Leita í fréttum mbl.is

Bloggfærslur mánaðarins, febrúar 2013

Eiga aldraðir vini?

nokkursstaðar er það sem ég  hef verið aðvelta fyrir mér undanfarið? Ef þú ert gamall ertu ekki með, það má sparka í þig og troða eins og hverjum finnst hæfilegt. Sérstaklega þegar fólk er komið á þing.

Tilefnið var að ég hef starfað að verkfræðistörfum undanfarnin ár undir fyrirtækisnafni hlutafélags sem við hjónin eigum. Börnin okkar eru löngu tekin við stjórninni svo við erum ekki lengur ráðandi í félaginu, ekki einu sinni í stjórn. Fyrrum var ég í forsvari og hef teiknað margt á síðustu tíu árum. Einnig  höfum við verið í samstarfi við erlendar og innlendar verkfræðistofur við ýms verkefni. Allt hefur þetta gengið áfallalaust og ekkert hús hrunið, engin málaferli risið og mér vitanlega engar kvartanir borist. Það getur auðvitað vel verið að það séu til betri teiknarar en ég, t.d.samstarfsaðilarnir eru margir mjög flinkir. Hinsvegar getum við ýmislegt og tölvuþekking innan fyrirtæksisins er samt held ég nokkuð yfir meðallagi og við kunnum ýmislegt sem ekki allir geta endilega miklu betur.

En ég og fyrirtækið urðum  fyrir nýrri reynslu um daginn. Tæknideild Kópavogs var með pínulítið verkefni á sviði hönnunar burðarþols og lagna eftir margra ára hlé. Þeir voru búnir að láta einn vildarvin sinn teikna samkeppnislaust nokkurra íbúða hús. Það var alveg án útboðs.

Ég sá teikninguna og vissi að við höfðum leyst svona svipaða byggingu fyrir Kópavog á árum áður. Eiginlega kunnum við  þetta utanað og hefðum klárað þetta fljótt og vel . Ég hélt þeir myndu vilja vita hvað mitt fyrirtæki vildi gera þetta þessa þætti fyrir lítið. En þetta var allt brotið niður í burðarþol, lagnir og raflagnir. Þetta gerðum við  allt í fyrra verki og skrifuðum útboðslýsingar og magnskrár. Það verk er löngu búið og komið í notkun og ég hef aldrei heyrt að þetta hafi verið eitthvað gallað í hönnun.Allavega er húsið í notkun í dag. Eiginlega alveg sambærilegt verk.

 

Ég hugsaðii gott til glóðar þar sem byggingamarkaðurinn hefur verið nokkuð steindauður lengi eins og margir vita. Nei, takk Scheving!. Nú kom melding frá tæknideild  að tilboða frá mínu fyrirtæki væri ekki óskað þar sem ég sjálfur væri orðinn of gamall.  Ekki einu sinni í stjórn fyrirtækisins. Sem er ekki í vanskilum með nein gjöld til bæjarins og hefur aldrei verið. Heldur ekki ég sjálfur. Ég er orðinn of gamall! Jafnréttisstefna Kópavogskaupstaðar í reynd. Hvað ef ég hefði nú verið kona á óræðum aldri?  

Ég er samt löggiltur hönnuður burðarþols, lagna og raflagna auk þess að hafa arkitektsréttindi svo og að vera löggiltur byggingastjóri. Hef sjaldan verið hressari. Á ég að skila þessu inn? Er þetta bara allt í plati að dómi þessara hámenntuðu yfirmanna á Tæknideild Kópavogs? 

Nei, ég er 75 ára gamall. Ég á að vera úr leik. Fyrir það geldur fyrtækið mitt. Stór greiðandi fasteignagjalda í bænum. Það fær ekki að bjóða í samkvæmt úrskurði yfirmanna á tæknideildinni í Kópavogi. Á ég að styðja einhvern stjórnmálaflokk í næstu bæjarstjórnarkosningum? Er ég ekki orðinn of gamall til  þess að skipta mér af ? Kjósa eða eitthvað svoleiðis? Má ég kannski ekki gefa öndunum á tjörninni án leyfis tæknideildar Kópavogs? 

Svo eru allir flokkar alltaf að tala um hvað þeim þyki vænt um gamla fólkið. Það eigi að bjarga sér svo lengi sem það getur og blablabla.

Staðreyndin eftir allt hjalið er að Tæknideild Kópavogs hikar ekki við að sparka í bæjarbúa ,þegn og skattgreiðanda og brýtur auðvitað stjórnarskrána og jafnréttislaög eftir einhverjum geðþóttaákvörðunum skrifstofumanna sinna. Vita þessir utanbæjarmenn ekki hver borgar þeim kaupið?

Kannski hef ég þá fyrir rangri sök og þeir séu  bara að halda að þeir séu að losna við mig af einhverjum persónulegum ástæðum sem ég þekki ekki. En halda svona rök gagnvart fyrirtækinu sem er skattgreiðandi í bænum til áratuga og hefur skilað verkum án áfalla fyrir milljónatugi fyrir Kópavog á mörgum undanförnum árum. Hefur löggilt og menntað starfsfólk innan sinna raða? Er kannski pólitík í spilinu en fyrra meirihluta þótti hugsanlega lítið vænt um mig sem íhaldsbloggara. Ekki veit ég. Allavega hef ég ekki geð í mér til að kvarta við mína bæjarfulltrúa. 

En er þetta ekki dæmið um hvað að eldri borgurum snýr? Það er ekkert að marka snakkið um kærleikann til eldri borgara. Ekki fór mikið fyrir umhyggjunni hjá norrænu velferðarstjórninni sem skerti ellilaunin duglega árið 2009 og sá Steingrímur sýnir ekki einu sinni iðrunarmerki frekar en nafni hans á tæknideild Kópavogs.

Verðum við eldri borgarar ekki að hætta að hlusta á skrúðmælgi flokkanna í okkar garð. Tala við þá það eina mál sem þeir skilja og óttast? Vald atkvæðisins.

Fyrirbrigðið eldri Sjálfstæðismenn  er jafn tilgangslaust og gamlir kommar og frammarar. Það gerist akkúrat ekkert. Þeir svíkja allir jafnt.

Af hverju rennum við gamlingjar ekki upp framboðslistum til dæmis hér í þéttbýlinu og reynum að fá menn á þing. Við verðum ópólitískir með öllu.En setjum fram einfaldar skákir á þá sem ætla að stjórna. Þið gerið það sem við segjum eða við greiðum ekki atkvæði með ykkur. Einfalt mál.

Ég held að aldraðir eigi enga vini nema sína nánustu. Mér finnst Helgi í Góu vera á þessir skoðun.

Eigum við ekki að gera eitthvað Helgi og þið? Það er alveg klárt að enga pólitíska vini eiga aldraðir þegar til stykkisins kemur eftir kosningar. 

 

 

 


Björgunarafrekið á bílþakinu

var í alla staði glæsilegt. Landinn að hífa sprellfjörugt fólk og vel haldið upp í gæsluþyrluna sína sem við getum víst ekki rekið vegna auraleysis.

Hver borgar fyriri þessa sýningu? 

Er ekki hægt að gera bíómynd um Björgunarafrekið á bílþakinu og selja inn? 

 


Farinn til Florida

og hættur að blogga í bili!

Bless. Einhverjir verða fegnir? 


Ef eitthvað virkar, ekki laga það

sagði Murphy. Guttormur vinur minn benti mér á töframeðal við fótsveppum frá Gamla Apótekinu eins og grasséra á öllum sundstöðum.  Vaselín í fínum plast krukkum með smelltu loki  með 10 % Salycil(Salicyl sýra er gamla aspírinið sem við fáum ekki lengur að kaupa nema sem örlitlar barnamagnýl pillur) 

Þetta er greinilega farið að seljast betur því nú fást ekki krukkurnar lengur. Búið er að setja þetta á plasiktúbur 100 ml í þynnra formi. Verra og dýrara í alla staði. Það er hugsanega hægt að græða meira á þessu svona að hætti íslenskra átappara(stundum kallaðir iðnrekendur). Hvernig væri að við fengjum að velja um umbúðir þið gömlu apótekarar? 

Aspirín fæst ódýrt og reseptslaust í Florida í 375 mg. pillum. Ég hef étið eina á dag í mörg ár. Finn ekki fyrir hjartaverkjum síðan. Nú er víst búið að uppgötva að svona Aspírintaka minnkar líka ristilkrabbahættu dramatískt. Margir læknar eru auðvitað á móti þessu. En þeir sem þola þetta gera þetta sumir. Íslendingar mega auðvitað ekki kaupa svona Bayer-aspírín hér og verða að sækja það til Ameríku. Af hverju veit ég ekki. En með áburðinn sem minnst var á:

Ef eitthvað virkar af hverju þarf þá einhver að laga það?  


Að loknum landsfundi

Sjálfstæðisflokksins virðist sæmilega friðvænlegt yfir að líta á þeim bæ.Það eru auðvitað væringar með mönnum. Margir segjast vonsviknir með hversu skammt var gengið að lofa töfralausnum í málefnum skuldara vísitölulána frá 2005-2008. Þetta mál er ekki auðvelt viðfangs því enginn getur svarað því hvernig á að stýra fortíð þeirra þúnsuna sem hafa þegar misst heimili sín á móti þeim sem enn lafa. Það eru endalaus vandamál alls staðar sem ekki er hægt að leysa svo öllum líki. 

En sú grunnhugsun ætti að höfða til flestra að toppar á línuritum þurfi með einhverjum hætti að  sníðast af og innihaldið að flytjast út á svæði þar sem línan siglir lygnari sjó. Og líka sú að aukin atvinna færi fólki tekjur sem geta keypt meira af lífsgæðum sem það telur vanta. Vonandi finnst sú viska sem til þessa þarf einhversstaðar þó alltaf hafi reynst erfitt að hafa pennastrik í matinn. 

Steingrímur J. skipar öruggt sæti aftursætisbílstjóra hjá VG. Algerlega hryllilegt hlutskipti fyrir Katrínu formann að hafa vofu Steingríms í holdgerfingi Björns Vals yfir sér. Hún þarf að sýna kjark og tala við þá á því  máli sem þeir skilja. Ef þessi flokkur á þá að eiga sér viðreisnar von yfirleitt að loknum þessum landsfundi.

En vorið er framundan og landsfundum flokkanna lokið.

Nú er að vita hvað Þór Saari gerir í dag eftir hausatalningu á landsfundi Alþingis. 

 

 

 


Kjósum Bjarna !

Ben sem formann á Landsfundi Sjálfstæðisflokksins núna á eftir. Hönnu Birnu sem varaformann og Kristján Þór sem 2. varaformann.

Við spennum þau fyrir vagninn með stífri keðku  og stangabeisli og látum þau saman draga þjóðarvagninn upp úr feninu sem hann situr í núna eftir skötuhjúin Steingrím og Jóhönnu.

Fram til sigur Sjálfstæðismenn !

 

X-D !

 


Össur er þyngsti hrunskatturinn !

Össur Skarpéðinsson þenur púkablístru sína til tengingar við áróðurinn sem rekinn er í litfögrum bæklingum ESB-sinna á Landsfundi Sjálfstæðisflokksins í Mbl í gær. Einhver er nú kostnaðurinn við svona útgáfu og líklega gott fyrir íslenskan hagvöxt.

Nauðsynlegt finnst mér að tilfæra nokkur atriði úr þessari ritsmíð til skoðunar.

Össur segir m.a.:

Styrkur evrunnar sem gjaldmiðils kom vel fram í nýlegri ríkisskuldakreppu sem gekk yfir nokkur ríki evrusvæðisins. Andstæðingar evrunnar, sem aldrei vilja tala um málefni henni tengd, þrumuðu þá í síbylju að evran væri að hrynja. Ef ekki í þessari viku, þá örugglega í þeirri næstu. En hvað gerðist? Evran styrktist sem gjaldmiðill! “

 

 Hvaða afleiðingar hafði þessi styrking fyrir Grikki? Jú atvinnuleysi tók kipp upp á við. Örvinglað fólkið þyrptist út á göturnar og bardagar brutust út. Ástandið er svartara í atvinnumálum í flestum háfþróuðum evruvæddum Evrópusambandslöndum utan Þýskalands og Frakklands en nokkru sinni fyrr. Bein andstaða við aðild að Evrópusambandinu vex víða meðal annar í Bretlandi sem þó er með eigin mynt. Svíar hafa fellt sína krónu til þess að vera samkeppnisfærir við Norðmenn til dæmis sem versla þar af öllum mætti.  

 

 Svissarar versla allt sem þeir geta í Þýskalandi því þeirra franki er svo sterkur að til vandræða horfir. Skyldi Össur hafa hugleitt af hverju? Það eru hreinlega neikvæðir vextir í Sviss og þeir hóta að prenta mikið magn af frönkum til að ná genginu niður. Okkar seðlabankastjóri hótar að hækka stýrivextina og beita bindiskyldu til að verja krónuna eftir launahækkanir opinberra starfsmanna. Er þetta ekki glæsileg framtíðarsýn fyrir íslenskt atvinnulíf á næstu mánuðum?

 

 Enn skrifar Össur:

 

 „Krónan er bundin í gjaldeyrishöft til langrar framtíðar. Í viðtali við Bloomberg var efnislega haft eftir Má Guðmundssyni seðlabankastjóra að þess vegna gæti Ísland þurft að íhuga aðild að stærra myntsvæði. Í skýrslu sl. sumar sagði Seðlabankinn að ætti að skipta um gjaldmiðil væri engum öðrum kosti til að dreifa en evrunni. Evran er því í reynd eini valkosturinn ef við viljum losna við krónu sem í sjáanlegri framtíð verður ætíð í höftum.“

 

 Þar kom rétta andllitið fram.   En ætli Össur geti frætt okkur landsmenn á því hvaða skiptigengi okkur standi til boða? Hvað verða húsnæðisskuldirnar þegar búið er að skipta? Og hver verða launin?

 

 Að svona hagfræðilegur örvita skilningur sé  í heilabúi á íslenskum ráðherra er þyngra en tárum taki. Er ekki búið að banna Íslendingum að taka erlend lán vegna þess hversu þau gátu stökkbreyst?  Það er að vonum að stofnbréfapekúlantinn úr SPRON Össur Skarphéðinsson sé ónæmur á íslenskan veruleika. En það er Landsfundur Sjálfstæðisflokkurinn ekki sem betur fer.

 

 Enn skrifar Össur:

 

  Gjaldeyrishöftin valda því að landið fyllist smám saman af krónum, og þær vantar verkefni. Fjárfestar, sem eiga krónur, munu því leita í verðmæti eins og fasteignir. Sá veikleiki krónunnar sem birtist í gjaldeyrishöftum mun því efalaust leiða til hækkandi verðs á fasteignum og hugsanlega nýrrar eignabólu. Það mun þyngja enn stöðu húsnæðiskaupenda í framtíðinni.“

 

 Jahá. Hér fylltist landið af krónum fyrir hrun sem útlendingar áttu. Þeir vildu háa íslenska vexti. Þeir græddu því íslenska krónan var sterk en útlendir peningar veikir. Svo kom Lehman-hrunið, svo stórrhrunið, svo Gordon Brown sá óslánsklown,svo Össur, Steingrímur, Jóhanna. Svo Már  og svo gjaldeyrishöftin. Auðvitað  brugðust okkar ráðamenn margir  í aðdragandanum. Auðvitað átti ekki að láta banksterana hafa frítt spil  og nota sína „gargandi  snilld“ til að búa til Icesave og innlendar rafkrónur eftirlitslaust.

 

 Hér getur allt fyllst af gjaldeyri aftur ef rétt er á haldið. Það meira en getur gerst þegar búið er að hreinsa upp brakið sem eftir liggur og þegar einhverjar raunhæfar ráðstafanir til atvinnuaukningar sjá dagsins ljós. Rammáætlun og stjórnlagráðsfarsinn eru komin út á öskuhauga sósíalismans ásamt  gömlu kommúnistunum eins og Össuri Skarphéðinssyni þar sem hann og hans efnahagssýn fyrir Ísland eru best geymd.

 

 

Össur Skarphéðinsson og ríkisstjórn hans er þyngsti hrunskatturinn sem lagst hefur á landið okkar. 

 


Og áfram héldu þeir

í dag með nýjum og flottum litabæklingi sem þeir dreifðu í dag á Landsfundinum . Og nú var Evrumerkið  á forsíðunni. Allt búið með blekkinguna um einhvern Kanadadollara frá í gær. Nú glitti á glókollinn eins og LeirulæjarFúsi sagði þegar hann var að særa þann vonda upp úr pytti.

Kannski verðum við Sjálfstæðismenn að fara að senda okkar fólk inn á fundi hjá öðrum flokkum. Það er varla hægt að láta þá eina um að framleiða alla þessa vitleysu sína án leiðbeininga og einhvers vits frá okkur? Við gætum kannski leiðbeint þeim á betri brautir með örfáum mönnum? Maður hugsar hvað þurfi í raun  mörg atkvæði til að hafa áhrif á formannskjör heilu stjórnmálaflokkanna sem hæst fara? 

Kannski halda þeir áfram með þriðja pésanum á morgun og þá með mynd af yfirdrísilnum sjálfum á forsíðunni? 


His Masters Voice!

Ekki þurfti lengi að bíða tengingarinnar milli innrásarliðsins og Samfylkingarinnar.

Í Morgunblaðinu í dag þenur Össur sig í níðgrein um íslensku krónuna.

Konni hins Evrópska Baldurs!

His Master Voice! 


ESB gerði innrás á Landsfund

Sjálfstæðisflokksins í dag með liðsveitum sínum.

Ég var svo sem löngu búinn að búast við slíkri uppákomu en vissi ekki hvaða form hún myndi taka þar sem liðsmenn Sambandsins eru mjög fáliðaðir á Landsfundi og þá í flokknum öllum á landsvísu.

Væri það líka ekki löðurmannlegt af stórveldinu ESB, sem er með öflugan áróðursrekstur í landinu okkar með gnægð fjár, ef það reyndi ekki að henda skiptilykli í tannhjólin á stærsta stjórnamálviðburði ársins í aðdraganda kosninga ? Þeir eiga líka miklar og tryggar liðsveitir meðal landsmanna þó utan Sjálfstæðisflokksins séu flestar.

Fyrsta árásin kom eftir hádegið í dag þegar skipulagðar sveitir réðust til inngöngu og byrjuðu að dreifa bæklingum á hvern fundarmann. Ekki var ráðist beint að því að gylla  aðildarumsóknina eða Evrópusambandið sérstaklega heldur farið að á lævísari hátt.

Miklum og litfögrum bæklingi var dreift til allar fundarmanna  þar sem ráðist var á íslensku krónuna með miklu afli. Henni er fundið allt til foráttu og eiginlega slegin köld í fyrstu lotu. Síðan hefjast miklar vangaveltur um það hversu margir girnilegri gjaldmiðlar standi til boða. Kanadadollarann ber hátt og eiginlega gengið út frá því að hann sé næstu kostur á eftir evrunni að sjálfsögðu. Bláköldum firrum er haldið fram eins og að skiptigengið verði það núverandi og allir verði glaðir. Allt snúist til betri vegar, vextir hrynji og verðtryggingin um leið.

Þessi bæklingur er auðvitað bein árás á forystu Sjalfstæðisflokksins sem hefur lagt á það raunhæft mat að íslenska krónan verði gjaldmiðill þjóðarinnar í næstu framtíð.

Formaðurinn hafði talað af yfirvegun um það í ræðu sinni, að forsenda gjaldmiilsskipta væri stöðugleiki í efnahagsmálum. Hefði hann sagt í kjarabaráttumálum þá hefði hann verið líklega verið nær sannleikanum í ljósi aðstæðna í launamálum opinberra starfsmanna. Þar rís nú  næsta verðbólguholskefla sem skella mun á  landsmönnum á þessu ári.

Formaðurinn útlistaði í setningarræðu sinni hvernig of sterkur gjaldmiðill þjóðar virkar. Hann leiðir aðeins til uppsagna og atvinnuleysis eins og þeirra 19 milljóna ungs fólks sem er atvinnulaust í evrulöndunum. Núna er slíkt atvinnuleysi yfir 50 % í Grikklandi og fer versnandi.

Þessi innrás ESB er auðvitað ósvífin íhlutun í málefni Landsfundar sem hafði ærið að starfa. Fundarmenn þurfa að vera velá verði að Samfylkingarfólk laumi sér ekki inn á fundinn á morgun að dreifa áróðri og hluta sér þannig í innanflokksmál Sjálfstæðisflokksins.

Ekki er að efa að þessi árás var aðeins hin fyrsta. Fleiri munu fylgja á morgun og hinn.

Eigum við ekki að standa einhuga saman gegn áróðri og undirróðri Evrópusambandsins á Landsfundi Sjálfstæðisflokksins?  Eigum við ekki að fleygja öllu slíku  áróðursefni umsvifalaust í ruslakörfuna?

Stöndum saman vörð um Sjálfstæðisstefnuna sem er enn í gildi frá 1929. Við höfum ekki þurft hjálp krata til þess að skilja hana til þessa. 

Erum við ekki sjálfstætt fólk Sjálfstæðismenn og látum ekki Samfylkinguna eða ESB gera innrás og móta umræðuna á Landsfundi okkar?  

 


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband