Bannsöngur blaðsins míns

MARGT er breytt í þjóðfélaginu frá því að ég man fyrst eftir mér. Um margt er það endurlausn frá útbreiddu basli og fátækt fólks. Þá voru flestir í lægri tekjuhópum. Fleiri fannst manni þó vera ánægðir en í dag, enda var skorturinn sameign allra. Þeir sem voru taldir ríkir á Íslandi í mínu ungdæmi þættu það ekki í dag. Í kennarastéttinni voru fleiri karlar en konur, virðulegir menn sem gáfu manni á’ann ef með þurfti, sem þurfti reglulega. Konur unnu heima og leikskólar voru ekki til.

Ég var alinn upp við sterka þjóðernisvitund, bæði í skólanum og á götunni. Danir voru djöflar sem píndu alþýðuna, DDPA, og við höfðum mikla fordóma í þeirra garð. Þjóðverjar voru nasistar og frekjur. Bretar og Kanar keyptu fiskinn og voru vinir okkar. Við Íslendingar áttum hins vegar fornsögur og þjóðsögur með draugum og álfum umfram aðrar þjóðir. Biflíusögur voru kenndar í skólanum, hellt var upp í okkur volgu lýsi í kennslustundum hvort sem við vildum eða ekki og gerð á okkur berklapróf á sömu nótum. Vandræðabörn voru send í sveit, berklasjúklingar sendir nauðugir á hælin, rónar voru rónar og sódóar voru sódóar sem við forðuðumst.

Nú er eitthvað sem er kallað persónuvernd sem kemur í veg fyrir allt svona. Það má ekki kenna uppsláttarfagið biflíusögur lengur vegna múslímakrakka. Víðsýnin býður okkur að kenna á erlendum málum í skólunum. Við verðum að aðlaga okkur að innflytjendum, ekki öfugt.

Forsætisráðherra Ástralíu, John Howard, segir núna blákalt við innflytjendur: Við báðum ykkur ekki að koma. Ef þið viljið ekki semja ykkur að áströlskum guðsótta og góðum siðum, þá skuluð þið fara annað. Hér verður engin fjölmenning eða fjölgyðistrú heldur kristið ástralskt þingræðisríki og samveldi. Ein lög og eitt tungumál sem þið skuluð læra. Ef þið viljið búa í trúarríki við sjarjalög þá hafið þið frelsi til að fara héðan.

En í Morgunblaðinu mínu er það meiri frétt að ríkið ætli að fara að þýða biblíuna upp á nýtt. Vorum við þá alltaf með rangan texta? Það er hins vegar talið til slíkra ótíðinda í blaðinu, að stjórnmálamenn, sem vilja ræða stjórnun á straumi innflytjenda til landsins, eru bannsungnir, svipað og gert var í pápískunni. Blaðið mitt úrskurðar að við þá menn eigi og megi engir tala.

Vilji maður flytja hund til landsins er hann settur í einangrun úti í Hrísey til langtíma. Það má ekki flytja beljukyn til landsins sem mjólkar meira. Það má ekki flytja inn arabíska stóðhesta, eða setja sænskar geddur í Þingvallavatn. En það eru engin takmörk fyrir því hversu margir eða hvers konar útlendingar mega flytjast hingað.

Við gömlu rasistarnir úr Norðurmýrinni, sem lifðum í áþvinguðu fjölmenningarsamfélagi styrjaldaráranna, vorum heimagangar hjá Kananum, vorum með hor í nefinu og töluðum ensku fyrir átta ára aldur, erum orðnir þegnar í íslenzku fjölmenningarsamfélagi, sem einhverjir eru að skapa án þess að við værum spurðir. Vorum við þó með talsverða reynslu.

Nú skilst okkur að það megi ekki einu sinni leita að illlæknanlegum bráðaberklum lengur af því að þá myndum við stuða innflytjendurna. Og þaðanafsíður megum við spyrja að því hvort innflytjandi geti hafa verið axarmorðingi eða barnaníðingur á heimaslóð eða hafi HIV.

Okkur er sagt að ríkið verði bara að kenna þessu fólki íslenzku á okkar kostnað svo verði þeir jafngóðir Íslendingar og við gömlu bísarnir. Ekki er spurt hvort innflytjendurnir yfirhöfuð vilji læra íslenzku eða geti það. Hvort þeir eftir það muni lesa Sturlungu eða biblíuna nýþýdda hefur ekki frétzt. Heldur ekki hvort ríkið ætli að láta þýða Kóraninn á íslenzku svo að innfluttir geti lesið hann á nýja móðurmálinu. Komumst við hjá því til lengdar með tilliti til jafnræðisreglanna, sem nú eru í tízku?

Margir telja að við séum að fremja freklegt ofbeldi á innflytjendum með því að neyða þá til að læra íslenzku. Það talar enginn íslenzku við okkur þegar við förum til útlanda. Af hverju þarf útlendingur sem kemur hingað í vinnu að læra þetta hrognamál frekar en hann vill? Getur hann ekki bara lesið Kiljan á útlenzku ef hann vill og flestir innfæddir tala ensku.

Hvers vegna er sjálft Morgunblaðið að tala fyrir svona þvingunum á innflytjendum? Blaðið virðist styðja ótakmarkaðan innflutning erlends fólks um leið og það dýrkar íslenzka menningu, þjóðleg sérkenni, Halldór Kiljan, nýja nýsköpunarstjórn og biflíuna. Hvernig getur þetta blað dregið svo víðtækar ályktanir af máli íslenzkra stjórnmálamanna, að við þá eigi eða megi enginn tala? Hvorki menn né stjórnmálaflokkar vegna þess að skoðanir Morgunblaðsins eru aðrar í innflytjendamálum. Jafnvel kvótamálið virðist víkja. Vonandi veldur þessi einstrengingur ekki fækkun í áskrifendafjölda blaðsins.

Nú streyma innflytjendur til landsins sem aldrei fyrr. Af hverju megum við ekki stjórna neinu í sambandi við þetta síðara fjölmenningarstig okkar eða hafa skoðanir í innflytjendamálum án þess að þola bannsöng blaðsins míns?

Höfundur er verkfræðingur.

Athugasemdir

[Halldór Jónsson, 4.4.2007 kl. 12:12]

Ég sendi þessa grein til mbl í febrúar 2007. Þegar ekkert bólaði á greininni að mánuði liðnum hafði ég samband við mbl. sem sagði að greinin væri tilbúin til birtingar. Hinsvegar væri svo mikið aðstreymi af greinum að hún yrði að bíða. Ég hafði tekið fram að ég kærði mig ekki um netútgáfu af greininni enda sannast það best hér að ekki nokkur lifandi maður hefur litið á þetta. 3. mars kom svo skeyti frá mbl. þar sem þeir tilkynna að þeir hafi stofnað þessa blogsíðu fyrir mig og þar geti ég lesið greinina.

Svar mitt er það að ég þakka mbl. fyrir samstarfið í 40 ár og mun ekki senda því fleiri pistla frá mér. Í gegnum tilfallandi pistlaskrif í þetta ágæta blað hef ég kynnst mörgu ágætu fólki sem ég hef metið mikils.

Ég hef auðvitað skrifað mína pistla í þeim tilgangi að ná athygli fólks frekar en af einhverri sjúklegri áráttu að fá mynd af mér  í blöðin eins og sumir hafa sagt. Ég geri mér ljóst að málefnið sem ég vildi ræða í ofangreindum pistli er ekki í samræmi við skoðanir mbl. Hvort það er vegna þess að ég er nú fluttur á bloggið veit ég ekki.

Blogg er mjög gott fyrir þann hóp sem það stundar. Ég hef dáðst að Birni Bjarnasyni sem hefur haldið úti tölvusamskiptum  frá 1994, löngu áður en bloggið byrjaði. Þar hefur hann verið aðgengilegur öllum sem vilja og verið ótrúlega röskur að svara Svona eiga alvörustjórnmálamenn að vinna og tel ég Björn þola samanburð við hvern sem er. Stundum sýnist mér Björn vera alveg óhræddur við að hafa aðrar skoðanir en mbl. og komast upp með það.

Þessa bloggsíðu mína mun væntanlega varla ekki nokkur lifandi lesa og geri ég ekki ráð fyrir að ná til lesenda með henni. Ég geri því ekki ráð fyrir að ég muni nota hana frekar  enda á ég lítið erindi annað en að segja mína skoðun endrum og eins.Auðvitað þakka ég mbl. fyrir fyrirhöfnina að búa þetta til. En ég geri frekar ekki ráð fyrir að verða á ferðinni hér mikið meira.

Hugsanlega ræ ég þá á önnur mið vilji mér einhver skipsrúm ljá og mig langi til að láta í mér heyra. VOGAR, blað sjálfstæðismanna í Kópavogi hafa verið rausnarlegir við mig og birt pstla frá mér í gegnum tíðina. Er ég þakklátur fyrir það . En auðvitað eru það blað ekki Morgunblaðið í allri sinni dýrð. Ég hef ekki athugað ennþá hvort Fréttablaðið tekur við nöldurgreinum eins og mínum en reyni kannske að hafa samband við þá ef ritgleðin ber mig ofurliði eina ferðina enn. Og svo er það líka hverju maður nennir yfirleitt.

Halldór Jónsson 

[Jón Magnússon, 7.4.2007 kl. 10:47]

Þetta er frábær grein hjá þér Halldór eins og þínar greinar eru venjulega. Mér skilst að Mogginn hafi ekki viljað birta þessa grein í blaðinu. Er það rétt?

Hvað ertu búinn að skrifa greinar í marga áratugi í Morgunblaðið án athugasemda?

Kveðja, JM,

[Guðrún Hulda, 9.4.2007 kl. 19:40]

Sæll Halldór.

Hér er best að skrifa enda eflaust fleiri sem lesa bloggið á  MBL en Morgunblaðið sjálft núorðið.

Hlakka til að lesa meira frá þér

Guðrún vinkona Karenar 

[Halldór Jónsson, 10.4.2007 kl. 16:33]

Kæru bloggvinir,

Ég er í sjálfu sér steinbit að 90 manns hafi lesið þessa síðu. ég hélt að enginn myndi gera það. En ég hef skrifað í Moggann til þess að ná til fólks. Mogginn vildi ekki birta þessa grein öðruvísi en svona, en ég hafðiextra  beðið um að greininni yrði frekar sleppt en afgreidd svona.

Ég hef í framhaldi sagt upp áskrift á Mogganum eftir 45 ára óslitið samband og ætla mér ekki að skrifa meira í það blað. Fréttablaðið hefur boðið mig velkominn með greinar og mun ég líklega þiggja það, enda er það mun stærri miðill en Mogginn.

Fyrir mér er það greinilegt að ristjórnarstefna Morgunblaðsins leyfir ekki skrif af því tagi sem þessi grein var og þessvegna hef ég kvatt blaðið, sem ég hafði haldið til þessa að væri víðsýnt blað allra landsmanna. 

Sæll vinur minn Jón Magnússon, það kom mér á óvart að þú skyldir rekast inná þessa síðu.Ég kann ekker á þetta blogg ennþá, veit ekki hvort ég get lært á það eða hvort ég endist til að skrifa á það..Ég hélt að ég gæti skoðað bloggið í heild frá byrjun og horft á það lengjast. Ég fann ekki leið til að komast inná greinina sjálfur nema að fara í gegnum athugasemdirnar. Goitt væri að fá tilsögn í bloggfræðum frá þér sem vönum bloggmanni, nú eða frá einhverjum öðrum vinum mínum. 

Ég er allavega þakklátur þeim 90 sem komu og lásu greinina. En ég er heldur svartsýnn á að maður reki mikinn áróður í gegnum svona apparat, það koma svo fáir.

Og sæl vertu Guðrún mín, þakka þér fyrir síðast. Ég hitti pabba þinn í lyftu núna í dag og við rifjuðum upp gömul kynni. Þakka þér fyrir að skrifa. Manstu þegar þið Karen voruð að bera út Voga fyrir Kópavogsíhaldið, þið voruð sko alveg milljón. Ég vona að þið séuð ekki þjakaðar af móral og samviskubiti yfir að hafa látið leiða ykkur svona saklausar til að hjálpa Sjálfstæðisflokknum í því að kúga aldraða og öryrkja og gjöra veg auðvaldsins beinan. En það er það eina sem ég fæ skilið af málflutningi vinstrimanna um þessar mundir, að í flokknum mínum sé tómt illþýði sem sé upptekið af svoddan iðju. Ég verð að segja það til viðbótar að eftir sjónvarpsþáttinn í gær er ég mjög vantrúaður á að stjórnarandstaðan hafi eitthvað fram að færa, sem sé til hagsbóta fyrir mig og mína fjölskyldu, svo ég noti orðfæri Ragnars Reykáss, sem kemur auðveldlega í huga minn þegar ég hlusta á þessa leiðtoga.

Og hvað  bjóða þeir líka uppá með stóriðjustoppi, vaxtalækkunum, afnámi verðtryggingar og lækkun á viðskiptahallanum ?  Ég get ekki séð annað en að þetta sé sama og lminnkun á atvinnuframboði og þar með kaupmáttarrýrnun, fjármagnsflótta og gengisfellingar af gamla skólanum ? Getur einhver fengið aðra útkomu ?

[Guðrún Hulda, 11.4.2007 kl. 13:16]

Sæll aftur.  Það verður að kippa þessu í lag þar sem pistlarnir þínir eru afar áhugaverðir og eiga fullt erindi hér inn.

Þú þarft að skrá þig inn með notendanafni og lykilorði sem Hr. Styrmir hefur væntanlega látið senda þér um leið og hann opnaði bloggsíðu fyrir þig.

Til þess að fá þann valmöguleika að "logga" þig inn þarftu að fara inn á bloggið t.d. hjá sjálfum þér þá sérðu efst fyrir miðju þann valmöguleika.

Svo smellirðu á stjórnborð og þar sérðu nafnið þitt og heitið "Ný bloggfærsla"

Svo bara skrifa og skrifa :-)

Kveðja Guðrún

[Ásthildur Cesil Þórðardóttir, 12.4.2007 kl. 10:19]

Hvar get ég lesið greinina þína Halldór.  Þetta kemur svo sem ekki á óvart þar sem mér sýnist vera ákveðin þöggun í gangi.  Ég veit að Guðjón Arnar lenti í þessu í sambandi við Alþjóðahúsið, þar sem hann var beðin að skrifa grein, sem hann og gerði, en þegar blaðið kom út var greinin ekki  þar, þegar hann spurðist fyrir, fékk hann bara loðin svör.  Hefur einhver lagt hamlandi hönd á Alþjóðahúsið, mér virðist nefnilega hafa orðið ákveðin stefnubreyting þar, þar sem þeir tjáðu Guðjóni Arnari að það sem Frjálslyndir væru að segja væri rétt.  En breyta svo allt í einu um kúrs og einn þeirra fer í útvarpið og andmælir málflutningnum.  Þöggun Þöggun og aftur þöggun.  Það versta er að það taka allir flokkar undir þessa þöggun.  Það á að þagga niður í Frjálslynda flokknum og málflutningi hans um innflytjendur hvað sem það kostar. 

[Katrín, 12.4.2007 kl. 17:24]

Heill og sæll Halldór

Gaman að hyeyra frá gömlum félaga sem svo oft hefur glatt mig með skrifum sínum.  Og þér bregst ekki bogalistin.  Sá þessa grein ó athugasemndum hjá Ásthildi vinkonu minni á Ísafirði.  Það er alveg óskiljanlegt að þeir Moggamenn skuli ekki lengur birtar greinar þínar sem ávallt eru kjarnyrtar og hitta í mark svo ég tala nú ekki um húmorinn sem þar svífur yfir vötnum.

Vona svo sannarlega að þú leyfir okkur enn að n´jota skrifa þinna ef ekki í mogganum þá hér á blogginu.

Bestu kveðjur í Kópavoginn

Katrín Gunnarsdóttir

Bolungarvík 

[Halldór Jónsson, 12.4.2007 kl. 21:19]

Takk fyrir Karl Jóhann, ekki ert þú gamli gítaristinn, sem var eitthvað eldri en ég en bjóst á Flókagötunni ?

[Halldór Jónsson, 12.4.2007 kl. 21:21]

Og Katrín mín, mikið gaman að heyra frá þér, það er orðið alltof langt síðan. Ég sé þú heldur á nýjum fjölskyldumeðlim, til hamingju með það.

[Halldór Jónsson, 12.4.2007 kl. 21:57]

ég kann ekkert á þetta, hélt maður gæti byrjað á forsíðu, það gekk og allt bloggið sást. .svo næst kom enginn tengill á forsíðu þannig að ég gat fiktað mig hingað eru engar leiðbeiningar til um hvernig maður keyrir þetta, ég er svo óþolinmóður ef eiithvað virkar ekki strax

[Gunnar Ásgeir Gunnarsson, 12.4.2007 kl. 22:47]

Þetta kemur allt með kalda vatninu, Bara að fikta sig áfram. Ég hef oft lesið greinarnar þínar og haft gagn og gaman af. bíð spenntur

[Katrín, 12.4.2007 kl. 22:53]

Takk fyrir hamingjuóskirnar Halldór.   Þetta er litla dótturdóttirin Maríanna Katrín...

Það tók nokkurn tíma að komast að öllum fídusum en fra stjórnborðinu er flestar leiðir færar.  Þannig að þegar þú hefur innskráð þig klikkar þú á stjórnborð ( efst) síðan í  ,,ný færsla" og oft gott að vera búinn að slá textanum inn í word og pasta svo inn í færslurammann ( sérskipun í rammanum)  Þá eru þrír möguleikar að vista uppkast ( birtist ekki) vista og birta og vista og skoða. 

Þú átt nú örugglega eftir að finna út úr þessu snögglega og mikið hlakka ég til að fá að lesa meira frá þér.  Endilega láttu í þér heyra ef þig vantar aðstoð.

Bestu kveðjur

Katrín G 

[Guðrún Magnea Helgadóttir, 13.4.2007 kl. 21:09]

Herra Halldór Jónsson! Ég var að lesa pistilinn þinn. Björn Bjarnason núverandi dómsmálaráðherra, hræddur? Hvað á hann að vera hræddur við nema Guð almáttugan? Hvað annað á Björn Bjarnason að hræðast? Ert þú verkfræðingurinn að viðurkenna fáfræði þína á stjórnmálum hérna á Íslandi? Ertu loksins að sjá hvernig blað Morgunblaðið er og hverja það vinnur fyrir? Og að innflytjendastraumurinn er alfarið á ábyrgð núverandi ríkisstjórnar og flæðið heldur launum innlendra verka og iðnaðarmanna í lágmarki! Ef fólk viskast þá er það gott Jafnvel þó að það eigi sér stað á efri árum!

[Halldór Jónsson, 13.4.2007 kl. 21:27]

Hlustaði einhver á samtal Ragnheiðar Elínar og Kristrúnar Heimissdóttur á kastljósi ? Mér fannst ekki mikið til koma hvernig stjórnandinn Sigmar lét Kristrúnu komast upp með að garga stöðugt á Ragnheiði, sem varð alltaf að hætta í miðri setningu vegnna þessa. Þetta minnti mig á þegar Ingibjörg Sólrún gargaði Ingu Jónu niður í seinni samtalsþætti þeirra eftir að hafa farið halloka í rökræðum þar sem Inga hélt fram tölulegum staðreyndum.

Skyldi fólk dæma frammistöðu í svona hanaatsþáttum eftir hávaða og frekju sem virðist vera að verða sá  hefðbundni stíll sem Samfylkingarfólk ætlar að tileinka sér í rökræðum. Mér finnst Kristrún hafa orðið sér og flokki sínum til ærlegrar skammar fyrir framkomu sína. En sínum augum lítur hver á silfrið,. Hefði Ragnheiður kannske  átt að garga bara hærra á móti eða þá bara berja hana yfir borðið til þess að skemmta hlustendum ?

[Katrín, 13.4.2007 kl. 21:28]

'Eg var að velta því fyrir mér Halldór hvort málið geti verið að þú hafir ekki fullan aðgang að þessari síðu.  Að hún hafi hugsanlega einungis verið stofnuð til að setja inn greinina. og síðan ekki söguna meir.  En þá er bara að vinda sig í að stofna moggablogg :)  því ég vil endilega fá að halda áfram að lesa greinar eftir þig.

[Halldór Jónsson,]

Ég reyndi að setja þetta inn á bloggið hjá Magnúsi Þór Hafsteinssyni hjá Frjálslynda fokknum, þar sem Jón Valur var að taka upp hanskann fyrir mig í umræðum um greinina. Þetta fór bara ekki inná síðuna að því ég gat séð. Þetta geblogg gengur endemis illa hjá mér. Ég fæ ekki svona flotta forsíðu upp til hliðar við skrifin, með allsyns gilligoggi, hvar getur maður lært þessi ósköp ?

Svona var skrifið til Magnúsar, verst hann fær þetta ekki. 

 

Þakka þér fyrir Jón Valur að taka upp hanskann fyrir mig. Það getur vel verið að samlíkingin hafi verið klaufaleg hjá mér, ég ætlaði alls ekki að tengja saman hunda og fólk og biðst velvirðingar á því ef Pavel skilur það svona neikvætt. Ég meina ekkert annað en það sem stendur í greininni .

Ég hef svipaða afstöðu og Frjálsyndir í því að vilja stjórna því hverjir komi til landsins og hversu hratt. Ég er líka eindregið sömu skoðunar og John Howard hefur í Ástralíu um aðstæður í því landi. Að það gildi íslenzk lög á Íslandi og að þar sé töluð íslenzka. Þar verði engum leyft að iðka sjarja lög eða iðka iðka  eigin innflutta siði sem verði liðnir af einhverju umburðarlyndi  ofar landslögum.

 Við erum núna að ræða um framtíð velferðarkerfisins á Íslandi á landsfundi Sjálfstæðisflokksins. Það er mjög greinilegt að það eru miklar skorður við því hversu langt við getum gengið að uppfylla óskir landsmanna í öldrunarmálum, skattamálum, fjölsyldumálum eða menntunarmálum. Þetta takmarkast allt af fjárhagslegri getu okkar.

Sjálfstæðisflokkurinn vill sýna ábyrgð í því að lofa ekki meiru en hægt er að standa við. Sýnist einhverjum vinstriflokkarnir hafa reiknað hvað öll loforðin þeirra núna kosta ? Ekki hafði Kristrún Heimisdóttir nein töluleg svör í þættinum í kvöld á móti Ragnheiði Elínu. Hún bara gargaði og veifaði rauða loforðakverinu eftir Jón gamla Sigurðsson, einusinni kallaður Jón efni, eftir Planökonómístofnuninni sem hann veitti forstöðu á vinstristjórnarárunum, þegar virkilega allt fór til andskotans í efnahagstjórnuninni og verðbólgan í 135 %. Það er vona að þeir geti núna gefið ráð sem duga.

Mér finnst auðsætt að við verðum að fara gætilega ef við ætlum ekki að kollsigla skútunni. Sérstaklega ef menn vilja hlusta á Dr. Vilhjálm Egilsson sem hefur reiknað út, að vandamálin í fyrsta málaflokknum í dag séu aðeins broddurinn á ísjakanum sem mun rísa úr hafinu á næstu árum þegar hlutfall aldraðra vex að miklum mun. Ef einhverjum finnst vandamálin ærin í dag þá ætti hann að athuga seinn gang með hvert við stefnum. Vegna þessa er ég íhaldsmaður og skammast mín ekkert fyrir það.

Mér fannst málflutningur Magnúsar Þórs í sjónvarpinu á dögunum vera með ágætum og hvet hann til að láta ekki neinn komast upp með það að æpa sig niður með órökstuddum fullyrðingum um að frjálsyndir meini eitthvað allt annað en þeir segja.  Það er háttur ýmissa að gefa í skyn að þeir sjálfir séu svo upplýstir og gáfaðir að þeir sem dirfast að hafa aðrar skoðanir verði aðeins svarað með þögninni,- þöggun eins og hún Ásthildur kallar það. 

Halldór Jónsson,

[Katrín, 13.4.2007 kl. 23:39]

Var að kíkja á síðuna hans Magnúsar og greinin kom inn á athugasemdardálkinn hjá Magnúsi.  

Kveðjur til landsfundarfulltrúa og ef þú skildir rekast á stóra bróðir máttu bera honum kveðjur mínar.

Kv.
Kata

[Halldór Jónsson, 15.4.2007 kl. 18:10]

getur einhver sagt mér hevernig ég kemst inná forsíðu þar sem maður er efts tl vinstr og maður getur sett inn upplýsingar, svo bloggið í miðjunni og allskyns hægramegin.i, svo allskyns hægra megin. Ég sá þessa mynd einu sinni en núna þegar ég bið um forsíðu kemur bara mjór renningur í miðju með athugsamedumnum í röð.

[Halldór Jónsson, 15.4.2007 kl. 18:10]

þetta koma allt brenglað en skilst ?

[Ágúst H Bjarnason, 15.4.2007 kl. 21:54]

Sæll flugdellukall og uppáhaldsfrændi.

Vissi ekki fyrr en í kvöld er Óli hringdi að þú værir hér. Frábært. Hér verður væntanlega fjallað um flugmál, stjórnmál og önnur mál sem menn skiptir máli þegar þeim er eða verður mál að tjá sig.    -  Hvernig líst þér á monsterinn http://frettavefur.net/Forum/viewtopic.php?id=1197 ?    Svona eiga menn að vera!   Það væri gaman að kitla pinnann :-)

Bestu kveðjur

[Katrín, 15.4.2007 kl. 21:55]

Sæll höfðingi

 þetta er allt að koma hjá þér.  Til að færa til staðsetningar á uppl. áttu að fara í stillingar, síðan útlit og svo síðustillingar.  Það er svo mismunandi hvort þú getur haft fídusa báðum megin á síðunni. Það er í raun þemastillingin sem ræður hvort þá sé að finna bæði til hægri og vinstri.  Um að gera að prófa ýmsar útgáfur, það er alltaf hægt að breyta.  Gangi þér sem best.

Kv. Kata 

[Halldór Jónsson, 15.4.2007 kl. 21:56]

Ég rakst á þessa færslu hjá konungi kaupfélaganna eins og hann kallar sig. Það dámaði felirum en mér að horfa á Kristrúnu Heimisdóttur kújónera Sigmar spyril og drulla yfir Ragnheiði Elínu í Kastljósi. En vel uppalin manneskja sem er ekki vön að fást við óðan vitleysing eins og þessa Kristrúnu getur orðið bit.:  

Kristrún Heimisdóttir, grófur ruddi?

Kvöldið

Ég var að horfa á Kastljós.  Þar mætti m.a. Kristrún Heimisdóttir frambjóðandi Samfylkingarinnar.  Ég hef aldrei, aldrei, aldrei nokkurn tíman séð annan eins ruddaskap frá manneskju sem vill láta taka sig alvarlega.  Hún toppar meir að segja Kristján Jóhannsson og "rauð á brjóstunum" kommentið hans.

Það er grundvallaratriði í umræðuþáttum að sýna skoðunum eða þá allavega persónu andstæðings þíns þá virðingu að vera ekki að geifla sig og gretta á meðan hann talar.  Frú K. Heimisdóttir sýndi af sér slíka hegðun að ég vona að börnin sem hún veifaði nú í kringum sig með blaðinu "Unga Ísland" hafi ekki verið að horfa því að það er nákvæmlega svona hegðun sem börn eiga ekki að læra, en mikið fjári er ég hræddur um að Unga Ísland eigi eftir að verða óagað í framtíðinni ef fylkingin nær einhverju fylgi.

Þar að auki vogar þetta lið sér að gagnrýna aðra flokka fyrir "dýrar" stefnuskrár en þegar á hólminn er komið og Fylkingin spurð hvað þeirra stefnumál kosta þá svarið...."ja, ég veit ekki, er ekki búin að reikna".  Fullkomnlega óagað, óþroskað, óhæft fólk til að taka við landinu og það sannaðist svo sannarlega í þessum blessaða Kastljósþætti.

Takk Samfylkingin fyrir að hefja ykkar landsfundarhelgi með því að skjóta ykkur í báða fætur.

p.s. það fyrsta sem Ingibjörg Sólrún ætlar að gera þegar hún er komin í ríkisstjórn er að láta stroka Ísland út af lista hinna viljugu þjóða og afturkalla eftirlaunalögin.  Það er nú meira helvítið hvað þjóðin er í vondum málum ef þetta eru mest aðkallandi málin.  Það er skömm að þessu pakki.

Kveðja

Snæþór

[Halldór Jónsson, 15.4.2007 kl. 22:00]

Sæll frændi Ágúst, takk fyrir að skrifa. Ég var einmitt að hlusta á hann syngja niðrí Fluggörðum í kvöld, hann ræskir sig myndarlega og hljóðin í rússneskum radíalnum  eru ósviknar  frygðarstunur í mínum eyrum.

[Halldór Jónsson, 15.4.2007 kl. 22:02]

takk fyrir tilsögnina elsku Katrín, ég var einmitt að fikta á þessum nótum en ég fæ ekki forsíðu blogssins til að birtast hjá mér. Hiowtúdú

[Ágúst H Bjarnason, 15.4.2007 kl. 22:38]

Sæll aftur frændi.

Ég hef nú aldrei litið á mig sem rasista þó ég sé einn kraftmesti Norðmýringurinn, eða þannig...

Slæmt þykir mér þó að það megi ekki ræða mál innflytjenda án þess að vera kallaður rasisti. Sjálfur var ég innflytjandi í Svíþjóð fyrir þrem áratugum, og þurfti þá að fara  í berkla-gegnumlýsingu sem slíkur (og þótti bara sjálfsagt). Einnig á ég tvo íslenska útlendinga í UK í dag, og átti annan útlending í Hollandi fyrir fáum árum. Sjálfur varstu útlendinur í Þýskalandi í mörg ár. Aðalatriðið er gagnkævmur skilningur, virðing og hjálpsemi. Þar með eru einföld atriði eins og læknisskoðun og berklapróf auðvitað ekki undansklin.

[Ágúst H Bjarnason, 15.4.2007 kl. 22:52]

Þar sem ég sá glitta í minn gamla bekkkarbróður í 3ja bekk MR, Jón M. hér fyrir ofan vildi ég mega senda honum kærar kveðjur. Kanski ekki alltaf á sama máli og hann, og þó. Stundum. ...Stundum....       ...   Þar er svo margt í mörgu og ekki allt sem sýnist. ...   Jón M. : Tempus Fugit www.agust.net/mr66 

Ég vona að blog mitt um hnatthitun stuði ekki frjálslynda eins og þig Jón.

Bestu kveðjur, Ágúst,   Fagurgrænn Framfarasinni. 

[Halldór Jónsson, 15.4.2007 kl. 23:08]

Sæll frændi Gústi

Geturðu sent mér leiðbeiningar um hvernig ég á að koma skikki á útlit bloggsins. Ég vil fá mynd efst af TF-SKY, sem forritið segir að ég þurfi að skala vegna þess að hún sé hærri en 300 dílar. Hvernig geri ég það ?

Ég vil hafa útlit með bununni í miðju og svo dálk til hliðar, með bloggvinum etc. Jvað vel ég. Evt.lit eins og hjá þér, hvernig stæli ég þitt blogg?

Hvernig set ég þig inn sem tengil ?

[Halldór Jónsson, 15.4.2007 kl. 23:46]

Já frændi Gústi

Ég lifði sjálfur sem útlendingur í Þýzkalandi í 5 ár. Það er nauðsynlegt að tala málið í því landi sem maður dvelur í, annað bara gengur ekki. When in Rome do as the Romans.

Þetta vissu þeir í gamla daga. Þeir voru  samt umburðarlyndir við þá skrýtnu þjóð Júða og leyfðu þeim að krossfesta sinn besta son án þess að finna sök hjá honum. En að öðru leyti áttu menn að hegða sér samkvæmt rómerskum lögum sem tryggðu friðinn í staðinn.Mér finnst ótækt að samþykkja að múslímar megi lifa eftir sjarjalögum í fósturlandi. Þar eiga að gilda lög þess lands, en ekki önnur. Annað væri tillitsleysi.

[Björn Emilsson, 27.6.2009 kl. 23:26]

Blessaður Halldór, ef fram sem horfir er þetta sem koma skal

Ný þjóð sest að. Sjá menn ekki fyrir sér ´Nýja Ísland´Evrópubandalagsins. Þarf ekki einusinni að leggja neitt fram. Eiga hólmann sennilega nú þegar og fiskimiðin líka. ESB mun hefjast handa við að byggja upp nýja landið sitt.Straumur fólks til landsins mun fylla yfirgefið húsnæði islendinga Herstöðin endurbyggð á Keflavíkurflugvelli. Fiskimiðin ofnýtt . Olíu borðpallar rísa á Drekasvæði. Nægir peningar til að nýta sér gögn og gæði Gamla Fróns. Islensk tunga mun hverfa í daglegu tali. Herskatt fólk með aðra siði og þjóðfána hefur tekið við.

Kannske er bara spurningin, hvor verður fyrri til ESB eða Rússar.

Björn Emilsson, 22.6.2009 kl. 13:44

[Björn Emilsson, 27.6.2009 kl. 23:42]

Eg hef lifað í Bandaríkjunum lengst af. Hér er gerður skýr greinarmunur hvað er hvað. USA er land hvíta mannsins. Tekinn er vari á útlendingum, þe ekki hvítum. Allir innflytjendur verða geta tulkað sig á ensku, engar undartekningar. Litaðir þjóðflokkar halda sig utaf fyrir sig og flokka sig saman í hverfi. Það sama á ser stað í Evrópu. Á serstaklega við um Muslima. Alltof mikil aðsókn er af ómenntudum lituðum innflytjendum til landsins, mest mexikönum. Muslimar hafa komið sínum fyrsta manni inná þing. Mikið áhyggjuefni margra. Svartir eru viðurkenndir þegnar USA, og margir í ábyrgðarstöðum og standa sig vel.

Ríki hvíta mannsins nær frá Seattle til Úralfjalla. Það voru mikil mistök USA, að yfirgefa herstöðina í Keflavík. Ljós í myrkrinu er komandi samkomulag Rússlands og Bandaríkjanna um hernaðarmál.

Kannske er Steingrímur Jörundur Hundadagakóngur nútímans. Fari fé betra.