Valdimar

H. Jóhannesson skrifar þarfa greiningu á Múslímavandanum í Morgunblaðið, sem enginn vinstrisinnaður múslímaaðdáandi  les víst:

"Allar rökræður verða úti um holt og hæðir ef einn aðilinn neitar að taka mark á staðreyndum og færa verður jafnvel sönnur fyrir því sem hverjum upplýstum manni ætti að vera innan handar að vita. Þannig er því miður háttað umræðunni um einn stærsta vanda samtímans að margra mati en það eru vaxandi árekstrar hins vestræna menningarheims við þann múslímska. Annar vandinn er svo sá að þeir sem ráðast að okkur fáum sem höfum haft döngun til þess að fjalla um vandamálið opinberlega með rökum og af einhverri þekkingu hika ekki við að reiða hátt til höggs í málefnum sem þeir hafa augljóslega ekki haft fyrir því að kynna sér af neinu viti.

 

Þannig er t.d. með Björn Matthíasson hér í MBL í sl. viku. Honum finnst við hæfi að fara háðslegum orðum um mína persónu með því að nefna mig Valdimar nokkurn Jóhannesson. Orðið »nokkur« er augljóslega háðsyrði sem lýsir þó honum frekar en mér. Hann sleppir þó að kalla mig öllum þessum venjulegu skammaryrðum: rasisti, fasisti, hægri öfgamaður, útlendingahatari o.s.frv.

 

Háttvísiskortur Björns er þó ekki vandamálið hér heldur afbökun hans á innihaldi greinar minnar um vanda sem við stöndum frammi fyrir með vaxandi innflutningi fólks sem hefur mótast af hugmyndafræði íslam. Hann segir mig útmála fólk með múhameðstrú sem varasama glæpamenn. Þetta er ekki rétt. Ég vakti hinsvegar athygli á reynslu nágrannaþjóða á miklu hærri glæpatíðni meðal múslímskra innflytjenda en annarra þjóðfélagshópa og afar lágri atvinnuþátttöku þeirra. Þetta eru staðreyndir sem liggja fyrir. Hvergi segi ég að allir múslímar séu glæpamenn né að enginn múslími hafi atvinnu. Ég vakti líka athygli á miklum þjóðfélagsbreytingum sem hér yrðu ef svo fer sem horfir

 

Björn reynir að gera þá tortryggilega sem eru andvígir innflutningi múslíma hingað í stórum stíl og vaxandi umsvifum þeirra. Almenningur í Evrópu er honum sennilega lítt að skapi. Samkvæmt mælingu bresku hugveitunnar Chatham House í tíu Evrópulöndum, Belgíu, Frakklandi, Grikklandi, Ungverjalandi, Ítalíu, Póllandi, Spáni, Bretlandi, Þýskalandi og Austurríki, vilja 73% þeirra sem afstöðu tóku stöðva innflutning frá múslímskum löndum, aðeins 27% voru því mótfallnir. Yfir tíu þúsund manns tóku þátt í könnuninni.

 

Björn og hans nótar ættu að hugleiða hvernig stendur á þessari vaxandi andúð á fylgjendum Múhameðs um alla Evrópu. Allur almenningur finnur á eigin skinni hvar skórinn kreppir. Hann heyrir og sér endalaus hryllingsverk múslíma jafnvel þó að þau séu falin af gaumgæfni af ráðandi öflum. Almenningur veit betur en margur svokallaði menntamaðurinn sem í hroka sínum telur sig alvitra jafnvel í málum sem hann hefur aldrei kynnt sér vegna þess að hann hefur lesið nokkrar fræðibækur í alls óskyldum efnum og hefur fengið einhvern lærdómsstimpil fyrir margt löngu. Þrátt fyrir 14 alda sögu íslam sem hefur að mestu leyti verið hræðileg eru enn til þeir meðal okkar sem neita alveg að horfast í augu við staðreyndir, neita að kynna sér mannskemmandi hugmyndafræði íslam og alblóðuga sögu sem hefur lagt nær 300 milljónir manna af öðrum trúarbrögðum að velli.

 

Grein Tryggva Gíslason, fyrrverandi skólameistara MA, í Fréttablaðinu nokkrum dögum áður var ekki alveg jafn slæm en það er þó alvarlegt þegar slíkir menn, sem ættu að vekja traust um að rétt væri a.m.k. farið með staðreyndir, leyfa sér slíkt sullumbull. Tryggvi leggur að jöfnu kristna trú, gyðingdóm og íslam sem sýnir mikið þekkingar- og dómgreindarleysi. Sýnu verra er þó að segja að íslam merki friður. Íslam merki undirgefni dregið af rót arabíska sagnorðsins »istaslama« sem þýðir að gefa sig á vald, gefast upp fyrir. Þetta eru upplýsingar sem allir geta aflað sér. Alvarlegasta fullyrðing Tryggva er þó þessi:

 

»Engu að síður standa samtök kristinna manna, gyðinga - að ekki sé talað um samtök múslíma - fyrir ofbeldi og manndrápum víða um heim, þótt alls staðar séu þar minnihlutahópar á ferð.«

 

Hvaða minnihlutahópar gyðinga eða kristinna manna standa að ofbeldi og manndrápum víða um heim, Tryggvi Gíslason? Þegar þetta er skrifað hefur verið tilkynnt um 30.303 opinberlega skráðar, mannskæðar hryðjuverkaárásir í nafni íslam í heiminum síðan 11. september 2001. Getur þú bent á nokkrar sambærilegar hjá kristnum og gyðingum?

 

Leitt er að ráðast að nafngreindum mönnum með þessum hætti en nauðsyn ræður því verki. Mikið er í húfi að íslenska þjóðin sé rétt upplýst um þá hættu sem blasir við henni. Björn og Gísli ættu að hrista af sér drungann og kynna sér málin eins og öll þjóðin, Mikið er í húfi. Um öll lönd múslíma eru endalausar heitingar um heilagt stríð, jihad, gagnvart Vesturlöndum. Allir múslímar standa ekki þarna að baki en fjöldi þeirra sem vilja láta til skarar stríða er kannski 50-100 milljónir með bakstuðningi um helmings allra múslíma. Framundan er hrikalegt uppgjör nema friðsamir múslímar, sem eru um helmingar þeirra, gætu staðið fyrir heildarendurskoðun íslam. Íslam er allt annað en friðsamt. Það eru ekki bara við »bullurnar« sem eru uggandi um framtíð hins vestræna heims - heldur einnig meiri hluti íbúa hans."

Valdimar skrifar æsingalaust um fyrirliggjandi vandamál hins vestræna heims. Okkar heimur getur ekki lifað í sátt við vaxandi aðstreymi múslíma sem eru að sækja til okkar lífskjarabætur sér til handa vegna eigin ódugnaðar og kreddublindu eigin þjóða. Það er Islam sjálft sem elur á fordómum og hindurvitnum sem gerir það að verkum að múslímar geta ekki lifað meðal almenning á Vesturlöndum. Hugmyndaheimarnir rekast svo harkalega á sem Valdimar lýsir að flokkar eins og Svíþjóðar-demókratarnir, UKIP, Alternative für Deutschland, og leiðtogar eins og Marine LePen, Geert Wilders ofl. rísa upp á Vesturlöndum. Þeir sjá hættuna sem er að rísa og sumstaðar er hún svo hátt risin að hún verður varla stöðvuð friðsamlega úr þessu.

Valdimar á þakkir skilið fyrir þessa grein sem og óþreytandi baráttu sína við að opna augu landsmanna fyrir múslímavánni sem að okkur steðjar.

Athugasemdir

[einar björnsson (IP-tala skráð) 17.2.2017 kl. 10:51]

Halldór,,, .  Hefur þú lesið bókina Þjóðarplágan Íslm eftir Hege Storhaug? en hún kom út á seinasta ári.  kv.eb

[Helgi Jónsson (IP-tala skráð) 17.2.2017 kl. 11:19]

Ykkur er ekki viðbjargandi...

[Jónas Gunnlaugsson, 17.2.2017 kl. 12:04]

Þakka þér Halldór Jónsson fyrir að vekja athyggli á þessum skrifum.

Við þurfum allir að kynna okkur málin vel.

Höldum í kristnu menninguna.

Komum kristnu gildunum aftur inn í skólana.

Einstaka sértrúar hópar um kynnlíf, eiga ekki að stunda kennslu inni í skólunum.

Gangi ykkur allt í haginn.

Egilsstaðir. 17.02.2017  Jónas Gunnlaugsson

[Hörður Þormar (IP-tala skráð) 17.2.2017 kl. 12:22]

Hér er átakanleg lýsing ungrar konu af reynslu sinni sem barn afganskra innflytjenda í Noregi:What we don't know about Europe's Muslim kids | Deeyah Khan

[Gústi (IP-tala skráð) 17.2.2017 kl. 15:27]

Verst með góð skrif Valdimars er að hann er lítið fyrir að nefna heimildir. Og þegar maður leitar, þá virðist stór hluti af þekkingu hans á Skandinavíu og múslimum koma frá miðríkjum Bandaríkjanna, af síðum sem ekki eru þekktar fyrir sannleiksást eða nákvæmni, eða finnast ekki á internetinu. Ástandið í Skandinavíu, samkvæmt lýsingum Bandaríkjamannanna og Valdimars, kannast fáfróðir og illa upplýstir heimamenn ekkert við. Og ýmsar tölur og tölfræði virðist Valdimar einn hafa aðgang að, hvílíkur fjársjóður. Og við verðum víst að trúa Valdimari, hann segist skrifa staðreyndir þó þær sé flestar hvergi að finna í opinberum gögnum og fjölmiðlum. Og dyggur hópur aðdáenda kætist í hvert sinn er Valdimar kemur með nýjar staðreindir.

[Valdimar Samúelsson, 17.2.2017 kl. 15:48]

Halldór Valdimar ætti að fá fálkaorðuna  fyrir sín verk fyrir ábendingar í þágu öryggi Íslands. Hvað Forseti okkar heldur um það veit ég ekki en ég myndi krossa við hann sem einn af næstu handhöfum orðunar.

[Valdimar Samúelsson, 17.2.2017 kl. 15:50]

Gústi þú hefir allar heimildir sem þú vilt ef þú bara nenntir að kynna þér málin. Þú getur meira að segja hringt í lögregluna og spurt um allar þessar nauðganir þennan vetur.

[Helga Kristjánsdóttir, 18.2.2017 kl. 03:27]

Þótt ekki væri nema sá andstyggilegi ákafi þeirra sem augljóslega þrá að sjá þetta fámenna þjóðfélag lagt í rúst með aðstoð Esb,fyrst í Icesave'kúguninni og þá seinna með stjórnlausum innflutningi á Islam,væri okkur skylt að snúast til varnar og það strax.- Loksins mun okkur takast að flykkjast í þjóðarhreyfingu til varnar landi og þjóð,sjáið bara til. 

[Bjarki (IP-tala skráð) 18.2.2017 kl. 08:32]

"... þeirra sem eru andvígir innflutningi múslima hingað í stórum stíl ..." segir Valdimar m.a. í grein sinni og mér er spurn:

Hverjir eru að flytja hingað inn múslima í stórum stíl?

Ég veit a.m.k. ekki um neinn sem stundar slíkan innflutning og þætti því upplýsandi að fá nokkur dæmi um hann og hverjir standa að honum ásamt vísun í heimildir. 

Eða er þetta bara bull og ímyndun?

[Kolbrún Hilmars, 18.2.2017 kl. 18:04]

Bjarki spyr "Hverjir flytja hingað inn múslima í stórum stíl".  Held að rétta svarið við því sé "þeir sjálfir". 
 

[Jós.T. (IP-tala skráð) 18.2.2017 kl. 20:36]

Valdimar er með lokaða síðu þar sem enginn fær að setja inn athugasemd nema með blessun Valdimars. Hann er eins og Jón Valur Jensson og fleiri af sama sauðahúsi með það að þegar hann er rekinn á gat og verður rökþrota þá birtist ekki sú athugasemd. Gáfur og gögn skortir til að verja málstaðinn og því verður ritskoðun lausnin. Nokkuð algengt fyrirkomulag hjá þeim sem vita sinn málstað veikan og byggðan á falsi og blekkingum.

[Jónas Gunnlaugsson, 19.2.2017 kl. 23:04]

Hér er sagan.

Söguna á að kenna í skólunum á vesturlöndum.

Islam frá árinu 700 til 2015, mjög fróðlegt.

27.11.2015 | 01:49

Egilsstaðir, 19-02-2017  Jónas Gunnlaugsson

[Jónas Gunnlaugsson, 19.2.2017 kl. 23:23]

Kristnin, gamla Gyðingatrúin, breiddist út á meðal fólksins, frá fjölskildu til fjölskildu, frá borg til borgar, frá landi til lands, og Rómaveldi barðist gegn Kristninni. Þegar Rómverjar sáu að þegnarnir voru orðnir að einhverju leiti Kristnir, þá hugsuðu yfirvöld, að ef þú getur ekki sigrað Kristnina, þá gerist þú foringi þeirra. 

If you can not beat them join them.

Islam lagði löndin undir sig með styrjöldum.

Egilsstaðir, 19.02.2017  Jónas Gunnlaugsson

[Jónas Gunnlaugsson, 19.2.2017 kl. 23:40]