Flýgur fiskistofa

til og frá í tilverunni.

Morgunblaðið lýsir ferðalögunum þannig:

"Níu mánuðum síðar er hún enn á ferð um götuna og vindur sér að henni ókunnugur og segir að fiskistofuákvörðun hafi verið breytt og nú skuli stofnunin flytja norður í áföngum. »Kannski fer neðsta hæðin fyrst,« sagði hann. »Það lá að,« sagði kerla, »enn flýgur fiskiflugan«.

Kerla sat heima hjá sér og kannaði í síðasta sinn hvort Síðasta lag fyrir fréttir, sem hún heyrði síðast fyrir fáeinum árum, hefði í raun verið síðasta lag fyrir fréttir og lenti hún því óviljandi í því að heyra hádegisfréttir.

 Þar sagði að nú hefði verið ákveðið að forstjóri Fiskistofu flytti einn til Akureyrar, en starfsmenn sem alls ekki vildu flytja mættu ráða því hvort þeir flyttu eða ekki. Ráðherra sagði þessa breyttu ákvörðun undirstrika óbreytta ákvörðun.

 

Kerling skildi það svo að það þýddi að starfsmenn í Hafnarfirði myndu jafnan skjótast norður og halda árshátíð fiskistofustjóra til samlætis. 

Það flýgur Fiskistofan,« sagði kerling, »ég sný ekki til baka með það«."

Ég held að þessi vandræðagangur með Fiskistofu, ESB viðræðurnar og svo líka með Náttúrupassann og Húsnæðisfrumvarpið sé ekki til að auka traust manna á ríkisstjórninni.

Mér finnst að fyrsta spurning með Fiskistofu væri sú, hvort að sú ráðstöfun að stofna til hennar hafi verið rétt? Voru ekki mun færri starfsmenn við gamla lagið? Má ekki endurskoða skipulagið?

Á að gefa útlendingum allt eftir með gjaldttöku á ferðamannastöðum enn eitt árið? Á ekki að gera neitt? 

Og hvað sem ESB líður, er ekkert bráðaðkallandi í húsnæðismálum landsmanna? Virkilega ekki þó fljúgi lítið Fiskistofa?

Athugasemdir

[Halldór Egill Guðnason, 18.5.2015 kl. 18:41]

Thad er ekki laust vid ad madur sé hálf undrandi á forgangsmálum ríkisstjórnarinnar. Endalaus vandraedagangur og svo virdist sem lítid midi med thau mál sem átti ad taka helst á. Einnig virdis sýnileiki helstu forrádamanna stjórnarflokkanna vera helst til lítill og fátt sem thadan kemur til ad laegja öldurnar. Má vera ad unnid sé í bakherbergjum ad ýmsum lausnum, en thad er kominn tími til ad stjórnin girdi sig í brók og láti verkin tala. Kjörtímabilid er hálfnad, fjandinn hafi thad. Húsnaedismál, ferdamál, gjaldeyrishöft, náttúrpassi og fl. Ad eyda púdri og tíma thingsins í karp um flutning fiskistofu, eda annad thadan af meira tilgangslaust rugl, er ekki lídandi öllu lengur. Ef ekki fer ad bera á einhverjum manndómi hjá stjórninni innan skamms, er haett vid ad pottaglamrarar og anarkistar sjái sér leik á bordi og stofni til illinda, enn á ný.

Gódar stundir, med kvedju ad sunnan.