Leita í fréttum mbl.is

Bloggfærslur mánaðarins, október 2015

Hrafnaþing

var vel lukkað á ÍNN í gær þó að gulleit froskaásjóna stjórnandans Ingva Hrafns með milligöngu Skype sé pirrandi til að byrja með. Reksturinn er greinilega að verða mjög arðbær úr því að menn geta haft fasta búsetu erlendis og send spekina í gegn um netið. Er ekki bara betra að senda viðmælendurna til Key Largo og taka þættina upp þar? Allir jafn sólbrenndir og sælir? Jæja annars, ég er bara að stríða Ingva kallinum sem er ágætur og honum sé lof og prís fyrir þessa hvað mest vitrænu þætti sem sjást og heyrast i íslenskum fjölmiðlum.Þetta er ágætt hjá honum og nýjung líka. Það sem þar er sagt á Hrafnaþingum væri verra ósagt.

Ingvi Hrafn kom með spurningu sem ég skildi vel. Af hverju mega menn ekki setja niður ódýran sökkul á höfuðborgarsvæðinu og setja þar ofan á gámahús eða slík einföld hús svipað og háskólinn á Bifröst gerði á sínum tíma. Svo má bara taka húsin og flytja þau. Leysa húsnæðisvandræðin á verði sem ungt fólk getur borgað? Setja svo ekki evrópska byggingareglugerð sem keyrir upp byggingakostnað um 15%?

Ég er búinn að reyna að ná eyrum bæjarpólitíkusa árum saman með einhverjar svona hugmyndir en algerlega án árangurs. Þeir sjá ekkert annað en fallbyssuheld steinsteypuvirki til fimmhundruð ára og yfirtökugjöld sem taka til sín þriðjung eða helming byggingarkostnaðarins áður en skóflu er dýft í jörð. Tala svo fjálglega um að leysa þurfi húsnæðismál unga fólksins svo það fari að kjósa Sjálfstæðisflokksins en ekki Pírata.

Það er á sveitarsjórnarstiginu sem húsnæðisvandamálin byrja og eru. Hvort sem er í þeim bæjarfélögum þar sem villtu vinstrin ráða eða íhaldið. Ég er hættur að nenna að ræða þetta á þeim vettvangi svo forstokkaður sem fulltrúarnir yfirleitt eru.

Jón Kristinn Snæhólm var glöggskyggn að vanda þegar hann ræddi vanda Sjálfstæðisflokksins. Það er nokkuð ljóst að flokkurinn nær sér aldrei á strik ef rétt er að fylgi hans sé  komið niður í 17 % í Reykjavík. Sé flokkurinn í meira en tuttugu prósent á landsvísu bendir þetta þá ekki til að sérstök vandamál blasi við flokknum í Reykjavík? Fulltrúarnir séu hvorki  að ná til fólksins sem kaus þá hvað þá annarra?.

Er ekki Sjálfstæðisflokkurinn allt í kringum Reykjavík með mun meiri hundraðshluta?  Myndi maður yfirleitt láta sjá sig meðal almennings ef maður væri borgarfulltrúi Sjálfstæðisflokksins í Reykjavík með þetta rekord? Kannski skýringin á því að maður fréttir lítið til þeirra yfirhöfuð? Einhver minnimáttarkomplEss þjaki þá um hábjartan Daginn eins og ýmsa unglinga í gamla daga?

Þannig er ekki aðeins að búast við öðru en að niðurlæging Sjálfstæðisflokksins haldi áfram  það sem lifir þessa kjörtímabils og heldur það næsta líka vegna venjulegrar sjálfsánægju fólks sem gerir það blint á sjálft sig í pólitík. Forsendur framfara láti því bíða eftir sér til tjóns fyrir þjóðina.Því hér á landi hafa aldrei orðið teljandi framfarir nema  áhrifa Sjálfstæðisflokksins gæti sem víðast.

Björn Jón Bragason íþróttakappi, sagn-og lögfræðingur,magister í "Steingrímsfræðum" eins og Jón segir, var einnig í þættinum og lagði gott til. Hann er manna fróðastur um fyrirbrigðið Steingrím J. Sigfússon og VG. Allir eru þeir sammála um að þetta tvennt hafi aldrei verið aðskilið. Steingrímur er flokkurinn og ræður öllu. Þessvegna er Björn Valur kjörinn varaformaður og fulltrúa unga fólksins hafnað.Við áhorfendur hljótum að fagna kjöri varaformanns VG alveg ógurlega.

Bjön Jón er að verða ritstjóri vikublaðsins Reykjavíkur.Blað langafa míns Jóns Ólafssonar hét þessu nafni og ég forsómaði að taka þetta nafn þangað til Ámi umboðsmann  tók það til sín. Svona blað hefði geta orðið baráttutæki Sjálfstæðisflokksins í Reykjavík sem bitið hefði.En borgarfulltrúarnir höfðu engan áhuga á slíkum tillögum.

Undir ritstjórn Ingimars Karls hefur þetta blað verið vinstrisinnað blað sem hefur gapað upp í borgarstjórnarmeirihlutann í Reykjavík og Hjálmar Sveinsson, sem er mesta ógæfa í skipulagsmálum sem dunið hefur yfir nokkra borg að margra dómi. Vonandi verða nú þáttaskil í stefnu blaðsins og flatbyggðarsjónarmið þeirra EssBjarnar, Hjálmars og Dags Bé. í skipulagsmálum fari að víkja fyrir nútímanum með nýjum ritstjóra.

Birni Jóni er óskað velfarnaðar með sitt blað(hann mætti senda eintak í Kópavog) og vonandi heyrum við fljótt aftur í honum og Jóni Kristni á Hrafnaþingi hjá farfuglinum Ingva Hrafni.

 

 

 

 

 

 

 

 

 

 

 


Nauðganafaraldur í Þýzkalandi

http://www.gatestoneinstitute.org/6527/migrants-rape-germany

Samkvæmt Gatestone Institute, Soeren Kern, gengur nauðgunarfaraldur yfir Þýzkaland.

Hér eru samandregnir punktar úr mun lengri frétt:

 

"Þótt nauðgunin ætti  sér stað í júní, þá þagði lögreglan um það í næstum þrjá mánuði, þar til  héraðsblað fjölmiðlum birt frétt um  glæpinn.  Samkvæmt ritstjórnarathugasemd í blaðinu Westfalen-Blatt, er lögreglan að neita að upplýsa  almenning um glæpi sem varða flóttamenn og innflytjendur vegna þess að þeir vilja ekki að gefa gagnrýnendum  fólksflutninganna tækifæri.

 

 13-ára gamall Muslima- stúlku var nauðgað af öðrum hælisleitanda  á hæli fyrir  flóttamenns  í Detmold, borg í vestur-Mið Þýskalandi. Stúlkan og móðir hennar flýðu að  sögn frá heimalandinu til a‘ flýja menningartengt kynferðisofbeldi.

 

Um 80% flóttafólks / innflytjenda á skjól í Munchen eru karlkyns ... verð fyrir kynlíf með kvenkyns hælisleitenda er tíu evrur. - Bavarian Broadcasting (Bayerischer Rundfunk).

 

Lögreglan í Bæjaralandi  í bænum Mering, þar sem 16 ára gamla stúlka var nauðgað 11. september, hefur  gefið út viðvörun til foreldra um  að leyfa börnum sínum ekki að fara út án fylgdar. Í Bæjaralandi í bænum Pocking hafa stjórnendur á Wilhelm-Diess-Gymnasium varað foreldra að láta  dætur sínar klæðast ögrandi fötum  í því skyni að koma í veg fyrir "misskilning".

 

"Þegar Múslima unglingspiltar fara á útibaðstaði, þeir dámar þeim óvart þegar þeir sjá stelpur í bikiní. Þessir strákar, sem koma úr umhverfi  þar sem það hneykslar  að sýna nakta kvenmannshúð,  elta stelpur og angra þær  án þess að  átta sig á því. Auðvitað, þetta veldur ótta. " – Bæjara- stjórnmálamaður, vitnað um í Die Welt.

 

A lögreglu árás á  flóttamannabúðir í Munchen kom  í ljós að verðir sem voru ráðnir til að veita öryggi stóðu í  mansali  og eiturlyfjasölu  og vopnasölu og þóttust ekki sjá vændisstarfsemina.

 

Á sama tíma eru  nauðganir  þýskra kvenna af hælisleitendum  að verða daglegt brauð."

Það er greinilegt  að fréttir af vandamálum vegna innflytjendanna hennar frú Merkel eru skipulega bældar niður af yfirvöldum.( After several blogs (here, here and here) drew attention to the letter, the LandesFrauenRat (LFR) Hessen, a women's lobbying group that originally uploaded the politically incorrect document to its website, abruptly removed it on September 14, without explanation.) 

Þessar frásagnir staðfesta að ofbeldi hefur vaxið mjög við innflutning þessara villmanna sem streymt hafa yfir landamærin. Þetta er fólk sem er á svipuðu eða lægra menningarstigi en Egill Skallagrímsson myndi vera ef hann birtist hjá okkur í nútímanum.

Við fáum sýnishorn í desember af fólki sem talar ekkert mál sem við skiljum. Þeir í hópnum sem tala einhverja ensku eiga að hjálpa hinum.  Stjórnvöld halda að það gangi bara allt vel hjá okkur. Við erum svo spes.

Við bara bíðum.


Þjóðflutningar okkar tíma

er grein í síðasta hefti ÞJÓÐMÁLA  sem ég leyfi mér að vekja athygli á ef einhverjir fá ekki það ágæta tímarit. Óli Björn Kárason hefur nú tekið við ritstjórn þess af stofnandanum Jakobi F. Ásgeirssyni sem er búinn að ritstýra því frá upphafi með miklum glæsibrag.Ekki er að efa að Óli Björn mun halda uppi merkinu af sínum alkunna dugnaði og baráttugleði.

Grein prófessors dr. Bents er löng en þess eðlis að þar er engu ofaukið af fræðilegri þekkingu. Hún hljóðar því svo með yfirskriftinni

"Þjóðflutningar okkar tíma: 

 

Eftir Bent Jensen

 

Að baki því sem hér segir er rökstudd skoðun um að gömlu Evrópuþjóðirnar séu á hraðri leið til sameiginlegs sjálfsmorðs.

Þetta hljómar ógnvekjandi og finnist ein-hverjum að í orðunum felist móðursýki getur sá hinn sami einfaldlega látið eftirfarandi ólesið.  Vegna sjálfs sín ætti hann þó ekki að gera það, um langa hríð hefur ekki verið unnt að horfa fram hjá staðreyndunum: Spáin er raunsæ.

Þegar maður horfir út um gluggann á húsi sínu eða bílnum er enn margt sem virðist stöðugt og kunnuglegt en sá er óvenjulega illa upplýstur eða haldinn víðtækum skorti á veruleikaskyni sem sér ekki skriftina á veggnum: Elíturnar í (Vestur-) Evrópu hafa látið af viljanum til að verja evrópska menningu og siðmenningu.

Nótt sem nýtan dag flæðir stór straumur fólks án persónuskilríkja eða með fölsk skilríki inn yfir óvarin landamæri Evrópu. Í gamla daga, þ. e. a. s. fyrir fáeinum árum, hefði lögregla, landa-mæraverðir eða hermenn stöðvað fólkið og sent það til baka. Nú á okkar tímum eru evrópsk herskip notuð til að fylgja hinum ólöglegu innflytjendum örugglega í næstu höfn þar sem þeim er séð fyrir mat og drykk, gistingu og umsóknareyðublöðum um hælisvist.

Yfirvöldunum er fullljóst að í hópi hinna óboðnu eru hryðjuverkamenn með reynslu af stríði, félagar í samtökum sem hafa nú árum saman lagt stund á að skera friðsama borgara á háls af því að þeim líkar ekki við þá. Nú geta bæði hryðjuverkamenn og friðsamari borgarar sem halda yfir landamærin farið hindrunarlaust áfram til þess lands innan ESB þar sem búseta kemur þeim best. Þar geta þeir síðan dvalist frjálsir og án eftirlits.

Fyrr á árum litu Danir á þjóðflutninga sem atburði löngu liðins tíma. Við lærðum um þá í skólanum – um Kimbra, Tevtóna, Gota og aðra germanska þjóðflokka sem héldu í suður og eyðilögðu Rómarríkið. Nú búum við sem betur fer við friðsamlegar aðstæður, er okkur sagt, her landsins stendur vörð um Dani og aðra evrópska ríkisborg-ara gegn ytri ógn og lögreglan gegn innri ógn.

Auðvitað hefur komið til þjóðflutninga síðar. Fólk fluttist til Bandaríkjanna, Kanada og Ástralíu frá Evrópu, það voru einskonar þjóðflutningar við breyttar aðstæður. Menn gátu þó ekki bara komið á staðinn og krafist inngöngu. Allt varð að fara eftir bókinni, menn áttu að vera frískir og vinnu-færir. Náið var farið í saumana á högum þess sem óskaði eftir landvist. Þá var ekki heldur um það að ræða að frá og með fyrsta degi ættu menn rétt á að njóta víðtæks velferðarkerfis á kostnað íbúa móttökulandsins. Þetta gilti einnig um fólk sem vildi setjast að í Danmörku, þ. á m. gyðinga frá Austur-Evrópu fyrir fyrri heimsstyrjöldina.

Á 20. öldinni kom einnig til mikilla búferlaflutninga eða þjóðflutninga í Evrópu sjálfri: Eftir fyrri heimsstyrjöldina voru kristnir Grikkir reknir frá Tyrklandi; fjöldi Rússa neyddist til að yfirgefa Rússland eftir borgarastríðið 1918-1920; milljónir sovéskra borgara voru fluttar nauðungarflutningi innan landamæra Sovétríkjanna; milljónir evrópskra gyðinga voru sendar í útrýmingarbúðir; milljónir Þjóðverja flúðu eða voru reknar á brott eftir að Þýskaland tapaði annarri heimsstyrjöldinni; eftirlifandi gyðingar flýðu Evrópu og héldu til Ísraels; arabar flýðu til arabískra nágrannaríkja undan stríðinu við ríki gyðinga.

Það er með öðrum orðum ekkert nýtt að mikill fjöldi fólks flytjist eða sé fluttur frá einum stað til annars. Þjóðflutningar líðandi stundar eru hins vegar að mörgu leyti ólíkir því sem áður var. Í fyrsta lagi er um að ræða fólk með menningu og af menningarsvæði sem er mjög frábrugðið hinu evrópska, fólk sem hvorki óskar né vill laga sig að hinu evrópska heldur krefst sérmeðferðar. Í öðru lagi er hugsanlega um að ræða ótölulegan fjölda fólks sem mun eyðileggja hið evrópska samfélag takist ekki að setja skorður við þessu flóði sem nú er stjórnlaust.

Þjóðflutninga samtímans má rekja til þriggja grunnþátta: 1) Sprengingar, án hliðstæðu í mannkynssögunni, í fólksfjölda í nágrenni Evrópu– á svæðum þar sem ríki hafa hrunið eða eru að hruni komin auk innbyrðis hugmyndafræði/trúarbragða átaka og borgarastyrjalda. 2) Góðra tækifæra til að flytjast til Evrópu og viðskiptalegs skipulags við undirbúning brottfarar þangað. 3) Landamæra- og varnarlausrar Evrópu sem stendur til boða eins og aðlaðandi hlaðborð þar sem hver og einn getur valið úr réttunum.

Með netinu og farsímum má upplýsa hvern og einn um öll réttindi sem njóta má jafnskjótt og maður stígur fæti á komulandið. Opinberar og einkareknar stofnanir í víðtæku neti sjá um að aðstoða, veita ráð og sinna komumönnum. Þeim  stendur til boða húsnæði, klæðnaður, peningar, heilsugæsla, lögfræðiþjónusta auk annars. Hreyfi einhverjir í komulöndunum gagn-rýni eru þeir barðir til hlýðni af  stjórnmála- og fjölmiðlaelítum landanna, dugi það ekki er gripið til refsilaganna.

Fyrir skömmu hlakkaði í dömu sem sagði við mig að nú væri bara komið að skuldadögunum fyrir nýlendustefnu okkar. Þetta er vitleysa reist á vanþekkingu á sögunni og ber auk þess vott um sektarkennd í bland við sjálfspyntingu sem alið er á í menntakerfinu. Jafnvel þó þetta væri rétt kemur það ekki að neinu gagni við úrlausn hinna óviðráðanlegu vandamála sem fólksstraumurinn og aðgerðarlausir stjórnmálamenn skapa. Það má ef til vill segja okkur „ábyrg“ fyrir offjölgun fólks í Mið-Austurlöndum og Norður-Afríku í þeim skilningi að hinar stórstígu framfarir í heilbrigðismálum megi rekja til evrópsku nýlenduveldanna. Áhrifin má meðal annars greina í hinum heilbrigðu og sterkbyggðu ungu körlum sem eru í fylkingarbrjósti þeirra sem við sjáum nú koma.

Með öðrum orðum, hér er ekki um að ræða þjóðflutninga eða flóttamenn í hefðbundnum skilningi. Hér er um það að ræða að andstöðulaust sýna Evrópumenn undirgefni gagnvart fólki með framandi menningu sem á ekki heima í Evrópu en vill gjarnan njóta ávaxtanna af dugnaði og sköpunarmætti Evrópumanna.

Sé málum í raun þannig háttað að Evrópumenn séu um það bil að fremja sameiginlegt sjálfsmorð liggur beint við að spyrja hvers vegna þeir hristi ekki bara af sér slenið og geri ráðstafanir til hindra þær hörmungar sem skella á þjóðum Evrópu áður en langt um líður.

Fölsk sektarkennd elítunnar, gildahöfnunin, barnaskapurinn og sögu-vanþekkingin hafa þegar verið nefnd. Rannsókn á hinni óttalegu þróun í Svíþjóð bætir vænum efnivið í svarið. Svíþjóð hefur sérstöðu en sænsku veikinnar verður vart í öllum (vestur-) evrópskum lönd-um. Í Svíþjóð hefur vanhelgu bandalagi frómra stjórnmálamanna og vægðarlausra fjölmiða (gagnvart Svíum) tekist að spenna íbúana í heljargreipar sínar, þeir horfa nú möglunarlaust á fyrrum vel skipulagt þjóðfélag sitt breytast í samfélag þar sem enginn getur lengur talið sig öruggan.

Nýleg aftaka fyrir opnum tjöldum án dóms og laga [í IKEA-verslun 10. ágúst 2015] á konu og syni hennar er ekki annað en síðasta drama-tíska dæmið um sænska ástandið.

Svipaðir hlutir gerast í Danmörku, Hollandi, Frakklandi og Englandi. Í Frakklandi tryggja mörg þúsund sérþjálfaðir lögreglumenn röð og reglu á strætum og torgum, þeir sporna gegn ofbeldi og hryðjuverkum. Á Englandi undirbúa yfirvöld sambærilegar aðgerðir. Borgarastríðið í Evrópu er sem sagt fyrir löngu hafið, það er hluti þriðju heimsstyrjaldarinnar milli Evrópu/Vesturlanda og árásargjarnra hryðjuverkasamtaka múslíma.

Í raun ætti engan að undra þótt mið-austurlenskt ástand skapist í evrópskum borgum eftir innflutning á milljónum múslíma frá Mið-Austurlöndum og Norður-Afríku.

Evrópska elítan og herskari hennar af „sérfræðingum“ og fulltrúar góðmennskuiðnaðarins trúa þó enn að þeir geti talað eða keypt (að sjálfsögðu á kostnað skattgreiðenda) sig frá vandanum með enn fleiri sjóðum, enn fleiri uppeldisfræðingum, enn meiri „samruna“.

Við erum vitni að því sem aldrei fyrr hefur gerst í sögunni: sjálfviljugri uppgjöf siðmenningar.

Greinin birtist upphaflega
í Jyllands-Posten 22. ágúst 2015."

 

Hér er kveðið fast að orði. En það væri mikið andvaraleysi að velta ekki atburðum samtímans fyrir sér þar sem þetta snertir okkur öll á Vesturlöndum. Það sem gerist í dag verður ekki svo auðveldlega dregið til baka. Ég hugsa að margur Þjóðverjinn velti því fyrir sér núna hvernig sé hægt að draga gerðir Merkel kanslara til baka, þegar afleiðingarnar blasa við hvarvetna í Þýzkalandi.

Það er því rétt að við Íslendingar hugsum okkar ráð áður en við stígum skref í "flóttamannaviðtöku" sem ekki verður auðvelt að stíga til baka ef þjóðflutningarnir flæða yfir Ísland.


Er gróði að innflytjendum?

Það eru til þeir sem reikna sig í gróða af "innflytjendum" þegar teknar eru skatttekjurnar af launum þeirra sem eru að vinna úti í þjóðfélaginu. Ef lagður er við þær sem hagnaður það sem það kostar okkar samfélag að ala upp jafnaldrann, en dregið frá það sem þessi "innflytjandi" tekur úr kerfinu af bótum meðan hann er að vinna, þá kemur út stórhagnaður. 

En "innflytjandi" er ekki sama og innflytjandi. Það er reginmunur á til dæmis Pólverja sem kemur hingað til þess eins að afla sér tekna, borgar skattinn sinn, kjaftar ekki í gemsa í vinnutímanum, er aldrei veikur eða heima yfir veiku barni.

Til viðbótar er að hann tekur trúlega aldrei eftirlaun úr lífeyrissjóðnum sem hann er látinn borga í,verður gamall og deyr heima hjá sér,  þá er auðvitað rokgróði af þessum "innflytjanda". Sé svo kostnaðurinn af  því að ala upp jafnaldra hans íslenskan lagður við þessa tölu er allt komið í plús.

En þessi Pólverji er bara ekki endilega innflytjandi heldur gestavinnumaður. Hann fer alveg eins heim til sín þegar hann er búinn að græða hér fyrir húsi, bíl og ísskáp í heimalandinu og kemur ekki aftur.En flest er þrisvar sinnum ódýrara í Póllandi en hér, bæði hús og  matur en viskíið er hinsvegar fjórum sinnum dýrara hér en þar.

Innflytjendur frá Afríku, Sýrlandi eða öðrum arabaríkjum og suðrænum spænskumælandi löndum, sem eru allt aðrir menningarheimar en okkar, eiga erfitt með að fá vinnu. Þeir eru staddir svipað eins og Egill Skallagrímsson væri ef hann birtist skyndilega meðal okkar í nútímanum með kjálkana tilbúna að bíta á barkann á þeim sem hann teldi það verðskulda. Þeirra bíður því miður að fara á sósíalinn því þeir fóta sig ekki í daglegu lífi okkar. Og þegar við bætist vanþóknun þeirra sem fyrir eru á siðum þeirra þá verður lítill hagnaður af tilkomu þeirra og líklega verða þeir seint hamingjusamir hjá okkur.Af þessum innflytjendum er erfitt að reikna út gróða.

En sé stungið upp á því að Ísland velji úr framboðnum flóttamannafjölda vegna einhvers alþjóðlegs þrýstings  þá er stutt í vandlætinguna hjá góða fólkinu.Þetta eru svo mikil kærleiksverk að bjóða flóttafólki hingað að raunsæi má hvergi heyrast nefnt.

En það má reikna og reikna sig í gróða ef maður gefur sér þær forsendur í innflytjendamálum sem maður telur sér henta hverju sinni.

 

 


-Það rignir líkast til fljótlega-

segja Íslendingar gjarna þegar þeir spóka sig í sólskini og blíðu. -Þetta gengur ekki svona áfram-, þegar tveir sólardagar í röð hafa komið.-Þetta tekur enda, blessaður vertu-.

Ég man alltaf eftir "Wirtschaftswundersyndrominu" sem þjakaði þýskan almúga 1958. -Svona getur þetta ekki gengið áfram- sögðu þeir þegar glýjan af gullinu og efnahagsundrinu blasti við hvarvetna. -Þetta tekur enda-, -þetta er of gott til að vera satt- og stríðið bara rétt búið. Allstaðar byggt, allstaðar kranar og nýjir Bensar brunuðu um göturnar. 

Þegar fréttist af því að uppgjör slitabúanna hjá okkur lækki hreinar ríkisskuldir úr þriðjungi af landsframleiðslu í tíunda hluta, þá dæsa menn mæðulega. -Þetta tekur enda- og stynja. -Allt stefnir í nýtt hrun--, sömu gæjarnir allstaðar komnir aftur-.

Er ekki rétt að spyrja sig hvort of lág upphæð hafi verið sett upp miðað við píslirnar?  Var ekki grunsamlega hratt gengið að afarkostunum um stöðugleikaframlag eða stöðugleikaskatt, af hálfu kröfuhafanna? Eða eigum við að vera ánægðir sem töpuðum öllum sparnaðinum í bankahruninu? Við fáum ekki neitt. Nema Bjarni standi við hugmyndina um að senda öllum landsmönnum hlutabréf í Landsbankanum. Af hverju ekki í fleiri ríkisbönkum og stærri hlut en 5 %?

Nefndi Sigmundur nokkuð við Cameron þegar þeir voru komnir í glasið í Þjóðmenningarhúsinu í gærkvöldi og ég komst ekki í bílastæðahúsið vegna þess, að við ættum að fá skaðabætur hjá John Bull?

En annars eigum við ekki bara að njóta sólarinnar meðan hún skín  án þess að vera þjakaðir af rigningu morgundagsins?


Framtíðarsýn Þýzkalands

án orða:

http://www.thegatewaypundit.com/2015/10/germans-panic-as-muslims-march-through-city-this-is-our-future-video/

Er þessi sýn að auðga Þýzkaland?

Mitt gamla góða gistiland með sínar gömlu borgir og bæi. Er þetta þín framtíð? Eða kemur einhver sem gerir eitthvað í þessu?


Enn um "Góðafólkið"

að þessu sinni er það Ólína Kjerúlf Þorvarðardóttir nýbakaður varaforseti Norðurlandaráðs sem talar máli þess.

Hún ræðir málefni flóttmanna af miklum móð við Arnþrúði Karlsdóttur á Úrvarpi Sögu núna rétt áðan. Hún fer mikinn í því að Íslendingar verði að gera eins og Svíar að taka við mörgum flóttamönnum vegna mannúðarsjánarmiða. Hún fer mikinn og er krefjandi í röddinni þangað til að Arnþrúður spyr hvers vegna Danir auglýsi núna að þeir vilji enga flóttamenn til sín, hversvegna norska ríksistjórnin  beinir  því til sinna sveitarfélaga að taka ekki við neinum  flóttamönnum og Finnar segi að  þeir taki ekki við neinum  flóttamönnum heldur.

En Íslendingar verði að fara að dæmi Svía að mati Ólínu og opna allar gáttir eins og fjölmenni þjóðarinnar býður frekast uppá, án þess að nein tala komi fram hjá henni frekar en öðrum sem um þessi mál fjalla.  

Hversvegna eiga Íslendingar að gera bara eins og Svíar? Af hverju gera hinar Norðurlandaþjóðirnar ekki eins og Svíar ef þeir hafa alltaf rétt fyrir sér? Flóttamenn séu bara þverskurður af þjóðfélögum sínum segir Ólína Alþingismaður og innan um þá geti leynst nýtir borgarr sem kunni sitthvað fyrir sér. Já sjálfsagt geta flóttamenn haft ýmsa hæfileika og þekkingu sem nýtist hérlendis.

En gallinn er sá að í heild þá virðast múslímar hata alla vestræna menn sem trúleysingja. Þeir eru því ekki að koma hingað til að samlagast okkur heldur að láta okkur samlagast þeim. Þeir sem eru ekki múslímatrúar geta sjálfsagt horfið í fjöldann hjá okkur slæðulausir og lausir við fordæðuskap úr þeirri trú eins og umskurn kvenna og heiðursmorð. En hinir réttrúuðu ekki.

Mér finnst ótækt að Ólína komist upp með svona alhæfingar og heimtufrekju.Við sem ekki eru "góðafólkið" viljum fara með gát í því hvað fólk kemur hingað og vanda valið ef eitthvað á að velja. 


Austurískar konur undirbúa móttöku flóttamanna

með því að kaupa upp öll skotvopn og skotfæri í landinu. 

Byssulög eru mjög ströng í Þýskalandi, Bretlandi, Danmörku og Hollandi er varla gerlegt fyrir venjulegan borgara að kaupa slíkt. Það er krafist sálfræðiprófs í Þýskalandi og sjálfsvörn er ekki tekin gild sem ástæða í þessum löndum. Austurríkismenn hafa eilítið vægari lög.

Fréttir frá Tékklandi herma að byssur hafi flogið út í Austurríki og meirihluti kaupenda séu konur. Það sé hinsvegar of seint að kaupa sér byssur í því landi þar sem þær séu uppseldar!

Hvað er á seyði? Vita austurrískar konur ekki að það á að taka vel á móti hælisleitendum og flóttamönnum samkvæmt Landsfundarályktunum Sjálfstæðisflokksins? 

Read more at http://www.wnd.com/2015/10/islamic-invasion-pulls-trigger-europeans-scramble-for-guns/#kqdqcu4fVfzk1txv.99

 


"Góðafólkið"

á iðinn málsvara í Árna Matthíassyni á Morgunblaðinu.

Þar lýsir Árni þessi atburðum á Landsfundi, sem hann væntanlega sem vinstrimaður hefur ekki upplifað sjálfur heldur reiðir sig á frásagnir annarra.

"Svo gerðist það í vikunni að tveir dánumenn úr Sjálfstæðisflokknum tóku til máls undir lok landsfundar flokksins. Annar fékk gott hljóð, eins og hann lýsir því sjálfur (ég var ekki viðstaddur), en hinum var ekki eins vel tekið, því »lýðurinn« ærðist, stappaði í gólfið og baulaði að sögn ræðumannsins sem varð að hætta máli sínu vegna óánægju viðstaddra. Þetta kemur nokkuð á óvart í ljósi þess að hann var aðeins að bergmála Útvarp Sögu og því hefði ég búist við því að salurinn hefði sprungið af hlátri, hlegið viðkomandi uppistandara niður úr ræðupúltinu frekar en að baula."

Hann lýsir velþóknun sinni á atburðarásinni með setningunnni:

"Nú er það rétt hjá viðkomandi ræðumanni að hver á að hafa rétt til að taka til máls en þeir eiga ekki síður rétt til að tjá sig sem eru ósammála honum. Þeir mega líka segja skoðanir hans galnar og rasískar ef þeim sýnist svo - málfrelsi er fyrir alla. Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Það var gegn svona skoðunum sem leiða til uppþota á frjálsum fundum sem Hitler stofnaði stormsveitirnar. Þá ferðaðist Hitler borg úr borg og barðist fyrir sínum skoðunum. Fyrst í miklum minnihluta hrakinn og hæddur.  "Besserwisserarnir" þá, hugsanlega jafn víðsýnir eins og Árni þessi, töldu nefnilega réttlætanlegt að henda bjórköllum og grjóti í Hitler og hans fólk í stað þessa að rökræða. Eða með orðum Árna sjálfs:" Svo á maður ekki að bera virðingu fyrir öllum skoðunum, sumar skoðanir eru nefnilega svo galnar að ekki er hægt annað en hafna þeim án umræðu."

Akkúrat kjarni málsins.  Stormsveitirnar voru upphaflega stofnaðar til þess að fleygja ólátabelgjunum út og koma skikk á fundina fyrir óeirðaseggjum sem hegðuðu sér í átt til þess sem um ræðir á Landsfundi Sjálfstæðisflokksins. Reyndu að hleypa upp fundunum af því að þeir vildu ekki því að : " sumar skoðanir eru nefnilega svo galnar að ekki er hægt annað en hafna þeim án umræðu." að dómi Árna þessa.  Stormsveitirnar voru upphaflega stofnaðar til að verja fundafrelsið svo fyndið sem það er nú í ljósi þess sem síðar varð.

Auðvitað var ástandið í Þýzkalandi á þeim tíma þannig að jaðraði við borgarastríð lengi vel. En þessir tímar geta komið aftur þegar stjórnmálamenn eins og Merkel ganga gersamlega gegn þjóðarvitundinni að mönnum er nóg boðið og reisa höfuð sín til varnar eins og hinn traðkaði aumasti ormur. 

Ekkert er nýtt undir sólinni og mikil hitamál geta leitt til óeirða eins og við sáum í Gúttóslagnum og árás kommúnista  á lýðræðið á Austurvelli 30 marz. Svo næst í búsáhaldabyltingunni sem  æst var upp af kommúnistum innan úr Alþingishúsinu að hluta til. 30 marz varð að kalla út varalögreglu en í búsáhaldabyltingunni munaði hársbreidd þegar almennir borgarar gengu fram fyrir skjöldu að verja úttaugaðar hetjur okkar.

"Góðafólkið" eins og Árni þolir ekki rökræður.Það vill bara berja okkur "rasistana" til hlýðni fyrir að hafa skoðanir á innflutningi flóttamanna af því bara að þær séu "galnar"

Er það sjálft bara ekki með speldi fyrir augunum og neitar að ræða það hvort hópar innflytjenda hafi hugsanlega reynst í ætt við það sem Árni skrifar:" ..múslímar (sem= innskot mitt) séu upp til hópa blóðþyrstir villimenn - eigum við að viðurkenna það sem skoðun?"

Það eru býsna margir sem benda á múslímahverfin í Svíþjóð og spyrja hvað það sé sem fælir lögregluna frá því að fara inn í þessi hverfi. Styður það þá skoðun að innfluttir múslímar hafi reynst í því landi upp til hópa sérstakir dánumenn? Eru fjöldagöngur hvítserkja í London sem öskra "Breska lögreglan fari til helvítis" tákn um rangindi "rasista" sem "góðafólkið" verði að standa vörð um að nái ekki til innflytjenda? 

"Góðafólkið" er að verða að vandamáli meðal almennings með upphlaupum sínum sem vonandi leiðir þá ekki til stormsveita á móti.


Von fyrir Ísland

eru þau tíðindi að 70 % launþega séu innan hins nýja bandalags sem framhalds af SALEK hópnum sem undirritaði stofnskjöl sín í gær.

Þau 30 % launþega sem utan standa mega ekki fá tækifæri til að kollvarpa stofnun þessara samtaka. Stjórnvöld verða að beita öllu afli til þess að Íslendingar geti komið böndum á kjaramálin og komið þannig stjórn á sjálfa sig til þess að hér geti ríkt stöðugleiki svipað og í nágrannalöndum okkar. Annars dragast lífskjör þjóðarinnar aftur úr.

Verðbólgan er óvinur launafólks og almennings númer eitt. Hófstilling í taxtahækkunum í anda Ludwigs Erhardt´s er grunnurinn undir allri lífskjarasókn eins og dæmi Þjóðverja sannar. Kjarabætur vegna eftirspurnar eru annars eðlis en vopnuð rán. Í Svíþjóð eru víst bara þrír aðilar sem semja við vinnuveitendur um taxta. Í Noregi mun svipað fyrirkomulag gilda.  

Ég hrópa ferfalt húrra fyrir því góða fólki sem þarna hefur komið að verki.Þarna hefur Ísland eignast von.


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband