Stefán Fúle

er loksins orðinn fúll út í Íslendinga.

Hann segir þeim hreint út að aðildaviðræðurnar séu markleysa til þessa. Sem þær eru auðvitað þegar aðeins er rætt um þau atriði sem er hægt að ná samkomulagi um.

En þetta er auðvitað tímasóun þegar skugginn af sjávarútvegs-og landbúnaðarkaflanum vofir yfir.

Leggið spilin á borðið segir stækkunarstjórinn loksins. Við eigum að hætta þessari tilgangslausu peningasóun sem misbýður Evrópusambandinu jafn mikið og venjulegum Íslendingum sem borga brúsann. Það er hrein móðgun við Stefán og hans fólk að bjóða upp á slíkan dónaskap eins og Íslendingar sýna þessu ágæta sambandi. Með því að halda því uppi á snakki um einskisverða hluti þegar þjóðin vill ekki semja við aðra um auðlindirnar.

Stefán Fúle á skilið riddarakross fyrir framtakið. 

Athugasemdir

[Ásthildur Cesil Þórðardóttir, 22.11.2012 kl. 17:57]

Áhugavert Halldór, ertu með link á þessi ummæli stækkunarstjórans einhversstaðar?

[Halldór Jónsson, 23.11.2012 kl. 13:06]

Sæl Ásthildur

Ég held að ég hafi bara lesið þetta í málgagninu, þ.e.a.s. auðvitað Morgunblaðinu á forsíðu í vikunni.

[Ásthildur Cesil Þórðardóttir, 23.11.2012 kl. 13:23]

Takk fyrir það Halldór.  Mér finnst þetta afar áhugavert, og sýnir að ESB er að sjá í gegnum þennan leik Samfylkingarinnar.