Hvað um þessa dóma?

í Bretlandi fyrir skipulagðar nauðganir pakistanskra múslíma á breskum stúlkum?

Forsprkakinn, 59-ára, nýtur nafnleyndur af einhverjum ástæðum, fékk 19 ár for samsæri, nauðgun og skipulagningu nauðgana, kynferðisofbeldi og mansal.

Kabeer Hassan, 25, 9 ár fyrir nauðgun og í framhaldi af því 3 ár,fyrir samsæri.

Abdul Aziz, 41, 9 ár fyrir samsæri og 9 ár í framhaldi af því fyrir mansal.

Abdul Rauf, 43, 6 ár fyrir samsæri og 6 ár í framhaldi af því fyrir mansal.

Mohammed Sajid, 35, 12 ár fyrir nauðgun, 6 ár fyrir samsæri, 1 ár fyrir mansal, allt í framhaldi af hverju öðru fyrir kunferðisglæpi með barni. Hann verður fluttur til Paksitan eftir afplánun.

Adil Khan, 42, 8 ár fyrir samsæri og 8 ár í framhaldi fyrir mansal. Hann barnaði 13 ára fórnarlamb sitt.

Mohammed Amin, 45, 5 ár fyrir samsæri og 1 ár í framhaldi fyrir kynferðislega árás.

Abdul Qayyum, 44, 5 ár fyrir samsæri.

Hamid Safi, 22, 34 ár fyrir samsæri og 1 ár í framhaldi fyrir mansal. Hann verður fluttur til Afgahnistan eftir afplánun.

Þessir menn skipulögðu nauðganir á 50 breskum stúlkum með að því að fylla þær og misnota. Athygli vekur hversu hart Bretar taka á samsæri um glæpi.

Það er ekki talað um rasisma eða hatur á múslímum í Bretlandi þegar svona atburðir eiga sér stað. Hér ryðjast nafnkunnir menn fram ef "menn af asískum uppruna" eru dæmdir fyrir glæpi.

Það er ekki lausn að senda menn í fangelsi segir Lappinn.Hver er þá lausnin?

Hvaða trúarbragðahópum tilheyra hryðjuverkamenn yfirleitt? Af hverju má ekki tala um dóma yfir múslímum án þes að vera ásakaður um fordóma?

Bankarnir hunza Hæstarétt!

og ætla að láta kné fylgja kviði og bíta og rífa allt sem þeir geta af einstökum málum.

 Þeir eru búnir að stofna samráðshóp,( SIC, hvar eru samkeppnislögin sem banna samráð?)

Þeir komast að bardagaáætlun gegn fólkinu í landinu:

" 14 blaðsíðna samantekt á niðurstöðum hópsins var kynnt á fundi efnahags- og viðskiptanefndar Alþingis. Þar kemur fram að enn sé eftir að finna lausn á 22 álitaefnum áður en endurútreikningur umræddra lána geti hafist.

 Samráðshópurinn telur að fjögur þeirra vegi þyngst, það er

-hvenær lántaki sé í skilum með lán

-hvort dómur Hæstaréttar frá því í febrúar taki til lögaðila

-hvenær beri að reikna Seðlabankavexti  

-hvaða reikningsaðferð skuli nota."

Alþingi tekur orðalaust á móti svona ólöglegum verðsamráðshópi fjármálafyrirtækja. Skyldu þeir taka svona á móti samráðsnefnd Olíufélaganna  ef hún berði að dyrum? Hefur þetta Alþingislið enga sjálfsvirðingu?

Bankarnir ætla að berjast um hvert einasta mál sem þeir geta. Teygja, toga og snúa útúr. Það er hliðin sem snýr að viðskiptavinunum á bak við glansauglýsingarnar.

Andlit ófreskjunnar sem hunzar Hæstarétt ef hún bara getur.

Nupo-létt

er kannski ekki svo létt dæmi þegar Hunang fylgir með.

Tvær greinar hafa birst í Fréttviljanum frá málsmetandi mönnum sem velta hinum raunverulega tilgangi Kínverja í málinu. En eins og fram kemur í bók Cecil Lewis;"Sagittarius Rísandi", þá fara Kínverjar aldrei beint að því máli sem þeir ætla að taka fyrir heldur ávallt frá hlið. Þetta tilgreindi Lewis sem eitt séreinkenni kínverskrar hugsunar og háttar eftir áralanga dvöl í landinu því.

Þessvegna rjúka Íslendingar upp til handa og fóta ef vinkað er í þá með dollurum og fyrirheitum um golfvöll. En samkvæmt Lewis er tilgangurinn með kaupum Núpós á Grímstöðum er ekki endilega ferðamennska heldur eitthvað allt annað sem hann er ekki farinn að ræða. Hann sýnir sveitamanninum kínverska skiptimynt uppá einhverja milljarða til að liðka fyrir viðræðum. Alveg eins og Lewis tilgreinir sem fasta viðskiptavenju í Kína. Þannig byrja Kínverjar ávallt viðskipti sín. Það er ekki víst að Núpó einu sinni viti það að nokkrir spegilfagrir spesíupeningar hafa alltaf gert kraftaverk á horuðum kotbændum og sveitamönnum. Þetta er bara hans eðlilega fyrsta útspil sem kínversk viðskiptamanns sem vill eitthvað kaupa en ekki selja.

Þetta er alltaf sama dæmið gagnvart Íslendingum. Fyrst vildi Konungur að Íslendingar gæfu honum Grímsey þar sem hún væri þeim lítils virði. En Einar Þveræingur galt varhug við. Svo vildi Göring byggja fyrir okkur flugvöll. En Hermann Jónasson sá við honum og ekkert varð af. Ögmundur Jónasson sá við Núpó og hlaut í staðinn ramakvein Landsöluliðsins í Samfylkingunni og alþjóðahyggju kratismans. En hvikaði hvergi frekar en Skammkell. En verulega skrítið var að hann fengi skít á sig frá Kína og Núpó. Það gæti bent til þess að Núpó sé ekki bísnessmaður heldur frekar hermaður.

Einar Benediktsson hinn þaulreyndi ambassador segir :...

"... Samvinnu við Kína hérlendis sem tengist einhverjum óljósum eigna- eða leiguyfirráðum þeirra á íslensku landsvæði ætti alveg að útiloka. Slíkt er meira mál en aðilar á sveitastjórnarstigi og lögfræðingar iðnaðarráðuneytisins eigi að greina. Um er að ræða grundvallaratriði utanríkisstefnu Íslands í samskiptum við erlend ríki og í þessu tilviki það viðkvæma atriði, að allar langtíma fyrirætlanir kínverskra stjórnvalda
eru duldar og óþekktar. Langtíma yfirráð Kínverja á íslensku
landsvæði væri fáránleg ráðstöfun. " Cecil Lewis hefði líklega ekki mótmælt þessum skilningi.

Ágúst Valfells gerir sér glögga grein fyrir hernaðarhugsun Kína í sinni grein "Gangið hægt um gleðinnar dyr" og þá staðreynd að kínverski herinn er hluthafi í mörgum útrásarfyrirtækjum Kína. Er ekki líklegra en hitt að Núpó, sem var innsti koppur í búri kínverska kommúnistaflokksins hérumbil í gær sé enn með góð tengsli þangað?

Svo Núpó-létt er kannski ekki eins létt og það virtist vera soltnum kotbændalýð? Er ekki merkilegt að nú snúist deilan um Grímsstaði en í gamla daga um Grímsey? Er Núpó bara Grímuklæddur fulltrúi nýs konungs sem er engin léttavara fyrir íslenska jólasveina?

Það er varlegt að láta það ekki vera Núpó-létt verk að byggja nýtt Chinatown á Grímsstöðum á Fjöllum að grískri fyrirmynd. Eða yfirleitt að leyfa útlendingum að kaup lönd og auðlindir eins og þeir eru byrjaðir á hérlendis?

Frosti Sigurjónsson

flytur gagnmerka fyrirlestra um bankastarfsemi fyrir almenning. Ég hlýddi á einn hjá Sjálfstæðisflokknum í gær.

Ég ætla að stikla á stóru um þá hluti sem ég skildi en blanda svo í þetta eigin hugleiðingum svo menn mega ekki eigna Frosta margt sem hér fer á eftir því hann er orðvar maður og prúður.

Ég hef nú kannski ekki meðtekið allt rétt sem Frosti sagði um hvað gæti breytt bankastarfsemi okkar í stórum atriðum. En margt var auðskilið og ég er sammála honum um að bankakerfi okkar Íslendinga er orðinn alger óskapnaður og alltaf fyrirferðarmikið. En Frosti gerði mönnum ljósar ástæður þess hversvegna þetta kerfi er orðið svona stórt.

Það gerðist nefnilega að miklu leyti þegar bankarnir voru einkavæddir. Banki sem byrjaði með 3 milljarða gat umsvifalaust lánað út 27 milljarða miðað við 10 % CAD eða eiginfjárhlutfall sem honum er sett. Í rauninni keyptu kaupendur bankanna íslensku krónuna með í þessari einkavæðingu og notuðu hana síðan sem sína einkaeign. En þó með ríkisábyrgð að því leyti að hvaða vitleysu sem þeir myndu gera eftir þetta , þá þyrði ríkið aldrei annað en borga þá út úr fallíttunum af pólitískum ástæðum.

Seðlabankinn íslenski stjórnaði eftir þetta engu. Hann gaf að vísu út íslensku peningaseðlana sem eru bara 4 % af öllum krónunum. Hitt eru rafkrónur sem bankarnir hafa búið til sjálfir án þess að spyrja kóng né prest og allra síst Seðlabankann.Níföldun eiginfjár á hverju ári.

Frosti tók einföld dæmi sem sýndu áhrif þess að einkavæða íslensku krónuna eins og gert var þegar Björgólfur keypti Landsbankann( innskot mitt: var það ekki með láni úr Búnaðarbankanum en lagði sjálfur lítið sem ekkert til?) og Smokkurinn keypti Búnaðarbankann(innskot mitt:var það ekki með láni úr Landsbankanum og lagði lítið sem ekkert til sjálfur annað en kennitölusafn? Hitt voru svo svik og lygar um einhvern Hauch&Aufhauser frá vefurunum sjálfum og ámóta kónum)

Þessir bankar hófu útgáfu rafkrónanna og léku leikinn ár eftir ár og Seðlabankinn gerði lítið annað en hækka stýrivextina. Sem urðu auðvitað máttlausir þegar bankarnir fóru í útrás og fóru að slá lán og safna innlánum erlendis. Seðlabankinn stóð þá hjá og horfði á bankana lána út ólögleg lán með gengisviðmiðun til Péturs og Páls, horfði á snjóhengjuna, eða erlenda gjaldeyrinn, streyma inn í háu stýrivexti Seðlabankans, en gerði ekkert í að stöðva vitleysuna sem keyrði áfram bóluna. Sem hann gat auðvitað en gerði ekki. Sem er mér óskiljanlegt enn í dag hvað álit sem menn hafa á stjórnvisku bankans þá og enn í dag.

Frosti sagði sögu af enskum Lordi sem fór til Ítalíu að skemmta sér og sletta úr klaufunum. Hann svallaði í marga mánuði og borgaði innfæddum með ávísunum á banka sinn í Englandi. Ítalirnir sem bjuggu við óstöðugan gjaldmiðil vildu heldur þessar ávísanir Bretans heldur en eign peningaseðla.

Þegar rann af Lordinum og hann fór heim með móral, fór hann að spá í hversu mikið að hann yrði að selja af landareignum sínum þegar ávísanirnar kæmu fram í bankanum hans. Það leið og beið. Engin ávísun barst til Englands. Aldrei. Þær voru orðnar að lögeyri á Ítalíu sem menn vildu heldur eiga en lírur.

Ég gat ekki stillt mig og sagði söguna af því þegar við frændurnir í Steypustöðinni gáfum út steypukrónurnar hér um árið í óðaverðbólgunni og gengisföllunum. Einfaldar kvittanir sem tiltóku að menn gætu fengið afhenta framtíðarsteypu.Hiklaust afhentu menn okkur sparifé sitt í beinhörðum "Nordölum" gegn einfaldri kvittun frá okkur. Engin trygging önnur en það traust sem menn höfðu á Steypustöðinni hf sem átti 30 ára sögu að baki. Enginn spurði um eiginfjárstöðu fyrirtækisins sem var mjög lélega að mig minnir þá. Allir vissu að aðalhluthafinn í Steypustöðinni var Sveinn B. Valfells sem þá var fremstur í viðskiptalífi landsmanna og hafði ótakmarkað traust sem sá heiðursmaður og snillingur sem hann var. Hann myndi ekki láta strákana setja fyrirtækið á hausinn. Það var nóg fyrir alla.

Steypukvittunin ruddi Nordalnum allstaðar frá eins og ávísanir Lordsins á Ítalíu sællar minningar. Ég man ekki hvort allar þessar kvittanir komu inn aftur. En hitt man ég að sýslumenn tóku þær hiklaust upp í skattgreiðslur til ríkisins og maður vissi að þær skiptu oft um hendur. Við frændur keyptum fjölda af steypubílum umsvifalaust og mættum framtíðinni óhræddir með þeim. Samt kom nú að því að við þorðum ekki meira og urðum að snúa fjöldanum frá sem vildi ólmur afhenda okkur öll sín koffort af peningum. Ég hef ekki hugmynd um hversu mikið fé við hefðum getað fengið með þessum hætti en við þorðum bara ekki meira.

Frosti sagði að munur væri á innistæðum og innlánum. Í gamla daga hefði sumstaðar legið dauðarefsing við að banki lánaði út innistæður sínar og gæti ekki staðið skil á þeim. Hann mátti hinsvegar lána út veltiinnlán sín og græða á vaxtamun. Hér væri allt í graut og kostnaðurinn sem bankarnir legðu áíslenskan almenning vegna rekstrarkostnaðar síns næmi ekki undir 40 milljörðum króna árlega.(Samt byrjaði nú saga peninganna þannig að Rotschild bjó þá til) Þetta fé gæti þjóðin átt með því að flytja allar innistæður í Seðlabanka en láta bankana um veltiinnlán og þá væntanlega greiðslumiðlunina líka, kreditkortin osfrv. Til þessa yrðu bankarnir að fækka starfsfólki í miklum mæli.

Undirritaður hefur lengi talið að deila þurfi með pí í núverandi fjölda bankastarfsmanna til að fá hæfilegan fjölda. Sem þá væri í línu við fjölda bankastarfsmanna í USA. Nú viðrar Frosti svipaðar hugmyndir og færir rök fyrir sínu máli.

Erindi Frosta og fjörugar umræður skildu fundarmenn í Valhöll eftir þungt hugsi og opnaði augu margra fyrir því hvað er að gerast með krónuna okkar. Hún er í rauninni leiksoppur bankanna sem auka útlán á þensluskeiðum en draga saman í kreppum eins og nú er.Hver sem getur opnað banka á ekkert fyrir höndum annað en gróða og gósenlíf.

Fundarefnið var hvernig við gætum tryggt krónunni betri framtíð. Þær umræður féllu því miður í skuggann. En öllum er hollt að hugsa aftur til Davíðstímans þegar allir gátu átt allan þann gjaldeyri sem þeir vildu, erlendur gjaldeyrir lækkaði ár eftir ár eða stóð í stað, menn gátu sparað á verðtryggðum reikningum, borgað 10 % fjármagnstekjuskatt af vöxtum að sparifé sínu, flutt eigur sinar úr landi eða flutt erlendar eigur sínar inn.

Nú er komin hér kommúnistastjórn og sovét með höftum og bönnum, allt traust er farið veg allrar veraldar. Enginn treystir öðrum, enginn hefur trú á landinu og reynir að fjárfesta til framtíðar heldur notar flest tækifæri til að flytja burt. Erlend glæpagengi vaða hér uppi á meðan við getum hvorki borgað lögreglunni kaup né hugsað um aldraða og sjúka.

Krónan hefur samt bjargað okkur blessuð frá því versta. Við þurfum bara að hefja hana til vegs og virðingar aftur. Skapa þá tíma aftur að útlendingar vilji fjárfesta hér og leggja fé inn í íslenska hagkerfið. Og hætta að trúa hvaða vefara keisarans sem er.

Bankarnir eru í huga undirritaðs eftir að hlýða á þennan fyrirlestur stofnanir sem eru í rauninni fjandsamlegar almenningi og þjóðhagslega óhagkvæmir og þannig andstæðir öllum hagsmunum almennings. Þeir sjúga blóð úr þjóðarlíkamanum sem nemur milljarðatugum á hverju ári og við gætum auðveldlega náð til heildarinnar ef við bara vildum.

Einfalt væri að flytja allar innistæður í Seðlabanka og tryggja þær þar. Láta bankana um hitt og sníða sér stakk eftir vexti. Þeir væru með allan rekstur sinn í graut og skildu ekki á milli viðskiptabanka og fjárfestingarstarfsemi enda myndi það engu breyta meðan þeir hefðu núverandi einrétt á krónunni.

Mér finnst að Frosti þyrfti að flytja þennan fyrirlestur í Sjónvarpi svo allur almenningur geti myndað sér skoðun og hugleitt hvað það er sem í raun og veru er að gerast í þessum fjármálaheimi. Sem bankarnir gylla í blekkingarskyni með því að auglýsa sig sem vini alþýðunnar.Sem þeir eru auðvitað alls ekki heldur hreinir óvinir og blóðsugur hvers og eins.

Takk fyrir mig Frosti Sigurjónsson.

Ef ekki fangelsi?

þá hvar eiga glæpamenn að vera? Hvar á að geyma Breivik?

Hvenær ætlum við vísvitandi að fækka glæpamönnum í landinu með því að taka upp landamæraeftirlit? Upplýsingakerfið frá Schengen átti að gera lögreglu svo auðvelt að fylgjast með ferðum glæpamanna að ávinningur yrði margfaldur. Hefur þetta gerst? Er einhver sem vill færa rök fyrir því?

Hversvegna vill enginn þingmaður ræða Schengen samstarfið á þingi? Er það af því að meirihluti þingmanna hefur ekki það sem til þingmennsku þarf?

Vill enginn þeirra ræða hlutfall erlendra glæpamanna í íslenskum fangelsum og tengsl þess við Schengen? Bara byggja ný fangelsi fyrir milljarða þegar þess þarf ekki ef rétt er að staðið?

Eða ræða nýjan hátæknispítala og þörfina á honum?

Af hverju er þessi þöggun um fangelsismál og spítalamál?

Verum góð við glæpamennina okkar!

Nýjasta nýtt frá Skandinavíu stendur í fréttum:

"Á sama tíma og 65 fangar sitji inni á hverja hundrað þúsund íbúa á Norðurlöndum sitji 85 inni í Þýskalandi, 150 á Englandi, 550 í Rússlandi og 750 í Bandaríkjunum.

Á Norðurlöndunum séu fangarnir um einn tíundi af því sem þeir eru í Bandaríkjunum, segir. Lappi-Seppälä segir þetta þó ekki hafa áhrif á glæpatíðnina og því sé ekki hægt að nota fangelsisdóma til að draga úr glæpum."

Já já. Er ekki þessi þjóð alltaf að heimta að einhverjir axli ábyrgð? Geir Haarde til dæmis? Til hvers sendi Steingrímur J. hann Geir fyrir Landsdóm ef hann ætlaði ekki að koma honum í tugthús?

Nú heldur einhver spekingur frá Finnlandi að það skipti engu máli að setja glæpamenn í tugthús. Það breyti engu um glæpina.

Bandaríkjamenn segja að glæpamenn eigi að vera í fangelsum. Þess lengur sem þeir brjóta oftar af sér. Í þriðja sinn er það stundum lífstíð.

Ef glæpamenn eiga ekki að vera í fangelsum, hvar eiga þeir þá að vera svo að þeir láti aðra í friði? Hvar á Breivík að halda sig? Eða eru menn að tala um að Kristján skrifari hafi kunnað bestu formúluna?

Hvenær ætla menn að endurskoða þetta ótætis Schengen? Til dæmis núna þegar erlendu bófagengin eru farin að stela heilu bílunum að næturlagi sem hverfa sporlaust með gámum úr landi? Ekki er hægt að skilja sérútbúna jeppa eftir úti á götu yfir nótt án þess að ráðist sé á þá.

Hversu lengi á að vera bannað að tala um Schengen? Hversu lengi á að halda því fram að við fáum svo miklar upplýsingar með því að það borgi sig að sleppa vegabréfunum?

Nýja fangelsið á Hólmsheiði verður til dæmis betri vistunarstaður heldur en bjóðast ósjálfbjarga sjúklingum og gamalmennum. 56 herbergi með kynlífsíbúðum, líkamsrækt, bókasafni, kaffistofum, sálfræðingum, læknastofum, verzlun, íþróttavöllum, vinnustofum, reykherbergjum. Þannig er prógrammið.

Brasílíski læknirinn og morðinginn sagði að íslensk fangelsi væru fimmstjörnu hótel miðað við brasílísk fangelsi og reyndi líka mikið að fá sleppa við að verða sendur heim.

Ég hélt að við gengjum nægilega upp í því að vera góð við glæpamenn þó að þessi Lappi sé ekki að senda okkur tóninn og níða Bandaríkjamenn í leiðinni.

Sarkozy fallinn

og þarmeð hefur Evrópusambandið fengið enn eitt tundurskeyti undir sjólínu.

Ég sé ekki eftir þessum Sarkozy þó að ég fagni aldrei sigri sósíalista eins og þessi Hollande er. Sarkozy hefur mælt upp í Merkel hverskonar kreppuráðstafanir ESB fyrir skuldug ríki eins og Grikkland. Menn sjá orðið núna að það er ekki hægt að fara þannig að við heilar þjóðir að fyrst lána þeim út yfir öll fjöll og segja þeim svo að éta það sem úti frýs þegar ljóst er að þau eru komin á hausinn.

Þetta er auðvitað þvílíkt ráðslag að ekki gengur upp nema í þröngum hausum sérhagsmuna eins og eru skrúfuð ofaná þau Merkel og Sarkozy. Öll hegðun þeirra saman og pukurfundir leiddu í ljós hverskonar selskap þetta ESB í rauninni er. Þetta er prívatklúbbur Þjóðverja og Frakka sem til þess að halda friðinn sín á milli fara nú saman í hernað gegn öllum litlu nágrannalöndunum og kúga í sameiningu þá sem þeir kúguðu áður og rændu sitt í hverju lagi. Grikkjaræflarnir muna sjálfsagt eftir heimsókn Hitlers á sínum tíma og geta borið saman dírektífurnar þá og núna. Það er skiljanlegat að Bretar verði alltaf tregir að trúa á þetta apparat þó að þeir hreyfi varirnar þegar hinir segja amen.

Þeir sem halda það að Íslendingar eigi eitthvað erindi með sitt ríkidæmi inn í þennan meginlandsklúbb til að láta stela af sér eru annaðvort "hagfræðingar eða vitleysingar" svo notuð sé nýleg samlíking.

Fyrir okkur er eiginlega áhugaverðara að vita hvor sé meiri kvennamaður Sarkozy eða Hollande. En enginn franskur forseti virðist standa undir nafni án þess að eiga einhverja afrekaskrá síðan deGaulle yfirgaf þá. Allavega er Sarkozy fallinn og farvel France!

Lausung við lygi

skulu menn gjalda samkvæmt fornu heilræði. Jóhanna Sigurðardóttir hefur þó allavega heyrt þetta einhvern tímann á ferð sinni um Dýrafjörð. Framundan er því nokkur revíutíð fyrir almenning í boði Alþingis.

Það verður sannarlega fyndið að fylgjast með Alþingi á sjónvarpinu nú fram eftir sumri. Horfa á tilraunir ríkisstjórnanrinnar til að skáka hersveitum sínum fram og aftur um ímyndaðar átakalínur stjórnmálanna. Jóhanna heldur að hún sé að búa í haginn fyrir þjóðina og vinna Brüssel eitthvert gagn. En er álíka afdrifarík fyrir framtíð þjóðarinnar og Hitler í byrgi sínu seinni part apríl 1945. Núverandi Alingi er þannig ónýtt til allra verka og ætti að hypja sig heim.

Það er alveg sama hvar á er gripið. Allt dellumakerí sem ríkisstjórnin er að bjóða uppá verður óhjákvæmilega umsvifalaust afnumið þegar nýkjörið þing kemur saman næst. Fyrir þær sakir einar hversu afspyrnu vitlausar flestar hennar tillögur eru, svo sem margföldun veiðilgjaldsins sem afturvirks skatts og fækkun ráðuneyta í boði Brüssel.

Eitt er þó svolítið fyndið að horfa á. Hvernig Jóhanna er að spila á Þór greyið Saari. Heldur honum uppi á kjaftæði fyrir stuðning hans en er greinilega bara að toga hann á asnaeyrunum og leggur ekki neina áherslu á að borga honum fyrir stuðninginn nema lausungina eina. Enda segir einhversstaðar að menn skuli gjalda lausung við lygi.

Hver á að vera atvinnulaus?

lýðurinn í Kína eða við?

Svo segja fréttir:

"Atvinnuleysi mælist 8,1% í Bandaríkjunum í nýliðnum mánuði. ... Dræmar viðtökur við atvinnutölunum komu skýrast fram í gengislækkun á hlutabréfamarkaði vestanhafs við upphaf viðskipta.... Aldrei færri fyrirtæki stofnuð í Bandaríkjunum... Til samanburðar mældist hér á landi 7,1% atvinnuleysi í mars."

Hvað hefði atvinnuleysið verið hér ef Noregur hefði ekki tekið við öllum þessum æskublóma þessa lands sem flýr ríkisstjórn mestu vitleysinganna á Íslandi?

Bandaríkin eru að vakna til vitundar um það hversu vitlaust það er að skapa atvinnu í Kína og leggja niður störf í Bandaríkjunum. Sama vitlausa hugsun sendi smíðina á varðskipinu Þór til Chile og aðrar skipasmíðar úr landi. Enginn kann lengur að smíða skip hérlendis því gömlu smiðirinir eru flestir hagfræðilega dauðir úr elli. Það sem Bandaríkjamenn gera og hugsa kemur samt fyrr eða síðar hingað,hvort sem eru dellur eða dásemdir.

"Hagfræðingar eða vitleysingar" bera bara saman innkaupsverð en sjá ekki innlenda þáttinn í sköpun vörunnar. Skattana, börnin,afleidd störf,innlenda eyðslu. Sameinaðar í sömu persónunum er þessi stétt manna langt komin að eyðileggja ekki bara bakbein Íslands heldur líka Vesturlanda ásamt stjórnlausu innflæði óþjóða. Til þess eru þær studdar af heimskum stjórnmálamönnum sem trúa á vefara keisarans og dást að nýju klæðunum.

Stundum þurfa menn að velja hver eigi að vera atvinnulaus. Þeir eða þú?

ESB-heppni Spalar

er eins og himnasending í þessu kreppulandi þar sem endalaust er hægt að skrúfa og kreista þrautpíndan lýðinn.

Nú þegar Spölur er að nálgast enda þess tímabils sem maður hélt að hann hefði til að klára að greiða lánin sín og afhenda þjóðinni göngin eins og þá var talað, þá kemur ESB með þá himnasendingu að ekki megi gefa nema 13 % afslátt af veggjöldum. En 70 % veggjalda í Hvalfjarðargöng eru á miklu meiri afslætti en það. Mikill minnihluti borgar fullt gjald hvað þá mínus 13%. Nú má græða og leggja í kistur fyrir t.d.nýjum göngum.

"Gaman, gaman,sendu meiti peninga" setti Tolli í skeytið til yfirboðarans eftir fyrsta kvöldið í Kjöben. Allir sem segjast vera á móti ESB eru ávallt reiðubúnir að skjóta sér á bak við tilskipanir sambandsins ef þær geta gagnast til að snúa upp á náungann. Sorrí-Stina !, þú verður að borga meira vegma ESB. RARIK-Orkusalan, Orkuveita Reykjavíkur,Seðlabankinn-Fjármálaeftirlitið,Olíufélögin, Bankarnir, Sýslumenn,Eftirlitisiðnaðurinn, Flugmálastjórn, Spölur. Allir geta notað þessa dásemd ESB sem þjóðin vill ekki til að skrúfa náungann og skrúfa. Bara ekki ég og aðrir aumingjar þessa lands.

Heppni fyrir þetta þotulið að geta skotið sér á bak við hana ESB-frænku.

Vegarykið

sem var á öllum vegum landsins í gamla daga hefur minnkað með tilkomu olíumalarinnar á flestum vegum út um landið. Ýmsir fáfarnir vegir hafa fengið slitlag meðan aðrir bíða. Hvaða lögmál ræður geta menn dundað við að skýra, en líklega hefur þingmannadugnaður og atkvæðamisvægið eitthvað að segja.

Ég bý að hluta við Bræðratunguveg frá gömlu Tungufljótsbrú að nýja Flúðaveginum. Þessi spotti er mikið keyrður og hvenær sem er þurrt þá stíga rykmekkrinir til himins eins og í gamla daga og leggja sig yfir ferðamannaáninguna við Faxa.

Ég leitaði svara hjá Vegagerðinni hvort þetta gæti borgað sig að sjá allan ofaníburðinn hreinsast af veginum með þessum hætti þegar þurrt er og þegar rignir kemur þvottabretti svo hart að rútur geta ekki keyrt veginn. Ég gæti alveg verið rólegur var svarið, þetta hefur ekkert að gera með skynsemi. Peningaleysið og niðurskurðurinn væri orsökin

Ég fékk þær upplýsingar að þessi spotti minn yrði líkast til ekki lagfærður á minni lífstíð. Slíkt væri peningaleysið og niðurskurðurinn. Voila.

Rykbinding var mér sagt kostar 3 tonn af salti á kílómetrann og svo vinnan til viðbótar. Þó endingin sé varla nema 1-2 mánuðir, þá væri þetta þó skárra yfir blásumarið á þessum stað.Kostnaður yrði kannski hálfmilljón á kílómetrann yfir sumarið. Heflun og stöðugur ofaníburður á þenna veg hlýtur að kosta talsvert á hverju ári sem kæmi til móts við þetta.

Alvöru Klæðning á vegi kostar hinsvegar 10 sinnum meira. En dugir þá mörg ár væntanlega og kostar 5-6 milljónir á kílómetrann.

Ættu Íslendingar ekki að setja skyldubúnað í alla bíla sem skuldfæra fyrir aðgang að öllum jarðgöngum landsins þegar þau eru keyrð? Þá má leggja niður hliðið í Hvalfjarðargöngum og rukka fyrir Héðinsfjarðargöng, Vestfjarðargöng, Norðfjarðargöng, Vaðlaheiðargöng. Sáraeinfaldur og ódýr búnaður eins og SunPass í Ameríku skuldfærir smáupphæð fyrir hverja notkun á Visakortið. Í staðinn fá menn vegabætur og jarðgöng fyrr en ella.

Af hverju má þá ekki reyna eitthvað nýtt? SunPass kerfið getur meira að segja hleypt tilteknum Framsóknarmönnum og öðrum minnihlutahópum í útrýmingarhættu gratís í gegn ef menn telja það nauðsynlegt. En "Grimsby-lýðurinn" verði látinn borga eins og fyrri dagnn og standa undir framkvæmdunum.

Annars hafa menn bara vegarykið áfram.

Skíthrædd !

eru þau greinilega orðin skötuhjúin Steingrímur J. og Jóhanna að Landsdómur verði notaður á þau sjálf þegar þau fara frá. Ekki er að efa að hægt er að semja langa syndalista á Steingrím að minnsta kosti sem hann getur dundað sér við afneita næstu árin. Honum er ekki vandara um en Geir Haarde. nema sakir á Steingrím eru knallharðar staðreyndir í krónum og aurum en ekki huglægt mat eins og í tilfelli Geirs.

Nú ganga allskyns ráðstefnur, fundir og ályktanir um það að rétt sé að leggja Landsdóm niður úr því að búið er að brúka hann á íhaldið. Þessi furðulegi saksóknari Alþingis gengur um og skammar dómendurna fyrir að hafa ekki réttað betur og harðar yfir Geir.

Margt finnst mér benda til þess að þetta sé skipulagður áróður af hálfu skötuhjúanna Jóhönnu og Steingríms til að snúa upp á réttarkerfi landsins sér í hag þegar þægilegir þingmenn verða ekki lengur til að passa þau.

Þau eru greinilega skithrædd um að búmerangið geti komið í andlit þeirra sem köstuðu því.