sig til gagnrýnislausrar meðvirkni. Má benda á Icesave málið, ESB málið og stjórnarskrármálið.

Hinsvegar virðist Ögmundur hneykslaður yfir því að hermenn fylgi skipunum. Sérstaklega flugmenn yfir VietNam sem voru að myrða saklaust fólk. Böðlar nasista í Auswitch voru líka hermenn. Þeir sem flugu sprengjuvélum Bandamanna yfir Þýskalandi voru að fylgja skipunum um að mylja hernaðarvél nasista. Eða að teppaleggja Dresden.  Var ekki  saklaust fólk þarna niðri líka? Líka í teppalagningu B52 véla yfir Sarajevo?

Ég hef hitt mann, og lesið bók hans, sem flaug B52 í stöðugum varðflugum með fullfermi af vetnissprengjum. Það kviknaði í vélinni hans og hún fórst með öllum farminum en hluti áhafnarinnar kom niður í fallhlíf við Thule. Áður hafði henn flogið árásarvélum í Kóreu. Hann virtist ekki vera annað en stoltur af því að hafa þjónað þjóð sinni og tilfinningaflækjur koma engar fram í bókinni. Hann er huggulegur kall á eftirlaunum, afi og langafi. Stórveldi eru stórveldi og hermenn þeirra eru knúnir af föðurlandstryggð. Mér finnst  ljótt að kalla þetta fólk ónefnum eins og Ögmundur gerir.  

Samt skrifar Ögmundur þessa grein og reynir að gera suma hermenn ómerkilega sem einskonar skepnur sem drepa fólk af " fylgispekt og gagnrýnilausri meðvirkni." 

Hvað er maðurinn að fara með þessum skrifum:

"....Þekkt er tilraunin sem gerð var til að kanna einmitt þetta. Búnar voru til mjög trúverðugar aðstæður fyrir tilraun sem gekk út á að leiða í ljós hve langt fólk væri reiðubúið að ganga í pyntingum og jafnvel drápi á mannlegu »tilraunadýri« sínu. Einstaklingur var látinn setjast í rafmagnsstól og sá sem tók þátt í tilrauninni átti síðan að gefa honum raflost, fyrst vægt og síðan meira, stig af stigi þar til sagt var að lostið væri orðið mjög kvalafullt og að lokum að það leiddi til dauða. Getur það verið að ég sé látinn drepa mann, hugsuðu eflaust einhver tilraunadýranna. Þetta er þrátt fyrir allt í bandarískum háskóla og þeir sem segja mér fyrir verkum eru í hvítum sloppum vísindamanna. Þetta hlýtur að vera í lagi. Svo var opnað fyrir strauminn.

 

Eflaust hugsuðu einhverjir á þennan veg í fangabúðum nasista þar sem fólk var myrt af fagmennsku, með tækjum og tólum hönnuðum af verkfræðingum á hvítum sloppum. Og flugmennirnir sem vörpuðu sprengjum úr háloftum yfir Víetnam hlýddu skipunum borðaklæddra manna og tóku við heiðursmerkjum úr hendi stífpressaðra fulltrúa samfélagsins.

 

Því nefni ég Víetnam að fyrrgreind tilraun var gerð á dögum Víetnamstríðsins og var tilefnið, ef ég man rétt, að leita svara við því hvernig á því stæði að hægt væri að fá fólk til að drýgja glæpi gegn öðru fólki.

 

Svarið var þetta: Fylgispekt og gagnrýnislaus meðvirkni.

 

Þess vegna þarf að vekja fólk. Fá okkur til að framleiða eigin skoðanir, styrkja eigin dómgreind, ekki »neyta« gagnrýnislaust skoðana annarra. "

 

Þetta eru furðuleg skrif sem eiga hugsanlega að tengja flokkshollustu venjulegra íslenskra kjósenda stjórnamálaflokka sem honum eru ekki þoknanlegir, við hermennsku og styrjaldir.

Mér finnst þetta vera lágkúra og veldur Ögmundur mér vonbrigðum með þessu skrifi því oft er ég annars sammála honum eins og í Nubo-málinu og ESB.

En það er ekki og verður ekki af neinni " Fylgispekt og gagnrýnislaus meðvirkni."

 


Hvað með aðra texta?

Ég vil nú ekki nota stór  orð  um þetta Evróputrúarfólk okkar. Þetta er þeirra heilagt Gral eins og Múhammeð er fyrir Múslíma. Hinsvegar datt mér aldrei í hug að neinn reyndi að stýra merkingu tilskipana ESB á þann hátt serm Frosti Sigurjónsson hefur komið auga á að gert hefur verið. Að menn beinlínis umorði setningar til að breyta merkingunni eins og kemur fram í rangþýðingum ÞM á Lisaabon-sáttmálanum, sem er stjórnarskrá Evrópusambandsins. Verið sé að stýra skilningi fólks beinlínis?

Það er búið að þýða þúsundir af tilkipunum frá ESb og margar orðnar að lögum hérna. Margir þolendur haf kvartað fyrir íslenskum embættismönnum að þeir séu kaþólskari en páfinn í framfylgninni eins og td. Flugmálastjórn þar sem menn kvarta sáran undan kreddufestu.
 
Þarf virkilega að fara að lesa allt regluverkið saman til að leita að samskonar dæmum eins og koma þarna fram í Lissabonsáttmálanum? Hvað með uppskiptin á raforkusköffun okkar í öflun og sölu? Margföldun kostnaðar fyrir þjóðina? Var kannski hægt að skilja þetta öðruvísi og túlka okkur í hag?
 
Verður ekki Alþingi að lesa lögin sem það er búið að samþykkja vegna EES og virkilega sannprófa að rétt hafi verið með farið? 

Ef þetta er svona þarna í grunninum, hvað með aðrar reglugerðir hins opinbera sem grundvallast é EES ? Hefur verið rétt þýtt?
 
Það hefur verið margoft sagt að Alþingi hafi ekki alltaf kynnt sér þau lög sem það er að samþykkja  og koma vegna samkiptanna við ESB í gegnum EFTA og EES. Hvar matreiðir textana ofan í Alþingi?
 
Eru fleiri dæmi um skilningstýringar eins og Frosti hefur fundið dæmi um í þýðingunni á Lissabonsáttmálanum? 

Er Össur uppvís að misbeitingu?

pólitísks valds síns í þágu hugsjónar Samfylkingarinnar sinnar um Evrópusambandið?

Hver hefur beina hagsmuni af því að rangþýða Lissabonsáttmálann í því skyni að gera ESB girnilegra í augum auðtrúa fólks? 

Þetta liggur á borðinu sem hér er fjallað um í pistlinum á undan. Hvað hefur Össur gert fleira til að greiða fyrir skilningi okkar Íslendinga á Evrópusambandinu?

Er Össur uppvís að misbeitingu valds síns þegar texta Lissabonyfirlýsingarinnar er greinilega  hagrætt í íslenskri þýðingu? 


Pólitísk Þýðingarmiðstöð?

utanríkisráðuneytisins?

Frosti Sigurjónsson hefur farið ofan í saumana á þýðingu á Lissabon sáttmálanum. Utanríkisráðuneytið rekur mikið og merkt batterí sem heitir Þýðingarmiðstöð. Þessi stofnun hefur unnið mikið og merkilegt starf í opinberum þýðingum og sett saman gagnagrunn til samræmdra þýðinga sömu hugtaka. Þarna starfar inni hámenntað fólk og beitt er nýjustu tækni.

Ég hef sótt námskeið hjá þessari stofnun sem tilboðsgjafi í þýðingar. Ég hef skilað nokkrum þýðingum þar sem ég hef reynt að fara eftir öllum reglum, s.s. þýða milli punkta, bæta engu í og sleppa engu. Ég hef fengið þá dóma að ég hafi skilað ótæku verki þar sem íslenskan mín sé of lík enskunni til að teljast tæk. Ég er því útilokaður frá störfum jafnvel þó ég sé meðal lægstbjóðenda verktakaþýðenda. 

Ég fékk aldrei að þýða neitt af mínu fagsviði heldur bara lagatexta og einu sinni þungan efnafræðitexta.   Ein og ein villa sem kann að hafa sloppið í gegn hjá mér dugar til útilokunar. Ég hef tekið þessu með stillingu af þeirri miklu virðingu sem ég ber fyrir því fólki sem ég hef kynnst þarna. Ég kann hinsvegar handverkið og tæknina það vel að ég hef fengið góð verkefni annarsstaðar. En ekki er allt sem sýnist.

Það var búið að segja mér það af öðru fólki að ég skyldi ekki búast við framhaldslífi þarna inni vegna pólitíkurinnar. Það yrði tekið í taumana. Ég hef aldrei trúað á þetta. En ég veit hinsvegar að ég er útilokaður frá störfum fyrir ÞM þrátt fyrir af hafa haft yfirlesara með meistarapróf í þýðingarfræðum. Útkoman var ótækar þýðingar og þar við situr. Ég fæ ekki einu sinni annað tækifæri til að ráða mér Norrænudeildina alla til yfirlestrar til viðbótar. Lokaðar dyr.

Ein og ein villa sem kann að hafa sloppið í gegn hjá mér dugar til útilokunar. Ég hef tekið þessu með stillingu af þeirri miklu virðingu sem ég ber fyrir því fólki sem ég hef kynnst þarna. 

  

En nú kemur Frosti Sigurjónsson fram á ritvöllinn og sýnir með óyggjandi dæmum að ÞM er annaðhvort ekki óskeikul eða þá bara beint pólitísk:

 

560145

Lissabon sáttmálinn hefur verið þýddur á Íslensku. Sáttmálinn lýsir réttindum og skyldum aðildarríkja í smáatriðum. Þess vegna er mikilvægt að þýðingin sé vönduð og nákvæm en því miður virðist það markmið ekki hafa náðst. Hér eru nokkur dæmi:

2. KAFLI, SÉRTÆK ÁKVÆÐI UM SAMEIGINLEGA STEFNU Í UTANRÍKIS- OG ÖRYGGISMÁLUM, 1. ÞÁTTUR ALMENN ÁKVÆÐI, 24. gr :

“Þau skulu forðast að gera nokkuð það sem vinnur gegn hagsmunum Sambandsins eða kynni að skaða áhrif þess sem afls í þágu samheldni í alþjóðasamskiptum.”

"They shall refrain from any action which is contrary to the interests of the Union or likely to impair its effectiveness as a cohesive forcein international relations."

Þetta er rangt þýtt því "Cohesive force in international relations" þýðir “samheldið afl í alþjóðasamskiptum”, en alls ekki “afl í þágu samheldni í alþjóðasamskiptum”.

XXI. BÁLKUR ORKUMÁL 194. gr.

“1. Með tilliti til stofnunar og starfsemi innri markaðarins og með skírskotun til þarfarinnar á að varðveita og bæta umhverfið skal stefna Sambandsins í orkumálum miða að því, í anda samstöðu meðal aðildarríkjanna, að:

a) tryggja starfsemi orkumarkaðarins,

b) tryggja öryggi í orkuafhendingu í Sambandinu, “

"(b) ensure security of energy supply in the Union; "

Þetta telst röng þýðing því “supply” þýðir “framboð” en ekki “afhending” Lið b) ætti því frekar þýða þannig "tryggja öryggi orkuframboðs í Sambandinu." Aðildarríki eru hér að samþykkja að Brussel taki ákvarðanir um öruggt orkuframboð (auðlindina) en ekki bara örugga afhendingu orku.

I. BÁLKUR FLOKKAR OG SVIÐ VALDHEIMILDA SAMBANDSINS 3. gr.

“1. Eftirtalin svið skulu falla undir fullar valdheimildir Sambandsins: a) tollabandalag, b) setning nauðsynlegra samkeppnisreglna vegna starfsemi innri markaðarins, c) peningamálastefna fyrir þau aðildarríki sem hafa evru sem gjaldmiðil, d) verndun lífrænna auðlinda hafsins innan sameiginlegu sjávarútvegsstefnunnar, e) sameiginleg viðskiptastefna. “

"1. The Union shall have exclusive competence in the following areas: "

Exclusive þýðir að sambandið sé alfarið einrátt um þessa málaflokka. Sem mætti þýða "Sambandið skal hafa óskiptar valdheimildir á eftirfarandi sviðum". Þetta skiptir máli því aðildarríkin eru hér að samþykkja að lúta einhliða ákvörðunum ESB í þessum flokkum.

C. YFIRLÝSINGAR AÐILDARRÍKJANNA

“... og Evrópudagurinn 9. maí verða áfram í þessum löndum tákn samfélags borgara í Evrópusambandinu og tengsla þeirra við það. “

"... and Europe day May 9th will for them continue as symbols to express the sense of community of the people in the European Unionand their allegiance to it."

Orðið „allegiance" getur þýtt: obligation, commitment, devotion, faith og loyalty. Þarna er á ferð yfirlýsing um hollustu við Evrópusambandið en ekki bara "tengsl" við það.

Finnst einhverjum fleirum en mér að þessar þýðingavillur séu best til þess fallnar að láta þennan grundvallarsáttmála Evrópusambandsins líta út fyrir að vera eitthvað ásættanlegri en hann er í raun og veru?

 

Íslensk þýðing: http://www.utanrikisraduneyti.is/media/esb/lissabon-sattmali/Lissabon-heildarskjal.pdf

Enska útgáfan: http://eur-lex.europa.eu/LexUriServ/LexUriServ.do?uri=OJ:C:2010:083:FULL:EN:PDF

 Jafnvel ég, sem ótækur þýðandi sé að þarna er réttu máli hallað og textinn er beinlínis rangur. Og þetta er sjálf stjórnarskrá Evrópusambandsins undir. Ekkert ómerkilegt plagg eins og ég hef verið að þýða um hvernig samskiptum  VesturEvrópusambandsins og Evrópusambandsins skuli vera háttað. Sem er úrelt fyrir 10 árum síðan þar sem VES hefur verið lagt niður og fleira í þeim dúr sem ég hef komið að.

Jæja, mér er bara létt. Þeir eru þá ekki óskeikulir þarna hjá ÞM . En sjálfsagt er ég jafnvitlaus og áður í pólitíkinni. Það hafði hinsvegar aldrei hvarflað að mér að það gæti verið heppilegra að orða eitthvað öðruvísi en stendur á frumtextanum. Þar er ég bit á Þýðingarmiðstöð.


Pillið ykkur heim!

Alþingismenn. Þið eruð barasta að eyða fé og fyrirhöfn í að afgreiða ónýt mál sem verður kassérað eftir þörfum um leið og nýtt þing hefur verið kosið. Er ekki hægt að fleygja í ykkur aukamánuði eða tveimur  í kaupi bara fyrir það að pilla ykkur? Er það ekki bara það sem drífur ykkur áfram hvort sem er? Varla get ég komið auga á annað?

Svo segir í Mogga í morgun og er verið að tala um álverið í Helguvík sem kommarnir Steingrímur J. Sigfússon og Svandís Svavarsdóttir haf skipulega skemmdarverkað undanfarin ár til framdráttar kjördæmi Steingríms.

" Suðurnesjamenn vilja að álverið njóti jafnræðis við Bakka hvað varðar uppbyggingu innviða og ívilnanir stjórnvalda. Kynntu þeir drög að slíku frumvarpi á fundi með fjármálaráðherra í marsbyrjun en eins og fram kom í blaðinu í gær vill ráðherra að vinnu verði hraðað vegna Helguvíkur. Hins vegar er ósamstaða um málið milli stjórnarflokkanna. Katrín Jakobsdóttir, formaður VG, segir umræðu um málið ótímabæra. Árni segir afstöðu Katrínar svipaða og Steingrímur J. Sigfússon hafi áður gefið til kynna, um að verkefnin á Bakka og í Helguvík séu ekki sambærileg.

 

»Steingrímur talar mikið um köld svæði en okkur þykir frekar anda köldu í okkar garð. Það virðist ekki vera samhljómur í ríkisstjórninni um hvernig hún lítur á málið,« segir Árni.

 

Óljóst er um þinglok og hvort eða hvenær frumvörp um Bakka fara í gegn. Bergur Elías Ágústsson, bæjarstjóri Norðurþings, segir það hafa alvarlegar afleiðingar ef frumvörpin verða ekki afgreidd.  "

Hvað á þessi farsi að þýða? Tæknilega steindautt Alþingi heldur áfram að þvælast fyrir þjóðinni eins og það sé að reyna að treina kvalir hennar sem lengst. Þær eru orðnar yfrið nógar þegar.

 Það er meira en mál á því að þetta ónýta Alþingi pilli sig heim! 


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband