Á ég að borga?

fyrir annað eins fíflarí og þetta stjórnlagaráðsfrumvarp?

Á ég engan endurkröfurétt á neinn fyrir ónýta vinnu? Ber enginn ábyrgð á þessari dellu?

Prófessor Sigurður Líndal tekur saman nokkur grundvallaratriði sem augljóslega geta alls ekki gengið í neinni löggjöf, hvað þá sjálfri stjórnarskránni.

Tínum saman nokkur atriði úr upptalningu hans:

1.Hvað það merkir í stjórnarskrártillögunum »mannamálið« að lifa með reisn? Er það væri ekki í samræmi við mannlega reisn að liggja í sjúkrarúmi á göngum?

2.Í 23. grein að allir skuli eiga rétt til að njóta andlegrar og líkamlegrar heilsu. Hvað er nákvæmlega heilsa? Gæti þetta ekki ýtt undir kröfur á heilbrigðiskerfið, ef menn teldu sig ekki fá þjónustu í samræmi við þetta ákvæði?

3.Réttur til sannfæringar. Gæti ekki einhver agnúast út í skóla fyrir að kenna eitthvað sem þeim líkar ekki? Til dæmis trúlausir foreldrar sem agnúast út í kristinfræðikennslu? Hvað með kynþáttaskoðanir? Hvað með byssueign?

4.Þingræðisstjórn sett í staðinn fyrir þingbundna stjórn í 1. grein núverandi stjórnarskrár? Á 19. öld þótti þingbundin stjórn m.a. þýða takmarkað neitunarvald konungs. Með þingræðisstjórn er merkingin þrengd mjög mikið. Takmarkar þetta ekki vald Alþingis? Þingræði merkir að hver ríkisstjórn verður að njóta meirihluta stuðnings Alþingis eða hlutleysis en þingbundin stjórn er miklu víðtækara hugtak.

5.Svo er komið að orðinu jafnræði. Í 6. grein stjórnlagafrumvarpsins segir að öll séum við jöfn fyrir lögum og skulum njóta mannréttinda án mismununar. Þetta er gott og blessað en það tengist réttlæti og þá verðum við að hafa í huga að réttlætishugtakið er dálítið flókið. Þ.e. jafnaðarréttlæti eða verðleikaréttlæti.

6.14. greinin eer um að stjórnvöld skuli tryggja aðstæður til opinnar og upplýstrar umræðu. Hvernig? Er þetta réttur til skrifstofu, ritara og tölvu?

7.18. greinin um að öllum skuli tryggður réttur til trúar og lífsskoðunar, þar með talinn rétturinn til að breyta um trú eða sannfæringu og standa utan trúfélaga. Af hverju er þetta þarna?

8.Í 22. greininni segir að öllum skuli með lögum tryggður réttur til lífsviðurværis og í 25. greininni er kveðið á um réttinn til sanngjarnra launa. Hvað merkir þetta eiginlega? Gæti launamaður farið til atvinnurekanda og sagst hafa ósanngjörn laun.Geta allir heimtað það? Á eldri borgari rétt á fríu fæði og klæði?

9. 7. greinin um að allir hafi meðfæddan rétt til lífs. Þá byrja deilur um fóstureyðingar, ekki satt? Lögmætar eða ekki?

10. 24. greininni að menntun skuli miða að alhliða þroska hvers og eins, gagnrýninni hugsun og vitund um mannréttindi, lýðræðisleg réttindi og skyldur.Á sérkennsla alltaf að innihalda fræðslu um mannréttindi og gagnrýna hugsun?

11.20. greinina þar sem er kveðið á um takmarkanir, þ.e. að ekki megi leysa upp félag með ráðstöfun stjórnvalds. Af hverju má ekki banna um sinn félag sem hefur ólöglegan tilgang? Hvað með Al Queda?

12.Verður ráðherrum breytt í ráðuneytisstjóra?
Stjórnlagaráð leggur til breytingu á hefð sem nær aftur til landshöfðingja
Af hverju má ráðherra ekki sitja á þingi?Allt frá tímum Hannesar Hafstein hafa ráðherrar setið á þingi. Landshöfðingi sat á þingi líka.

13.Í 13. greinin frumvarpsins er vikið að eignarréttinum. Mér finnst algjör óþarfi að fella niður að eignarrétti fylgi skyldur.

14Ljóst er að þjóð getur ekki verið aðili að eða handhafi eignarréttar á auðlindum. Í greininni eru svo felldar burtu allar helstu heimildir eignarréttarins eins og ráðstöfunarréttur, skuldfestingarréttur og aðrar heimildir takmarkaðar, svo sem umráðaréttur eða hagnýtingarréttur. Ákvæðið verður mótsagnakennt.

15.Í 86. grein frumvarpsins segir að ráðherrar séu æðstu handhafar framkvæmdavalds hver á sínu sviði. Forsetinn er hvergi nefndur þar.

Þessir punktar sýna að þetta er gersamlega óbrúkanlegt plagg. Illa unnið og illa hugsað. ´

Ég mótmæli því að skattfé sé notað til að borga fyrir svona lélegt verk. Þetta stjórnlagaráðslið getur ekki tekið peninga fyrir að skila slíku handóýtu plaggi. Það á að endurgreiða eða endurbæta.

Til viðbótar mótmæli ég því að dýrum tíma Alþingis sé eytt í umræður um svo ónýtt plagg, þegar hver meðalsnotur maður getur séð eftir samantekt Sigurðar Líndal að textinn er óbrúklegur með öllu þar sem hvert rekur sig á annar horn. Slíkt gengur ekki í stjórnarskrá sem á að vera grundvöllur allra laga og mannréttinda.

Enginn ráðuneytisstjóri né ráðuneyti myndi nokkru sinni hafa sent frá sér svona illa unnið lagafrumvarp. Þetta er algerlega óbrúkleg samsuða amatöra í stjórnskipun sem hafa ekki haft neina grundvallarþekkingu til að bera í lagasmíði. Fyrir utan áberandi skort á heilbrigðri skynsemi.

Ég vil ekki borga fyrir svona fíflarí.Ég vil fá endurgreitt.

Athugasemdir

[Ómar Ragnarsson, 19.12.2012 kl. 20:58]

Sjaldan hef ég séð lengri röð af útúrsnúningum og hártogunum en þessa. Flest af þessum atriðum er að finna í erlendum stjórnarskrám og þykir ekkert vandamál í þeim löndum að skilja hvað átt er við, svo sem það að ráðherrar megi ekki sitja samtímis á þingi og í ríkisstjórn.

Greinin um meðfæddan rétt til lífs gildir um þann tíma, sem líður frá fæðingu fólks til dauða þess og þar af leiðandi þessi grein lögum um fóstureyðingum ekkert við.

Að lifa með reisn felur í sér að sporna til dæmis gegn einelti.

Og það er ekki stjórnlagaráð sem vill fella nður að eignarétti fylgja skyldur heldur vill lögfræðingahópurinn fella þetta niður úr frumvarpi stjórnlagaráðs og fara þannig gegn þeirri meginhugsun frumvarps stjórnlagaráðs að leita jafnvægis, t. d. jafnvægis á milli réttinda og skyldna og valda og ábyrgðar.   

[Ómar Ragnarsson, 19.12.2012 kl. 20:59]

Afsakið að orðið "kemur" vantar í setninguna: "...og þar af leiðandi kemur þessi grein fóstureyðingum ekkert við."

[Halldór Jónsson, 19.12.2012 kl. 23:36]

Sæll kæri vin Ómar

Ef þarf að leggja vinnu í túlkun á einstökum greinum þá er boðið upp á smekk túlkarans. Þanngig er það með biblíuskýringar hinna einstöku trúarskóla. Ef það þarf sérstaka túlkun hápresta á boðorðunum: Þú skalt ekki mann deyða eða þú skalt ekki stela með löngum útskýringum hvenær megi drepa og stela, þá er lögmálið ónýtt.

Það gildir sama með þetta frumvarp. Ég veit ekkert hversu lengi þín nýtur við til að skýra hvernig eigi að skilja einstakar greinar. Ef þú ert farinn þá situr vafinn eftir. Þessvegna er þetta handónýtt frumvarp því það er í þoku og verður ekki skilið nema með túlkun hápresta. QED

[Már Elíson, 19.12.2012 kl. 23:52]

Halldór, Ómar er nú vægur við þig enda kurteis með afbrigðum. - Þú segir réttilega í útskýringum á sjálfum þér efst til hægri að þú sért ekki góður "í neinu af þessu..."

Þú getur líka bætt inn í þennan lista í þú sért heldur ekki góður í að lesa venjulegt mannamál og þú sért dæmigerður sjálfstæðismaður (kemur reyndar illi orði á orðið "sjálfstæði) og sért fúlllyndur og útúrsnúningagjarn.

Þú mátt reyna að snúa útúr þessu frumvarpi eins og þú vilt - Því verður aldrei breytt sérstaklega fyrir fýlupoka eins og þig.

En þú ert góður í því hinsvegar....

[Már Elíson, 19.12.2012 kl. 23:54]

Leiðrétting...Hinar kostulegu, en sönnu útskýringar á sjálfum þér eru reyndar efst til vinstri....Sat bara hinu megin við borðið áðan...

[Ólafur Björn Ólafsson, 20.12.2012 kl. 05:48]

Það er sannað mál að þegar túlka þarf fyrir almenning hvað einstakar greinar og orð þýða á plaggi sem á að vera öllu ljóst þá er eitthvað rangt við orðalagið.

Kostulegar útskýringar á greinum sem eru fáránlega orðaðar geta ekki gert annað en að gera menn ruglaða. Ef setja þarf saman stjórnarskrá þarf hún að vera vel orðuð þannig að enginn vafi leiki á hvað um sé rætt. Þetta plagg sem "stjórnlagaráð" setti saman er að flestu leiti óhæft til notkunar sem stjórnarskrá af þeirri einföldu ástæðu að of mikkilla útskýringa er þörf.

Með kveðju

Kaldi

Ekki sjálfstæðismaður en er samt sjálfstæður...

[Júlíus Björnsson, 20.12.2012 kl. 07:40]

Hér komin tími til að skilgreina einstaklinga í sundur hvað varða tekjur, svipað og í öllum stöndugum borgríkjum.  Gera skili á rauntekna lögaðila [kennitalna: persóna að lögum] og einstaklinga þegar langtíma skipting raunþjóðartekna reiknaðar eftir hvert skattár [PPP vegið meðtal af raunvirði alls sem selst almennt á mörkuðum]. 

Segjum að nýjar eignir sem myndast innan Íslenskar lögsögu [ber því söluskatta] séu 200 Ein. Lögaðilar fá 100 ein. [fyrir sínum gjöldum] og einstaklinga [heimili] 100 ein. af raunvirðinu. 

þá skipast þessar 100 ein. í Svíþjóð og Þýskalandi þannig , að tryggt er lögum og reglugerðum bræðralaga og jafnrétti t.d. Þeir 10% ríkustu fá 24% of 80% þegna í meðaltekjum  fá 74%.   á hverju ári að meðaltali til eilífðar.

það getur engin nútíma hagfræðingur í vanþroskum ríkjafræðum ruglað Alda gömlu hefðum í Stöndugum borgríkjum.

þá liggur líka fyrir hvað þessi 80% geta borgað í raunvirði á hverju ári frá vöggu til grafar í húsnæði.     

   74 ein. af 200. ein þjóðar tekjum: eru  37 % í ráðstöfunar fé, 50% af því til húsnæðis eru  18,5% . Sem kosta um 2,0% af ári í viðhald og 2,0% í skatta og tryggingar.

Á fasteigna markaði meðal tekju aðila í USA t.d. skiptir engu mál hvernig húsnæði þess er það kosta í heilda aldrei neitt meira en fasta prósentu af heildar rauntekjum USA á hverju ári.

Leggja ekki á raunvexti eða yielding kröfu umfram línuleg langtíma  hækkun neysluverða  á 30 jafngreiðslu veðskuldarbréf, tryggir langtíma  stöndugleika og stöðuleika á common mörkuðum, þess vegna eru þau stöndug: hlutir fara ekki almennt úr  böndum> securties bonds vanta á Íslandi, 100% síðan um 1998.   

Þótt einstaklingur kaup húsnæði undir 80% meðaltekju einstaklinga til að leiga þeim. þá verðleggur hann heildar raunvirði fasteigna grunnstétta  svona óháð gæðum eða stærð.

Skoða heildar myndina sleppa aumingja gæði við þá 10% ríkustu á hverju ári sem er breytilegt erlendis: hvað varðar einstaklinga og lögaðila.

[Halldór Jónsson, 20.12.2012 kl. 08:18]

Már,

andartak hélt ég að þú værir annar Már Elísson eldri sem ég þekki. Ég bið hann afsökunar á því augnabliki.

Þú segir allt rétt um mig sjálfan. En það sem ég segi skilur þú ekki. Svo ég hef ekki fleiri orð um það.

Ólafur Björn

Mér er heiður að því að þú skulir skrifa þínar athugasemdir.

Júlíus,

þú ferð nú aðeins út fyrir efnið en mér þætti fengur í því að heyra þína skoðun á stjórnlagaráðsfrumvarpinu í sem fæstum línum.