Hvað er að hjá ungum drengjum?

sem koma ólæsir og óreiknandi upp úr grunnskólanum?

Ef ég hugsa til baka í Gaggó Aust þá var þar fjöldi af karlkyns kennurum. Hámenntaðir menn og virðulegir. Snillingurinn Gunngeir Pétursson kenndi okkur stærðfræði og þann mann elskuðu allir í bekknum, þvílíkur alúðarkennari sem hann var. Þarna var líka hann Gráni yfirkennari, Árni Guðnason magister víðfrægur bókmenntamaður, Stóri Rauður og Litli Rauður, Björgvin skátaforingi, guðfræðingur og sprellikall, Helgi Þorláksson, Ástráður Sigursteindórsson, Guðmundur Þorláksson magister og margir aðrir stórvirðulegir menn og fyrirmyndir ungum drengjum auk æfingakennara. Við lærðum öll hjá þessum mönnum.

Engin kvenkyns kennari var látinn kenna reikning, það vissu allir að slíkt hentaði þeim ekki. Þær kenndu mál og bókmenntir. Gudda bar ægishjálm yfir kvenkennarana og allir strákar skulfu fyrir henni og hennar myndugleika, jafnvel Dagur Sigurðarson Stæll komst ekkert með hana.

Ég held að vandamálið sé ekki lengur bara of lítið kaup hjá kvenkyns kennurum. Það vantar karla í kennarastéttina.

Ég held að þetta leysist ekki nema með einkavæðingu grunnskólans. Samkeppni í menntunina en ekki meiri flatneskju eintómra ríkisvæddra kvenkennara. Eins og þær eru yndislegar í mínum augum þá er munur á kynjunum hvað sem gleðigöngum og kynlausu fólki líður. Það þarf stundum að hafa pung til að leysa málin og maður stundum heyrir svo svakalegar sögur úr skólanum að manni dámar.

Og svo verður að afskaffa þá vitleysu sem skóli án aðgreiningar er. Það er betra að útskrifa 80-90 % nemenda í lagi af því að þeir geta lært heldur en þann stóra hluta analfabeta eins og við erum að sjá í dag koma úr grunnskólanum þar sem helst enginn getur lært neitt vegna tossanna og hælisleitendanna sem ekkert skilja og allt skólastarfið stoppar vegna vitleysunnar. Kennarar eru vist farnir að grípa til gagnráðstafna óbeðnir að mér er sagt með einhverskonar hraðbrautum þar sem þeir sjá auðvitað að þessi vitleysa gengur ekki lengur.

Þessi glundroði verður að enda og raða nemendum eftir getu eins og var í gamla daga.

Athugasemdir

[valdimar jóhannsson (IP-tala skráð) 15.8.2017 kl. 01:19]

 Skóli án aðgreiningar skapar mjög neikvæða þróun í námi þar sem mörg þjóðarbrot mætast. Í Malmö er skóli þar sem 148 tungumál eru töluð. Þegar 30% nemanda eða meira ná ekki lægstu væntanlegri einkunn - þá lækkum við bara kröfurnar og staðalinn - snilld.
Með árunum verður kennslan enn verri og þá er þetta endurtekið, því það má ekki koma upp, hvað skólinn er lélegur.

Stúdentspróf úr menntaskóla voru aflögð í Sverige 1968.
Það má ekki mismuna einstaklingum í sósíalistiska fjölmenningar samfélaginu - och alla er lika.
Þegar stúdentar fá HÚFUNA að loknu námi, þá er hún bara pöntuð í tíma og mikið fjör við skólaslit - og svo er það að sjálfsögðu sérnámið sem fer fram í grúppum. Verði samfélaginu að góðu.

[JR (IP-tala skráð) 15.8.2017 kl. 18:24]

,,Ég held að þetta leysist ekki nema með einkavæðingu grunnskólans."

Halldór bregst ekki  !  Hvers vegna ætti hann að gera það, maðurinn sem fékk verkefni í massavís í gegnum flokkinn sinn ?

[Helga Dögg Sverrisdóttir (IP-tala skráð) 15.8.2017 kl. 18:29]

Nokkuð ljóst. Það vantar þjálfunina heima fyrir. Alltof mörg börn komast upp með að sleppa þjálfunarlestri og heimadæmunum. Ef kennarar leggja of mikið á sum börn ætlar oft allt vitlaust að verða, of mikið álga á börnin sem þjást af kvíða, þunglyndi og hvað þetta heitir allt saman. Það dettur engum í hug að kenna þjálfara um að börn séu léleg í fótbolta, handbolta eða fimleikum. Nei þá eiga þau að þjálfa, þjálfa og þjálfa enn meira til að verða góð. Í gamla daga lærðu börn heima, þjálfuðu sig í því sem þau voru ekki nógu góð og það var ekkert múður heima fyrir. Eigum við ekki að kalla eftir ábyrgð foreldrar, svona í langflestum tilfellum þegar börn eru illa læs...enda á þeirra ábyrgð að þjálfa börnin. Kennarar kenna undirstöðuatriðin, nemendur með aðstoð foreldra byggja ofan á með æfingu.

Tek undir að karlkyns kennara vanti en ekki af þeirri ástæðu sem þú nefnir. Það hefur lengi loðað við karlpeninginn að hann vil skaffa heimilinu vel og kennaralaun gera það ekki að mati karlmanna.

[Margrèt Ásgeirsdóttir (IP-tala skráð) 15.8.2017 kl. 20:10]

Er þetta ekki bara grín? Þarf Grýla að kenna börnum svo þau þori ekki annað en að læra srærðfræði.Staðreyndin um fortíðina er sú að í bestu bekkjunum voru fleiri stelpur en strákar og í tossabekkjunum voru fleiri strákar en stelpur. Enda er karlkynið frekar með áhættuhegðun vegna ADHD. Náttúran sér fyrir því að fleiri drengir en stúlkur fæðast vegna þessarar áhættuhegðunar karlkynsins. Konum var haldið niðri með alls konar bábyljum eins og að rökhugsun væri sterkari hjá körlum en konur væru betri í mállegri greind. Rökhugsunin þótti æðri hugsun en kjafæðið í kvenfólkinu. Meira að segja kom fram kenning um að karlar væru gáfaðri en konur vegna þess að heili karla væri þyngri. Staðreyndin er sú að eftir að slíkir fordómar voru kveðnir niður og stúlkum var sagt að þær gætu og ættu að standa sig vel í stærðfræði fóru þær fram úr strákunum á því sviði eins og þær voru fremri á flóknu sviði tungumála.

[Ómar Ragnarsson, 15.8.2017 kl. 21:27]

JR er ómálefnalegur þegar hann hjólar í manninn en ekki málið. 

Nýbúið er hér á síðunni að segja að hvítir menn beri af öðrum kynstofnum vegna stærri heila og undrast ég að aftur sé komin á kreik hliðstæða við bábiljuna um yfirburði hins aríska kynstofns. 

Alhæfingin um að konur séu lélegar í stærðfræði gildir ekki í hópi afkomenda minna. Þeir einstaklingar í þeim hópi sem eru bestir í stærðfræði eru allir konur, og ein þeirra útskrifaðist meira að segja í stærðfræði frá háskólanum í Brighton í fyrrasumar! 

[Hulda K. Guðjónsdóttir (IP-tala skráð) 15.8.2017 kl. 22:42]

Er maðurinn ekki að grínast?

[Óli Jón, 15.8.2017 kl. 23:42]

Hvað er að hjá gömlum og úrillum köllum?

"Það þarf stundum að hafa pung til að leysa málin og maður stundum heyrir svo svakalegar sögur úr skólanum að manni dámar."

Pungurinn er eitt það viðkvæmasta og aumasta í þessum heimi og dugar lítt til þess að tuskast í erfiðum málum :) en gömlum og önugum köllum finnst pungurinn sinn bersýnilega vera eitthvað það stórkostlegasta í þessari veröld.

En hér er listi með nöfnum tíu þekktra stærðfræðinga sem allir hafa markað stór spor á því sviði.

[Kristín B (IP-tala skráð) 16.8.2017 kl. 00:48]

Svakalegur pistill. Hver komst inn á bloggið þitt Halldór? Tók eftir að þú telur þig síðan ekki vera góðan í neinu af því sem fangar huga þinn eða ert menntaður til. Hver kenndi þér verkfræði? Varla nein ríkisvædd kvenpersóna?😂