Hvar eru nú sextíumenningarnir og frú Vigdís

Munið þið eftir sextíumenningunum sem létu banna Keflavíkursjánvarpið af því að þjóðmenningunni stafaði hætta af. Frú Vigdís Finnbogadóttir var framarlega í flokki að ég best man.

Nú streyma allskyns óskyldir kynþættir og trúarhópar til landsins og eru farnir að bjóða þjónustu sína fyrir lægra kaup en Íslendingar heimta. Nú heyrist ekki tíst í neinum vitringum um að þetta geti haft áhrif á þjóðmenninguna og hreinleika Framsóknargenanna. Eru engir svona þjóðernissinnar til lengur ?

Athugasemdir

[Jens Guð, 26.4.2007 kl. 13:44]

Þarna er misskilningur á ferð.  Það voru engir Íslendingar sem létu loka Keflavíkursjónvarpinu.  Þannig er að samkvæmt bandarískum lögum má herstöðvarsjónvarp á erlendri grundu ekki keppa við þarlendar sjónvarpsstöðvar.  Upp á þessi lög er passað af hálfu bandarískra hermálayfirvalda.  Þess vegna er það sjálfgefið að þegar heimamenn setja upp sjónvarpsstöð þá gerir bandaríski herinn ráðstafanir til að einangra sjónvarpssendingar sínar við bandarísku herstöðina.   

[Halldór Jónsson, 26.4.2007 kl. 20:46]

hverju voru þeir þá að mótmæla ?