Alvöru vopnabúnað

þarf að flytja til landsins.  Við þurfum að stofna íslenskt paramiltary ungra manna sem getur komið til stuðnings lögreglu og landhelgisgæslu ef í harðbakkann slær.  Sjálfboðaliðssveitir sem eru reiðubúnar að berjast í alvöru með alvöru búnað. Við getum ekki treyst á að Kaninn komi strax að passa okkur fyrir ljótakallinum.

Auðvitað æpa kommarnir hástöfum við svona tillögum  og GGF Jesúsar, Allahar eða Siðmenntar sig. Hér skal ekkert gert sem gæti orðið þjóðinni til varnar í næstu byltingartilraun.

Eins og er þá erum við landsmenn gersamlega ófærir um að fást við vopnaða hryðjuverkamenn sem einskis svífast. Maður hélt að það væri miklu betra að undirbúa sig áður en eitthvað brestur á okkur. En svona má hvorki hugsa né leggja til. Það má ekki heldur spyrja hvort óeirðaseggir séu annað en ungir karlmenn og RÚV beitir þöggun purkunarlaust ef alþjóðahyggjan á í hlut.

Hvað ætlum við að gera þegar Justin Bieber smalar saman 19 000 manns í einn sal og ISIS kemur á konsertinn? Gera allt sem þeir krefjast?

Landið er galopið. Öllu illþýði er greið leið hingað í nafni Schengen og passaleysis. Það verður ekki í neinum vandræðum með að koma búnaði sínum inn í landið. Stjórnvöld eru ekki líkleg til að hreyfa hönd né fót því allir skjálfa fyrir GGF og vinstri kerlingunum.  Man fólk ekki hvernig fór með norsku byssurnar?

Það vantar alvöru vopnabúnað í landið og fólk sem er reiðubúið að nota þau ef varðar þjóðarhag.

Athugasemdir

[Helga Kristjánsdóttir, 8.2.2016 kl. 21:46]

Þetta er meðal annars það sem landsmenn þarfnast.Enginn er svo vitlaus að halda við verjumst með atgeirum.Hættan er augljós og það eru seinustu forvöð að hópast saman og vinna með ennþá skarpari hætti en gegn innlimun í ESB.Við eigum  hugdjarfa menn,sem leggja allt í sölurnar fyrir Ísland 

[Jón Valur Jensson, 9.2.2016 kl. 00:07]

Hvað er GGF, Halldór? "Góða fólkið"?

Ertu að leggja til, að stjórnvöld hafi forgöngu um að stofna til þessa varaliðs og láti það fá sína vopnaþjálfun, eða ertu að leggja til stofnun einkahers? 

Þessi ríkisstjórn þorir nú engu (sbr. ESB-málið, Rússamálið, byssumálið norska o.fl.), þannig að sízt er við því að búast, að hún vogi sér neitt á þessu sviði. Hún er sennilega smeykari við einn vinstrimann á Fréttastofu Rúv heldur en allt ISIS-liðið samanlagt.

[Halldór Jónsson, 9.2.2016 kl. 09:39]

Helga, ég sé að þú nefnir hugdjarfa menn. Ég held að konur eigi ekki að vera æðstu yfirmenn í herjum. Þeirra stíll er öðruvísi, sjáðu lögregluna í Reykjavík.

Jón Valur, þú veist yfirleitt jafnvel og ég hvað ég meina og oft líka hugsa þannig að ég bara þakka þér fyrir skrifið.Þú þarft ekkert að spyrja um þessi efni.

[Jón (IP-tala skráð) 9.2.2016 kl. 11:43]

Endilega láta "unga menn með hreinar hugsanir" fá nógu öflugan vopnabúnað!

[Nonni (IP-tala skráð) 9.2.2016 kl. 18:20]

Ósköp væri gaman að vita hvað GGF þýðir? Svona fyrir okkur hin.

Hvernig á að fjármagna búnað og þjálfun þessara manna og halda báðu við? Hvernig á að velja í þessa sveit og hvernig á að koma í veg fyrir að ekki veljist í sveitina ofbeldisfullir geðklofar? Það sleppur einn og einn inn í Lögregluna þrátt fyrir strangan inntökuferil. Það er verra þegar menn eru komnir með alvæpni.

Við erum í dag með, að mér er sagt, nokkuð góða sveit manna sem er sérsveit Ríkislögreglustjóra. Þeir viðhalda sinni þjálfun daglega og eru á fullum launum við það.
Er ekki bæði einfaldara og ódýrara að hringja í Nato ef í harðbakkann slær og óska eftir sveitum frá Evrópu til aðstoðar? Þær gætu verið komnar hingað á 4-6 tímum, líklega svipuðum tíma og tekur að smala íslensku sveitinni sem þú vilt setja á laggirnar, saman.
Það er mikið frekar að semja um aðgang að slíkri sveit atvinnumanna en vera með áhugamenn á bakvakt. 

Samanburður við Landsbjörg er ekki að marka því þó þar leggi fólk sig oft í hættu, þá er líf björgunarmanna alltaf mikilvægara en líf þeirra sem er verið að leita að eða bjarga. Það á ekki við í tilfelli slíkrar sérsveitar hermanna sem oft er hreinlega að fara út í óvissu og jafnvel opinn dauðann!

[Halldór Jónsson, 9.2.2016 kl. 22:51]

Nonni, ert þú ekki bara vandamálið sem þjóðin á við að glíma?

[Nonni (IP-tala skráð) 11.2.2016 kl. 17:08]

Enn á ný Halldór þá útskýrir þú ekki og velur að svara ekki.
Einfalda svarið við þinni spurningu er önnur spurning; hvernig getur vandamál heilla þjóðar legið í einum manni?

Það væri mjög gott að sjá þig færa rök fyrir máli þínu eins og ég bið þig um. Þér er auðvitað fullkomlega frjálst að svara eða ekki en að svara með útúrsnúningi er oft ráð rökþrota manns. Þetta er þitt blogg og þú ræður.

Með leit fann ég að skv. athugasemd á þínu eigin bloggi þýðir ggf „góða gáfaða fólkið“. (http://halldorjonsson.blog.is/blog/halldorjonsson/entry/2164333/)
Það er alltaf gott að reyna að upphefja sjálfan sig með því að gera lítið úr öðru fólki og skoðunum þess með því að uppnefna það.

Njóttu dagsins. :-)

[Jón Valur Jensson, 11.2.2016 kl. 20:20]

Þetta er nú með vægustu "uppnefnum" sem maður hefur séð.