Góð innrás fyrir Bush og Brown ?

Það er nú meira hvað er búið að hakka á þeim Blair og Bush fyrir innrásina í Irak. Nú er Blair farinn mikið til af frústrasjón yfir þessu öllu og menn bara telja dagana hans Bush. Margir segja að hann fái heldur dapurleg eftirmæli sem forseti Bandaríkjanna miðað við hina fyrri. Honum veitti ekki af andlitslyftingu þessa dagana eða hvað ?

Það er eiginlega skítt að menn minnist aðeins Blair fyrir Irak. Svona álíka eins og menn minnast aðeins Lyndon B. Johnson fyrir Viet Nam. Báðir þessir kallar gerðu margt annað sem var gott fyrir þjóðir sínar. En múgurinn og fjölmiðlarnir öskra bara á þá þessi nöfn.

Nú er Robert Mugabe búinn að leiða þvílíkar hörmungar yfir Rhodesíu, það áður fagra fyrirmyndarland, að alþjóðasamfélagið getur varla setið lengur hjá.Verðbólgan hjá honum er yfir 4000 % , 30 sinnum meiri en þegar okkar mönnum  tókst best upp. Atvinnuleysið er 70 %.

Hvað á þetta að ganga lengi ? Af hverju gerum við ekki innrás og tökum völdin af þessum skálki í þágu almennings í landinu.  Tökum af þeim byssurnar sem þeir nota til að drepa hvern annan með. Komum á röð og reglu og setjum einhvern mann með viti yfir landið. Og öllum almenningi verður vel borgið í þessu landi mjólkur og hunangs þegar heimskan verður gerð útlæg. 

Þarna er góð innrás í boði fyrir þá Bush og Brown sem gæti tekið af þeim hitann af Írak og Afganistan .