Bjargráð Evrupekinganna

koma fram í grein Bolla Héðinssonar í Fréttó á dag:

Þessi sjónarmið eiga líklega greiða leið að ríkisstjórnarborðinu.

Bolli hagfræðingur segir:

" ...Aðrar þjóðir sem áður voru í svipaðri stöðu hafa brugðist við sveiflum sem þessum. Fyrst með myntsamstarfi og svo sameiginlegum gjaldmiðli. Íslendingum stendur til boða að taka þátt í slíku myntsamstarfi sem myndi eyða mestu sveiflunum í verðlagi inn- og útflutnings auk þess sem vextir myndu lækka og hægt yrði að afnema verðtryggingu.

Síðan ef vel tekst til þá byðist þjóðinni að vera fullgildur aðili að útgáfu sameiginlegs gjaldmiðils. Gjaldmiðillinn heitir evra og samstarfsvettvangurinn heitir Evrópusambandið – það er fíllinn framsóknarflokkanna."

Nú háttar svo til að Byggingavísitala lækkar á Íslandi mánuð eftir mánuð. Sveiflan er öfug þó Grímur heimti gengisfall og ferðapostular vilji hafa allt sem ódýrast fyrir útlendingana.

Fyrir liggur hvernig Evran "bjargaði" Grikkjum, Spánverjum og Portúgölum. Menn missa vinnuna þegar engar evrur eru fáanlegar. Gengisfelling íslensku krónunnar hefur alltaf verið velferðaraðgerð í sögunni. Hún dreifir áföllunum jafnt á allt þjóðfélagið meðan Evran færir bara þeim sem verða atvinnulausir allt áfallið.

Skyldi vera mikið fylgi við að Íslendingar kíki í pakka ESB sérstaklega eftir nýjustu ummæli Junckers um sameiginlegt borðhald?

Trúa menn bjargfast á bjargráð Evruspekinganna

 

Athugasemdir

[Valdimar Samúelsson, 21.3.2017 kl. 11:03]

Ég er farin að halda að þetta sé svikastjórn og undirniðri sé hinsta ósk þeirra sé innganga í ESB.Við eigum ekki að treysta þeim of mikið og hefja feril með að senda bandaríkjastjórn eða Trump beint um sókn um að byrja feril að sambandsríki (territory eins og Alaska var og fleiri ríki já og DC er í dag.) Það er ljóst að við getum ekki og höfum ekki lög né þroska til að stjórna landi byggt á okkar síbreytilegum þönkum.    

[Anna Sigríður Guðmundsdóttir, 21.3.2017 kl. 14:39]

Ekki veit ég hvernig gjaldmiðlamálum er nákvæmlega háttað í Danmörku. Hvort þeir eru með evru eða fastgengi við evru?

Þann 21.01.17 kl 06:58 var á einhverjum netmiðlinum sagt frá peningaþvætti danskra banka í tengslum við terrorfinansiering. Veit ekki betur en að það þýði peningaþvætti á hryðjuverkagreiðslukostnaði. Eitthvað var minnst á Eistland líka í sambandi við þessar fréttir.

Reikna ekki með að eftirlitið með bönkunum á Íslandi virki á nokkurn hátt, fyrst það virkar í svona hripleku formi í Danmörku.

Googla: Danske banker får hård medfart i hvidvaskrapport

M.b.kv.

[Valdimar Samúelsson, 21.3.2017 kl. 16:47]

Anna það sem ég veit og hef eftir amerískum fjármála mönnum en þeir sögðust forðast Ísland eins og heitan eldinn þar sem Rússar voru með peningaþvotta aðstöðu á Íslandi. Stuttu síðar þ.e. eftir að ég heyrði þetta þá uppljóstraði rússneskur milljarðamæringur í BBC en þessi hafði verið útskúfaður frá Rússlandi Hann sagði hreinlega að Rússarnir notuðu Ísland í þessum tilgangi. Hver segir að þeir hafi ekki hagrætt vopna kaup og sölu fyrir harðsvíraða terrorista.  

[Halldór Jónsson, 21.3.2017 kl. 18:19]

Hvaðan komu Björgólfarnir til Íslands? Varla vinalausir

[Ómar Gíslason, 21.3.2017 kl. 18:39]

Góð grein Halldór. Ég las grein Bolla á tímabili hafði ég það á tilfinningunni að hann hafi dottið á hausinn og er en að jafna sig það.
Bolli virðist ekkert horfa til þeirra landa sem ramba á barmi gjaldþrots vegna þessara Evru.

Ef Ísland hefði verið með Evruna þegar hrunið gekk yfir, þá væri þjóðfélagið gjaldþrota í dag.