Halldór Jónsson

14.3.2017 | 14:43

Umhyggja fyrir hinum smáu

er venjulega á einkasviði vinstra fólksins.

Það lætur alltaf sem svo að allir séu vondir við lítilmagnann nema það sjálft. En hvernig er það í verki? Hvar eru afrek vinstristjórnarinnar þar sem Katrín Jakobsdóttir var ráðherra í?

Hvernig voru aðgerðirnar þá fyrir gamla fólkið? Mér heyrist Björgvin Guðmundsson ekki vera par ánægður með sig. Og ekki hefur það skánað í tíð síðustu og þessarar ríkisstjórnar. Gamlingjar mega nú nánast ekkert vinna öðruvísi en að missa bætur.

Bjarni Benediktsson sagði á fundi með Sjálfstæðismönnum í Kópavogi á dögunum að það væri eðlilegt að skerða bætur til lífeyrisþega vegna þess að Almannatryggingakerfið væri ekki lífeyriskerfi heldur tryggingakerfi.

Í grein sem Helgi K. Hjálmsson ritaði í Morgunblaðið 8.júlí 2010 stendur m.a.:

"Alþýðuflokkurinn gerði það að skilyrði fyrir þáttöku í nýsköpunarstjórninni, sem sat að völdum 1944-1946 að sett yrðu lög um almannatryggingar. Áður hafði Alþýðuflokkurinn komið á alþýðutryggingum 1936. En Ólafur Thors forsætisráðherra samþykkti tillögu Alþýðuflokksins og í ræðu um málið sem hann flutti sagði hann að almannatryggingarnar ættu að vera fyrir alla án tillits til efnahags. Með þessum aðgerðum gengum við framar í þessum efnum en aðrar þjoðir. Hugsunin var sú að þarna væri ekki um fátækraframfærslu að ræða heldur framfærslulífeyri. Hluti af eftirlaunum.

Í kring um 1969, var komið á almennu lífeyrissjóðakerfi þar sme launþegar greiddu ákveðna prósentu af sínum launum og gulrótin var aú að atvinnurekendur skyldu greiða frmalag á móti. Þegar þetta lífeyrissjóðakerfi v<r stofnað átti það að koma til viðbótar við almennarteyggingakerfið, svokallaðan grunnlífeyri. Þennan grunnlífeyri áttu allir að fá án tillits til annarra lífeyrissjóðstekna....

..... Þá þegar var byrjað á því að hringla með kerfið og skaða það........Er þar fyrst til að nefna að grunnlífeyrir var tekinn úr sambandi við almennar launahækkanir,síðan var farið að ýja að því að með tilkomu lífeyrissjóðanna og eftir því sem þeim óx fiskur um hrygg ætttu þeir að taka fyrir greiðslur frá almannatryggingum, sem gengur þvert á upprunalegu hugsunina um þær og 1. júlí 2009 var svo skrefið stigið til fulls með því að tekjutengja grunnlífeyri við aðrar tekjur frá líferissjóðunum en fram að þeim tíma hafði hann fengið að vera í friði gagnvart öðrum lífeyrissjóðsgreiðslum...."

Og hver skyldi nú hafa verið ráðherra í þessari ríkissjórn sem þarna hóf skerðingarverkið? Rétt til getið, fyrsti stafurinn er Katrín Jakobsdóttir, handhafi kærleikans, viðtakandi feitra launatékka og verndari smælingjanna.

Það sem verra er að þessi aðgerð kom þeim skilningi inn hjá ráðherrum Sjálfstæðisflokksins að grunnlífeyririnn sé fátækraframfærsla sem eigi að auðvitað að tekjutengja. Lífeyrisgreiðsla sem sé aðeins ætluð þeim sem ekkert annað hafa. Falleg hugsun en því miður bara útúrsnúningur á því sem upphaflega var til stofnað.

Og alltaf kjósa eldri borgarar þessa sömu stjórnmálamenn aftur og aftur því þeir eru svo vitlausir og trúgjarnir í stað þess að rísa upp pólitískt. En því nenna þeir auðvitað ekki enda eiga þeir að vera sestir í helgan stein og hættir öllu veseni.En væla þó sífellt án þess að nokkur taki mark á þeim því þeir gera ekkert raunhæft í málunum.

Katrín Jakobsdóttir sýndi innræti sitt og umhyggju fyrir þeim smáu 1.júlí 2009 með dyggri hjálp Steingríms J. Sigfússonar sem þá fór fyrir liði VG. Þetta vinstra lið sannaði innræti sitt þá svo um munaði og gaf upp þann umhyggjubolta fyrir þá hrjáðu og smáu sem aðrir ráðamenn hafa svo sparkað milli sín síðan eins og þeim hentar hverju sinni.

Flest sem stjórnmálamenn segja fyrir kosningar um bættan hag eldri borgara er umsvifalaust svikið eftir þær með langsóttum útskýringum sem enginn skilur. Eða hver skilur hvernig 25 þúsund kallinn í frítekjunum átti að bæta hag eldri borgara!

Fæstir meina í raun nokkuð með fagurgalanum um umhyggju fyrir eldri borgurum fyrir kosningar. Þeir virðast hugsa fremur um eigin hag og kjararáð en ekki kjör eldri borgara. Og þeir finna alltaf og endalaust ástæður til að réttlæta og útskýra hversvegna þetta er svona en ekki hinsegin.

Umhyggjan endar skjótt eftir kosningar.

Flokkur: Stjórnmál og samfélag | Breytt s.d. kl. 14:58 | Facebook

Athugasemdir

Þakka þér Halldór fyrir góðan pistil þinn.

Ég gekk frá framtali fyrir ellilífeyrisþega um daginn, þar sá ég að tekjur viðkomandi hækkuðu nánast ekki neitt, örfáir þúsundkallar yfir árið, en leigan mun meir.

Síðasta ríkisstjórn þar sem BB var fjármálaráðherra gerði ekki neitt fyrir öryrkja og ellilífeyrisþega á sama tíma og hann og aðrir þingmenn og ráðherrar fengu hundruð þúsunda launahækkun á mánuði.

Þetta Halldór er skammarlegt og þess vegna er ég hættur að kjósa Sjálfstæðisflokkinn. Reyndar er enginn flokkur á þingi sem hægt er að kjósa, við þurfum okkar Trump.

Tómas Ibsen Halldórsson, 14.3.2017 kl. 16:35

Já Tibsen

Okkar Trump er ekki mættur enn. Maður sem gerir það sem hann segir.

Halldór Jónsson, 14.3.2017 kl. 17:27

Mitt er Mitt,þitt er okkar er það sem vinstra liðið trúir á.

Gleymið ekki Ellstyrknum/Ellilífeyrirnum, sem hver þegn skal alltaf hafa óskertan á hverju sem dynur!!!!! STOLIÐ!!!

Lífeyrissjóðurinn mun gefa ykkur extra lífsgæði á efri árum, því Ellistyrkurinn er ekki svo spennandi að lifa af einn og sér!!!
(Þetta var fyrsta lygin sem var matreidd ofaní landslýð, þegar 4%+6% var rænt úr launaumslögum almennings og fólki talin trú um betra líf með viðbótargreiðslum ofaná Ellistyrkinn! bara að borga í lífeyrissjóðinn og þið munið lifa flott þegar þið hættið að vinna.)

þannig að í augnablikinu er búið að stela um tíma Ellistyrknum af aumum landslýð, sem hefur ennþá ekki sameinast til að endurheimta rétt sinn!!!

Fullur ellistyrkur skal endurheimtur að fullu fyrir alla!!!

Vandinn er að ríkisstarfsmenn, sérstaklega efri lögin, geta vel séð af 200.000 - 300.000, án þess að finna mikið fyrir því!!!
Halldór í Holti segir: ég hef það ekki slæmt miðað við aðra, ég fæ 600.000, úr prestasjóðnum og það dugar mér.

Gaman væri að sjá hvað dómari, og ekki að tala um Þingmaður+ Ráðherra+ Sendiherra fær úr óskertum Lífeyrirssjóði, sem Sauðsvartur Almúginn þarf að halda uppi?
Þeir fengju ekki svo mikið ef reiknað væri af inngreiddum iðgjóldum og töpuðum peningum eins og almúginn má þola.
Þá myndu þeir aldrei hafa reynt að stela Ellilífeyri almennings. Þeir gætu ekki verið án þeirrar upphæðar!

Þessir menn sem eru svo í því að breyta lögum, STELA Sjúkrasjóði, STELA fullum ELLISTYRK, sem að Sauðsvartur Almenningurinn á með óskoruðum rétti, hvað sem öðrum tekjum líður.

Þeir Sjá ekki þetta óréttlæti, því það sem þeir fá eða munu fá við starfslok eru svo háar greiðslur í krafti þess að geta blóðrúið Sauðsvartan Almúgann að missir 200.000 - 300.000,- Ellistyrks skiptir þetta fólk ekki máli!!!

Þeir fá meira en þeir geta eytt í flestum tilfellum.

Kolbeinn Pálsson, 14.3.2017 kl. 20:36

EKKI SKAL GRÁTA BJÖRN BÓNDA HELDUR SAFNA LIÐI-- VIÐ ÞURFUM AÐ KÆRA STJÓRNVÖLD FYRIR ALÞJÓÐADÓMSTOL !

HER ER EKKERT RETTLÆTI- AÐEINS EGINHAGSMUNASTEFNA SEM HRIFSAR OG STELUR.

Erla Magna Alexandersdóttir, 14.3.2017 kl. 21:24

Sæll Halldór.

Ég þakka þér fyrir enn eina færsluna, þar sem þú alls óhræddur lætur móðan mása yfir hausamótum siðlausra valdhafa og öllu fremur yfir rænulausum kjósendum þeirra.

Ég gæti best trúað að púðurkarli á borð við þig yrði tekið fagnandi á skrifstofu Flokks fólksins í Hafnarfirði, sem er líklega eini lífvænlegi flokkurinn, sem einmitt með hjálp góðra manna gæti fyrr en varir auðnast að standa uppi í hárinu á ófögnuðinum sem tröllríður hér húsum.

P.S.

Jónatan Karlsson, 14.3.2017 kl. 21:30

Já þið segið nokkuð. Okkur vantar Tromp held ég í þetta spil.

Halldór Jónsson, 14.3.2017 kl. 21:58