Leita í fréttum mbl.is

Bloggfærslur mánaðarins, nóvember 2016

Vatnið skal renna uppí móti

er boðskapur meirihluta krata og komma í Reykjavíkurborg.

Í Útvarpinu heyrði maður að einkabílaumferðin skuli minnka um 58 % á næstu árum, gangandi og hjólandi umferð skuli aukast um helming, strætófarþegum skuli fjölga stórlega. Alveg sama þótt strætóferðir taki 70 % lengri tíma en með einkabíl. Upplagt fyrir einstæðar mæður sem eru að flýta sér með börnin sin á leikskóla.

Reykjavíkurflugvelli skal lokað og lögð léttlest til Keflavíkur og Hvassahrauns?

Eru þetta ekki hreinar fornaldareðlur á tækniöld sem mynda þennan meirihluta í Borgarstjórn Reykjavíkur? Hjálmar Sveinsson, Dagur B. og EssBjörn séu ekki af þessum heimi né tíma? Og Píratinn Halldór Auðar Svansson lifir og leikur sér í Ráðhúsinu sem umbun fyrir að halda þessum frákosna meirihluta við völd. Mikil er hans magtin.

En launataka vinstri spíssanna er á pari við útrásarvíkinga eins og þeir gerðust bestir. Þá er það besta ekki nógu gott. 2 millur á mánuði eru þeir vist að grossa að því að sagt er.

Hversu heimskt getur þetta orðið? Engar byggingalóðir, ekkert gatnaviðhald, ekkert fjárhagsaðhald, bara skuldasöfnun, skussagangur og  og skelfilegt viðhaldsleysi á mannvirkjum Borgarinnar. Sífelldir samráðsfundir á samfélagslegum grunni og meiri mannaráðningar til ráðhússins er mottóið.

Vatnið skal renna upp í móti ef því er skipað að gera það.

 

 


Brúnu hænurnar

eiga bágt núna. Ef við hættum að borða brúnu eggin þá bíður þeirra bara öxin ein.

Eigum við ekki að tryggja þeim líf með því að borða eggin þeirra.Hænugreyin eru saklausar, munum það.

Skálkarnir sem eru þeirra húsbændur mega gjarnan verða rasskelltir svo um munar. Til dæmis með því að lækka verðin á eggjunum til jafns við venjuleg egg. Og sýna auk þess skyldaðir til þess opinberlega að sanna að þeir ætli að bæta aðbúnað hænsnanna. Og að eggjaframleiðendur verði sömuleiðis skyldaðir í að kosta óháð ytra eftirlit eins og steypuframleiðendur til dæmis.

Það er ómögulegt að ráðast svona að hænsnagreyjunum sem búa hjá þessum fyrirtækjum og steindrepa þau um leið og allar hænurnar verða drepnar.

Verðum við ekki að reyna að bjarga brúnu hænunum?


Hvað skiptir mestu máli?

í framtíð Íslands?

Óli Björn Kárason fer yfir þau mál sem hann telur mest aðkallandi í nýrri ríkisstjórnarstefnu sem hugsanlega er í mótun.

Óli segir svo í niðurlagi pistils sín í Mogga í dag:

"....Engu að síður er vert að vekja athygli á eftirfarandi staðreyndum, sem komu fram í frétt Morgunblaðsins í gær og byggjast á upplýsingum frá Hagstofu Evrópu, Eurostat:

 Skattbyrði á Íslandi er sú þriðja þyngsta í Evrópu, leiðrétt fyrir greiðslum til almannatrygginga.  Tekjuskattar á einstaklinga og fyrirtæki hér á landi eru þeir þriðju hæstu í Evrópu.

Eitt til viðbótar:  Skattar sem eingöngu leggjast á fyrirtæki þrefölduðust í hlutfalli við landsframleiðslu frá 2003 til 2014. Samkeppnisstaða íslenskra fyrirtækja versnaði.

Það er því í besta falli lítið svigrúm til skattahækkana ef ný ríkisstjórn ætlar ekki að skerða samkeppnisstöðu fyrirtækja og draga þar með úr möguleikum til launahækkana og minnka skatttekjur ríkisins.

Hækkun skatta á einstaklinga skerðir einnig samkeppnisstöðu Íslands, ekki síst gagnvart þeim sem hafa alþjóðlega menntun; heilbrigðisstarfsfólk, verkfræðingar, iðnaðarmenn og þannig má lengi telja. Það verður ekki sérlega aðlagandi fyrir vel menntaða sérfræðilækna að flytja heim til Íslands í óvinveitt skattaumhverfi. Ekki frekar en fyrir hjúkrunarfræðinga sem eru eftirsóttir um allan heim.

Án þessara starfsstétta verður heilbrigðiskerfið ekki byggt upp. Nauðsynleg fjárfesting í innviðum krefst verkfræðinga, tækni- og iðnaðarmanna. Vinnuafl þeirra er óháð landamærum. Í stað þess að takast á um skattahækkanir er skynsamlegra að leggja drög að því að lækka fjármagnskostnað ríkissjóðs.

Ef fjármagnskostnaður í hlutfalli af gjöldum hefði verið svipaður á síðasta ári og 2003- 2006 hefði ríkið haft 46 milljörðum meira úr að spila. Þetta er næstum jafnmikið og allur rekstrarkostnaður Landspítalans. Þetta eitt lítið atriði sem gott er að hafa á minnisblaði og hafa upp á borði við myndun nýrrar ríkisstjórnar."

Það er mikill sannleikur í þessum orðum. Ísland má ekki hafa slíkt skattkerfi að það hreki bestu syni og dætur þjóðarinnar til framandi stranda. Við þurfum á okkar fólki að halda. 1000 hælisleitendur geta ekki komið í þess stað.

Til að lækka skuldir ríkissjóðs eru þeir kostir helstir að taka toll af ofsagróða bankanna. Og að sækja óhafnar skattgreiðslur ríkisins í lífeyrissjóðina. 46 milljarðar á ári leysa það vandamál sem Óli Björn er að lýsa. Ef vinstra fólk gæti skilið nauðsyn þess að þetta fé verði áfram í vösum fólksins heldur en að rífa það af því með sköttum, þá væri vel.

Það skiptir mestu máli að fé fólksins fái að spíra og skjóta rótum í þjóðfélaginu en sé ekki brennt upp í kratismanum sem engin efnahagsráð önnur þekkir en að skattleggja og eyða.


Kjarasamningur kennara

var undirritaður í dag til mikils léttis fyrir alla. Það er gleðilegt ef kennarar í grunnskólum geta nú gefið sig alla í starfið.

En mig langar að spyrja hvort skattgreiðendur eigi enga aðkomu að þessu máli? Geta þeir ekki krafist þess að kennarar skili grunnskólakandídötum læsum, skrifandi og REIKNANDI?

Getum við gert það að skylduprófi upp úr grunnskóla að nemandinn geti margfaldað saman tvær þriggja stafa tölur á blaði án þess að vera með síma eða reiknivél? Geti deilt tveggja stafa tölu í fjögurrastafa tölu með sömu skilyrðum?

Ég hef rökstuddan grun um það, að helmingur nemendanna úr síðasta bekk grunnskóla geti þetta ekki. Frekar en lesið sér til gagns.  Er einhver vilji hjá kennurum að láta kanna stöðu þessa máls nú þegar þeir geta tekið til starfa aftur lausir við mestu afkomuáhyggjurnar? Eða þorir enginn að spyrja þá neins? 

Er það bara kjarasamningur kennara sem skiptir máli en ekki vinnan sjálf?


Vill fólk Viðreisn?

Bjarta eða Samfylkingu í ríkisstjórn sem ekki vill fara í ESB?

Er þetta ekki grundvallarmál þjóðarinnar? Vill hún ekki vera sjálfstæð og herra eigin mála og auðlinda? Af hverju á að neyða þessum flokkum upp á fólk sem vill ekki semja um afslátt frá þessu?

Hvað er að Framsóknarflokknum sem menn vilja ekki segja upphátt? Hverskonar dylgjur eru þetta sem sumum stjórmálaforingjum leyfast að hafa uppi?

Vill fólkið ekki heyra skýr svör? Viljum við Viðreisn og ESB flokka í ríkisstjórn? 

 

 


"Vistvænn viðbjóður"

blasti við manni úr hænsnahúsum Brúneggja á Teigi og á Stafholtsveggjum. 

Allt sem stendur á umbúðunun frá þessum framleiðanda virðist vea lygi á lygi ofan. Og fyrir þetta er maður látinn borga 40 % meira af því að maður hefur séð viðbjóðinn í verksmiðjubúunum þar sem hænunum er þjappað í kassa og látnar verpa þangað til þær drepast í skítalykt og vanþrifum. Sjónvarpið ætti að heimsækja þessi bú og sýna fólki hvernig ástandið er þar. Þá myndi einhver hugsa sitt ráð. Þessvegna var maður að kaupa brún egg frekar en þau hvítu þó þau kosti þetta meira.

Maður passaði frjálsar hænur í sveitinni  sinni í æsku sinni og þótti vænt um þessa fugla og reyndi að fara vel að þeim. Aldrei hefði maður getað horft á þessa fugla fjaðralausa og tætta með brotna gogga eins og myndirnar sýndu vera samþjappaða yfir 30 fugla á fermetra í stað 6 eins og reglurnar segja og maður hélt að væri farið eftir. Nei, þessi lýður sem á þessi bú er greinilega samviskulaus og tilfinningalaus gagnvart lifandi verum. Hefðu einhvern tímann verið kallaðir Drullusokkar eigi einhverjar þá nafnbót skilið.

Þarna blasti sannleikurinn við þar sem samviskulausir snákaolíukaupmenn og dýraníðingar brjóta allar reglur, ljúga og falsa skýrslur til að græða meira.

Ætti svona fólk ekki skilið að vera dæmt í nálgunarbann við hænur? Eiga þeir bara að halda áfram iðju sinni og ljúga og svíkja og kvelja ómálga dýr? Og auðvitað er opinbera eftirlitið einskis virði fyrir hænugreyin þar sem það er uppteknara í kjarabaráttu starfsfólksins heldur en að vera í vinnunni.

Ég hélt í barnaskap  mínum að hænurnar þeirra sem verpa brúnu eggjunum hefðu það gott eins og hænurnar mínar í sveitinni minni, verptu í hreiður og fengju að hlaupa um frjálsar og þriflegar. Ég veit hvernig aðbúnaður verksmiðjuhænanna er. Mannúðlegt er það fráleitt heldur bara viðbjóðslegt að sjá. Þessvegna keypti ég brúnu eggin af samúð með hænunum.

En það var þá allt lygi sem á grænu kössunum stóð. Engin hreiður, ekkert frelsi. Allt svikið, logið og falsað. Jafnvel skýrslurnar til eftirlitsins voru upplognar.Opinbert skjalafals hefði einhver sagt.

Hvenær get ég farið að treysta þessu fólki aftur eftir að hafa verið blekktur til að kaupa þennan "vistvæna viðbjóð" í graænu kössunum?

 

 


Hið augljósa

stjórnarmynstur hins einfalda manns blasir við.

Það er að sættir takist milli Framsóknarflokks og VG um ríkisstjórnarsamstarf með Sjálfstæðisflokknum. Slík stjórn hefði 39 manna meirihluta.

Maðurinn á götunni skilur ekki hvernig ágreiningur milli forystufólks um einstök atriði getur þvælst svona fyrir. Er ekki alltaf leið til samkomulags ef vilji er fyrir hendi.

Það er morgunljóst að þjóðin var ekki að kalla á inngöngu eða endurupptöku aðildarviðræðna við ESB. Hún var ekki að heimta upptöku evru eða festingu krónunnar við framandi mynt.Hún var ekki að heimta nýja stjórnarskrá. Hún var ekki að heimta gerbyltingu í sjávarútvegi.

Hvað skyldi það vera sem er svona erfitt? Eru ekki þessir flokkar sammála um flest grunnatriðin?

Það er hreint ekki augljóst fyrir mér hvað er svona í veginum?


Þeir láta ekki laust

stríðsæsingamennirnir í kring um Hillary Clinton.

 Nú ætlar hún að kæra kosninguna.

Kerfið er búið að kjósa og það skiptir engu máli þó að hún hafi fengi fleiri atkvæði í heild. Kjörmannakerfið er til þess að ekki bara fjögur ríki ráði forsetakosningum.

electoral system

 

Heiminum var létt þegar Hillary og Obama stjórni töpuðu. Það virðist geta orðið breyting í átt til spennuslökunar með Trump.

Þetta sprikl í frúnni er ekki til fagnaðar hjá neinum sem hugsar um friðarmál.

Mál er að linni. 

Þeir verða að sætta sig við orðinn hlut sem verst láta hérlendis og þar.


Barnaskapur

Íslendinga gagnvart Islam birtist daglega. Því er haldið að okkur að Islam og Islamismi sér tvennt ólíkt. Það er ekki svo að miklu leyti.

Jón Magnússon veltir þessu fyrir sér á bloggi sínu. Hann segir m.a.:

"Stjórnmálaleiðtogar í vestrænum ríkjum með Obama forseta og Merkel kanslara í forsvari hafa í kjölfar hryðjuverka sem framin eru af Íslamistum sagt:

"Þetta hefur ekkert með Íslam að gera"

 

 

"... Þeir sem halda öðru fram eru sagðir, Íslamófópar, öfgafólk, rasistar, nýrasistar o.s.frv...

 

Nú hefur erkisbiskupinn af Kantaraborg æðsti leiðtogi bresku biskupakirkjunnar stigið fram og tekið afstöðu gegn þessu Óbamíska rugli. Í ræðu sem hann hélt í Frakklandi þegar hann var sæmdur titli heiðursdoktors sagði hann m.a.:

"Ísil er ekki aðskilið frá Íslam"

Greinilega finnst erkibiskupnum nóg komið af afneitun stjórnmálaleiðtoga, fréttaelítunnar og kollega sinna.

Erkibiskupinn segir að yfirlýsingar um að hryðjuverk Ísil hafi ekkert að gera með með Íslam skaði viðleitni til að takast á við og berjast gegn öfgunum. Hann segir líka að trúarleiðtogar allra trúarbragða verði að kveða sér hljóðs og taka ábyrgð á hryðjuverkum öfgafólks sem segist aðhyllast trú þeirra og fólk verði að vita hvað um sé að ræða annars geti það aldrei barist gegn þessari hugmyndafræði hatursins með áhrifaríkum hætti.

 

Hryðjuverkaárásirnar í Evrópu sýndu að það væri brýn nauðsyn til að fólk aflaði sér þekkingar á trúarbrögðum og hryðjuverkin mætti ekki meðhöndla eingöngu sem öryggismál því þá yrði illmögulegt eða ómögulegt að sigra þessa óværu. Trúarleiðtogar allra trúarbragða yrðu að standa upp og taka ábyrgð á trúarsystkinum sínum hvar svo sem þau fremdu hryðjuverk.

 Erkibiskupinn sagði líka að það væri tími til kominn fyrir Evrópuríki að finna á ný kristilegar rætur menningar sinnar.."

Það er svo kaldhæðni örlaganna að á sama tíma og erkibiskupinn vekur máls á þessum staðreyndum skuli vestræna fréttaelítan fara hamförum gegn Michael Flynn hershöfðingja sem Donald Trump hefur skipað til að vera þjóðaröryggisráðgjafa og Stephen Bannon sem Trump hefur valið sem aðalstjórnmálaráðgjafa sína, vegna þess að þeir hafa varað við öfgaíslam á sömu forsendum og Welby erkibiskup í Kantaraborg gerði í ræðu sinni.

Það er mál til komið að fólk á Vesturlöndum átti sig á að það á í baráttu við pólitíska hugmyndafræði þar sem öfga-Íslam er, sem er ekki síður hættuleg heildarhyggja í fullri andstöðu við einstaklingshyggju,  en nokkru sinni kommúnisminn og fasisminn.

Welby, Flynn og Bannon átta sig á því sem betur fer. En hér á landi fljóta stjórnmálaleiðtogar og kirkjuleiðtogar sofandi að feigðarósi og engin þeirra tekur upp virka baráttu fyrir skynsemi í innflytjenda- og öryggismálum þjóðarinnar. Þannig getur það ekki gengið lengur ."

Það er mikil áhætta sem íslenskt samfélag tekur  þegar það flytur hingað inn í stórauknum mæli múhameðstrúarfólk. Þetta fólk rennur saman í söfnuði þar sem Íslendingar skilja ekki hvað prédikað er. Þetta fólk svarar engu um það hvort það muni virða íslensk lög og siði umfram sharía lög.

Það er skelfilegt til þess að vita að ekkert íslenskt stjórnmálaafl fæst til að ræða hættuna af Islam heldur yfirgnæfa háværir hópar fólks  sem allt þykist vita alla umræðu. Það hreytir ónefnum í alla sem eru á öndverðri skoðun án þess að nokkur rök fylgi. Og sem verra er, það virðist einrátt um framkæmd útlendingamála.

Þjóðernisstefna Íslendinga byggist því miður fremur á barnaskap en rökhugsun, hvað þá föðurlandsást.

 

 


Íslenskt þjóðerni

 

 

Svo virðist sem hælisleitendavandinn vaxi enn á Íslandi. Hundruð slíkra streyma til landsins og þá mest frá ríkjum sem talin eru örugg.

Slíkt breytir ekki afgreiðslunni hérlendis. Lögregla er látin gera fyrstu skýrslur og vegna mannfæðar og fleira þá tekur slíkt verkefni marga  daga. Síðan gerir Útlendingastofnun aðra skýrslu sem af sömu ástæðum tekur enn fleiri daga. Á meðan á þessu stendur þrengist skiljanlega yfirfullur húsnæðismarkaðurinn í landinu.

 

Allir virððast sjá vandann en enginn gerir neitt í þvi. Það er sama þótt bent sé á Noreg sem fyrirmynd, það er allt verklag á Íslandi helfrosið og engu hægt að breyta.

Íslendingar virðasr almennt ekki gera sér ljósan muninn á flóttamönnum og hælisleitendum. Við erum skuldbundnir að taka við kvótaflóttamönnum eftir alþjólegum samningum. Við erum ekki skuldbundinr að taka við hælisleitendum.

Þegar rætt er um flóttamenn birtast í hugum okkar hinna eldri gamlar myndir af Þjóðverjum 1945. Allslausu fólki á flótta undan hersveitum Rússa .Þennig er mynd okkar af flóttamanni sú, að um sé að ræða fólk sem er að forða sér frá bráðri lífshættu frá grimmilegum óvini. Svo háttar yfirleitt til í veröldinni, að gnægð er af fólki, sem uppfyllir þessi skilyrði.

Hingað komu fyrir áratug svonefndar „flóttakonur“ frá Kólumbíu. Örugglega tilheyrðu þær ekki hinum opinbera 200.000 manna flóttamannahópi, sem Flóttamannastofnun S.Þ. skilgreindi sem slíka komuárið 2006 Hvernig skyldu þessar konur hafa aðlagaðst Íslandi? Um það má ekki ræða upphátt og engar upplýsingar eru gefnar.

Þegar þessar konur komu var Kólumbía skilgreind sem  lýðræðisríki með margt á pari við Íslendinga, t.d. fjölda farsíma osfrv. Þar er mikill iðnaður, bæði textiliðnaður, sementsframleiðsla, olíuiðnaður og glæsilegur byggingariðnaður. Margar borgir í Kólumbíu eru með þeim glæsilegustu í heimi. Kólumbía var þá í 28. sæti þjóðartekna í heiminum. Þar er blómlegur ferðamannaiðnaður og má til dæmis lesa ferðasögur Íslendinga frá landinu á netinu. Þeir láta mikið af landinu, fegurð þess og viðmóti fólksins. Lífið í Medellín líkar þeim hið besta þó okkar fjölmiðlar hafi ekki getið þess að í þeirri borg væri annað en blóðugir eiturlyfjabarónar. Kólumbía er ferðamannaland, sem Íslendingar ættu að kynna sér nánar. Þjóðartekjur eru hinsvegar mun lægri í Kólumbíu en hér á landi þar sem mikill fjöldi índíána lifir við fornaldarskilyrði og vilja ekki annað. Meðaltekjur eru þó á sjöundaþúsund bandaríkjadollarar, sem er hátt miðað við t.d. Afríkulöndin. Vinnu virðast flestir geta fengið sem á annað borð geta eða vilja. Kólumbía er frjósamt land og þar vex flest sem arð gefur. Líka kókaplantan, sem mestan arðinn gefur af þeim plöntum, sem nú eru ræktaðar í heiminum allt frá Afganistan til Andesfjalla. Hvað á fátækt fólk að gera sér til bjargar? Bush Bandaríkjaforseti reynir að kaupa stjórnmálamenn í Kólumbíu til að brenna akrana. En borgar svo lítð utan biflíusproks og hefðbundins lýðræðishjals, að fólkið velur fremur það sem í magann má láta. Hverjir skyldu vera bjargvættir litla mannsins í Kólumbíu? Kókaínsalarnir auðvitað.

 

Alveg eins og AlCapone var veitull menningarsinni í Chicago á bannárunum, þá verða þeir vinsælir af alþýðu því þeir veita verðmætum inní samfélagið og gera opinber góðverk. Alveg eins og íslenzkir stjórnmálamenn gera þegar þeir kaupa til dæmis nýja Grímeyjarferju fyrir peninga frá fólkinu sjálfu. Það verða því skiljanlega stjórnmálaátök um slík efnahagsmál og klögumálin ganga auðvitað á víxl bæði hér og þar. Kólumbía er fjölmennt ríki, , 45 milljónir manna og landið sjálft er ellefu sinnum stærra en Ísland. Fáfræði og fátækt er meðal frumbyggja landsins og eru þeir ekki öfundverðir. En landið og fólkið er frjálst og geta menn borið það saman við Kúbu, þar sem hvorugt er og allir eru jafn fátækir nema glæpamennirnir í stjórnarráðinu og svo hinir á götunum.

 

Vissulega er ástæða til að hafa samúð með fólki sem býr við fátækt og ömurleg lífsskilyrði. En dæmið er svo stórt að engin getur náð yfir það með sinni samúð.Það eru milljónir og aftur milljónir manna á þessari jörð, sem búa við þvílíka örbirgð að íslenzkur útigangsmaður lifir í allsnægtum miðað við það. Mikið af örbirgðinni er beinlíns afleiðing af gjörðum glæpamannanna, sem fara með illa fengin völd í ríkjunum. Getum við Íslendingar ekki gert okkur ljóst, að við getum ekki leyst vandamál heimsins, jafnvel þó að við gefum upp allt landið okkar Ísland og allar veraldlegar eigur með?

 Af hverju tekur Lichtenstein ekki á móti innflytjendum eða flóttamönnum. En selur efnafólki ríkisfang í staðinn ? Hvernig eigum við Íslendingar að leysa öll vandamál heimsins, sem margfaldast á hverjum áratug með stjórnlausri fólksfjölgun jarðarbúa?

  Hversvegna viljum við endilega búa til sömu vandamál á Íslandi og Danir og Stór-Svíarnir eru búnir að gera hjá sér? Hvað þá þýzkir með Tyrkina? Viljum við virkilega fá söfnuði múhameðskra Araba hér á landi, sem verða eins sjarjaþenkjandi gegn hinu nýja föðurlandi eins og arabisk-nýdanski þingframbjóðandinn í shadornum, sem vildi láta drepa danska hermenn í Írak og Afganistan?

Mér finnst að Íslendingar eigi að velja þá innflytjendur vandlega , sem við kærum okkur um, Velja fremur fólk, sem líkist okkur og er líklegt til að samlagast okkur. Velja að það sé bæði menntað og heilbrigt og af menningarstigi, sem getur heldur bætt okkar eigið. Við höfum ekkert að gera við súdanska stríðsmenn eða arabiska vígamenn hingað. Slíkt fólk verður bara til vandræða.Ómenntað fólk frá örbirgðarlöndum á heldur ekkert annað erindi við okkur en að sjúga íslenskar skattkýr. Við eigum alveg nóg með okkur sjálf og margt er okkar samfélagi til stórrar skammar, sem ekki batnar ef við þynnum stórkostlega út mann- og þjóðarauðinn. Svo finnst mér að við hljótum líka að bera einhverja ábyrgð gagnvart landinu okkar, menningarsögu og framtíð afkomendanna. Ein kynslóð Íslendinga ætti ekki að geta gefið landið frá sér til frambúðar, hversu blinduð hún er af eigin ágæti.

 

Innflytjendur eru ekki safnorð. Sumir innflytjendur eru æskilegir en aðrir eru það alls ekki. Og fyrir alla muni hættum að telja alla farandverkamenn efnivið í Íslendinga. Það eru forréttindi að vera Íslendingur og með það ríkisfang ber að fara af ítrustu sparsemi og yfirvegun. Fólk á að geta komið hingað og unnið svo lengi sem vinnu er að hafa. Svo getur fólkið bara farið heim aftur nema það vilji endilega samlagast okkur og sé reiðubúið að semja sig að okkar lögum, siðum og menningu.

 

Mér finnst að við Íslendingar eigum að hugsa jafn vel um auðlindina íslenzkt þjóðerni og þorskkvótann. Hinu fyrrnefnda er hægt að tapa endanlega með fíflaskap.


Næsta síða »

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (19.3.): 2
  • Sl. sólarhring: 8
  • Sl. viku: 74
  • Frá upphafi: 3417882

Annað

  • Innlit í dag: 2
  • Innlit sl. viku: 57
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband