Leita í fréttum mbl.is

Bloggfærslur mánaðarins, febrúar 2012

Komið gott af endaleysunni !

Látum það vera þótt ráðherrarnir í ríkisstjórninni séu í hárinu á hvorum öðrum.Ögmundur vilji fara í þjóðaratkvæði en Össur er svo tapshræddur að hann vill bíða. Við búumst ekki við neinu öðrum af þeim.

Látum .að vera þótt Steingrímur J. Standi við töflu fyrir framan handfylli af einhverju liði sem er kallað stjórnmálaflið á bakvið hann, stuðningsmenn hans sem þó vildu ræða önnur mál fyrst áður en þeir færu að að hlusta á ræðu hans en fengu alls ekki. Horfi á hann svo sýna súlurit sem hann segir sanna að allt sé á uppleið í landinu þar sem hann segist hafa verið upptekinn við björgunarstörf frá afleiðingum nýfrjálshyggjunnar sem Jón Baldvin hefur staglast á árum saman og gerir jafnvel enn. Svo dreifir Steingrímur bæklingum til stuðningsmanna sinna til að vegsama árangur sinn í aðildarviðræðunum við ESB sem flokksmennirnir vildu einu sinni ræða en fá ekki lengur.

Það væri svo sem í lagi að þetta vinstra lið væri að leika sér í þessum pólitísku sandkössum sínum og eyða einhverjum peningum í dellur sínar eins og stjórnarskrármál og Evrópumál.Það er svo sem i lagi þó fólk sé svo vitlaust að sjá ekki landflóttann öðruvísi en að hann samanstandi af einhverju sérviskuliði sem ekki sjái ljósið hjá ríkisstjórninni og öllu sem hún er að gera fyrir land og lýð.
En það er bara ekki í lagi að þetta lið fái að leika sér svona áfram þegar landið svona fýkur burt og hvert árið af öðru fer í aðgerðaleysi.

Þjóðinni fossblæðir. Ekki er tekin ákvörðun um neinar framkvæmdir sem öllu máli skipta heldur hreykt sér af samráði, samræðum og bollaleggingum um mörg þúsund störf í framtíðinni þegar hlýnun jarðar hefur opnað norðurskautsleiðina og olían streymir frá drekasvæðinu. Bull og þvæla kemur í stað alls sem máli skiptir þar sem þetta lið nær ekki saman um neitt nema að halda áfram viðræðum við ESB sem þjóðin vill ekki.
Það er þetta sem er það alvarlega í þessu aðgerðaleysisástandi. Þó að útgerðin hafi aldrei gengið betur og stóriðjan sem fyrir er, þá eru fleira í landinu sem verður að sinna strax. Það eru heimilin sem hafa verið svikin ekki einu sinni heldur oft um að eitthvað sé gert í málefnum þeirra.

Þó að Hreyfingin fái kaup í einhverja mánuði lengur þá ætti hún að skammast sín og hætta að pína þjóðina svona. Meira að segja kynnu einhverjir að þakka henni fyrir að láta hendur standa fram úr ermum og knýja fram kosningar strax.Þetta getur ekki gengið svona áfram endalaust.

Það er löngu komið gott af þessari endaleysu.


Vardabaraalltílagi?

með Steingrím, Alþingi og Fjármálaeftirlitið?

Hann hafði engin afskipti af þessu.Bara las blöðin eða hlustaði á Útvarp?

Enginn fjölmiðill spyr neins.Ekki heldur um það hvort Steingrímur fái búsetustyrk í Breiðholtinu eða eigi í Efnalaug á Selfossi? Er hann alltaf stikkfrí? Alltaf sona bissý að bjarga landinu með Stebba Fúla í Brokseli.

Vardabaraalltílagi?


Norðfjarðargöng strax !

segir Hjörvar O.Jensson í góðri grein í Morgunblaðinu. Það hafa oltið tvær rútur í Oddsskarði og legið við stórslysum.

Ég tek heilshugar undir það að grafa þessi göng strax. Sýnist mönnum að svipað veggjald og í Hvalfjarðargöngum muni borga göngin þá skil ég ekki hvervegna við byrjum ekki seinna en strax..

Norðfjarðargöng strax. Þau munu borga sig.


Níu líf katta

og sjálfstæði þeirra eru alþekkt. Jóhanna Sigurðardóttir skaust inn í þjóðarhjartað og inná spjöld sögunnar þegar hún missti útúr sér samlíkinguna milli þingmanna VG og kattastofnsins. Sjálfsagt óvart þar sem Jóhanna er þekkt af öðru í gegnum þrjátíuára þingmennskuferil en að reyta af sér brandara. En þetta hitti þeim mun í mark. Einskonar ógleymanleg Bermúdaskál í pólitík eftir langt hlé hjá kratakynstofninum.

Steingrímur allsherjar gaf yfirlýsingu á Alþingi um alsakleysi sitt varðandi uppsögn Gunnars Andersen úr FME. Um hana hefði hann fyrst frétt úr fjölmiðlum. Hann hefði hvergi nálægt komið. Því skyldu allir trúa og treysta.Einn fundur meðal vina skipir engu máli í því sambandi.

Sá eiginleiki katta að geta lifað af ótrúlegar hremmingar hefur gefið þeim níu líf í þjóðarvitundinni. Ótal þjóðsögur styðja þessa skoðun. Og menn spyrja sig líka hvort níu séu endilega endatalan? Geta þau ekki verið miklu fleiri? Er furða að einhver spyrji sig að því á hvaða lífi Vinstri Grænir og formaður þeirra sé ? Festir nokkur hönd á leiftursnöggum Hreyfingum þeirra manna sem eru hvað mest uppteknir við að bjarga landi og þjóð frá hörmungum þingkosninga? Munu menn ekki lengi fágæta þá vörn eins og menn töluðu stundum um á dögum Sturlungu ?

Níu pólitísk líf þarf í það minnsta til að munnhöggvast við þá götustráka á þinginu sem maður má ekki segja að þegja án þess að fundið sé að því. Þeim væru sannarlega sæmra að gæta tungu sinnar svo þeir pirri ekki upptekið björgunarfólk við störf sín. Það getur missit eitthvað hneykslandi útúr sér í hita leiksins, sérstaklega þegar útréttur sáttahnefinn nær ekki til þess.


Farsinn í Fjármálaeftirlitinu

tekur sífellt á sig á merkilegri myndir hvað varðar meðferð á þeim sem þar eru fengnir til stjórnunarstarfa. Þar eru menn reknir að vel athuguðu máli ef ekkert finnst misjafnt um störf þeirra. Hugsanlega er ekki sama hvaða viðfangsefni þeir velja sér og ef till skiptir máli hvort farið er rétt eftir pólitískum lit viðfangsefnanna.

Gunnar Andersen hefur að því manni skilst á fréttum greinilega þanið út stofnunina og þar vinna nú á annaðhundrað manns við að koma lögum yfir smásíldir hrunsins. Hugsanlega finnst einhverjum hann ekki vanda valið nægilega vel. En almenningi sýnast stórsíldir hrunsins og hinar frægustu njóta njóta lífsins víða um heim ef þeir bara ekki ganga um hnarreistir hér heima, kaupa merar á milljónatugi eða stjórna sínum fyrirtækjum sem aldrei fyrr. Fréttablaðið getur reynst máttugur miðill með réttri beitingu.

Fyrri stjórn FME fékk líklega íhaldslögfræðing til að taka út hæfi Gunnars vegna fortíðarstarfa hans fyrir aflandsfélög. Steingrímur setti auðvita nýja stjórn í FME sem endurnýjaði álit lögfræðingsins um að Gunnar væri í lagi. Ekki líkaði Steingrimi það líklega . Hann sendi því stjórninni nýjan hlutlausan vinstri-lögfræðing, meða góð fjölskyldutengsli inn í skilanefndir, sem sagði það skoðun sína að ekkert væri svo sem áþreifanlegt að að Gunnari Andersen nema það huglæga mat sitt að hann hefði verið við óheppileg störf á sínum tíma.

Næst heyrir Steingrímur það steinhissa í fjölmiðlum að stjórnin sé búin að reka Gunnar og hann fái frest yfir helgi til aðp hreinsa skirfborðið. Steingrímur gleymdi alveg að geta þess á Alþingi að hann hafði átt fund með stjórnarfomanni FME í vikunni á undan. Þessi fundur hefur að sjálfsögðu ekkert tengst málum Gunnars eða hæfi, sei sei nei.Í hæsta lagi hefur formaðurinn verið að segja Steingrími hvenær hann ætti að lesa fjölmiðla næst eða hlusta á þá til að fá fréttir afa FME. Hvað eru menn að rífa sig yfir þessu? Vita þeir ekki að Steingrímur er upptekinn maður?

En svo mætir bara Gunnar á mánudeginum og segist ekkert vera að fara. Steingrímur 5.(fimm ráðuneyti) er auðvitað steinhissa á þessu öllu saman og hlustar á útvarpið því ekki fer hann að láta menn halda að hann hafi verið með í ráðum enda búinn að fullvissa Alþingi um að svo hafi alls ekki verið. Enda upptekinn við önnur störf um stjórnlagaráð, sambandið við Stefán Fúla og Evróupsambandið og svo auðvitað málssóknina gegn Geir Haarde, sem allir hljóta að skilja.

Góðir áheyrendur! Missið ekki af næsta þætti af Steingrímssögu hins fimmta og það hvernig hann tekur á málunum! Sagan heldur áfram æsispenandi sem aldrei fyrr. Mun Steingrimur reka Gunnar? Mun Þór Saari verða tryggur Steingrími?Mun Gunnar fara? Mund Gunnar vera? Missið ekki af næsta þætti af Steingrími sterka og stórvirkjum hans í þágu sannleikans og aftur sannleikans!

Kannski fer Farsinn í Fjármálaeftirleitinu næst til Hollywood?


Síbrotastjórnin

verður Vigdísi Hhauksdóttur að yrkisefni í Morgunblaðinu í dag.

Grípum ofan í skrif hennar.

" Þann 15. febrúar sl. dæmdi Hæstiréttur að lög nr. 151/2010 færu gegn stjórnarskrá. Ríkisstjórnin hefur enn á ný verið dæmd af verkum sínum af æðsta dómstóli landsins - sjálfum Hæstarétti. Áður hafði Hæstiréttur úrskurðað stjórnlagaþingskosninguna ólöglega og Svandís Svavarsdóttir umhverfisráðherra var fundin sek fyrir réttinum um afglöp í starfi í málefnum Flóahrepps. Meira að segja heilög Jóhanna tapaði máli fyrir kærunefnd jafnréttismála vegna ráðningarmála er hún tók karlmann fram fyrir konu í starfi. Hver hefði trúað þessu að fullreyndu?

Þrátt fyrir brotaferil ríkisstjórnarinnar frá því hún tók við - lætur síbrotastjórnin sér ekki segjast. Nú hefur meirihluti stjórnskipunar- og eftirlitsnefndar ákveðið að kalla eigi ólöglega kjörið stjórnlagaráð saman á ný. Hvenær ætlar þetta fólk að læra að þrígreining ríkisvaldsins er virk hér á landi og að dómum dómstóla skuli lúta? Hvernig getur síbrotaríkisstjórnin ætlast til þess af borgurum þessa lands að þeir fari að lögum og lúti dómum ef hún gerir það ekki sjálf?
Nú er allt kapp lagt á að »eitthvað« úr skýrslu stjórnlagaráðs fari í þjóðaratkvæðagreiðslu samhliða forsetakosningum í sumar og er það röksemdin fyrir því að kalla stjórnlagaráðið saman á ný. .....

....Stjórnlagaráð hefur nú lokið störfum og skilað skýrslu til Alþingis og er því ekki til lengur samkvæmt lögum. Ég hef ekki hugmyndaflug í að finna út á hvaða lagagrunni ríkisstjórnin ætlar að boða ráðið til starfa á ný. Ég minni á að þetta »stjórnarskrárbrölt« Jóhönnu Sigurðardóttir hefur nú þegar kostað skattgreiðendur um 1.000 milljónir og enn skal bætt.....

. Daginn eftir áfellisdóm Hæstaréttar yfir ríkisstjórninni er þessi ákvörðun tekin.
Ég er orðlaus yfir valdníðslu meirihlutans.... Um hvað skal kjósa samhliða forsetakosningum er mér hulin ráðgáta og meirihlutinn veit það ekki heldur.

Hér er spólað í þrjóskuhjólförum forsætisráðherra með fullum stuðningi þingmanna Hreyfingarinnar sem er gjaldið fyrir lífi ríkisstjórnarinnar. Hvernig væri að síbrotaríkisstjórnin færi eftir núgildandi stjórnarskrá áður en litið er við að skrifa nýja? "

Ætlar almenningur að láta fífla sig til að taka þátt í einhverri skrípakosningu í sambandi við Forsetakosningarnar?

Stenst það stjórnarskrá að láta ríkisstjórnina hafa okkur að fíflum með þessum hætti? Hvað segir stjórnarskráin um alvarleika þess að kjósa sér Forseta? Hefur Jóhanna eitthvert leyfi tl að trufla þá athöfn? Eigu við ekki heldur að hafa sérkosningu fyrir annan milljarð?

Það er mikið verð sem þjóðin verður að borga fyrir það skitna kaup sem við erum að borga þessum þingmönnum Hreyfingarinnar fyrir að halda þesari síbrotaríkisstjórn á floti.Miðað við tjónið sem af henni hlýst á hverjum degi þá væri lítið mál að borga þeim öllum ráðherrakaup ævilangt fyrir að hætta að styðja hana.

(Guðfaðirinn hefði hugsað um að gera þeim tilboð sem þeir gæru ekki hafnað.. en svona hugsar maður ekki einu sinni..nei nei nei gud bevare os....)


200 milljarðar, so what?

Kristján Júlíusson segir í Mogga að verðtryggð lán hafi hækkað um 200 milljarða í hruninu.

Landsfundur Sjálfstæðisflokksins hefur samþykkt að færa höfuðstól verðtryggðra lán aftur til 2007 til þess að heimili landsins fái þá skjaldborg um sig sem til þarf. Vístalan,vonandi leiðrétt fyrir skattahækkunum, byrjar þá aftur að telja frá einhverjum ákveðnum degi, sem eftir er að ákveða.

Það er þetta sem Sjálfstæðisflokkurinn mun gera þegar hann kemst til valda. Ekkert annað ef hann ætlar að heita Sjálfstæðisflokkur áfram og hafa ínnanborðs félagsmenn sína frá síðasta Landsfundi áfram.

Hvernig halda menn að Steingrímur J. Hafi „fullfjármagnað bankana“ eins og hann grobbar sig af? Hvernig framkvæmum við þessa leiðréttingu? Örugglega ekki með erlendum lánum frekar en Steingrímur.

Drífum í þessu.

200 milljarðar. So what ?


Nafn á ríkissstjórnina?

finnst mér vanta. Hér voru áður  Nýsköpunarstjórnin, Stefanía, vinstristjórn Hermanns, Emilía, Viðreisnarstjórnin, Leiftursóknin,  Viðeyjarstjórnin. Einhverjar sem ég gleymi? Hét einhver Ólafía? 

 En hvað heitir núverandi stjórn? Ráðleysisstjórnin fyndist mér koma til greina. Eða þá Kattastjórnin eftir eina brandaranum sem Jóhanna hefur mér vitanlega sagt um dagana?  Steingrímur hefur aldrei sagt brandara viljandi að því ég best veit.

Hvernig væri að koma með nafn á þessa ríkisstjórn áður hún geispar golunni? 


ÚTRÁS !

er það sem harðstjórinn gerir þegar hallar á heima fyrir? Hann fer í stríð út fyrir landmærin. Sjáið vitleysinginn þarna í Íran hvað hann nú heitir. Þegar hallar á hann heima fyrir þá sýnir hann heiminum kjarnorkuskilvindur sínar sem hann ætlar að nota í bombur handa nágrönnum sínum og stóra Satan. Alexander mikli, Saddam Hússein, Kleón sútari,Napóleon, Pinochet, Hitler og báðir Bush-feðgar skreyta þann hóp.

Hvað gera þau Jóhanna og Steingrímur þegar Hæstiréttur er búinn að rassskella ríkisstjórn þeirra ? Jú þau byrja að þvæla um stjórnarskrá og stjórnlagaþing. Nú ríður mest á að fara að kjósa um stjórnarskrá þeirra sem þjóðin kærði sig ekkert um hvorki þá né síðar. Alþingi bara hangir og hangir gersamlega óstarfhæft og hávaði þingmanna hefur ekki aðrar hugsjónir en að halda í þingfararkaupið og safna að sér eftirlaunaréttindum. Þá talar ríkisstjórnin um þjóðaratkvæði í sambandi við forsetakosningar til að dreifa athyglinni.

Að þessi heilum horfna ríkisstjórn sem enginn hefur lengur neina trú á, og líklega hún sjálf ekki heldur nema kannski Steingrímur alsherjaráðherra, ætli að fara að efna til þjóðaratkvæðis um einhverja óathugaða stjórnarskrá sem búið er að semja samkvæmt uppskrift,kommúnista, krata og umhverfissérvitringa og á ekkert erindi við þjóðina á þessum tímum.

Nú þarf að ganga í fjármálin og fara að horfa á verðtryggðu lánin og fara að efna Landsfundarályktun Sjálfstæðisflokksins þar sem segir að flytja skuli þau aftur til 2007 yfir línuna.

Það er þetta sem brennur á fólkinu en ekki stjórnarskrá og forsetakosningar samkvæmt gömlu og góðu stjórnarskránni sem hefur þó bjargað þjóðina ekki einu sinni heldur tvisvar.

Það gerði verðtryggingin líka um áratugi en við hrunið kom stak í fylkið eins og þeir myndu segja sem eru kjölfróðir í stærðfræði, sem ekki er hægt að líta framhjá. Sjálfstæðisflokkurinn bíður því miður á hlíðarlínunni eftir því að fólkið kalli á hann til að gera upp þrotabú Jóhönnu kattasmala og Steingríms allsherjar. En það vill enginn tala um neitt annað við flokkinn en einhver Vafningsmál til þess að draga athyglina frá málefnunum sem flokkurinn er með.

Við viljum kosningar strax en ekki að dreifa athyglinni í stöðugu útrásarbulli.


Ömurlegt Kasljós

var í kvöld þegar Árni Páll settist hjá Helga Seljan sem ætlaði að spyrja hann útúr skandalmálinu um vaxtalög hans sem Hæstiréttur fleygði í andliti ríkisstjórnarinnar eins og blautri gólftusku í gær. Ástæða væri fyrir ríkisstjórnina að hundskast frá en hanga ekki svona í tilgangsleysi nema að sanka að sér peningum og lífeyrisréttindum fyrir sjálfa sig.Henni er fjandans sama um þjóðina og hver dagur sem líður án þess að neitt sé gert sem gagnast þjóðinni bara hangir hún og hangir í tilgangsleysi og verkleysi þrátt fyrir bullið í Jóhönnu og Steingrími um að Makríllinn og Loðnan ásamt fegurð himinsins sé þeim báðum að þakka.

Í stað þess að láta spurningarnar dynja á Árna Páli leyfði kosningastjóri Samfylkingarinnar fyrrum Samfylkingarráðherranum Árna Páli að vaða uppi með langa þvælu um að Hæstarétti hefði mistekist, ríkisstjórnin hefði ekki verið að gera neitt nema hnykkja á dómi Hæstaréttar frá 2010. Engin heimili myndu skaðast á þessum lögum nema bankarnir sem myndu verða af með milljarðatuga vaxtagreiðslum frá þessum sömu heimilum þá væntanlega ef ekki skiptastjórum í búum landflótta Íslendinga. Hæstiréttur þyrfti eiginlega helst að leiðrétta niðurstöðuna, gefa leiðbeiningar ef þá ekki bara láta hann dæma aftur með meirihluta. Helgi sat eins og hertur þorskur fyrir framan meistara sinn og gat varla hóstað útúr sér eins einast orði fyrir vaðlinum í Árna sem sagði ekki neitt nema meiri dellu en fyrri daginn af því að hann talaði miklu hraðar núna af því að hann fékk að hafa orðið allan tímann. Og má þá segja að þar hafi skrattinn hitt ömmu sína fyrir því ekki er Helgi mállaus þegar kemur að því að hakka á íhaldinu. Þá þráspyr hann sömu spurningarinnar hverju svo sem svarað er.

Eftir stendur rassskellt ríkisstjórn sem ætti að hunskast burt og láta fara fram kosningar. Það er allaveg þarfara en að fara aftur að þvæla um þetta stjórnlagaþing sem þjóðin hafnaði. Hér vantar enga stjórnarskrá því sú gamla hefur alveg dugað í 70 ár.
Kastljósið hefur oft verið betra, líka já Helga Seljan..


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 4
  • Sl. sólarhring: 10
  • Sl. viku: 76
  • Frá upphafi: 3417884

Annað

  • Innlit í dag: 3
  • Innlit sl. viku: 58
  • Gestir í dag: 3
  • IP-tölur í dag: 3

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband