Leita í fréttum mbl.is

Bloggfærslur mánaðarins, október 2016

Eru þetta stjórnmálaflokkar?

eða leikskólar? 

Formaður í VG situr í sandkassanum sínum og tautar einhverjar töfraþulur með sér um hvað hann Store Stygge Ulv sé vondur. Sjálfstæðisflokkurinn sé ekkert nema illskan í garð lítilmagnans, gerspilltur og blablabla. (Eða er þetta bara friðþægingartal til undirbúnings sinnaskiptum?)

Eru ekki stjórnmálaflokkar til þess að hafa áhrif? Er ekki þeirra hlutverk að greiða þjóðinni götu, gjöra veg fólksins beinni? Er ekki Katrín Jakobsdóttir í vinnu´fyrir þjóðina  á Alþingi? 

Sama má spyrja sig varðandi Framsókn? Ætla Sigurður Ingi og Sigmundur Davíð að láta persónulegan ágreining sín á milli koma í veg fyrir að þeir vinni fyrir þjóðina ef þeir eru beðnir um það? Af hverju geta þeir ekki tekist í hendur og lagt persónulegan ágreining sinn til hliðar.Þykir þeim ekki vænna um Framsóknarflokkinn heldur en sjálfa sig?

Það er borðliggjandi að þessir þrír flokkar geta myndað trausta stjórn með mikinn þingmeirihluta. 

En spurningin er hvað VG og Framsókn séu er í raun og veru?

Stjórnmálaflokkar eða leikskólar dadaista?


Af hverju ekki?

http://www.msn.com/

 
(Fletta 11 sinnum til vinstri á myndinni)
 
Af hverju ekki svona hús á hjólum sem kosta minna en 10 millur? Er þetta ekki betra en ekki neitt hús?

Sigurður Ingi

fékk þá umsögn hjá flestum formönnum flokkanna í sjónvarpsþætti í kvöld, að vinnubrögð á Alþingi það hálfa ár sem hann hefur verið forsætisráðherra, hafi stórbatnað.

Hvernig stendur á því að allskyns fólk gengur um með yfirlýsingar um að Framsókn sé ekki stjórntækur flokkur vegna innri klofnings milli Sigurðar manna og manna fyrri formanns? Er þetta virkilega eitthvað óbrúanlegt í ljósi þjóðarhagsmuna?

Veitir af að á Alþingi sé svona rólegheita maður eins og Sigurður Ingi sem getur haft þessi áhrif á óstýrilátan þingheim? 

Voru ekki þessi ummæli forystumanna stjórnarandstöðuflokkanna um áhrif Sigurðar Inga forsætisráðherra talsvert athyglisverð?

 


Benedikt blottar sig

í sjónvarpinu í stjórnmálalegri fákænsku.

Hann segir sig vera kallaðan af þjóðinni til að leiða stjórnarmyndun til að koma fram efnahagslegum umbótum án kollsteypu.  

Benedikt boðaði beinum orðum fyrir kosningar að fella gengið tafarlaust, selja kvótann og stofna innviðasjóði. Og svo til að toppa kollsteypuna þá lagði hann til að festa krónuna við Evruna sem allir nema hann sjá til hvers hefði leitt. Atvinnuleysis og uppþota.

Þetta stjórnmálaástand breytist með tímanum. Nú er hinsvegar of seint fyrir kjósendur að iðrast þegar Benedikt blottar sig svona herfilega. 


Þarf ekki að hækka þröskuldinn?

til að koma mönnum á þing?

Nú erum við sjö flokka á Alþingi. Er einhver sem heldur það að þetta auki á skilvirkni í störfum?

Ef þröskuldurinn væri 7.5-8 % þá væru flokkarnir núna fimm en ekki sjö. Hvað myndi ekki sparast í kosningabaráttunni? Hversu flokkarnir myndi ekki þurfa meira að vanda sig í starfi á Alþingi? 

Þarf ekki að hækka þröskuldinn inn á þing?

 


Langtímahagsmunir

Sjálfstæðisflokksins?

Felast þeir ekki í því að halda Viðreisn utan stjórnar? Þessi flokkur sem má að einhverju leyti líta á minnihlutaklofning úr Sjálfstæðisflokknum, mun hann ekki deyja Drottni sínum í ESB í stjórnarandstöðu? Sömu örlög bíðu þá Píratanna í stjórnarandstöðunni?

Rís þá ekki Sjálfstæðisflokkurinn upp sameinaður á ný? 

Þetta virðist mögulegt í þriggja flokka stjórn með D, A og B.

Mætti kannski uppnefna hana Dabbi? 

Tæpt að vísu en hugsanlega hægt að lifa með?  Finnst einhverjum það ekki skárri tilhugsun en tæpan meirihluta með D og V þar sem Steingrímur og Björn Valur væru innanborðs?

En það er auðvitað ekki búið að telja svo þetta getur breyzt.

Maður veltir fyrir sér hvort það séu ekki langtímahagsmunir þjóðarinnar að Sjálfstæðisflokkurinn rísi úr öskustónni í næstu kosningnum?

 


Skilaboð frá Bjarna

til þín sem kjósanda eru þessi:

"Í dag göngum við að kjörborðinu til þess að hafa áhrif á það hvert leið okkar Íslendinga liggur næstu fjögur ár.

Við tókum við erfiðu búi vorið 2013 – atvinnulífið í járnum og efnahagslífið í lægð – en við náðum að snúa taflinu við. Okkur Íslendingum auðnaðist að vinna okkur út úr vandanum.

Í dag er fleira fólk í vinnu á Íslandi en nokkru sinni í sögunni. Atvinnuþátttakan hefur aldrei verið meiri, atvinnuleysi í lágmarki, verðbólgan innan markmiða og kaupmáttur launa er meiri en nokkru sinni.

Við náðum að binda enda á hallarekstur ríkisins og höfum greitt niður skuldir.

Á sama tíma höfum við lækkað skatta og örvað atvinnulífið.

Við skákuðum kröfuhöfunum og losuðum höftin og hagvöxtur er sá næstmesti í Vestur-Evrópu. Það er ekki slæmt á þremur og hálfu ári.

Við erum á réttri leið og ef við höldum áfram á þeirri braut eftir kosningar eru okkur allir vegir færir, og við blasir stöð ug og örugg framtíð þar sem lífskjör allra munu batna.

Það gerist ekki af sjálfu sér, við þurfum að sjá til þess í kjörklefanum í dag. Það gerum við aðeins með því að kjósa Sjálfstæðisflokkinn. Án hans verður ekki mynduð frjálslynd, borgaraleg ríkisstjórn á Íslandi, með staðfestu við stjórn efnahagsmála.

Því það sem Ísland þarf á að halda er stöðugleiki í stjórnmálum og styrk efnahagsstjórn.

Á þeim grunni byggjum við heilbrigðiskerfi í fremstu röð, menntakerfi sem undirbýr unga fólkið fyrir lífið, nýsköpun sem fjölgar tækifærunum og hagsæld sem tryggir mannsæmandi kjör eldri borgara.

Kosningabaráttunni lýkur ekki fyrr en síðasta kjörstað verður lokað í kvöld.

Ég hvet alla Íslendinga til þess að standa vörð um efnahagsárangurinn og hafna þeim flokkum, sem vilja setja hann í uppnám og óvissu.

Valið stendur á milli þess að taka u-beygju eða halda saman áfram á réttri leið.

Veljum leiðina fram á við"

Er einhverju við þetta að bæta?

Þá skulum við reyna að sækja fram með Sjálfstæðisflokknum á næsta kjörtímabili.

Það eru skilaboðin frá Bjarna Benediktssyni.

 


Aðalatriðin

fyrir kjósandann eru að finna í grein eftir Guðna Á Haraldsson hrl. í Morgunblaðinu í dag. Guðni segir m.a.:

1.Verðbólgan var 3,3% í júní 2013 en er í dag 1,8%. Þá hefur verðbólga verið undir verðbólgumarkmiðum Seðlabankans frá febrúar 2014.

2.Skuldir heimilanna í júní 2013 voru 104,3% af vergri þjóðarframleiðslu en eru í dag 81,2% miðað við sama mælikvarða. 

3.Skuldir ríkissjóðs voru í júní 2013 104,3% af vergri þjóðarframleiðslu en eru í dag 50,9 % miðað við sama mælikvarða.

4.Kaupmáttur launa hefur frá því í júní 2013 aukist um 20,6%. Hér er um mestu aukningu kaupmáttar launa á síðustu áratugum að ræða. 

5.Atvinnuleysi var 6,4% í júní 2013 en er í dag 1,9%. Í Portúgal, Spáni, Ítalíu og Grikklandi er atvinnuleysi ungs fólks yfir 25%.

6.Samningar við kröfuhafa bankanna leiddu til þess að um 660 milljarðar koma í ríkissjóð í formi stöðugleikaframlags og annarra greiðslna. 

Ef menn halda að Smári McCarthy og Birgitta muni ná betri árangri með Steingrími J. Sigfússyni og Birni Vali þá er valið einfalt.

Aðeins með því að kjósa Sjálfstæðisflokkinn getur maður aukið líkurnar á bjartri framtíð. Annað er misskilningur.

Það eru aðalatriðin sem skipta þig og mig  máli.


Leiðtogaviðræður

í RÚV skiluðu engu til mín nema að Bjarni Benediktsson og Sigurður Ingi skiluðu því til áhorfenda sem af þeim er ætlað og til trúað.

Ábyrgð og raunsæi.

Öll vinstri hjörðin talaði í gömlum klisjum sem allir eru uppgefnir á.

Benedikt Jóhannesson toppaði þó tillögurnar um aukin ríkisútgjöld með tillögunni um kvótasölu og stofnun innviðasjóðanna. Nokkurskonar endureisn Byggðastofnunar og Viðlagasjóðs.

Hann lofaði að lækka vaxtakostnað rikisins og fólksins með því að tengja krónuna við evruna. Lántökur í erlendri mynt hafa verið bannaðar almenningi um langt skeið. Evrulán á núllvöxtum eru því ekki í boði fyrir almenning. Hugsanalega skilur Benedikt þetta þar sem hann er menntaður í tryggingastærðfræði sem Smári MacCarthy hefur ekki enn komist til að læra, hvað sem verður. En talar hann af sannfæringu eða er hann að forðast staðreyndir?

Benedikt hefur enn ekki skilið hvað kom Íslandi út úr hruninu betur en Grikklandi og Írlandi. Þessi litla króna sem við eigum fyrir okkur sjálf. Hún bjargaði landinu upp úr díkinu meðan Evrulöndin Grikkland og Spánn hafa viðvarandi atvinnuleysi upp á 50 % meðal ungs fólks. Smára McCarthy finnst þetta vera æskilegt atvinnuleysi.Þeir sem ekki trúa fari á þessa slóð:

https://m.youtube.com/watch?v=uEIwmPSzlxI

 

Þar talar Smári í það minnsta af hreinni sannfæringu


Nýherji og TM-Software

voru í fréttum  Viðskiptablaðsins árið 2010.

TM-Software var eign Nýherja og var samkvæmt blaðinu breytt í Roka ehf. sem var sett í gjaldþrot á nýrri kennitölu meðan TM-Software heldur enn áfram í mörgum myndum með Nýherja.

Þrotabú Roku ehf. höfðaði mál gegn Nýherja sem lauk með sáttargerð um að Nýherji greiddi þriðjung krafna. Um þessi mál veit herra Google talsvert.

Stjórnarformaður Nýherja þá og nú var að selja hlutabréf sín í félaginu fyrir skömmu rétt fyrir verðlækkun þeirra. Það var spurt um innherjaviðskipti í blöðunum sem hann neitaði alfarið og sagðist algerlega saklaus af.

Þessi sami stjórnarformaður er nú að bjóða sig fram til að leiða þjóðina inn í Evrópusambandið undir nýju flaggi.

Er þetta sú nýja herför það sem þjóðin hefur heitast þráð? 

 


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband