Leita í fréttum mbl.is

Bloggfærslur mánaðarins, október 2013

Höftin áfram

í mörg ár segir forsætisráðherra í London.

Uppgjör þrotabúanna tekur svo langan tíma því kröfuhafarnir vilja ekki semja þó við séum svo góðir við þá að við borgum þeim vexti..

Hvervegna er þetta bull? Bankarnir eru þrotabú. Þrotabú greiða ekki vexti heldur úthluta þau úr búi til kröfuhafa. Í íslenskum krónum samkvæmt dómi Hæstaréttar. 

Hvað er þetta fólk eiginlega að gera?  Á ég að enda ævina sem þræll í höftum? Ég kaus ekki Sjálfstæðisflokkinn alla mína hunds og kattartíð til þeirrar niðurstöðu. Gjör rétt þol ei órétt. Stétt með stétt.

Ekki skilanefndir og hinir í hafti. 

 


Er ekki nóg komið

af bullinu frá ESB?

Nú á að knýja fram bensínhækkun hjá okkur á grundvelli dellulaga sem við hirðum án skoðunar frá Brussel.

Svo segir í Mogga:

"Um næstu áramót taka gildi lög um endurnýjanlegt eldsneyti í samgöngum á landi. Byggjast lögin á tilskipun frá ESB og fela m.a. í sér að lögð er sú skylda á seljendur eldsneytis hér á landi að minnst 3,5% orkusölunnar verði af endurnýjanlegum uppruna frá og með árinu 2014. Hlutfallið fari í 5% árið 2015 og 10% árið 2020. Samhliða verði hlutfall endurnýjanlegrar orku í heild 20% í landinu.

 

Glúmur Jón Björnsson, framkvæmdastjóri efnarannsóknastofunnar Fjölvers, segir að lögin muni hafa áhrif á eldsneytisverð. Neytendur þurfi að kaupa dýrara eldsneyti en rýrara að gæðum með innfluttum íblöndunarefnum. Hann bendir á að hlutfall endurnýjanlegrar orku sé um 75% á Íslandi og því langt umfram þau 20% sem tilskipun ESB kveður á um. »Skattar verða felldir niður af þessum 3,5%. Við það verður ríkið af um 800 milljóna króna tekjum. Þessir peningar munu ekki skila sér til neytenda vegna þess hve kostnaðurinn eykst við innkaupin.« "

Flytja á inn eitthvað annað en ódýra orkugjafa til að blanda í bensísið svo að einstæða móðrin borgi örugglega meira fyrir að keyra barn sitt í skólann í stað þess að hjóla eins og Gísli  Marteinn . Ríkið ætlar örugglega ekkert að sleppa 800 milljónum af tillitsemi við hana né nokkurn annan.

Göngum úr þessu  EES sem aldrei skyldi verið hafa. Með sífelldu regulgerðarklaki Brussel er þetta löngu orðið að áþján og ofríki sem ekkert á við á Íslandi frekar en Schengen og fleira í þeim dúr. Í það minnsta verðum við að hætta að láta möppudýrin okkar stjórna Alþingi með því að leggja alla vitleysu sem frá Brussel kemur fyrir fávísa þingmenn til stimplunar á borð við þessi lög.

 


Pólitísk stórtíðindi

voru í dag þegar Jón  Gnar skýrði rólega frá því að hann myndi hætta eftir þetta kjörtímabil. Besti flokkurinn hefði  bara verið hugarástand.  Fáir hafa komist nær raunveruleikanum en Jón Gnarr með þessum fáu orðum.

Séu þessi orð skoðuð út frá sjónarhóli Sjálfstæðismanna í Borginni þá blasir merkingin við. Gengi Besta flokksins er í beinu hlutfalli við frammistöðu Borgarfultrúa Sjálfstæðisflokksins á þessu og fyrra kjörtímabili.  Alfa og Omega. Og það er langt í frá búið.

Besti flokkur Jóns Gnarr  mælist stærstur flokka í borginni. Jón Gnarr hættir á toppnum nálægt sögulegu meðalfylgi Sjálfstæðisflokksin á landsvísu.

Þetta hefðu einhvers staðar og einhvern tímann þótt ótrúlegur viðburður. Helst saman að jafna þegar Diókletían Rómakeisari steig af veldisstól og sagðist vera farinn austur í Asíu til að rækta kál. Bara sisona.  Auðvitað var málið ekki leyst með því einu.  En það endaði með að leysast. Allt fer einhvernveginn sagði gamli Sveinn og vissi hvað hann söng.

Skarð Jóns Gnarrs verður vandfyllt. Hann var vinsæll borgarstjóri hvað sem menn svo sem sögðu. Hann var nefnilega eldklár þó hann þættist annað. Ræður heyrði ég margar blaðalausar hjá honum sem aðrir gera ekki betur. Hann hafði hinsvegar stíl sem er allt öðru vísi en menn eiga að venjast. Sinn stíl. Hann gerði hlutina "My Way" eins og Sinatra og komst upp með það því hann var engum líkur.

Liggur mikið eftir hann á kjörtímabilinu? Það er ekki á ljósu fyrir mér. En eftirminnilegt er það margt og fáir hafa kveikt aðra eins elda og hann með Aðalskipulaginu. 70.000 undirskriftir á landsvísu gegn því. Og hann bara brosti og sagði að flugvöllurinn yrði víst að fara. Ef ekki núna þá bara seinna. Hann skildi að nokkur ár til eða frá skipta engu. Jón Gnarr var hér en er farinn.

Jón Gnarr var pólitísk holskefla þegar hann kom inn á sviðið. Hann er búinn að vera borgarstjóri við vaxandi fylgi og vinsældir í meira en 3 ár.

Það eru pólitísk stórtíðindi þegar slíkur afreksmaður kveður. 

 


Er spurningunni um Reykjavíkurflugvöll

svarað að mati Hönnu Birnu?

Hún skrifar grein í Morgunblaðið við hliðina á Ögmundi Jónassyni þar sem má segja að þau metist á hvort hafi skrifað betur undir friðþæginguna við Gnarristana.

Fulltrúar Isavia eru hafðir með hjá Hönnu Birnu sem fullrúar inannlandsflugsins.  Flugfélagi Ernir sem flýgur á marga þá  staði sem Isavia flýgur ekki lengur til  eru ekki virtir viðlits. Fulltrúar einkaflugs og kennsluflugs sem eiga að fara af vellinum eru heldur ekki boðaðir til kossafundar Hönnu Birni við Gnarrinn.

Tveggja manna samtökin um Betri Byggð skrifa líka sigri hrósandi um að nú muni Vatnsmýrarbyggð rísa með tilheyrandi talnaturnum um fækkun bílslysa í umferðinni þegar Homus vtnsmýrensis fer að hjóla í vinnuna hvar sem hún verður nú.  Líklega hefur Hanna Birna ekki séð þá grein áður en hún gekk frá sinni þar sem hún heldur því fram að nú hafi framtíð innanlandsflugsin verið tryggð. Eru 6 ár eilífð í pólitík og er víst að Hanna Birna sigli með himinskautum að þeim tíma liðnum?

Hönnu Birni finnst það skipta öllu máli að N-S brautin fái að vera fram yfir næstu bæjarstjórnarkosningar. Þar með hefur hún svarað undirskriftalista 70.000 Íslendinga um það að Reykjavíkurflugvöllur skuli vera áfram í Vatnsmýri með kossi á vönd Gnarrsins. 6 ár í viðbót líða því í óbreyttu limbói. Ragna Árnadóttir finnur varla land undir flugvöll né fé frekar en aðrir á undan henni.

Hanna Birna ætlar hinsvegar að flytja það sem eftir er af einkaflugi  og svo kennsluflugið eitthvað annað. Hvort þeim er það ljúft eða leitt að hætti Sverris konungs. Og það strax.

Það getur vel verið að Hönnu Birnu þyki Fluggarðar ljótir sem Magnús Ó Erlingsson lögfræðingur og Gnarrböðull  ætlar að slétta út bótalaust. En það deila margir kjósendur þeim skoðunum ekki með henni. Það getur vel verið að henni finnist það flug sem þaðan kemur ómerkilegt.  En þeir kjósendur eru til sem finnst það ekki.

Þessi gerningur innsiglar það að Sjálfstæðisflokkurinn fær ekki mikið traust grasrótarinnar í næstu kosningum. Hvern varðar líka um það þegar sviðið er Gnarrsins sem sópar til sín fylginu. Hann lætur sér í léttu rúmi liggja hvað sá flokkur segir í pólitík.  Ekki hlusta ég heldur á mikið meira. 

Engri spurningu hefur verið svarað um örlög Reykjavíkurflugvallar nema að hann skuli lagður niður að vilja Gnarrsins og tvímenninganna talnafróðu. Spurningunni um Reykjavíkurflugvöll hefur verið svarað með einu orði:

Burt.


Svikin á Reykjavíkurflugvelli

eru Sjálfstæðisflokknum til skammar að hafa komið þar nálægt.

Þar er gengið gegn undirskriftum 70.000 Íslendinga sem vilja hafa Reykjavíkurflugvöll áfram í Vatnsmýrinni. Gnarristarnir og meðvirkir Borgarfulltrúar Sjálfstæðisflokksins taka þar höndum saman við að eyðileggja völlinn með því að veita tímabundnar undanþágur frá mestu dellunum eins og rífa Flugstjórnarmiðstöðina og loka N-S brautinni. Fyrir það er einkaflugi fargað og skal burtu rekið. Fyrir örfá ár til viðbótar í sama limbói.

Það er Prófkjör hjá Sjálfstæðisflokknum bráðum í Reykjavík. Þeir sam fara þangað skulu hvorki  kjósa Þorbjörgu Helgu Vigfúsdóttur né Áslaugu Friðriksdóttur vallarféndur og taglhnýtinga Gnarristanna í skipulagsmálum. Og Hönnu Birnu skulu við heldur ekki gleyma þó síðar verði.Marta Guðjónsdóttir þarf að fara ofarlega á listann þar sem hún er eindreginn andstæðingur skipulagsdellunnar.

Það voru framin söguleg svik á Reykjavíkurflugvelli. 

 

 


RÚV

er sífellt bitbein komma, krata og kumpána annarra flokka og sérvitringa.

Nú er Ögmundur að þenja sig á Bylgjunni í morgunsárið að skamma Illuga fyrir að stela nefskattinum til RÚV í ríkissjóð og  auka á móti því að  tekjurnar af auglýsingum sem Öggi hafði minnkað. Þessi íhaldsskattur sem Þorgerður kom á er til RÚV og á að fara þangað eða fella hann niður. Ekki í neitt annað.

Hverskonar rugl er þetta eiginlega? Ég lét þennan nefskatt yfir mig ganga og gat enda ekki annað. En ég er ekki sáttur við að honum sé stolið í annað frekar en að bensíngjöldunum sem áttu að renna til vegagerðari hafi alltaf verið stolið í niðurgreiðslur til landbúnaðarins og alls kyns vitleysur. Hvaðan kemur Ögga sú viska að auglýsingar skuli skornar niður? Er hann að þóknast Ara Edwald og gamla Baugsveldinu?  Eru það ekki auglýsendurnir sjálfir sem ákveða þær? RÚV er einfaldlega með mest áhorf.

Ég horfi líka mest á RÚV og svo á ÍNN af því að það kostar ekki aukalega. Ég hlusta á Bylgjuna og Sögu af því að ég greiði ekki aukalega fyrir það. Ég sé og heyri auglýsingar á þessum stöðum. En ég get sleppt því án þess að þjást fyrir það.  Ég sé ekki Stöð2  af því að ég tími ekki að borga fyrir hana og sé þar af leiðandi ekki auglýsingar sem flytjast þangað af RÚV. Ég keypti hana einu sinni en fannst hún svo léleg að mér fannst ekki taka því.

Hvaðan kemur þessum spekingum Ögmundi og Illuga þessi forsjárhyggja? Báðir ætla  að stýra mínu áhorfi. Annar með kommakrumlunni en hinn með bláu höndinni.

Bylgjan og 365 hossa sér af því að það á að skerða RÚV um 100 milljónir að mati Páls Magnússonar. RÚV er óþarft apparat að þeirra mati og vilja loka því. Sama er mér í rauninni. Ég sé ekki að RÚV geri neitt fyrir mig sem ég hef einhvern beinan hag af. Nema að skemmta mér með með áberandi hlutdrægum fréttaflutningi sem allir sjá að er yfirleitt viðbrenndur vinstrigrautur. En ég treysti 365 miðlum ekki hætishót betur með Stöð2, Bylgjuna  og Fréttablaðið.His Masters Voice.

Bretar hafa BBC til að flytja tíðindi og fleira. NPR flytur einu áreiðanlegu  fréttirnar í USA og almenningur borgar það með frjálsum framlögum. Ef einhver fjölmiðill nær því að honum sé treyst þá hætta hinir síður á að flytja lygar. Eins og er veit enginn á Íslandi hvaða fjölmiðill lýgur minnst að RÚV meðtöldu. Það er engum að treysta nema helst Mogganum til að segja satt og rétt frá. Em  það dugar ekki því nógu margir lesa bara ekki Mogga. 

Annaðhvort höfum við RÚV eða höfum það ekki. Ef við höfum það þá á það að taka allar auglýsingar sem það  nær í og þá má minnka ríkisframlagið helst oní ekki neitt. Þar styð ég Illuga fremur en Ögga. Ég gef lítið fyrir þeta menningarhlutverk og innlenda þáttagerð eins og áramótaskaupið. Það má sleppa flestu af þessu. Krakkarnir horfa á auglýsingarnar þó mér leiðist þær ferlega. Flest er svo misleiðinlegt í dagskránni  og maður leitar í útlendu stöðvarnar sem eru oftast jafn leiðinlegar svo maður endar í tölvunni.

En mér leiðist líka ferlega að hlusta á Ögga og Illuga þrátta um hlutverk RÚV og hver eigi að borga og svo þetta smjatt í 365 og Sögu á því hvað RÚV sé bölvað. Eru þeir eitthvað svo mikið betri að ég nenni að elta þá frekar en RÚV? 

 


Farvel Frans!

segi ég eftir endurtekningu farsans frá í vor þegar Gnarrinn og Ögmundur innanríkis undirrituðu samkomulag um að varabrautin félli burt  til Gnarrsins fyrir nýjum íbúðum á svæðinu.. Af einstakri fyrirlitningu við flugvallarfólk  völdu þeir afgreiðslu Fugfélagsins til undirskriftarinnar. Þetta var svona á pari við járnbrautarvagninn sem gekk milli Frakklands og Þýskalands í lok tveggja stríða. Mér skilst að hann sé enn varðveittur svona til þrautavara.

Önnur söguleg svik voru framin af núverandi innanríkisráðherra og sama Gnarrinum nú í vikunni. Sérlegur fulltrúi páfans  Isavia var fenginn til að kveða upp dauðadóminn fyrir grasrót flugsins þegar innanríkisráðherra tók að sér að kála kennslu- og einkaflugi  í Vatnsmýrini og finnan því nýjan stað. En að þeim stað hafa margir leitað lengi en enginn séð.  Mikil er trú þín kona sagði Frelsarinn og rataðist satt á munn eins og stundum áður.

Nú bíður Fluggarðanna okkar jarðýtan ein sem samkvæmt bréfi fullmegtugs aðvókats Reykjavíurborgar, Magnúsar Ó. Erlingssonar,  á að jafna við jörðu bótalaust. Mikið ef við sleppum við að borga förgunargjald á eigum okkar.

Við úr grasrót flugsins  höfum með þessu beðið algeran ósigur og skulum þurrkaðir út.

En það verða hugsanlega fleiri þurrkaðir út. Innanríkisráherra innsiglaði líklega ósigur Sjálfstæðisflokssins í borginni að vori með því að semja um uppgjöf í flugvallarmálinu gegn eyðingaröflunum.  Þvert á vilja kjósenda, yfirlýsinga ríkisstjórnarflokkanna beggja  og 60.000 undirskrifta afhenti hún Reykjavíkurflugvöll til Gnarrsins og Day´s  Bee fyrir örfá ár i viðbót. Appeacement verðugt minningu Neville´s Chamberlain sem vildi tryggja friðinn við fasismann hvað sem það kostaði.

Og fréttamiðlar túlka það sem sigur Flugvallarins.

Búið að fórna Gísla Marteini á altari aðalskipulags Gnarrsins og Day´s Bee.  ÍNN sér  í Þorbjörgu Helgu skærustu von íhaldsins að því loknu í næstu kosningum. O tempora, o mores.

Stendur ekki  Sjálfstæðisflokkurinn  uppi nokkuð berstrípaður eftir þetta?  Málefnafátækari í skipulagsmálum og  hugsjónaminni gagnvart almenningi í samaburði við stórveldi Gnarrsins og Dagsins?   Reykjavíkurflugvöllur skal burt með atbeina og blessun Sjálfstæðisflokksins í Reykjavíkurborg og líka á landsvísu. 

Svo langt gengur mín blinda flokkshollusta við Sjálfstæðisflokkinn ekki að ég láti þetta yfir mig ganga án þess að spyrna við klaufum eins og bolakálfur á blóðvelli.  Að láta rífa það niður bótalaust sem við höfum barist svona hart fyrir í áratugi. Með svona endurteknum farsa og friðkaupum við brandarakallana í besta flokknum og hækjuliðs þeirra.  

Ég sé ekki annað en að einkaflug og kennsluflug flytjist suður á Patterson flugvöll við Keflavík í framtíðinni. Þar nægt land og ódýrt að byggja upp. Því Hanna Birna finnur ekki nýtt flugvallarstæði í borgarlandinu þar sem margir hafa þegar leitað af sér allan grun.  Hvað þá að hún fái peninga hjá Sigmundi Davíð  til að byggja flugvöll nær en það. Að vísu er enn ekki búið að ræða landþurrkun í Skerjafirði þar sem nægt og ódýrt flugvallarland er að finna ef menn þá vilja.

Svo maður getur  sagt  við Reykjavíkurflugvöll eins og við vonir Sjálfstæðismanna um aukin áhrif í Reykjavíkurborg hafi þær verið einhverjar fyrir:

 Farvel Frans!

 


Hvað segir Putin um múslíma?

 
On February 4th, 2013, Vladimir Putin, the Russian President, addressed the Duma (Russian Parliament), and gave a speech about the
tensions with minorities in Russia :

 

"In Russia live Russians. Any minority, from anywhere, if it wants to live in Russia, to work and eat in Russia , should speak Russian, and should respect the Russian laws. If they prefer Sharia Law, then we advise them to go to those places where that's the state law. Russia does not need minorities.

Minorities need Russia , and we will not grant them special privileges, or try to change our laws to fit their desires, no matter how loud  they yell 'discrimination'. We better learn from the suicides of America , England , Holland and France , if we are to survive as a nation. The Russian customs and traditions are not compatible with the lack of culture or the primitive ways of most minorities. When this honorable legislative body thinks of creating new laws, it should have in mind the national interest first, observing that the minorities are not Russians.
 
The politicians in the Duma gave Putin a five minute standing ovation.

 
(Þann 4 febrúar 2013 , ávarpaði Vladimir Putin , Rússlandsforseti  rússneska þingið og hélt erindi um spennu meðal minnihlutahópa í Rússlandi :
 
" Í Rússlandi búa Rússar. Allir minnihlutahópar , hvaðan sem þeir eru , ef þeir vilja  lifa í Rússlandi , vilja  vinna og borða í Rússlandi , eiga að tala rússnesku , og virða rússnesk lög . Ef þeir vilja sharia lög , þá ráðleggjum við þeim að fara til þeirra staða þar sem þau lög ríkja .
 
Rússland þarf ekki minnihlutahópa . Minnihlutahópar þurfa Rússland , og við munum ekki veita þeim sérstök forréttindi , eða reyna að breyta lögum okkar til að þóknast sérþörfum þeirra, sama hversu hátt þeir æpa  um " mismunun " . Við skulum læra af sjálfsvígsstefnu Ameríku , Englands , Hollands og Frakklands , ef við ætlum að lifa  sem þjóð . Rússneskar venjur og hefðir eru ekki í samræmi við skortinn á menningu eða frumstæða siði flestra minnihlutahópa . Þegar þetta háttvirta löggjafarþing ætlar að setja ný lög , ætti það að hafa í huga hagsmuni þjóðarinnar efst í huga og hafa í minni að minnihlutahópar eru ekki Rússar .

Þingmenn Dúmunnar  gáfu  Pútín fimm mínútna standandi klapp.) 
 
Hvað nöfnum yrðir sá maður yrði nefndur sem svona talaði á okkar Alþingi?
 
Ætli það sé bara í lagi að vera þjóðernissinni svo lengi sem það er ekki á Íslandi og maður heitir Pútín eða eitthvað svoleiðis?
 

Kostur Kölska

er viðfangsefni leiðarahöfundar Morgunblaðsins hver sem hann annars gæti nú verið.

Þar segir: 

" Talað er um kost kölska þegar taka þarf ákvörðun og enginn kostur er góður. Á undanförnum dögum hefur för norskra félaga í samtökunum Devils Choice verið heft við komuna til Íslands og þeim snúið aftur til síns heima.

 

Félagar í samtökunum reka upp ramakvein yfir þessari ósvinnu, þeir eigi ekki að sæta annarri meðferð en áhugamenn um frímerki eða þjóðbúninga.

 

Margt bendir hins vegar til þess að hér séu engir englar á ferð. Mótorhjólasamtök hafa valdið glundroða víða um heim. Þekktust eru samtökin Hells Angels og Bandidos, sem háð hafa blóðuga hildi á Norðurlöndunum. Samtökin Devils Choice eru iðulega spyrt við Hells Angels. Guardios Diablos kallast sambærileg stuðningssamtök Diablos.

 

Þegar þessir hópar reyndu að ryðja sér til rúms í Esbjerg fyrir skömmu talaði fréttamiðillinn JydskeVestkysten við Julian Sher, leiðandi sérfræðing um veldi mótorhjólasamtaka. Hann kallar Hells Angels og Bandidos glæpaveldi, sem fjármagni sig með eiturlyfjum, og stuðningshópa á borð við Devils Choice og Guardios Diablos sé alls staðar að finna þar sem þau séu.

 

»Báðir hópar reyna ávallt að þenjast út og keppa,« segir Sher. »Það er dæmigert. Þeir ná sér í hermenn til að vinna skítverkin, selja efni og beita valdi. Þeir tala um frið og samninga, en fyrr eða síðar endar það með ofbeldi og þeir reyna að gera út um ágreining sinn með blóði. Það má ekki vanmeta þá. Þeir eru glæpamenn.«

 

Íslendingar eiga að læra af reynslu annarra, sem hafa þurft að takast á við þessa hópa. Ef koma má í veg fyrir að slíkir hópar nái hér fótfestu með því að hefta för nokkurra manna í Keflavík er það vel til vinnandi. Það er kannski ekki góður kostur að hefta för manna á líkum, en hinn kosturinn er verri. "

Þarna eru athyglisverðar hugmyndir á ferð. Það er greinilega talið réttlætanlegt af leiðarahöfundi að hindra för manna til Íslands af því að þeir séu líklegir til þess að valda samfélaginu skaða. 

Ég velti því fyrir mér af hverju Norðmennirnir rifu ekki skilríki sín og æptu Asyl Asyl. Farið beint á hótel og fengið aur í vasann. Ég velti fyrir mér hvernsvegna Shíar og Súnnitar eigi að fá frjálsa för til landsins af því að þeir séu múslímar. "Báðir hópar reyna ávallt að þenjast út og keppa." segir Sher. "Þeir ná sér í hermenn til að vinna skítverkin, selja efni og beita valdi...."

Ég velti fyrir mér hversvegna múllar og imamar megi koma hingað til að prédika fyrir luktum dyrum fyrir íslenskum ungmennum sem hafa gerst hermenn Múhameðs.

Ég velti fyrir mér hversvegna skilríkjalaust fólk af ástakasvæðum fær hér landvist án þess að nokkuð sé vitað um fortíð þess. Ég velti því fyrir mér hversvegna allir af Schengensvæðinu, líkstungumenn sem aðrir, geti labbað hér inn og út. Ég velti því fyrir mér af hverju meirihluti fanga á Íslandi séu útlendingar. 

Ég velti því fyrir mér að á  "undanförnum dögum hefur för ..... félaga í samtökunum...... verið heft við komuna til Íslands og þeim snúið aftur til síns heima."

 Ég velti því fyrir mér hver sé munurinn á þeim kostum sem Kölska bjóðast. 

 


Hrafnaþing

Ingva var á dagskránni hjá ÍNN í kvöld. Ingvi sjálfur situr í Key Largo og talart í gegnum Skype sem gerir það að verkum að hann líkist meira Kermit froski en Ingva Hrafni á skjánum og röddin eftir því.

En það var ekki aðalatriðið. Ingvi var áður búinn að lýsa því yfir að Þorbjörg Helga Vigfússdóttir væri frambjóðandi hans og stöðvarinnar til borgarstjóra. Þorbjörg þessi er þekkt fyrir flugvallarfjandskap sinn og einstakri víðsýni og flokkshollustu í pólitík,  sem fram kom einkar vel á miðanum  þar sem stóð á "til í allt án Villa". Hún er búin að vera lengi að puða í pólitík en frekar lítt miðað.  Hún er gift einum mesta fjárplógi landsins, Hallbirni Karlssyni sem er mikill skuldsettraryfirtökukóngur eins og þeir gerðust bestir fyrir hrun. Bankarnir settu hann nýverið yfir Haga sem reka Bónus, Hagkaup og fleira úr gamla Baugsveldinu ásamt Árna Haukssyni manni Ingu Lindar. Báðir þessir kallar færu létt með að kaupa pólitískar auglýsingar fyrir konur sínar.

En sjálfsagt hefur fjárþörf Ingva Hrafns ekkert með slíkt að gera. Þetta er hans einbeitta pólitíska sýn fyrir Reykjavík og Sjálfstæðisflokkinn að alþýðukonan Þorbjörg Helga muni vinna borgina úr höndum Gnarristanna og DayBee´s. Að vísu virðist Þorbjörg Helga ekki reikna með því alfarið að Reykvíkingar muni kjósa hana til meirihlutavalds í Borgarstjórn því hún lagði sig mjög í líma með að byggja brýr yfir til meirihlutaflokkanna. Einkum hafði hún áhyggjur að heilsu Samfylkingarinnar eftir kosningar.

Þarna var líka með henni  annar flugvallarfjandmaður Áslaug María Friðriksdóttir sem er dóttir fyrrum Landsvirkjunarforstjórans , bankaráðsformannsins og bákniðburtsbrjótsins Friðriks Sophussonar og því fædd inn í innsta hring Sjálfstæðisflokksins. Þorbjörg Helga var heldur spör á að leyfa henni að tala og mátti ráða af því að hún Áslaug María verði ekki endilega ofarlega á lista með henni Þorbjörgu Helgu í fyrsta sæti. Meira að segja Hallur, Gulli og Jón Kristinn urðu að vera annarsstaðar þegar þessar konur fengu þáttinn. Enda allir hallir undir flugvöllinn.

Ingvi Hrafn kannski gefur skýringar síðar á því hversvegna hann kemst að þessari pólitísku niðurstöðu sem auðvitað er alveg óháð fjárhagslegri velgengni ÍNN. Hvað sem Jónína Benediktsdóttir segir um Ingva Hrafn í Morgunblaðinu í dag, þá hef ég gaman að horfa  á ÍNN og dáist að dugnaðinum í Hrafninum sem er allt í öllu á stöðinni og býr til afbragðs þætti. Og ég þoli alveg þegar hann tekur hressilega upp í sig og krunkar skýrt um menn og málefni.

Hugsanlega ætti Hrafninn, stöðvarinnar vegna,  ekki að blanda sér í svona prófkjör Sjálfsæðismanna af diplómatískum ástæðum. Svona eins og til dæmis hann Obama sem er nú steinhættur að hlera hana Merkel.

Hrafnaþing er góður þáttur hvort sem Hrafninn er eins og hann er fjaðraður eða líkist Kermit froski í gegnum Skæpið. Boðskapurinn kemst til skila.

Ég segi því : Áfram ÍNN ! Þó að ég taki ekki við honum í þetta sinn frá þessu Hrafnaþingi um borgarstjórefni Ingva Hrafns. En ég deili áhyggjum með Jónínu Ben af gengisleysi Framsóknar í skoðanakönnunum. Ég hef enn mikla trú á Óskari Bergssyni til góðra verka fyrir þann flokk.

Mér myndi þykja gaman að sjá Jónínu og séra Gunnar læsa klónum í Hrafninn . Þá yrði víst handagangur í öskjunni og fiðrið fljúga á Hrafnaþingi.


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband