Leita í fréttum mbl.is

Bloggfærslur mánaðarins, maí 2020

Clint Eastwood

er níræður í dag.

Þessi maður hefur fylgt mér í gegn um lífið allt frá því að ég fékk fyrsta svart hvíta sjónvarpið líklega 1963 eða 4  sem náði Rawhide þáttunum í Kanasjónvarpinu.

Þar var ein persónan  Rowdy Yeates, ungur sláni lék ráðsnjallan káboj.

Svo komu Spaghetti Vestrarnir hjá Sergio Leone þar sem Clint var töffari með vindilstúf í kjaftinum sem sallaði vondu gæjana niður með hjálp Lee VanCleef og Eli Wallach sem voru líka hrikalega töff. Svo kom röð af myndum sem ég sá ekki einu sinni. Dirty Harry , stríðsmyndir og allt það.

Hæst fannst mér hann Clint samt rísa í myndinni Unforgiven sem hann framleiddi og lék aðalhlutverkið í. Hrikalega töff mynd þar sem hann í hlutverki margfalds morðingja sem er orðinn bánkur  bóndi og ekkill sem  heyrir um að einhverjar hórur í einhverjum fjarlægum bæ hafi heitið verðlaunum til manna  sem vilja drepa stráka sem höfðu unnið þeim mein.

Hann fer því að rifja upp gamla hestamennsku og byssufimi sem hann er búinn að týna niður fyrir löngu síðan og er svo klaufskur að maður veltist um að hlæja. 

Hann leggur svo upp í langferð með öðrum manni til að ná í gullið og drepa strákana. Ævintýrin eru endalaus og brútalítetið er svakalegt. 

Í einu atriðinu þar sem þeir eru að stúta einum af strákunum  segir við hann við upprennandi en í grunninn huglítinn byssumann: "It is a helluwa thing to kill a man, take away everything he has got and will ever have."

Þegar hann i myndinni er búinn að sloka í sig hálfa viskíflösku rennur á hann hæfilegt drápsæði sem hann notaði fyrr á tíð til að myrða konur og börn að hans eigin sögn.

Myndina hef ég séð nokkrum sinnum og finnst hún alltaf góð.Myndin endar á því að dráparinn Willam Munney leysist upp og hverfur úr sögunni sem smákaupmaður í Californiu.

Clint hefur víst líka verið alvöru lögreglustjóri og í pólitík meðfram kvikmyndastörfunum.Hann er líklega gamaldags patríót eins og John Wayne var. 

Hann er samt að mínu viti einn fjölhæfasti listamaður í kvikmyndum sem nú er uppi og hefur held ég filmað á Íslandi.

Ég vildi bara að að ég gæti óskað Clint Eastwood til hamingju með afmælið og megi hann lengi lifa með þökkum fyrir allt sem hann hefur fyrir mig gert allt lífið.

 


Samúðarframleiðsla

fer fram hjá Helga Magnússyni fjölmiðlamógúl og glóbalistum á Hringbraut.

Þar er langur þáttur um flóttamenn frá Afganistan  í Grikklandi. Einn segist ekki vera kominn til að borða eða vinna heldur að mennta börn sín. Annar segist hafa verið í læknanámi heima og  móðir hans sé læknir og bróðirinn verkfræðingur.

Spyrillinn leggur sig fram að lýsa eymdinni sem fólkið býr við.Það vill komast til Evrópu segir það. Einn viðmælandinn spyr af hverju af hverju Íslendingar taki ekki við þessu fóki? Þetta sé venjulegt fólk. Eru erlendir múslímar venjulegt fólk á Íslandi? Smellpassar fjöldi þess inn í íslenskt samfélag?

Enginn spyr hversvegna það kom yfir fjöllin hingað? Hvað er það að flýja sem var svo slæmt að 39 milljónir Afgana eru kyrrir heima.Virðast geta menntað sig þar og lifað mannsæmandi lífi. Auðvitað vill þetta fólk komast til Íslands. En höfum við einhver ráð á að taka við því?

Flóttafólkið hlýtur að vita það áður en það leggur af stað hvaða lífskjör bíða þess í flóttamannabúðum í boði Erdogans og Mitsotakis.  Hvað það er að yfirgefa með saklaus börn sín og bjóða þeim upp á sýndar hörmungar? 

Ber Evrópu einhver skylda til að leysa vanda þessa fólks? Af hverju fer það ekki bara heim aftur? Varla getur það verið verra en það helvíti sem Samúðarframleiðsluþáttur glóbalista hjá Helga er að sýna okkur?


Félag Flugumferðarstjóra

er furðufyrirbæri.

Flugumferðarstjórar eru menntaðir alfarið af Ríkinu og vinna alfarið hjá Ríkinu.

Hvernig gengur það upp að þeim sé heimilt að renna saman í hjörð og fara í kjarahernað gegn Ríkinu? 

Félag Flugumferðarstjóra ætti ekki að hafa verkfallsheimild að mínu viti.


Kári minn klári

ekki vera fúll útí okkur vegna Svandísar sem er bara venjulegur  kommabjálfi. Við þurfum á þér að halda hvað sem henni líður.

Árum minn og Kári klári. 


Skriðdýrsháttur

íslenskra Yfirvalda gagnvart kaþólsku EES samningsins og máttleysi gagnvart tilskipunum ESB hefur fyrir löngu gengið fram af flestum Íslendingum sem um slíkt hugsa. Við blasir að stærstu þjóðir ESB haf öll ákvæði EES að eigin geðþótta meðan við liggjum hundflatir.

Guðni Ágústsson skrifar merka grein um þetta í Fréttablaðið. Hann endar hana svofellt:

"Stephen M. Walt, ritstjóri Foreign Policy skrifar: „Raunsæismenn vita það núna að heimsfaraldurinn er enn ein ástæða til að vara sig á hnattvæðingunni.

Hnattvæðing eykur hættur á ýmiss konar kreppum í samskiptum þjóða, en skapar líka alvarleg innanríkisvandamál, svo sem þegar störf eru f lutt milli landa.“

Hér hefur verið gengist við kröfu ESB um að f lytja megi inn hrátt kjöt til Íslands og farið gegn hollráðum færustu manna bæði prófessoranna Margrétar Guðnadóttur og Karls G Kristinssonar.

Aldrei mun ég gleyma varnaðarorðum dr. Lance Price, prófessors við George Wasingtonháskóla og Milken-lýðheilsustofnunarinnar í Washington, en Sigurður Ingi Jóhannsson og Framsóknarflokkurinn fengu hann til að koma hingað. Hann var á fjölmennum fundi á Hótel Sögu. Magnaðri varnaðarorð hef ég ekki heyrt gegn því að flytja hingað ófrosið kjöt.

Erindið fjallaði um lýðheilsu og algjöra sérstöðu Íslands. Hann lýsti stöðu Íslands til fyrirmyndar í vörnum gegn útbreiðslu sýklalyfjaónæmra baktería sem væri stærsta ógn við lýðheilsu mannkynsins. Hann sagði þegar hann var spurður um hvað hann ráðlegði ríkisstjórn og Alþingi að gera, þá svaraði hann á þessa leið:

Nei, nei, aldrei að rjúfa þennan öryggismúr. Ríkisstjórnin bar ekki gæfu til að standa gegn þessari ógn.

„Varðstaða gegn óvarlegum innflutningi á hráu kjöti snýst um líf og heilsu íslensku þjóðarinnar.“

Þarna liggur stærsta heilsufarsógnin á himni framtíðarinnar. Verksmiðjubúskapurinn í vestrænum heimi snýst víða um dýraníð, og glæpsamlega lyfjanotkun, gegn þessu fári verða vísindamenn, læknar og stjórnmálamenn að rísa.

Var það ekki Gandhi sem minnti mannkynið á „að jörðin fullnægir þörfum allra, en ekki græðgi allra“?

 

Græðgin hefur tröllriðið heiminum. Mál er að linni."

Skriðdýrsháttur íslenskra yfirvalda gagnvart heimskulegum tilskipunum ESB sem meðal annars hafa stefnt Íslandi í ófrið gegn Rússlandi hafa fyrir löngu gengið fram af flestum sem um þau mál hugsa.

 


Hvað er að?

í þjóðarsálinni?

"Pírat­ar mæl­ast næst­stærsti flokk­ur lands­ins í nýrri könn­un MMR, en fylgi flokks­ins mæl­ist 14,6%. Bæta þeir við sig þrem­ur pró­sentu­stig­um frá síðustu könn­un sem birt var 8. maí. Sjálf­stæðis­flokk­ur­inn mæl­ist áfram stærsti flokk­ur lands­ins og bæt­ir við sig 1,3 pró­sentu­stig­um, meðan hinir stjórn­ar­flokk­arn­ir tveir, Vinstri græn og Fram­sókn­ar­flokk­ur­inn, missa fylgi.

Sam­kvæmt könn­un MMR mæl­ist Sjálf­stæðis­flokk­ur­inn með 23,5% fylgi, Pírat­ar með 14,6% og Sam­fylk­ing­in þriðji stærsti flokk­ur­inn með 13,3% og hækk­ar um eitt pró­sentu­stig milli kann­ana.

Viðreisn mæl­ist fjórði stærsti flokk­ur­inn með 11,3% en fylgi flokks­ins lækk­ar um 0,9 pró­sentu­stig milli kann­ana. Miðflokk­ur­inn bæt­ir við sig 1,1 pró­sentu­stigi og mæl­ist nú með 10,8%.

Vinstri græn missa eitt pró­sentu­stig og mæl­ast með 10,6% og Fram­sókn miss­ir 3 pró­sentu­stig og mæl­ist nú með 6,4% fylgi. Mæl­ist rík­is­stjórn­in með 47,5% fylgi í dag, en það er sjö pró­sentu­stig­um minna en í síðustu könn­un þegar stuðning­ur­inn mæld­ist 54,2%."

Jésús

Hvað er að?

 

Orkuskipti eru orðskrúðstal

frekar en staðreyndir

Jarðefnaeldsneytið er orkugjafi mannkynsins en ekki vindur, sól eða vatnsafl.

Menn deila um framtíðina en þróunin í heimsmálum virðist vera algerlega háð þessum orkugjafa sem er olían. Koltvísýringsútblásturinn er risavaxið blöff sem er  blásið út af einhverjum hagsmunaöflum sem beita sakleysingjum fyrir vagn sinn.

Ég rakst á þetta skrif:

"Mamdouh SalamehonMay 25 2020 said:

I disagree with you, Mr Cunningham. On the strength of China’s bouncing back and its oil demand almost back to 2019 levels, I would project oil prices to range from $40-$50 a barrel in the second half of this year and touch $60 in early 2021.

Another bullish factor is that US shale oil production has declined by 2.2 million barrels a day (mbd) according to comments from the US Secretary of Energy while other highly reliable research showed the decline in May to be 4 mbd.

The reason China’s National People’s Congress (NPC) hasn’t set an economic growth target for 2020 is that Chinese decision makers can’t set a target without assessing first the damage that the coronavirus outbreak has inflicted on the economy. Once this has been accomplished, they will set a relevant growth rate.

There were reports that China’s economy might have declined by more than 6% in the first three months of 2020. However, judging by the fact that China’s crude oil imports have rebounded to nearly pre-coronavirus levels according to Bloomberg News on the 18th of May, I tend to discount such loss and estimate it by 2.5%-3.0% only. In fact, some projections see China’s economy growing at 6.8% in 2021 compared with 6.1% in 2019.

Long term, rising tensions between the U.S. and China are weighing on global markets. It will act as a real damper on the global economy, global oil demand and prices exactly as it did during almost two years of war between March 2018 and December 2019.

The intensifying anti-China rhetoric in the United States and direct attacks on China by President Trump mean that he is preparing to break the truce reached in December 2019 and resume the trade war immediately after the US exits the lockdown. He will not fare better than the previous time. He will lose the trade war again.

Dr Mamdouh G Salameh
International Oil Economist
Visiting Professor of Energy Economics at ESCP Europe Business School, London"
 
Ég held að Mr. Salameh hafi rétt fyrir sér. Veröldin er ekki komin á þann stað að hún geti talað sig frá þeirri staðreynd að olían er undirstaða hins tæknivædda mannlífs á jörðinni.
 
Það er mannfjölgunin sem er vandamálið ef að orkuskipti eiga að verða annað en orðskrúðstal.

Gleymdi maðurinn C

er heiti á þarfri greiningu dr.Hannesar Hólmsteins í Morgunblaðinu. Í henni dregur hann saman kjarnann bak við góðverkagerðir stjórnmálamanna.

Hannes skrifar:

Þegar menn keppast við að leggja á ráðin um aukin ríkisútgjöld, að því er virðist umhugsunarlaust, er ekki úr vegi að rifja upp frægan fyrirlestur sem bandaríski félagsfræðingurinn William Graham Sumner hélt í febrúar 1883 um „gleymda manninn“.

Sumner bendir þar á hversu hlutdræg athyglisgáfa okkar er. Hið nýja og óvænta er fréttnæmt, annað ekki. Hann nefnir sjálfur gulu og berkla, en nýlegra dæmi er uppnámið yfir veirufaraldri sem kostað hefur 323 þúsund mannslíf á fjórum mánuðum og er víðast í rénun.Á hverju ári látast 1,6 milljónir úr sykursýki, 1,3 milljónir úr berklum og ein milljón úr alnæmi.

Sumner segir: Í hvert sinn sem eitthvað kemur fyrir X, talar A um það við B, og B stingur upp á löggjöf X til aðstoðar. Þessi löggjöf felur ætíð í sér fyrirmæli um hvað C eigi að gera fyrir X eða einstöku sinnum hvað A, B og C eigi að gera fyrir X. Sumner bendir á að vandinn sé enginn ef A og B ákveði sjálfir að aðstoða X, þótt sennilega væri hægara að gera það beint en með löggjöf.

En Sumner beinir athygli að C: Hann er gleymdi maðurinn, hið óþekkta fórnarlamb, sem á að bera kostnaðinn af því þegar bæta skal böl annarra.

Flestir umbótamenn vilja taka fé af sumum og afhenda öðrum. Nú telur Sumner að stundum kunni það að eiga rétt á sér. (Ég tel til dæmis einhverja samtryggingu gegn drepsóttum og náttúruhamförum réttlætanlega.) En Sumner brýnir fyrir okkur að gleyma aldrei C, hinum venjulega manni, sem gengur til vinnu sinnar á hverjum degi, sér um sig og sína eftir megni, sækist ekki eftir embættum og kemst ekki í blöðin nema þegar hann gengur í hjónaband eða gefur upp öndina.

Hann er föðurlandsvinur en skiptir sér ekki af stjórnmálum og greiðir atkvæði á fjögurra ára fresti. Þá láta stjórnmálamenn dátt að honum. En þess í milli gleyma þeir honum.

Þeir koma sér saman um alls konar opinberar aðgerðir en ætlast alltaf til þess að hann beri kostnaðinn.

Og ekki er síður ástæða til þess árið 2020 að minna á gleymda manninn en árið 1883. Athugasemdir og leiðréttingar vel þegnar Hannes H. Gissurarson hannesgi@hi.is Fróðleiksmolar úr sögu og samtíð "

Þegar Samfylkingarflokkarnir og aðrir vinglar  jarma um félagslega aðstoð eru þeir aldrei að hugsa um C sem á að borga fyrir kærleikann. Þeir eru að tala um hvað þeir ætli að láta B gera fyrir A gegn því að A geri eitthvað fyrir B ef þeir kjósi félagssinna.

En það er alltaf C sem lætur blekkjast og kýs þetta lið yfir sig. Sjáið Reykjavík til dæmis. Þar er tími mislægra gatnamóta liðinn að sögn Dags. B. Eggertssonar. En tími fegrunaraðgerða við heimili Dags sjálfs á Óðinstorgi  er ekki liðinn og því er mokað hundruð milljóna í ónauðsynlegar framkvæmdir við heimili Dags sjálfs meðan umferðarmálin þyngjast og tímanum er sóað í bull um Borgarlínu sem aldrei kemst í framkvæmd enda óþörf með öllu.Og sífellt fjölgar fólki á skrifstofu Dags sem helst enginn kjósandi nær tali af sjálfum.

Gleymdi maðurinn C er sá brjóstumkennanlegi sem lætur blekkjast af innantómum fagurgala A og B um hversu kærleiksfullir þeir séu í garð fátæktar hans.


Jarmið á jötugjafir

úr ríkislúkunni til blekbullara heldur áfram sem aldrei fyrr.

Þórður Snær skrifar á Kjarnann sinn:

"..Hér á landi hefur hins vegar fámennur hópur fyr­ir­ferða­mik­illa þing­manna getað komið í veg fyrir að sett verði upp sam­bæri­legt styrkja­kerfi og í nágranna­löndum okk­ar.

Ástæðan virð­ist vera að einn eða tveir minni fjöl­miðl­ar, þar á meðal Kjarn­inn, trufla þá og vegna þess að þeir vilja að nokkrir stórir miðlar sem neita að aðlaga rekstur sinn að nútím­anum þrátt fyrir millj­arða tap á örfáum árum, fái alla þá rík­is­styrki sem útdeila á.

Þessir hópur nýtur svo stuðn­ings val­inna fjöl­miðla­manna og nafn­lausra pista­höf­unda sem hafa ham­ast á þeim sem styðja almennt styrkja­kerfi með það að leið­ar­ljósi að bæta lýð­ræð­is­lega virkni og gagn íslenskra fjöl­miðla.

Fremst í þeim flokki er Við­skipta­blað­ið, með alla sína nafn­lausu eymd. Rík­is­styrkir reynd­ust svo mikið eitur í beinum þeirrar útgáfu að hún ákvað að setja sex eða fleiri starfs­menn sína á hluta­bóta­leið­ina, sem var ætluð fyrir fyr­ir­tæki í verulegum rekstr­ar­vanda. 

Fyrir þessa heift og óbil­girni gagn­vart miðlum sem geta átt von á því að fá í besta falli um þrjú pró­sent af heild­ar­styrkjum líða allir hinir fjöl­breyttu miðlar íslenskrar fjöl­miðlaflóru sem há enn frekar en áður erf­iða bar­áttu fyrir til­veru sinn­i.  

Vegna þessa hóps situr frum­varp um styrkja­kerfið fast í nefnd for­manns sem hafði ekki einu sinni fyrir því að vera við­staddur þegar hluti fjöl­miðla var kall­aður fyrir nefnd­ina vegna máls­ins. Af opin­berum yfir­lýs­ingum hans, sem byggja aldrei á rökum eða vísun í gögn heldur fyrst og síð­ast niðr­andi gíf­ur­yrð­um, þá nennir hann ekki mikið að hlusta á ein­hverja „blogg­ara“. 

Í stað­inn á að styrkja einka­rekna fjöl­miðla með ein­skipt­is­að­gerð sem hluta af COVID-við­brögð­um. Hvernig sá styrkur verður liggur ekki enn fyr­ir. Það verður til dæmis áhuga­vert að sjá hvort að gerð verði skýr krafa um gegn­sætt eign­ar­hald og hvort nýt­ing á öðrum COVID-­rík­is­styrkjum muni drag­ast frá væntu fram­lagi til þeirra þriggja fjöl­miðla­fyr­ir­tækja sem nýttu sér hluta­bóta­leið­ina. 

En aug­ljóst er að ein­hver sér hag í því að fyr­ir­sjá­an­leiki í fjöl­miðla­rekstri sé eng­inn og að ástæða sé til að halda þessu leik­riti um mögu­legan vilja til að takast á við ástand­ið, sem staðið hefur frá árinu 2016, áfram.  

Erfitt er að draga aðra ályktun en þá að það sé vegna þess að við­kom­andi vilji hafa stærstu fjöl­miðla lands­ins áfram í tap­rekstri sem kallar á áfram­hald­andi fjár­fram­lög sér­hags­muna­að­ila, með til­heyr­andi nei­kvæðum áhrifum á lýð­ræð­is­lega umræðu og sam­keppn­is­að­stæður á fjöl­miðla­mark­að­i. 

 

Það er mjög mið­ur."

Hver er þjóðfélagsleg nauðsyn á útgáfu Kjarnans?

Eða Miðjunnar?

Eða Útvarps Sögu?

Eða www.samurfosti.is?

Eða Morgunblaðsins?

Eða Fréttablaðsins?

Eða RÚV?

Ég hefði haldið að svona starfsemi sé því aðeins nauðsynleg ef fólk vill borga fyrir að halda þessu úti?

Af hverju á Sjálfstæðisfólk að borga Helga Magnússyni með sköttum sínum fyrir að halda úti hatursmiðli á Sjálfstæðisflokknum eins og langgjaldþrota Fréttablaðinu?

Af hverju á Bjarni Benediktsson að borga sjálfur þeim Egilssonum fyrir að skrifa skít og níð um sig sem stjórnmálamann?

Hundurinn bítur yfirleitt ekki höndina sem fóðrar hann.

Munu þeir Egilssynir ekki leggjast flatir fyrir ríkislúkunni frekar en að hafna peningum frá Lilju? Var ekki Gunnar Smári auðmjúkur þjónn í þjónustu Jóns Ásgeirs  á sínum tíma?Bjó í Arnarnesinu með feitu köttunum?

Nýorðinn Kommúnisti hjá Eflingu?

Hvert fer trúverðugleiki Útvarps Sögu sem stjórnarandstöðumiðils þegar stöðin er orðin tilberi á stjórnvöldum? Styrktarreikningur Útvarps sögu osfrv.?

Hversu einbeittur verður Þórður Snær í ofan af flettingum þegar tilvera Kjarnans  hangir á vinabrauði valdabraskara í stjórnmálum?

Sámur fóstri kemur ekki út nema ef tekst að safna auglýsingum til að borga kostnaðinn. Og kemur þessvegna bara ekki út í nærri 50.000 eintökum eins og hann gerði þegar betur áraði.

Af hverju ekki sama með Kjarnann, Miðjuna og það allt sem jarmar á jötugjafir úr ríkislúkunni? 

 


Rafskutlurnar

eru stórkostlegar og gaman að sjá krakkana þjóta frjáls eins og fuglarnir á þeim um göturnar.Maður hefði sko  þegið þetta í den tid.

En þær koma bara hljóðlaust að mann á fleygiferð og maður þakkar fyrir að verða ekki fyrir þeim.Þegar eru mörg óhöpp orðin af þessu að maður heyrir.

Þarf ekki að hengja bjöllu á köttinn ef maður vill halda honum frá fugladrápinu? Þurfa þessar rafskutlur ekki að væla eitthvað á ferð?


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband