Málefni útlendinga

eru á stefnuskrá Sjálfstæðisflokksins:

" Aðstoð við flóttafólk leiði til tækifæra til sjálfsbjargar

• Mannhelgi og mannréttindi í fyrirrúmi
• Tökum vel á móti útlendingum sem hér setjast að
• Erlendir sérfræðingar og vinnuafl bætir samkeppnisstöðu Íslands

Hafa skal mannúðarsjónarmið og skilvirkni að leiðarljósi í málefnum hælisleitenda.
Jafnframt skal alltaf hafa að leiðarljósi að aðstoð við flóttamenn leiði til tækifæra til
sjálfsbjargar. Ísland eins og önnur lönd tekur á móti fólki á flótta undan ofríki og
stríði. Móttaka flóttafólks er sjálfsögð. Taka þarf vel á móti þeim sem leita hælis á
Íslandi og eiga rétt á því að komast í skjól frá stríðsátökum og brýnni neyð. Leggja
skal áherslu á að kerfið sé í stakk búið til að taka á móti fólki og vanda til verka,
flóttafólki og samfélaginu til heilla.

Mikill árangur hefur náðst við styttingu málsmeðferðartíma við meðferð umsókna
um alþjóðlega vernd að undanförnu og við að hraða brottför þeirra sem sækja um
vernd að tilhæfulausu. Margt er þó enn ógert og því er mikilvægt að hrinda í
framkvæmd boðaðri vinnu dómsmálaráðherra Sjálfstæðisflokksins um
þverpólitísks samráðsvettvang um útlendingalöggjöfina.

Í fjölmenningarsamfélagi er mannauður og fjölbreytt reynsla til þess fallin að auðga
samskipti einstaklinga og víðsýni. Taka skal vel á móti fólki sem hingað vill flytja og
tryggja að það njóti jafnra tækifæra á við aðra.

Einfalda þarf veitingu atvinnuleyfa fyrir fólk utan EES, meta menntun þeirra sem
hingað leita að verðleikum og tryggja að aðbúnaður á Íslandi geri landið
eftirsóknarvert til framtíðar.

Á Íslandi er fjöldi fyrirtækja sem hefur þörf fyrir aðgengi að sérhæfðu erlendu
starfsfólki. Ísland er og á að vera opið fyrir erlendum ríkisborgurum sem koma
hingað í atvinnuleit. Með því að nýta mannauð, þekkingu og reynslu þeirra sem
vilja búa hér á landi og starfa er samkeppnishæfni landsins betur tryggð.

Við þurfum að laða til landsins erlenda sérfræðinga sem miðla þekkingu sinni til
starfsmanna fyrirtækja og styrkja stöðu þeirra. Við erum fámenn en vel menntuð
þjóð. Þessi gátt til landsins verður að vera opin og regluverkið má ekki vera of flókið.
Þetta á fyrst og fremst við um einstaklinga frá ríkjum utan EES svæðisins."

Nú er íslenska þjóðfylkingin fyrir bí . Aumingja kallinn hann Jón Valur vinur minn. Nú verður hann að kjósa Sjálfstæðisflokkinn.

Spurning er hvort við getum brúkað það sem hér að ofan stendur um málefni útlendinga og kannski sveigt það betur að okkar smekk?

Athugasemdir

[Jón Valur Jensson, 15.10.2017 kl. 14:04]

Ekki er ég neyddur til að kjósa Sjálfstæðisflokkinn. En tvo frambjóðendur þar mætti hugsa sér að kjósa öðrum fremur: Sigríði Á. Andersen og Ásmund Friðriksson.

Eins hafði Flokkur fólksins komið upp í huga mér frá í gær, en þessar upplýsingar um evru-dálæti Ingu Sæland rústa allar bollaleggingar í þá átt.

Þá er það helzt Miðflokkurinn, sem í mínum huga kæmi til greina, en ekki fyrr en ég veit hvort hann ætlar að standa gegn hinni öfgakenndu flokksstefnu Vinstri grænna að fá hingað "að lágmarki" 2.000 kvótaflóttamenn á næsta kjörtímabili og að auki að jafna stöðu hælisleitenda við stöðu flóttamanna, sem sé að leyfa a.m.k. um 1200 X 4 hælisleitendum varanlega búsetu hér (jafnvel stefna að ríkisborgararétti þeirra) á næstu fjórum árum, sem sé alls um 6.800 manns að lágmarki!!!

[Jón Valur Jensson, 15.10.2017 kl. 14:16]

Svo er þess að geta, að miðað við hvað tíðkazt hefur um flóttamenn hingað og hælisleitendur á síðustu misserum, þá yrðu þessir 6.800 (eða kannski fremur 7-8.000) líklega að miklum meirihluta MÚSLIMAR! 

Þetta vilja gömlu kommarnir í VG og einnig yngri, kratísku menntasnobbarnir og millistétta-góða fólkið innleiða hér á Íslandi, af því að þeim er svo óstjórnlega í nöp við Þjóðkirkjuna og kristin trúfélög gegnumsneitt! Allt sé betra en kristin trú, jafnvel það öfga-islam, sem myndi með hægðinni fá að pluma sig hér í skjóli tveggja moska sem fjármagnaðar yrðu með saudiarabískum olíupeningum (hundruðum milljónum króna) sem ætlað er að efla kreddufast islam í anda wahhabíta (salafista), enda sendir hingað ímamar til að tryggja hér ofurvægi þess heittrúaráróðurs.

[Halldór Jónsson, 15.10.2017 kl. 14:17]

Já og ekki letja þær Áslaug Arna eða Unnur Brá framkvæmdum þessarar stefnu VG. þ'u verður að koma í Sjálfstæðislfokkinn og berjast á móti þessum kellingum með mér og Ásmundi

[Heimir Lárusson Fjeldsted, 15.10.2017 kl. 14:40]

Tek undir með Halldóri :)

[Egill Vondi, 15.10.2017 kl. 17:36]

Það stenst ekki að þessi stefna verði til frambúðar, eitthvað hlýtur að gefa eftir. Eina spurningin er hversu skaðlegar þessar stefnur verða þangað til að breyting verður á (og það sama má segja um stefnu P+V+S þar sem þau verða líklega við stjórn næst).

Ef fækkun verður meðal þeirra flokka sem eru með skynsama stefnu í þessum málum, er jákvæða hliðin sú að það verður ákveðin þjöppun á þessum atkvæðum.

[Egill Vondi, 15.10.2017 kl. 17:38]

Þessi mynd varð aðeins stærri en ég ætlaðist til, afsakið það.