Halldór Jónsson

21.11.2010 | 21:17

Pólitískar ofsóknir

hafa alltaf fylgt kommúnistastjórnum. Nú kvartar Geir H.Haarde réttilega yfir afgreiðsluleysi kerfisins sem sem er beinn þáttur í herferð ríkisstjórnarflokkanna á hendur honum. Reynt er að valda fyrrum formanni Sjálfstæðisflokksins sem mestum skaða með því að draga málið á langinn. Allur málatilbúnaðurinn eru auðvitað hreinar pólitískar ofsóknir sem þingmennirnir Helgi Hjörvar og Ólína Þorvarðardóttir bera höfuðábyrgð á.

Aðfarirnar gegn Geir Haarde eru í stíl við það sem Steingrímur J. Sigfússon stóð fyrir í herferð sinni gegn Sjálfstæðisflokknum í Kópavogi á síðasta ári. Þá rak hann stjórn Lífeyrissjóðs starfsmanna Kópavogs fyrirvaralaust að næturlagi fyrir þá útblásnu sök að hafa reynt að varðveita verðmæti sjóðsins á hættutímum. En sjóðurinn skilaði þá bestu ávöxtun allra lífeyrissjóða landsins þennan umrædda tíma. Glæpurinn var fólginn í því að helsti ávaxtarinn var ábyrgðaraðili sjóðsins, bæjarsjóður Kópavogs.Engu var stolið og engu var spillt.

Steingrími tókst síðan með hjálp öflugra sveita lyga og undirferlis að flæma oddvita Sjálfstæðisflokksins Gunnar Birgisson úr starfi bæjarstjóra Kópavogs og gera saklausan og duglegan framkvæmdastjóra lífeyrissjóðsins atvinnulausan til lengri tíma. Framkvæmdastjórinn fær ekki vinnu vegna þess að málinu lýkur ekki og er látið hanga yfir henni sem öðrum. Málið er látið sitja fast í kerfinu og fæst ekki lokið þrátt fyrir þrýsting þolenda. Mörgum finnst glytta í rauðu úlfshárin þar að baki.

Ríkisstjórn Íslands er núna að meirihluta til skipuð gömlum kommúnistum. Enginn þeirra sem í henni sitja hefur étið annað en ríkisbrauð um sína daga. Hjá slíku fólki líður tíminn hægt og það gefur sér góðan tíma til að valda andstæðingum sínum í pólitík sem mestum skaða.

Flokkur: Stjórnmál og samfélag | Facebook