Allir nema ég

eru spilltir og nota peninga annarra.

"Forysta Sjálfstæðisflokksins treystir á að almenningur kaupi þá fráleitu hugmynd að Sjálfstæðisflokkurinn sé breytingarafl í íslensku samfélagi þegar flokkurinn er og hefur alltaf verið þrúgandi valdaflokkur sem mótað hefur samfélagið eftir sínu höfði. Sjálfstæðisflokkurinn er báknið, biðlistarnir og baslið. Þau sem vilja losna undan þessu ættu aldrei að kjósa Sjálfstæðisflokkinn.

Forysta Framsóknarflokksins treystir á að almenningur kaupi þá fráleitu hugmynd að hann sé miðjan þar sem ólík sjónarmið mætast og sættast. Hið rétta er að þótt Framsókn eigi upphaf sitt í hinni sósíalísku samvinnuhreyfingu þá hefur flokkurinn verið á slíkri hraðleið til hægri síðustu þrjátíu árin að hann berst nú fyrir einkavæðingu vegakerfisns og er svo samdauna stefnu Sjálfstæðisflokksins að almenningur gleymir því ávallt að Framsókn sé yfir höfuð í ríkisstjórninni.

Forysta Vinstri hreyfingarinnar græns framboð treystir á að almenningur kaupi þá fráleitu hugmynd að það skipti máli að formaður þess flokks sé í forsætisráðuneytinu, eins og að það eigi að milda hina grimmu hægri stefnu sem rekin er úr fjármálaráðuneytinu. Staðreyndin er að stjórn efnahagsmála hefur verið flutt úr forsætisráðuneytinu yfir í fjármálaráðuneytið svo það skiptir sáralitlu hver situr á kontórnum við Lækjargötu. Vg hefur engin áhrif á stjórn landsmála þótt forysta flokksins fái að vera í herberginu þar sem auðvaldið tekur ákvarðanir. Það skiptir vissulega máli hver stjórnar og í dag stjórnar auðvaldið. Vg hefur ekkert gert til að breyta því.

Það ert þú sem borgar fyrir þennan fráleita og innihaldslausa áróður. Þetta er birtingarmynd sjálfhverfu elítustjórnmálanna, stjórnmála sem eru óháð grasrót og baráttusamtökum almennings. Stjórnmál sem eru lítið annað en fámennar klíkur sem sækja sér fé í almannasjóði til að auglýsa sig upp sem einhvers konar mannkynsfrelsara þegar þær í raun standa í vegi fyrir alvöru stjórnmálum. Þessar klíkur eru í reynd varðhundar óbreytt ástands þar sem hin sterku, ríku og valdamiklu fara með íslenskt samfélag eins og sína einkaeign.

Til að ná fram breytingum þurfum við að hafna stjórnmálafólki sem notar fé almennings til að blekkja fólk og til að upphefja sjálft sig. Forystuklíkur stjórnmálaflokkanna á þingi hafa gengið of langt, eins og sjá má í öllum auglýsingatímum þessa dagana. Þessar klíkur eru ekki leiðin til framtíðar. Þær eru sjúkdómseinkenni spillingartímabils nýfrjálshyggju, sem hefur ekki aðeins rænt almenning auðlindum, fé og völdum heldur umbreytt stjórnmálunum í skrípaleik. Sem þú borgar fyrir."

Höfundur er félagi í Sósíalistaflokknum og er sjálfskipaður í fyrsta sæti á lista flokksins í Reykjavíkurkjördæmi norður.

Það er vilji fólksins sem ræður.

Hvort skyldi Gunnari Smára hafa þótt meira gaman að fljúga í Lear-Jet, Bombardier  eða Gulfstream?

Búa í Arnarnesi eða annarsstaðar?

Hvað var upphalds blaðið athafnamannsins ? Fréttatíminn,DV, Boston eitthvað? Dagsbrún, 365,Pressunni, Eintaki,Fréttablaðinu, Nyhedsavisen eða hvað? Hvað var samanlagt tapið?

Þessi pistill er úr Viðskiptablaðinu:

Fjórir smárar verða fimm

Eftir að Gunnar Smári setti Fréttatímann á hausinn í fyrra hefur hann fengið viðurnefnið fimm blaða smári íslenskrar blaðaútgáfu en áður stjórnaði hann DV, Pressunni, Eintaki og Fréttablaðinu sem öll fóru í þrot. Margir starfsmenn Fréttatímans töpuðu launum á gjaldþroti blaðsins.

                                                                ***

Formaður eða framkvæmdastjóri

Sigríður Hagalín Björnsdóttir og Einar Þorsteinsson komu Óðni nokkuð á óvart á föstudagskvöld í kappræðum leiðtoganna í borginni með ákveðnum spurningum sem kjósendur vildu heyra svörin við. Ein spurning Einars fór illa í Gunnar Smára þegar hann spurði hvort kjósendur framboðsins gætu treyst Gunnari Smára, formanni flokksins, þar sem hann hefði oftar en einu sinni „skilið launafólk eftir kauplaust“. Gunnar Smári sagði Einar drullusokk og hann hefði viljað fara í kosningabaráttu gegn sér.

                                                                ***

Þessi spurning átti rétt á sér. Það er þungt högg fyrir efnalítið fólk að fá ekki launin sín greidd. Gunnar Smári er stofnandi flokks sem á að heita málsvari lítilmagnans. Þetta er í fyrsta sinn sem flokkurinn býður fram. Það væri óeðlilegt að spyrja ekki um þetta. Að auki er ekki óeðlilegt að spyrja oddvita Sósíalista um þetta. Réttar hefði verið að spyrja. Sanna! Hvernig í ósköpunum getur þú boðið þig fram fyrir hirðmey útrásarinnar, Gunnari fimmblaðaSmára? Mann sem hefur haft kaupið af venjulegu launafólki.

                                                                ***

Þegar Gunnar Smári var forstjóri Dagsbrúnar, nánar tiltekið í apríl 2006 gerði dótturfélag Dagsbrúnar ráðningarsamning við tvo menn, Svenn Aage Hyllerød Dam og Morten Nissen Nielsen. Samkvæmt samningum áttu Danirnir að kaupa hluti á genginu 1 en öðluðust jafnframt rétt til að selja þá aftur þannig að 1/3 hlutabréfanna yrði keyptur á genginu 45 hver hluti eftir 1. júlí 2009, 1/3 hlutabréfanna á genginu 45 hver hluti eftir 1. júlí 2010, og 1/3 hlutabréfanna á genginu 45 hver hluti eftir 1. júlí 2011. Og var mönnunum þannig tryggð 1.500% ávöxtun í þrjú ár, ávöxtun sem smálánafyrirtæki geta ekki látið sig dreyma um og þekkist ekki annars staðar en hjá handrukkurum og öðrum misindismönnum.

                                                                ***

Hvað ætli framkvæmdastjóri Sósíalistaflokksins, Gunnar Smári, segði ef forstjóri hér á landi myndi lofa stjórnendum hjá sér 45-falda ávöxtun á hlutabréfunum á þremur til fimm árum?

                                                                ***

Samkvæmt auglýsingu skiptastjóra þrotabús Íslenskrar afþreyingar (áður Dagsbrúnar) var gjaldþrotaskiptum lokið þann 10. janúar 2012. Í svarbréfi skiptastjóra þrotabús Íslenskrar afþreyingar til lögmanns Dananna tveggja hafnaði skiptastjórinn kröfum þeirra um greiðslu söluverðsins á þeim grundvelli að Gunnar Smári hefði ekki haft umboð til að gera samkomulag við þá fyrir hönd félagsins. Að mati skiptastjórans hafði Gunnar Smári ekki umboð frá stjórn félagsins til að gera þennan fordæmalausa samning við Danina tvo og hlýtur það furðu að sæta að þessi gjörningur skuli ekki hafa verið rannsakaður af sérstökum saksóknara.

                                                                ***

Allir sjá hversu ömurlegur fulltrúi öreiganna Gunnar Smári er. Egill Helgason er einn af mörgum sem hafa látið Gunnar Smára heyra það að undanförnu. „Þér tókst að ganga frá rekstri fjölmiðla sem voru nú allavegana með stórfé, eftir að hafa verið innan um svívirðilegustu kapítalista sem Ísland hefur alið og þjónað þeim. Það er einfaldlega staðreynd. Nú ertu annar maður – jú, sjáum hvað það endist. Mér finnst þetta aðallega hálf spaugilegt. Hins vegar er fólk þarna í sósíalistaframboðinu sem mér sýnist vera ágætlega marktækt, hugsjónafólk, sem er ekki bara að elta síðustu hugdettu sína. Það er ekkert sérlega marktækt þegar þú ert sífellt að lesa yfir hausamótunum á öðrum með þessum yfirgengilega besserwisserahætti. Smá auðmýkt gæti hjálpað.“

                                                                ***

Gunnar Smári svaraði þessu á þá leið að þetta væri allt saman eitthvert rugl í Birni Bjarnasyni, fyrrverandi ráðherra. Það er einmitt það.

                                                                ***

Óðinn leggur til að Gunnar Smári fari til Venesúela og kynni sér ástandið þar sem sósíalisminn hefur eyðilagt eitt gjöfulasta land heims. 

                                                                ***

Hugsanlegt er að einhver af félögum hans úr útrásinni eigi eins og eina einkaþotu á lausu í ferðalagið. Þá getur hann rifjað upp dýrðardagana fyrir hrun. Sá er nefnilega vandfundinn sem hefur jafn mikla reynslu af slíkum loftförum og segir einn útrásarvíkingur við alla þá sem heyra vilja að enginn Íslendingur hafi ferðast oftar með einkaþotu en Gunnar Smári".

Hver og hver og vill? 

Allir nema ég.

Endilega fjármálin

til Pírata. Þeir eru með hlutina á hreinu.

"Píratar leggja nú til að milliþrep tekjuskatts verði hækkaður úr 37,95 prósentum upp í 39,5 prósent og að efsta skattþrepið verði hækkað úr 46,25 prósentum í 53 prósent svo að ríkissjóður verði ekki fyrir tapi vegna aðgerðanna sem flokkurinn hefur lagt til í kosningabaráttunni sinni. Þetta kemur fram í fjármögnunartillögum Pírata, sem er aðgengileg á síðu flokksins.

Þessar skattahækkanir eru mun hærri en þær sem flokkurinn lagði til í gær, en líkt og Kjarninn greindi frá endurskoðuðu Píratar útreikninga sína eftir að bent var á að þar skeikaði tugmilljörðum í útreikningum þeirra.

 

 

Tugmilljarða skekkja í útreikningum Pírata á helstu tekjuöflunaraðgerð þeirra

Píratar birtu sitt eigið kostnaðarmat á helstu aðgerðunum sem flokkurinn leggur til í kosningabaráttunni fyrr í vikunni. Fjórar helstu útgjaldatillögur sínar verðmátu Píratar á 93,4 milljarða króna, en flokkurinn lagði einnig til tekjuöflunartillögur sem áttu samkvæmt útreikningum flokksins að skila 83,7 milljörðum í ríkissjóð.

 

Auk þess gerði flokkurinn ráð fyrir því að 9,7 milljarðar skili sér í aukna innheimtu virðisaukaskatts vegna þess að tillögur flokksins auki það fé sem tekjulægra fólk hafi á milli handanna til neyslu.

Tekjuöflunartillögurnar fólu meðal annars í sér hækkun miðþreps tekjuskatts úr 37,95 prósentum í 38 prósent og hækkun efsta þreps tekjuskatts úr 46,25 prósentum í 50 prósent. Samkvæmt Pírötum átti hækkun efsta tekjuskattsþrepsins ein og sér að skila ríkissjóði 34,8 milljörðum króna. Þó segja Píratar að skattbyrði á þá sem eru með undir 1,2 milljón kr. í tekjur á mánuði verði ekki hærri, þar sem þeir boða einnig hækkun persónuafsláttar um 20 þúsund kr.

 

 

 

Þessir útreikningar flokksins eru hins vegar rangir. Í samtali við Kjarnann segir Björn Leví Gunnarsson, þingmaður Pírata, að flokkurinn hefði ofmetið tekjuöflunina um 25 milljarða króna. Samkvæmt Konráði Guðjónssyni hagfræðingi og aðstoðarframkvæmdastjóra Viðskiptaráðs gæti skekkjan hafa verið enn meiri.

 

Meiri skattahækkanir en minni væntar tekjur

Í nýuppfærðum tekjuöflunartillögum Pírata hefur flokkurinn margfaldað boðaða hækkun á milliþrep tekjuskattsins, úr 0,05 prósentustigum í 1,55 prósentustig. Sömuleiðis hefur flokkurinn tæplega tvöfaldað boðuðu hækkunina á efsta þrep tekjuskattsins, úr 3,75 prósentustigum í 6,75 prósentustig.

Þrátt fyrir þessar skattahækkanir býst flokkurinn ekki lengur við að þær muni skila ríkissjóði 83,7 milljörðum króna, heldur gerir hann nú ráð fyrir 62 milljörðum í auknum tekjum. Vænt bein tekjuöflun Pírata hefur því lækkað um rúma 20 milljarða."

Töluglöggur maður Björn Leví sem er sagður bera af öðrum slíkum. 

Fjármálaráðuneytið blasir við.

 

Minnispunktar

Skattleggja og eyða:

"Samfylkingin mun beita sér fyrir því að grunnlífeyrir hækki verulega á komandi kjörtímabili og að grunnlífeyrir fólks verði ekki lægri en sem nemur lægstu launum.

Logi Einarsson formaður flokksins segir að það verði hins vegar ekki gert nema í skrefum og að raunhæft sé að hann hækki um 25 þúsund krónur á því kjörtímabili sem er handan við hornið.

Logi er gestur í Dagmálum í dag þar sem farið er yfir stefnuskrá Samfylkingarinnar og hvernig mögulegt stjórnarmynstur horfi við honum að kosningum loknum. Hann segir flokkinn standa keikan gagnvart þeirri fyrirætlan að sækja um aðild að Evrópusambandinu og þá vill hann víðtækt samráð almennings og þingheims um upptöku nýrrar stjórnarskrár sem byggi að grunni til á tillögum stjórnlagaráðs."..."

Ég held að flestir séu sammála um að við fengjum miklu lægri vexti en hér hafa verið, þó þeir verði kannski ekki þeir allra lægstu í Evrópu. En ég held við værum líka með meiri samkeppni á bankamarkaði.“

Nú hafa vaxtalækkanir leitt til mikilla hækkana á íbúðaverði, hvernig verður það þá með evruvöxtunum, sem þið vonist eftir?

„Þetta er miklu flóknara en svo. Við viljum einmitt beita okkur til þess að auka framboðið, sem kæmi til móts við það.“

Oddný Harðardóttir segir að það megi ná í 15 milljarða króna aukalega ú túr sjávarútveginum. Telurðu að það sé heillavænlegt?

„Við teljum að það megi ná meiru út úr veiðileyfafyrirkomulaginu, þó við höfum sett fram aðrar lausnir. Við viljum hafa það stigvaxandi þannig að minni og meðalstórar útgerðir greiddu ekki jafnmikið og þessi stærstu. Við höfum talað fyrir þeirri hófsömu leið og viljum leita sátta um það, t.d. með uppboðum í tilraunaskyni.“

En stóreignaskatturinn? „Okkur reiknast svo til að tillögur okkar, sem hafa í för með sér varanlega rekstrarútgjöld, kosti um 20- 25 milljarða og við viljum fjármagna þær með þessum 1,5% eignaskatti á hreina eign yfir 200 milljónum. Það ætti að gefa okkur svona 14-15 milljarða, restin væri þá álag á veiðigjöldin og skattaeftirlit.“

En gamli auðlegðarskatturinn, sem var á sömu slóðum, hreyfði við um sex þúsund fjölskyldur, sérstaklega eldra fólk… „Horfum aðeins á þetta út frá augum réttlætis í samfélaginu…“

Fólkið, sem á að borga þennan skatt, er ekki allt aflögufært. Fólk sem er með undir 5 milljónir í árstekjur lendir í vandræðum með þetta, fólk sem er komið á ellilaun mun lenda í vandræðum og það mun spyrja um réttlætið fyrir sig.

„Við munum bara útfæra þetta. Við ætlum að gera þetta. Við ætlum að ná í 14 milljarða til þess að fjárfesta í risastórum hópi í samfélaginu til þess að gera það virkara, líf þess betra og það geti notið þess sama og við hin.“

Gunnar Ingi Guðbrandsson sem enginn kaus er ekki í vandræðum með hugsjónirnar og skattlagningar:

"VG hefur snúið við blaðinu í loftslagsmálum Á þessu kjörtímabili höfum við aukið bein framlög til loftslagsmála um meira en 700%.

Við höfum ráðist í fjölda aðgerða á grunni fyrstu fjármögnuðu aðgerðaáætlunarinnar í loftslagsmálum, tvöfaldað umfang landgræðslu og skógræktar og tífaldað endurheimt votlendis. Við höfum klárað fyrstu stefnu Íslands um aðlögun samfélagsins að loftslagsbreytingum, lögfest markmið um kolefnishlutleysi eigi síðar en árið 2040 og sett fram ný og efld landsmarkmið um samdrátt í losun.

Við höfum stóreflt rannsóknir, vöktun, nýsköpun og stjórnsýslu loftslagsmála, komið á fót loftslagsráði og loftslagssjóði og stutt mynduglega við orkuskipti í samgöngum. Við erum þegar farin að sjá samdrátt í losun. Kórónuveiran hafði veruleg áhrif á síðasta ári en samdrátturinn var samt hafinn áður en faraldurinn hófst."

Það örlar mjög á sktynsemi hjá Karli Gauta:

"Ég hef ítrekað lagt fram tillögu til þingsályktunar um að könnuð verði hagkvæmni þess að hér verði reist hátæknisorpbrennslustöð.

Sú tillaga hefur ekki fengið afgreiðslu í þinginu. Hingað til hefur langmest af því sorpi sem til fellur hér á landi verið urðað. Þar er um að ræða hundruð þúsunda tonna af sorpi á ári hverju. Urðun losar metan, sem er 20-50 sinnum meira mengandi lofttegund en koltvísýringur. Það sem ekki hefur verið urðað hér hefur verið sent til útlanda til endurvinnslu. Það er ólíðandi.

Í ljósi þessa tel ég brýnt að könnuð verði hagkvæmni þess að við sjáum um okkar sorp sjálf og hættum urðun þess, endurvinnum það eins og unnt er og brennum það sem út af stendur á eins umhverfisvænan hátt og unnt er."

Skandallinn hjá GAJU sýnir á hvaða villigötum vinstra liðið er í sorpmálum sem öðrum málum. Er ekki óhætt að hlusta á skynsemisraddir í sorpmálum sem í öðrum málum. Hvort ekki sé hægt að koma fyrir brennsluofnum í húnsnæðinu í Álfsmnesi og hætta dellunni sem þar fer fram?

Bergþór Ólason segir:

"Baráttan gegn þriðja orkupakkanum var ekki auðsótt en þingflokkur Miðflokksins hörfaði ekki og stóð vaktina fyrir fullveldi Íslands. Það mun Miðflokkurinn áfram gera, alltaf.

Slagurinn um hálendisþjóðgarð lifir enn góðu lífi, þökk sé ríkisstjórnarflokkunum, en það var Miðflokkurinn sem kom í veg fyrir að hann næði fram að ganga fyrir þinglok 2021 og við erum hvergi nærri hætt.

Þá stendur enn slagurinn fyrir greiðari samgöngum á höfuðborgarsvæðinu og um land allt. Miðflokkurinn berst áfram gegn borgarlínu og berst fyrir lagningu Sundabrautar.

Það má treysta því að Miðflokkurinn verður aldrei lítill í sér þó að aðrir hafi hátt. Miðflokkurinn stendur við sannfæringu sína og stendur með íslenskum almenningi.

Við tökum slaginn þegar þörf er á. Við gerum það sem við segjumst ætla að gera." 

Þarna eru ekki útgjaldatillögur á ferð.

Þurfa kjósendur ekki að að velta fyrir sér hvaðan þeir peningar koma sem á að kaupa þá með?

"Þegar fólk var spurt hvaða stjórnarsamstarf því hugnast best að afloknum kosningum kemur þó í ljós að stærstur hluti svarenda vill halda núverandi samstarfi áfram, eða 48,3 prósent.

Um 27 prósent vilja vinstristjórn með Flokki fólksins, Pírötum, Samfylkingu, Sósíalistum og Vinstri grænum en um 25 prósent vilja miðjustjórn með Framsóknarflokki, Samfylkingu, Viðreisn og Pírötum.

Nánast allir sem ætla að kjósa Sjálfstæðisf lokkinn vilja halda samstarfinu áfram, eða 99 prósent. Framsóknarfólk er einnig ánægt með samstarfið, en 76 prósent vilja halda því áfram og mikill meirihluti VG vill það einnig, eða 64 prósent.

Heilbrigðismálin skiptu fólk langmestu máli þegar spurt var um málaflokka, en 72,2 prósent nefndu þau. Atvinnu- og efnahagsmál fá annað sætið og málefni aldraðra eru í þriðja sæti, örlítið ofar en náttúruverndarmál.

Evrópusambandsaðild skiptir mestu máli hjá 11,2 prósentum af þeim sem tóku afstöðu. Sjálfstæðisflokkurinn er langstærstur í Norðvesturkjördæmi með 30 prósenta fylgi, Samfylkingin mælist stærst í Reykjavíkurkjördæmi suður, eins og Viðreisn, VG og Píratar. Framsóknarflokkurinn dansar við 20 prósenta línuna alls staðar nema í borginni."

"Þorkell Helgason, fyrrverandi prófessor í stærðfræði og ráðgjafi stjórnvalda um áratuga skeið, segir að eftir að f lokkum fjölgaði ráði kosningakerfið ekki lengur við að halda jöfnuði milli þingsæta og landsfylgis flokkanna.

Miðað við skoðanakannanir undanfarið séu líkur á að skekkjan haldi áfram og geti skipt máli þegar kemur að framtíð ríkisstjórnarinnar, því mjótt virðist á munum milli stjórnar og stjórnarandstöðu. Einfaldasta leiðin til að ná jafnvægi á nýjan leik sé að fjölga jöfnunarsætum og fækka kjördæmissætum á móti.

„Til kosninganna 1987 fékk Framsóknarflokkurinn gjarnan tvo, þrjá eða jafnvel fleiri þingmenn umfram það sem hann átti að fá en í þeim kosningum náðist loksins jöfnuður, en með herkjum. Til og með kosningunum árið 2009 hélst fullur jöfnuður milli flokka,“ segir Þorkell. Árið 2013 fékk Framsóknarflokkurinn einu þingsæti of mikið á kostnað Pírata og árið 2016 fékk Sjálfstæðisflokkurinn aukamann á kostnað Samfylkingar. Á yfirstandandi þingi hefur Framsóknarflokkurinn haft einum manni of mikið á kostnað Samfylkingar.

„Síðan ég byrjaði í þessu fyrir fjörutíu árum síðan hef ég talað fyrir því að öll þingsæti yrðu jöfnunarsæti,“ segir Þorkell. Það þýði ekki endilega að landið yrði eitt kjördæmi. „Það yrði hægt að útfæra þetta á ýmsan máta, til dæmis þannig að það myndi ekki reyna á jöfnunarákvæðið fyrr en þörf krefur. Kjördæmin fái að ráða eins og kostur er.“ 

 

Bjarni Benediktsson formaður Sjálfstæðisflokksins segir svo:

Sjálfstæðisflokkurinn mun taka upp nýja þjónustutryggingu – loforð um heilbrigðisþjónustu innan 90 daga. Fólk á að fá nauðsynlega heilbrigðisþjónustu, óháð efnahag, þegar hennar er þörf. Þjónustutryggingin styrkir heilbrigðiskerfið og byggir á samvinnu hins opinbera og sjálfstætt starfandi heilbrigðisstarfsfólks. Heilbrigðiskerfið er dýrmætt, burt með biðlistana.

Stöðugleiki og lágir skattar

Við lækkum skatta. Við sýnum ábyrgð í ríkisfjármálunum, varðveitum stöðugleikann og lágt va x t a st ig . Ö f lug t at v innu l í f þrífst best undir ríkisstjórn Sjálfstæðisf lokksins og fólk hefur það betra, nýsköpun heldur áfram að blómstra og f leiri störf verða til. Fjölflokka ríkisstjórn án Sjálfstæðisflokksins er ávísun á ósjálf bæran ríkisbúskap, skattahækkanir og óábyrga skuldasöfnun.

Íslensk orka eða innflutt olía?

Rafbílavæðing íslenska bílaflotans er eftirtektarverð á heimsvísu og erum við sú þjóð sem stendur sig næstbest í raf bílavæðingunni. En betur má ef duga skal. Við ætlum að verða fyrst þjóða til að verða óháð olíu að fullu með því að nota græna orku á skipin okkar og f lugvélar. Fjölf lokka vinstristjórn án Sjálfstæðisflokksins mun ekki byggja upp nauðsynlega innviði til þess að svo megi verða. Við höfum skýra stefnu.

Land tækifæranna

Íslendingar hafa fulla ástæðu til bjartsýni eftir heimsfaraldurinn, sem kom harðar niður á okkur en löndunum í kringum okkur. At v innu leysi fer minnkandi, atvinnulíf ið er að ná vopnum sínum á ný. Skattar hafa lækkað, kaupmáttur vaxið. Útflutningur á hugviti hefur margfaldast. Á næsta kjörtímabili getum við tekið stór skref í loftslagsmálum með orkuskiptum, byggt upp velferðarkerfið okkar og fjárfest í fólki og hugmyndum. Sjálfstæðisflokkurinn er tilbúinn að leiða þær breytingar."

Athyglisverður er sá munur sem er á málflutningi Bjarna og flestra hinna.Hann talar um lægri skatta en ekki aukna.

Þarf ekki kjósandinn að spá í hvaðan skattféið kemur?

 Stöðva þarf auðsöfnun fárra!

Páll Vilhjálmsson bloggkóngur tekur eftir þessu:

"Það er nóg til er slagorð verkalýðshreyfingarinnar. Ósagt er, en látið í það skína, að þetta ,,nóg" þurfi bara að sækja með pólitík.

Jú, það er nóg til en það þarf að vinna fyrir því. Sá sem ætlar að sækja sér efnisleg gæði með pólitík seilist í raun í vasa annarra, - er vasaþjófur.

,,Stöðva þarf auðssöfnun fárra," er fyrirsögnin á viðtali við Loga formann Samfylkingar. Þetta þýðir ,,stöðva þarf mannlega náttúru." Það er í náttúru manna af safna sér auði. Ekki allra. Sumir eru þeirrar náttúru að eyða öllu sem þeir afla og helst líka eigum annarra. Yfirleitt eru það vinstrimenn sem eru vasaþjófarnir.

Í loka fréttarinnar segir Logi: ,,Það er eng­inn hvati í kerf­inu, það er eng­inn hvati fyr­ir ör­yrki að vinna 20-30% vinnu, af því að hann hef­ur ekk­ert upp úr því."

Einmitt. Þeir sem venjast ölmusu nenna ekki að dýfa hendi í kalt vatn. Þeir vilja fá sinn hlut á þurru. Vinstripólitík er búin til og hönnuð til að réttlæta þá öfgahyggju að lifa á annarra manna framfæri. ,,Vertu aumingi,við munum sjá fyrir þér," er ósagt  kosningaloforð vinstrimanna. Þess vegna höfum við 7 vinstriflokka en aðeins tvo borgaraleg stjórnmálaöfl sem má kenna við sjálfsbjörg."

Mikil landsfrelsun yrði af þvi ef Miðflokkkurinn og Framsóknarflokkurinn sem eru í raun upprunalega eineggja tvíburar nema fyrir persónulega fýlu tveggja einstaklinga  myndu sameinast. Mikil blessun yrði af því fyrir þjóðina.

 

 

Er ekki ágætt að eiga sér minnispunkta í kosningum?

 

Hagspeki Pírata

vakti athygli einhverra sem nenntu að hlusta á fimbulfamb Halldóru nokkurrar Mogensen í viðtali á RÚV.

Satt að segja var maður gáttaður á því þekkingar leysi sem sitjandi þingmaður á Alþingi Íslendinga opinberaði í þessu viðtali við fréttamenn með meðalgreind.

Bjarna Jónssyni rafmagnsverkfræðingi ofbauð skiljanlega frammistaða þingflokksformanns þessa þingskrípis sem kallar sig Pírata.

Hann skrifar langt mál og rekur þekkingarleysi þingmannsins. En fyrir honum er sjávarútvegurinn endalaus uppspretta fjármagns og er þetta flokksfyrirbrigði alls ekki eitt um að halda að svo sé.

Bjarni klykkir út með eftirfarandi:

"Talsvert hefur borið á umræðu í kosningabaráttunni, að sækja megi miklar fjárhæðir í hækkun veiðigjalda.  Halldóra telur svo vera og innt eftir því, hver stærðargráðan á slíkri skattheimtu gæti orðið, segir hún:"Við vorum að tala um að tvöfalda auðlindagjaldið".  Í dag er viðmiðið það, að 33 % af afkomu útgerðarfyrirtækjanna fari í að greiða auðlindagjald, og því er Halldóra spurð, hvort hún boði 66 % sértækan skatt á hagnað sjávarútvegsins.

"Ég get ekki svarað þessu algjörlega 100 %.  Þegar þú ert að fara út í svona díteila (sic !) með tölur, þá er það eitthvað, sem við þurfum að gefa út fyrir kosningar ásamt kostnaðinum"."

Þetta er einfeldningslegri málflutningur en búast má við frá þingmanni, og er þá langt til jafnað. 

Slengt er fram "tvöföldun veiðigjalda" án nokkurrar greiningar á því, hvaða áhrif slíkur flutningur fjármagns hefur á afkomu sjávarbyggðanna í landinu, á fjárfestingar sjávarútvegsfyrirtækjanna í nýjustu tækni til veiða og vinnslu, á orkuskipti sjávarútvegsins, á nýsköpun og þróun í átt til gernýtingar sjávarafurðanna og síðast, en ekki sízt, á samkeppnishæfni íslenzka sjávarútvegsins um fólk og fjármuni hér innanlands og um fiskmarkaðina erlendis."

Sama kenning er uppi hjá öllum skattlagingarflokkum sem bjóða fram til Alþingis eftir viku. Bara auka veiðigjöldin eins og hugurinn girnist.

Píratar eru því miður ekki einir um þessa hagspeki á Alþingi Íslendinga og kenningin á sér dygga fylgismenn í stjórnlyndisflokkunum öllum.

Björn Bjarnason á ferð

í vandaðri færslu sinni að vanda um gengismál Íslendinga. Björn segir meðal annars:

..."Þess er látið ógetið í leiðara Morgunblaðsins að snemma árs 2000 samdi Seðlabanki Íslands við bandaríska hagfræðinginn Joseph Stiglitz um að hann gerði úttekt á íslensku hagkerfi, einkum þáttum sem vörðuðu fjármálalegan stöðugleika. Hann skilaði skýrslu sinni í júlí 2001 en þá um haustið fékk hann Nóbelsverðlaunin í hagfræði 2001.

Vegna umræðna um fastgengisstefnu nú er fróðlegt að rýna í 20 ára gamla skýrslu Stiglitz en þar segir meðal annars að fastgengisstefna stjórnvalda (sem afnumin var í mars 2001) hafi ýtt „undir fjármagnsflæði til landsins og þar með viðskiptahallann því markaðsaðilar vanmátu líkurnar á gengisfellingu“. Að auki virðist kenningin um hagkvæm myntsvæði benda til þess að fljótandi gengi henti Íslandi betur en fast gengi. Upptaka verðbólgumarkmiðs og afnám vikmarka krónunnar hafi því verið heppileg stefnubreyting.

Þegar rætt er um stefnu Viðreisnar nú um fastgengisstefnu og tengingu við evruna er ekki um sjálfstætt markmið flokksins að ræða heldur er evran og tenging við hana að mati flokksins „gulrót“ til að laða kjósendur til fylgis við aðildina að ESB sem er upphafs- og lokamarkmið flokksins. Sú þrönga sýn gerir flokkinn að jaðarflokki og tengir hann við Samfylkinguna á vinstri væng stjórnmálanna. Viðreisn skipar sér þannig vinstra megin við miðju.

Í Fréttablaðinu í dag birtist frétt um að skoðanakönnun Maskínu sem birtist 14. september á visir.is og sýndi að ríkisstjórnin væri kolfallin hefði strax leitt til lækkunar á verði hlutabréfa. Í frétt blaðsins segir að hlutabréfaverð hafi lækkað síðustu daga, meðal annars vegna þess að auknar líkur séu á að vinstristjórn taki við stjórnartaumunum. Undanfarna fimm daga hafi úrvalsvísitalan lækkað um 4%. Á sama tíma hafi fjárfestar keypt verðtryggð skuldabréf í auknum mæli en í ljósi lágs vaxtastigs hafi margir fram að þessu fremur horft til hlutabréfakaupa. Heiti Viðreisnar breytist í öfugmæli vegna stefnu flokksins og vinstrimennsku stjórnenda hans."

Afturhvarf til fortíðar í stað framfara í hagstjórn er þannig orðin að stefnu Viðreisnar og Samfylkingar, ef einhver sér mun á þessum tveimur flokkum. Í stað framtíðar skal horfið aftur  til fortíðar og ekkert gefið yfir reynslu Íslendinga sjálfra af kreppustjórnun sem þrautreynd hefur verið með krónunni í meira en aldarfjórðung?

Öll reynsla af hagstjórn okkar er afskrifuð og gengið skal inn í hið brennandi hús Evrópusambandsins og hinnar fjölþjóðlegu reynslu af tengingu við sterkari myntsvæði en hið innlenda? Hvernig slíkt leiðir til atvinnuleysis og ófara?

Geta menn virkilega ekki dregið neinar ályktanir af reynslu annarra?

Er mönnum ekki hollt að fara yfir það sem Björn Bjarnason rifjar upp úr reynslu okkar sjálfra í gengismálum?

 

Loksins

gersit eitthvað í pólitík sem mér líkar.

Annað er að íhaldið gefur út sérstakt áróðursblað þar sem grunnatriði þess í stjórnálum koma fram.

Hitt er að Morgunblaðið skrifar vandaðan leiðara um hagfræðileg málefni.

Morgunblaðið skrifar:

"Í dag eru 29 ár liðin frá hinum „Svarta miðvikudegi“ 16. september 1992 þegar George Soros varð í senn heimsfrægur og ofboðslega ríkur þegar hann kom Englandsbanka á kné og knúði til þess að fella sterlingspundið.

Bretar höfðu þá um tveggja ára skeið haldið uppi einhliða fastgengi við þýska markið innan evrópska myntsamstarfsins (ERM), en áhlaup spákaupmanna hafði staðið um hríð. Englandsbanki hækkaði stýrivexti sína upp í 10% og seldi ógrynni af gjaldeyri til þess að verja pundið, en allt kom fyrir ekki. Hinn 16. september var gjaldeyrisforðinn uppurinn, Bretar gáfust upp og þurftu að draga sig út úr ERM við mikla niðurlægingu. Englandsbanki tapaði að minnsta kosti 600 milljörðum króna í einu vetfangi, ríkisstjórn Íhaldsflokksins náði sér aldrei á strik aftur og galt afhroð í næstu kosningum.

Á þeim tíma höfðu mörg Evrópulönd bundið gjaldmiðla sína við þýska markið í von um lága vexti og lága verðbólgu líkt og Þjóðverjar nutu. Það endaði óhjákvæmilega með skelfingu, því gjaldmiðillinn verður að vera í takt við efnahagslíf og viðskipti.

Bretar voru ekki einir um að falla í þá freistni. Það gerðu Svíar og Finnar einnig, en urðu líka fyrir árás spákaupmanna og neyddust til að slíta gengistengingunni og fella gengið haustið 1992. Hafði þó ekki lítið gengið á og Svíar í örvæntingu hækkað millibankavexti í 500%! Sömu sorgarsögu er að segja af ámóta tilraunum annars staðar, frá Tequila-kreppunni í SuðurAmeríku 1994 til Asíukreppunnar 1998.

Einhliða fastgengi á tímum frjálsra fjármagnsflutninga er einfaldlega skotheld uppskrift að spákaupmennsku, gjaldeyriskreppu, bankakreppu og loks efnahagskreppu. Þau víti þekkja Íslendingar og verða að varast þau.

Það er enda svo að Evrópulöndin hafa skipt sér í tvo hópa: þau sem tóku upp evruna og hin sem láta gjaldmiðilinn fljóta. Finnar kusu evruna, en Svíar flotgengi. Danir einir halda enn í gamla fyrirkomulagið með gengisfestingu við evru, en eru að vísu aðilar að ESB og Seðlabanka Evrópu með samningsbundinn stuðning hans ef syrta fer í álinn. Gengisfesting Dana er því ekki einhliða, heldur reist á samningum og sögulegum forsendum, sem engum öðrum standa til boða, ekki innan ESB og enn síður utan þess, líkt og Íslandi.

Sérfræðingar í peningamálum, þar á meðal í Seðlabanka Íslands, hafa réttmætar áhyggjur af hugmyndum um að taka upp gengisfestingu á ný, eins og menn hafi öllu gleymt og ekkert lært.

Þar er þó ekki um að ræða forsögulega tíma. Ísland tók á liðinni öld upp einhliða gengisfestingu við myntkörfu helstu viðskiptaríkja, studda fjármagnshöftum, sem dugði bærilega þar til fjármagnsviðskipti við útlönd voru gefin frjáls árið 1994. Árið 2000 neyddist Seðlabankinn því til að verja fastgengið með gjaldeyrissölu og vaxtahækkunum, en í upphafi árs 2001 var ákaflega gengið á gjaldeyrisforðann og stýrivextir komnir í 11,5%. Þá loks var gengisstefnunni breytt og krónan sett á flot; gengið féll og verðbólga fór í tæp 10%.

Meðal hagfræðinga er nú almennt viðurkennt að lönd hafi í raun aðeins tvo kosti í þessum efnum: algera gengisfestu með aðild að myntbandalagi eða fljótandi gengi.

Einhliða fastgengi er peningastefna fortíðar, sem felur í sér að allur gjaldeyrisforði þjóðarinnar er lagður að veði og getur hæglega tapast til spákaupmanna á einni nóttu. Sem er alls ekki ólíklegt, vegna þess að slíkur fjársjóður dregur að sér athygli þeirra og ágirnd.

Fastgengisstefna myndi – þvert á það sem boðberar hennar segja – að öllum líkindum hækka vexti, þar sem allt myndi miðast við að verja gengið en ekki hagsmuni heimila og fyrirtækja í landinu. Þá myndu Íslendingar ekki lengur hafa sveigjanleika til þess að bregðast við áföllum í útflutningi líkt og átti sér stað í nýliðinni kórónukreppu, en rétt er að hafa í huga að allar helstu útflutningsgreinar Íslands – sjávarútvegur, orkunýting og ferðaþjónusta – eru háðar ytri þáttum, sem við fáum engu um ráðið. Við blasir að atvinnuleysi hefði orðið miklu meira og útgjöld ríkissjóðs mun hærri, hefði ekki verið unnt að beita peningastefnunni til sveiflujöfnunar líkt og gert var með afgerandi og farsælum hætti.

Allt frá því að fastgengisstefna Íslendinga hrundi fyrir 20 árum hefur verðbólgumarkmiði verið fylgt, með miklu betri árangri. Það miðast við hinar sérstöku aðstæður Íslendinga hverju sinni, gæftir og gæfu.

Eftir allt sem á undan er gengið og efnahagsuppbygginguna sem er fram undan er því með ólíkindum að fyrirfinnist íslenskir stjórnmálanenn sem hafa það helst til málanna að leggja að kollvarpa peningastefnunni og bjóða hættunni heim."

Myndi einhver ekki leita í reynslubanka Íslendinga sjálfra hvað varðar hagstjórn til framtíðar?

Hafa spilin ekki loksins verið lögð á borðið fyrir kjósendur með skýrum hætti?

 

 

Verðbólgutíðindi

berast nú víða að. 3.2 % í Bretlandi, yfir 5 % í Bandaríkjunum.

Þorsteinn Pálsson, Ole Bieltvedt og ámóta hagspekingar  láta að því liggja að upptaka Evru  sé trygging fyrir stöðugleika.Heilir stjórnmálaflokkar, Viðreisn og Samfylking, syngja viðlagið undir eins og þetta sé stórisannleikur.

En halda menn að almenningur hér muni upplifa gengisstyrkingar og lækkun vöruverðs eins og hér hefur orðið ef menn leggja trúnað á jarmið í þessu liði um hina ónýtu íslensku krónu?

Hvort trúa menn Ragnari Önundarsyni í grein hans hér að framan betur eða þessu liði?

Verðbólgutíðindi berast ekki bara úr Seðlabanka Íslands. 

 

Góð grein Ingibjargar

Gísladóttur um Loftslagsmálin.

"Var júlímánuður 2021 sá hlýjasti frá upphafi mælinga? Getur það verið? Allir helstu fjölmiðlar heims virtust sammála þeirri niðurstöðu IPCC en af því að við erum á sólarskeiði 25 og sérfræðingar NASA og fleiri höfðu spáð óvenju lítilli útgeislan sólar næstu tíu árin þá leyfi ég mér að efast.

Gervihnattastöðin í Huntsville, Alabama hefur mælt innrauða geislun frá jörðinni frá 1979 og nær að mæla næstum því alla jörðina, fyrir utan svæði næst pólunum, öfugt við hefðbundna mæla sem finnast helst á þéttbýlissvæðum. Það var vegna gagna frá stöðinni sem menn hættu að tala um hlýnun jarðar og fóru að tala um loftslagsbreytingar í staðinn því mælingar stöðvarinnar sýndu „pásu“ frá 1998-2012 og viti menn, á þeim tiltölulega stutta tíma er þær mælingar hafa staðið yfir hafa margir júlímánuðir mælst heitari.

Sjá má nýjustu tölur hverju sinni (latest global temps) hjá Roy Spencer.

Með reglulegu millibili gera fjölmiðlar heims (sem flestir eru í eigu auðkýfinga) átak í því að sannfæra okkur um nauðsyn þess að grípa til róttækra aðgerða svo veröld okkar líði ekki undir lok sakir hamfarahlýnunar af mannavöldum. Það er fólk sem hefur takmarkaða þekkingu á loftslagsvísindum sem fræðir okkur. Fyrst varð það áberandi með mynd Als Gores, An Inconvenient Truth (2006), og gengu stórstjörnur á borð við Leonardo DiCaprio til liðs við hann. Graf er sýndi að hlýnun jarðar og CO2- magn í lofthjúpnum færi saman síðustu 1.000 árin var kynnt sem fullgild sönnun.

Ég samþykkti þessar hugmyndir um hlýnun jarðar af mannavöldum og las bækur um efnið, m.a. bók James Hansens, The Storms of My Grandchildren, en það var hann sem vitnaði fyrstur vísindamanna fyrir Bandaríkjaþingi og kom þar með lífi í loftslagsbaráttuna. Sama hvað ég las vildi dæmið ekki ganga upp. Samkvæmt James fylgdi hækkun CO2 hækkun á lofthita gegnum jarðsöguna en ekki öfugt og á grafið sem Al Gore sýndi vantaði bæði Landnámshlýskeiðið okkar og Litlu ísöldina sem gerði landið okkar nær óbyggilegt.

Ég las mér til um hvernig hokkíkylfugrafið hans Michaels Manns var tilkomið og sá að það byggðist á gögnum um trjávöxt, sem eru ekki örugg fræði, því þurrkar hafa áhrif á trjávöxt rétt eins og hitastig. Enn þann dag í dag hefur Mann ekki fengist til að veita fræðimönnum aðgang að rannsóknum sínum og í Climategate-hneykslinu kom í ljós að loftslagsvísindamenn eyddu frekar gögnum sínum en að veita aðgang að þeim. Menn áttu bara að trúa á þá og trúa þeim.

Ég las mér einnig til um IPCC og komst að því að Landnámshlýskeiðið og Litla ísöldin voru í skýrslu þess 1990 og talin ná yfir allan heiminn. „Vísindamenn“ IPCC leggja ekki fram neinar sannanir, bara mismunandi spár, sem fjölmiðlar semja hræðsluáróður upp úr, og að baki þessu öllu standa peningamenn sem ætla sér að hagnast á grænu byltingunni, Kyoto-aflátssölunni og sektum vegna Parísarsamkomulagsins auk hugsjónamanna sem vilja koma kapítalismanum á kné og dreifa veraldlegum auði jafnar um heiminn.

Já, en þetta er á vegum SÞ segja sumir en Mannréttindaráðið (þar sem helstu mannréttindabrjótarnir ráða ríkjum) og WHO er það líka. Þar er við stjórnvölinn maður sem þaggaði niður kólerufaraldra í landi sínu og vildi gera þrjótinn Mugabe að góðgerðarsendiherra.

Vísindamenn eru ekki allir sammála um að hlýnun jarðar frá Litlu ísöld hafi eitthvað með CO2 að gera en það er reynt að þagga niður í þeim og gera þá tortryggilega sem leyfa sér að efast, rétt eins og í þeim sem leyfa sér að efast um að bólusetningar og örvunarskammtar séu eina leiðin til að fást við Kóvid 19. Jafnvel dr. Satoshi Ömura fær ekki að tjá sig um lyfið sem hann fékk Nóbelsverðlaunin fyrir að þróa. Okkur er sagt að niðurstaðan sé komin og hún sé endanleg. Slík hugsun er ekki vísindaleg, heldur í anda kaþólsku kirkjunnar á miðöldum – skylt er að trúa á kenningar sem ekki má vefengja. Hvert er annars eðlilegt hitastig jarðarinnar?

Vita menn það nokkuð? Hefði ekki haldið áfram að hlýna eftir 1850 án viðbætts CO2? Er það öruggt að við séum ekki að styrkja auðugustu aðila heimsins vegna misskilinnar ábyrgðar á hækkuðum gildum CO2, sem reyndar valda því að allur gróður vex betur og jörðin grænkar, sem sjá má af gervitunglamyndum, og plöntur verða ekki eins viðkvæmar fyrir þurrki því þær missa ekki eins mikinn raka út um loftaugun í CO2-ríku umhverfi? James Hansen hafði áhyggjur af því að með stöðugt auknu magni CO2 myndi jörðin ofhitna og verða eins og Venus en ýmsir sérfræðingar mótmæla því; áhrif CO2 til hlýnunar séu lógaritmísks eðlis.

Nefna má William Happer prófessor við Princeton og með því að gúgla The Logarithmic Effect of Carbon Dioxide má sjá skýringamyndir á www.wattsupwiththat.com. Ekki hefur þó tekist að þagga niður í öllum.

Nýlega birtist í raajournal grein tuttugu og þriggja vísindamanna, þar á meðal Connolly-feðganna og Willies Soons, þar sem þeir veltu fyrir sér áhrifum sólarinnar á hitastig á norðurhveli og báru saman niðurstöður mismunandi rannsóknaaðferða. Þeir líta ekki svo á að málið sé útkljáð."

Sífellt fjölgar í athugunum hugsandi fólks sem vill ekki gleypa fullyrðingar loftslagskirkjunnar hráar. Enn frekar mega skattgreiðendur á Íslandi því fyrir sér til hvers þeir séu að þrengja mittisólar sínar þegar Kínverjar með alla sína milljarða ætla ekkert að gera um næstu ár til að draga úr sinni mengun.

Það er vel að hugsandi fólki eins og Ingibjörgu Gísladóttur sé ofboðið  gagnrýnileysi kolefniskirkjunnar.

 

Loftslagsmál

Á Vesturlöndum syngur samróma kór undir stjórn Grétu Thunbeg og ámóta vísindamanna unm loftslagsvána.

Forsætisráðherra Íslands virðist andsetin af niðurstöðu hinna 40.000 fífla sem komu saman í París til að að tala hvert annað í æsing út af því að útblástur á CO2 sé að orsaka hamfarahlýnun um alla jörð,. Ekkert er hlustað á vísindamenn sem segja að sannanir skorti fyrir fullyrðingunum eins og Prof.Lintzen og fleiri samherja hans.

Ekkert er gert með þá staðreynd að 84 % af orkunotkun mannkyns kemur frá jarðefnaeldsneyti og mest af því fer fram utan lögsögu Íslands.

Friðrik Daníelsson og Sigurbjörn Svavarsson rita skynsamlega um þessi mál í Morgunblað dagsins. Þar segja þeir:

"Maður gengur nú undir manns hönd hjá stjórnmálaflokkunum að gefa loforð í loftslagsmálum. Mörgu ægir þar saman en aðallega er rætt um aðgerðir til að sporna við notkun eldsneytis vegna þess að það gefur af sér koltvísýring sem sagt er að valdi hlýnun loftslags. Við þetta er ýmislegt að athuga. Í fyrsta lagi hefur reynst torvelt að finna vísindalega sannað samband koltvísýrings og loftslags þó vitað sé að hann auki gróðurvöxt og bæti þannig veður staðbundið. Sagt er að koltvísýringur af mannavöldum valdi hlýnun um 1 eða 1,5 gráður á öldinni, sem er ágiskun en ekki vísindaleg niðurstaða. Klifað er á að veðurlag sé hamfarakenndara en ekkert bendir til þess að það sé óvenjulegt. Frumkvæði og markmið í „loftslagsmálum“ eru ekki frá íslenskum stjórnmálamönnum heldur frá ESB.

Sérstaða Íslands

Ísland hefur sérstöðu á heimsvísu, um 85% af frumorkunotkun Íslands eru úr vatnsföllum og jarðvarma en einungis 20% orkunotkunar ESB eru „græn“ orka. Það voru dýrkeypt mistök að láta aðgerðir í loftslagsmálum falla undir ESB, á því var engin þörf samkvæmt þeim loforðum sem Ísland hafði gefið á alþjóðavettvangi. Kyoto- eða Parísarsamkomulagið kalla ekki á að ESB stjórni orkunotkun á Íslandi, Íslendingar geta sjálfir stjórnað henni. Augljós leið til þess að binda koltvísýring er ræktun. Það er nauðsynlegt að almenningur átti sig á að megnið af útblæstri lofttegunda kemur frá stórþjóðum (Kína, Indlandi o.fl.) en þær hafa ekki lofað miklum niðurskurði á næstunni. Hlutdeild Íslands er agnarsmá þó vissir stjórnmálamenn og fjölmiðlar hér á landi segi að Íslendingar mengi mest. Ef ESB tekst niðurskurðurinn verða það ESB/EES-lönd sem taka á sig efnahagslega hrörnun. Bandaríkin eru reyndar á sömu leið eftir síðustu stjórnarskipti þó ekki sé líklegt að það vari lengi.

Ísland: Kaldasta tímabil síðustu 10.000 ára

Vísindarannsóknir á loftslagi langt aftur í tímann sýna að loftslagssveiflur hafa verið óháðar koltvísýringnum. Flestar fréttir sem við fáum af hlýnun eru erlendar og er erfitt að staðreyna. En svo vill til að Ísland liggur á mörkum kuldabeltisins í miðju úthafi þannig að loftslagsbreytingar sjást vel hér. Virtir íslenskir vísindamenn hafa rannsakað loftslagsbreytingar á Íslandi, þeir hafa m.a. sýnt fram á að loftslagið nú á dögum er 3-4°C kaldara en það var að jafnaði síðustu 10.000 árin en kólnaði síðustu aldir og varð kaldast á vesturfaratímanum síðla á 19. öld (Áslaug Geirsdóttir et al. 2020). Hitamælingar á Íslandi, með þeim fáu mælum sem geta sýnt loftslagsbreytingar, þ.e. hafa verið í óbreyttu umhverfi í öld eða meir, sýna að hitinn við meginsvæði Norður-Atlantshafsins, á suðurströndinni, náði hámarki um 1940. Hæsti hitinn á landinu mældist 1939. Mælingar Hafró á sjávarhita við strönd sýna að hitastigið hefur farið lækkandi frá 2003. Hafísinn hefur verið í vexti síðustu 9 árin og minna talað um „opnun siglingaleiða“ en áður.

Græn atvinnusköpun

Hver stjórnmálaflokkurinn á fætur öðrum lofar nú „grænni uppbyggingu“ eða „grænni nýsköpun“. Þessi loforð eru mjög varasöm, byggð á vanþekkingu bæði á framkvæmd og afleiðingum. Stór hluti af því sem kallað er grænt er umhverfisspillandi og yrði baggi á efnahag landsmanna. Hér er hafin niðurdæling koltvísýrings í berg og lofað er hundraða milljarða iðnaði og innflutningi mengunar. Almannasjóðir verða að borga. Ein nýsköpunin er „rafeldsneyti“, þ.e. eldsneyti sem framleitt er með rafmagni, en framleiðsla þess yrði gífurleg eyðsla raforku og fjármuna, Aðallega er átt við vetni, hættulega og orkulitla gastegund sem kostar allt að 10- sinnum meira á orkueiningu en aðrar brennslugastegundir. Einnig er sagt að það sé „grænt“ að framleiða eldsneyti úr því, sem dæmi tréspíra úr vetni og koltvísýring sem skilar ekki helmingi af raforkunni sem fer í framleiðslu vetnisins hvað þá öðrum kostnaði – ósjálfbær starfsemi.

Græn orka

Til þess að útvega raforku fyrir þessa ósjálfbæru framleiðslu eru svo hugmyndir ESB/EES-fyrirtækja að reisa hér stóra vindmyllugarða sem hafa hlotið lof ráðherra og sveitarstjórnarmanna þó þeir hafi sýnt sig að vera eyðilegging á landi almennings en styrktir með peningum almennings. Þær spilla umhverfi og fuglalífi, gefa stopult, óöruggt og dýrt rafmagn á kostnað almannasjóða eins og reynsla nágrannalandanna sýnir. Þær eru dýrar, viðhaldsfrekar, endingarlitlar og hættulegar starfsmönnum sínum og nágrönnum og lítið endurnýtanlegar. Enn ein „græn“ orkuskipti eru að láta rafhlöður flytja rafmagn í tæki sem annars ganga örugglega og hagkvæmar á eldsneyti. Framleiðsla og eyðing rafhlaðna er mjög umhverfisspillandi, þær eru mjög þungar og orkulitlar, innihalda minna en 2% (1/50) af orkumagni eldsneytis. Þær eru óhandhægar og hættulegar við slys.

Ástæða loftslagsmála ESB

ESB-lönd eiga ekki miklar auðlindir af jarðefnaeldsneyti. Því er eðlilegt að þau reyni að verða minna háð því og minnka notkun þess. Staða Íslands er allt önnur. Ísland notar lítið af jarðefnaeldsneyti og hefur lítil áhrif á framboðið sem flest bendir til að verði nægilegt um langa framtíð."

 

Það er eiginlega ergilegt að þessar raddir skuli ekki heyrast á vettvangi stjórnmálaflokka sem eru líklegir til að hafa áhrif eftir kosningar og við myndun ríkisstjórna heldur einskorðast við jaðarflokka sem eru líklegri en ekki til algers áhrifaleysis á opinberum vettvangi eftir kosningar.

Það skortir sárgrætilega á það að innan starfandi stjórnmálaflokka láti slíkir málsvarar í sér heyra en að trúboðahópar eins og VG einoki ekki orðræðurnar og stórkarlalegar  fjárveitingar til hverskyns mýrarljósa sem engin áhrifa hafa á heildar búskap heimsins í CO2 hvað þá methanmengunar.

Bara Fagradalseldgosið er búið að losa margfaldan útblástur íslenskrar umferðar til margar ára á þeim stutta tíma sem það hefur staðið. Og á sama tíma eru birtar stórfréttir um það að niðurdæling á 4000 tonnum af CO2 sé í bígerð á Hellisheiði sem breyti því í berg. Til viðbótar eru ráðgerðir stórkostlegar brennslur á fjármunum við Straumsvík þar sem svipaðar aðgerðir eru í undirbúningi.

Loftslagsmál eru því mður aðeins Pótemkíntjöld um trúaratriði sem enga vísindalega sönnun hafa að baki sér.

Frjálshyggja og fullveldi

er nafn á grein eftir Ragnar Önundarson bankastjóra í Morgunblaði dagsins.

Satt að segja er langt síðan ég hef lesið eins skýrt yfirlit um gengismál Íslands og þennan pistil.

Ég vildi óska að þeir sem fjálglegast tala um ónýtu krónuna okkar og nauðsyn þess að tilheyra  öðru efnahagssvæði myndi lesa þetta.

Líklega yrði það  of mikil tilætlunarsemi að óska þess að þeir reyndu að setja sig inn í röksemdir Ragnars sem mér finnst að höfði til mín í einfaldleika sínum samanborðið við vandamál evrusvæðisins sem eru sýnu meiri en dollarans.

En Ragnar skrifar svo:

"Hin svart-hvíta umræða einkennist af því að þeir sem eru ófróðir eru vissir í sinni sök, gallharðir, en þeir sem hafa þekkingu og sjá alla myndina eru hikandi, því fæst mál samfélags eru einföld. Samfylkingin vill aðild að ESB og evru. Viðreisn vill byrja á að tengja krónuna við evru. Sú hugmynd er háð þeim annmarka að jafn auðvelt er að afnema tenginguna og að koma henni á. Það yrði gert næst þegar þjóðin skiptir milli sín meiri tekjum en þjóðartekjurnar leyfa eftir tenginguna.

Einhæfni og óstöðugleiki okkar efnahagslífs hindrar að við notum gjaldmiðil sem ekki tekur neitt tillit til þessa. Átökin um tekjuskiptinguna eru viðvarandi, þeim linnir ekki við upptöku evru. Engri athygli er beint að þeirri staðreynd að markaðsbúskapur, þar sem nánast engir virkir markaðir eru, er háður miklum annmörkum. Hinn kosturinn, áætlanabúskapur, var reyndur í stórum hlutum veraldarinnar, með miklum hörmungum fyrir fólk. Við verðum því að greina og takast á við annmarka þá sem smæð okkar samfélags, dreifbýli og fjarlægð frá virkum mörkuðum valda.

Dollar og evra

Dollarinn er frá 1775, jafn gamall Bandaríkjunum og iðnbyltingunni. Þróun atvinnulífsins varð skv. landkostum, með hliðsjón af dollarnum sem gefinni stærð. Þetta hefur staðið í 250 ár og er allt annar og gjörólíkur ferill en þegar evran var tekin upp. Undanfari hennar var nefndur ERM, evrópska myntsamstarfið, kennt við Maastricht, sem hófst árið 1979 og var til aðlögunar að upptöku evru. Tveir áratugir voru gefnir til að koma á evrópskri mynt hliðstæðri dollarnum.

Þrátt fyrir að ríkin hafi öll verið með fjölbreyttara atvinnulíf en okkar, varð aðlögunin sársaukafull. Stóru iðnríkin í miðjunni högnuðust á sölu alls konar iðnvarnings og þess sem var „munaðarvara“ til jaðarríkjanna.

Stórbankar þeirra lánuðu fyrir kaupunum. Þessi ráðstöfun verðmæta var víða ómarkviss, munaðarvaran entist stutt og löndin urðu skuldug og víða voru veittar ríkisábyrgðir.

Þetta eru sömu árin og við fórum flatt fyrir hrun í gleðilátum lágra vaxta.

Til varð nýr „grískur harmleikur“ sem allir muna og sú þjóð þjáist enn undan.

Gríðarleg eignatilfærsla varð frá jaðarríkjunum til miðríkja ESB. Við náðum að koma okkur undan með neyðarlögunum. Bönkum höfðu ekki verið veittar ríkisábyrgðir og við vorum ekki í ESB.

Óskiljanlegt er að nokkrum manni skuli detta í hug að farsælt sé að Ísland „taki upp evru“ sísvona „eins og að drekka vatn“.

Forsendubrestur

Til grundvallar Maastrichtsamkomulaginu lá sú tröllatrú að lögmál markaðarins tryggi að hagkerfin rétti sig sjálfkrafa af og að aldrei eigi að taka fram fyrir hendurnar á þeim.

Vesturlönd voru heilluð af svonefndri nýfrjálshyggju. Menn álitu nóg að stofna sérstakan sameiginlegan seðlabanka Evrópu og setja strangar reglur um ríkisfjármál, en skeyttu ekkert um að fjórfrelsið olli hraðri tilfærslu á vinnuafli og verðmætum, sem fólu í sér röskun á stöðu og högum fólks, m.ö.o. því sem við nefnum velferð. Markaðirnir runnu saman.

„Veraldarvæðingin“ hófst, mikilvæg framleiðsla fluttist frá gamla heiminum til nýmarkaðslanda. Í þessu ferli varð hið sígilda markmið hagstjórnar undir, sem er að hámarka nýtingu framleiðslutækjanna, halda atvinnuvegunum gangandi, en sveigjanlegt gengi var helsta tækið til þess.

Við sjáum hvað mundi gerast hér, ef við gengjum þessari hagstjórn á hönd með aðild að ESB og upptöku evru.

Ísland yrði uppspretta hráefna og orku til útflutnings.

Atvinnutækifæri tengd orku landsins mundu fylgja.

Gengi evru tæki ekkert tillit til einhæfni og óstöðugleika okkar atvinnulífs.

Fullveldið

Ef við stjórnum efnahagsmálunum ekki sjálf, tryggjum ekki fjárhagslegt sjálfstæði okkar og búum ungu fólki ekki störf hér heima, höfum við gefið eftir mikilvægasta þátt fullveldisins.

Þjóð er ekki sjálfstæð og fullvalda nema vera fjárhagslega sjálfstæð. Eftir sæti stjórn staðbundinna mála innan ramma leikreglna sem við ráðum engu um. Málið snýst ekki eingöngu um sveigjanlegt gengi gjaldmiðilsins heldur líka möguleikann til að nota ríkisfjármál til hagstjórnar.

Glænýtt dæmi um gildi þess er vel heppnuð viðbrögð stjórnvalda við áfallinu vegna kóvíd. Við erum komin farsællega áleiðis gegnum næstalvarlegasta samdráttarskeið síðari tíma, einmitt með því að skuldsetja og reka ríkissjóð með miklum halla, sem við vitum að gengur til baka.

Land tækifæranna

Það er við hæfi að nefna Ísland „land tækifæranna“. Þess vegna er landið með marga erlenda íbúa, sem leita hingað eftir betra lífi. Það búa ekki allir vel að sínum.

Vitað er að erlendu starfsmennirnir búa margir við þröngan kost, á lægstu launum. Þeir keppa við þá sem hér eru fyrir um störfin.

Stjórnmálamenn eru sumir farnir að tala um „velsæld“ fremur en „velferð“ í uppgjafartón, við vitum að velsældinni er misskipt. Það er eðlilegt og skiljanlegt að stjórnmálaflokkar aðgreini sig með hugmyndafræði, en eftir kosningar þarf að mynda samsteypustjórn og þá þarf að „svíkja loforðin“ og gera þess í stað það sem er skynsamlegt.

Sú bábilja að peningamarkaðir rétti sig sjálfkrafa af er enn útbreidd. Það er furðulegt að líta til baka og sjá að slík trú skyldi lögð til grundvallar og evrunni þröngvað upp á fjölmenn samfélög á þessum stutta tíma. Við getum vonandi lært af mistökum annarra.

Frjálshyggja, gömul og góð

Sú frjálshyggja sem þeir Ólafur Björnsson og Jónas Haralz rökstuddu svo vel er í fullu gildi. Þeir töldu stjórn peningamála og ríkisfjármála verða að vera undir harðri stjórn, rétt eins og um löggæslu væri að ræða. Ástæðan er einföld, peningar eru hvorki vara né þjónusta, þeir eru ávísun á öll þau gæði sem hugurinn girnist.

Engin náttúruleg takmörk eru á eftirspurninni. Við verðum að gera greinarmun á hugmyndafræði og hagfræði. Hin fyrrnefnda nýtist fyrir kosningar, sú síðarnefnda verður að ráða eftir kosningar,"

Hvernig má það vera að heilir stjórnmálflokkar íslenskir telji það til frjálslyndis að Ísland tengist tollabandalagi 27 ríkja ESB á móti hundrað öðrum þjóðríkjum heims?

Jón Sigurðsson sem lifði á þarliðinni öld gerði sér ljóst að Íslendingar myndu eiga mest undir verslunarfrelsi um víða veröld. Hann hefði trautt skilið kosti þess að múra sig inni í ákvarðanatöku annarra þinga en íslenskra og meðal regluverks í viðskiptum og dómsmálum annarra ríkja.

Að því leyti er mér illskiljanlegt hvernig forystumenn íslenskir séu haldnir slíkri vanmetakennd að þeir telji slíkt til framfara að tengjast slíkum kerfum og vantrú á eigin dómgreind.

Og það sem verra er að telja slíkt til frjálslyndis og fullveldis

Sofum við?

á meðan viðskiptatækifæri í virkjunum blasa við?

Hvar eru næstu virkjunaráform Íslendinga til stóriðju? Ekki bara  smávirkjanir heldur stórvirkjanir í stað hálendisþjóðgarða kommanna.

Barni Jónsson rafmagnsverkfræðingur,sá sívirki eldhugi, hefur áhyggjur af því að við sofum á verðinum í virkjanamálum eftir að við fengum martröð nýlega um að Straumsvík myndi loka vegna verðlækkana á áli.

Hann segir:

 

"Álverðstenging raforkuverðs hefur undanfarið lyft raforkuverðinu vel yfir 40 USD/MWh hérlendis, sem mundi líklega duga til að gera alla orkuverskostina í 3. áfanga verndar- og nýtingaráætlunar, bið og nýtingu, arðsama. Hann vitnar til Jesse Gary  forstjóra Century Aluminium á Grundartanga.

"Við hjá Century Aluminium teljum okkur vel búin undir að auka framleiðsluna.  Við erum að auka framleiðsluna í álverinu við Mt. Holly í Suður-Karólína og í álverinu í Hawesville í Kentucky. 

Afkastagetan í Kína var umfram eftirspurn, en er mögulega að ganga til baka nú, þegar eftirspurnin er mikil og vaxandi.  Við sjáum því tækifæri til að auka framleiðsluna og erum því að auka hana í þessum tveimur áður nefndu álverum. Fyrir utan það má auka framleiðsluna í Bandaríkjunum enn frekar, og hér á Íslandi höfum við skoðað leiðir til að auka verðmætasköpunina á Grundartanga." 

Norðurál ætlar að umbylta steypuskála sínum í líkingu við það, sem ISAL gerði fyrir áratug, þ.e. að taka upp framleiðslu þrýstimótunarsívalninga, sem eru núna og oft með miklu verðálagi ofan á LME-verðið á mörkuðum, svo að afurðaverðið er nú komið yfir 4000 USD/t. Þetta er sennilega mesta gósentíð í sögu ISAL. Steypuskálaumbyltingin á Grundartanga er mrdISK 15 fjárfesting og útheimtir um 10 % fjölgun starfsmanna, en sáralitla viðbótar orku. Hins vegar áformar Norðurál framleiðsluaukningu upp á 10 kt/ár upp í 330 kt/ár. 

Hjá ISAL er öllum kerum haldið gangandi og styttist í hámarksstraum í öllum kerskálum, sem gefur ársframleiðslugetu um 215 kt/ár.  Tekjuskattur af fyrirtækinu verður drjúgur í ár, því að hagnaður júlí-ágúst 2021 nam um MUSD 40  eða rúmlega mrdISK 5,0. 

 "Ég get reyndar vart hugsað mér betri stað til að framleiða ál en Ísland.  Hér er framleitt hágæðaál og magn kolefnis, sem fellur til við framleiðsluna, er með því minnsta, sem þekkist.  Það er jafnframt gott að starfa á Íslandi. 

Þróunin á orkumörkuðum mun hafa áhrif í þessu efni. Það er síðan spurning, hvernig Íslendingar sjá fyrir sér orkumarkað sinn í framtíðinni.  Ég segi sem framleiðandi, að Ísland er afar ákjósanlegur staður fyrir álframleiðslu."

Skýrar getur Jesse Gary ekki tjáð sig á þá lund, að hann hefur hug á frekari fjárfestingu og framleiðslu áls á Íslandi.  Til að samningar náist þarf hins vegar 2 til.  Íslandsmegin er vart að sjá nokkurt lífsmark í þá veru að vilja selja álfélagi enn meiri orku og fá hingað tugmilljarða fjárfestingu. 

Deyfð og drungi afturhaldsins hefur eitrað út frá sér.  Nú vantar baráttumenn til að brjóta hlekki hugarfarsins, eins og á 7. áratug 20. aldar, þegar innflutningshöft voru afnumin og stórfelld iðnvæðing hafin með Búrfellsvirkjun og iðjuverinu í Straumsvík. "

Verðum við ekki að vakna og endurvekja virkjana og stóriðjuáhuga landsmanna. Nóg verður um úrtöluraddir af vinstri vængnum sem allt vilja drepa í dróma.Einn spekingurinn af þeim kanti lagði til í alvöru að leysa orkuvandann með því að loka Straumvíkurálverinu.  

Það tekur tíma að vinna á þessum röddum og niðurrifsöflum.Hefjum baráttuna strax og hættum að sofa á verðinum.

 

Vantar mig ekki vélbyssu

og vefjarhött?

Getur Gunnar Smári komið fram þeim breytingum sem hann boðar á þjóðfélaginu öðruvísi? Fær hann Björn Bjarnason til að sleikja kamrana í Valhöll öðruvísi? Getur hann stungið út úr Hæstarétti öðruvísi?

Stefnufesta mannsins og hugmyndaflug er með ólíkindum. Ekki er að efa að fylgi sópast að honum eins og Vilmundi heitnum Gylfasyni sem var stormsveipur á sinni tíð þótt stórum lygnari væri en fjögurra blaða Smárinn úr Arnarnesi.

Hann er spurður áhugaverðra spurninga í Dagmálum Morgunblaðsins.

"Nú varstu sjálfur hallur undir frjálshyggju á árum áður, stór-kapítalisti árin fyrir hrun, gekkst næst í múslimafélagið, vildir ganga Noregskonungi á hönd og nú Sósíalistaflokkinn. Finnst þér skrýtið þó sumir spyrji hvort þér sé alvara eða hvort þetta sé bara langdreginn gerningur? "

"En þú hafnar því að hafa verið kapítalisti þegar þú varst að vinna með mönnum sem höfðu tugmilljarða umsvif, þú varst að kaupa stórfyrirtæki hér heima og erlendis, ferðaðist í einkaþotum, á forstjóralaunum og forstjórajeppum. Snýrð svo við blaðinu og talar um að það þurfi að brjóta niður stórfyrirtæki vegna þess að fólk hafi það ekki nógu gott í samfélaginu."

"Það er mjög alvarlegt mál ef maður sem er að fá fljúgandi fylgi í könnunum og koma mörgum þingmönnum inn, sé með það að stefnu að ryðja Hæstarétt og að því er virðist stjórnkerfið, af því að sá hópur er skilgreindur sem valdaklíka. Þetta eru rosaleg orð. „Það hefur gerst í sögunni, þar sem fólk hefur misst samfélag sitt í svona, að þá hefur verið gripið til þess ráðs að búa eitthvað til eins og 2. lýðveldið. Við erum gerspillt samfélag.“

Telurðu að dómsvaldið sé spillt? „

Ég tel að það hafi skipulega verið settir inn menn í Hæstarétt, sem eru líklegir til þess að verja meint eignarhald stórútgerðarinnar. Að það sé skipulagt samsæri. Og ef það er þannig, að Hæstiréttur stoppar það að almenningur fái að nota sínar auðlindir, þá verðum við að bregðast við því. Ég er að benda á að aðrar þjóðir hafi brugðist við því að stofna nýtt lýðveldi.“

Bíddu við, þú segir að það sé skipulegt samsæri hvernig Hæstiréttur hafi verið skipaður til þess verja eitt tiltekið mál."

Þessi maður er sannarlega að draga að sér skoðanabræður sem nægja honum til framfærslu næstu 4 ár á Alþingi. Þó að hann verði ekki ráðherra í næstu ríkisstjórn þá ætti hann að hafa tryggt sér afkomu með digurmælum sínum.

Sem er virðingarvert þótt vefjarhött og vélbyssu vanti í Talibanastíl.