Hvar er Steingrímur?

fjármálaráðherra. Það heyrist bara ekki múkk í honum.

Kannski bara best?

Það er líklega ekki heiglum hent að vera flokksforingi í VG um þessar mundir. Miðað við muninn á stjórnarathöfnunum og stefnuskránni.

Er nokkuð annað loforð eftir ósvikið annað en að allir skattar skulu hækka?

Kannski er Steingrímur bara heima að hugsa upp nýja skatta? Þýða ekki hærri skattar líka aukið fylgi almennings við inngöngu í Evrópusambandið?

Það sem að helst hann varast vann, varð þó að koma yfir hann.

Hvenær fellur evran?

hlýtur að vera tímaspursmál. Dollarinn húrrar niður og Bandaríkin verða stöðugt smakeppnishæfari. Þeir viðurkenna að þeir bjargi sér á prentvélunum. Það gerðu líka frönsku byltingarmennirnir með Assignatinum. Það fór eins og það fór. Og svo íslenska krónan.

Það er útilokað að evran haldist í þessu fáránlega gengi lengi enn. Það verður að prenta meira.

Evran fellur. Spurning um bara hvenær og hvað mikið.

Jóhanna tók sig vel út

á myndunum með Merkel. Þær stilltu sér upp fyrir framan púlt með míkrófónum eins og Obama gerir. Angela talaði mikinn í sinn míkrófón um hvað Íslendingar væru klárir í jarðhita og gjaldeyrismálum. Við biðum eftir því að heyra hvaða boðskap Jóhanna myndi flytja Þjóðverjum en RÚV klippti fréttina ekki þannig. Kannski hefur hún bara ekki komist að fyrir Merkel? Þær voru báðar fínar og flottar, álíka stórar og þriflegar.

Við hljótum að fá frásagnir af því um hvað var rætt. En heyrst hefur að Jóhanna hafi flutt Angelu þau vondu tíðindi að Íslendingar væru ekkert upprifnir af því að ganga í evrubandalagið. Higsanlega hafa þeir rætt fjórfrelsið og örlög þess hjá Dönum og Íslendingum.

Eða á Hrannar B. að sjá um að skammta okkur fréttirnar af þessu eins og öðru?

Danir grípa til varna!

Danir eru nú að taka upp tollgæslu á sínum landamærum. Þetta þykir ekki gott mál hjá Evrópusambandinu þar sem fjórfrelsið tekur til frjálsa för fjármagns og för fólks.Þetta höfum við uppfyllt í mörg ár þangað til ríkisstjórn Jóhönnu Sigurðardóttur tók við og Alþýðulýðveldið Ísland tók á sig mynd með heftingu borgaralegs frelsis eins og það var í Austur Þýskalandi fyrir örstuttu síðan.

Danir virðast ekki í teljandi vandræðum með það að réttlæta frestun á þessu grundvallaratriði í sáttmála sambandsins, þannig að gjaldeyrishöftin á Íslandi og átthagafjötrar á Íslendinga ríma bara ágætlega við aðgerðir Dana Enginn yrði hissa þó við tækum upp vegabréfaskyldu þó að einstöku evrópusinnar myndu sjálfsagt reka upp ramakvein. En þjóðin sættir sig ekki við að ana áfram í blindni til að búa hér til sömu vandamál og Danir eru að berjast við. Og á eftir Dönum munu Svíarnir koma með svipaðar aðgerðir því ekki er ástandið betra hjá þeim í Múslímamálum.

Það virðist því ekki vera tiltökumál að taka upp vegabréfaeftirlit hérlendis, til að sporna við innflutningi glæpagengja frá Eystrasaltslöndunum og Austur Evrópu, sem er löngu orðið tímabært. Hversvegna hafa Bretar aldrei afnumið vegabréfaskylduna ? Liggur það ekki í augum upp hvert hagræðð er af því að búa á eyju? En Arabavandamálið hjá Bretum er orðið svo skelfilegt að margir sjá fyrir sér að England verði íslamskt ríki á næstu öld. Mér er til efa að nokkrir Íslendingar vilji stefna að slíku í þessu landi þjóðkirkjunnar.

Við Íslendingar erum ekki í tollabandalagi við EU. Við þurfum ekkert að vera með látalæti eins og Danir sem verða að beita tollvörðum sínum fyrir sig til að blöffa félagana í EU þegar alir vita að aðgerðirnar beinast að því að stöðva aðstreymi óþjóða á danskan sósíal. Við Íslendingar getum gert það sem okkur sýnist og hefðum betur gert það fyrr eins og með dýru blekkinguna í rafmagnsmálunum með aðskilnað sölu og framleiðslu þegar allir vita að það er engin samkeppni í raun frekar en í bankamálum.

Fjöldi erlendra stúdenta frá fátæku nýlöndunum í A-Evrópu við danska háskóla hefur fjórfaldast á örfáum árum, úr hálfu öðru þúsundi í sexþúsund,svo að Danir komast ekki lengur að sjálfir. En danskir skattgreiðendur verða að borga reikninginn í skólagjaldalausum skólum. Þeta mun koma niður á Íslendingum fyrr en síðar ef Dönum tekst ekki að stöðva þessa þróun og vera kann að Danir verði að taka upp himinhá skólagjöld í varnarskyni, sem mun hitta okkar fólk illilega.

Allir vita sem vilja, að fjölmenningarsamfélagð hefur ekki gengið upp í Danmörku. Múslímarnir hópast saman í Gettóum og hata Danmörku og allt sem danskt er.Og svo er raunar niðurstaðan allstaðar á Vesturlöndum þar sem þeim hefur verið hleypt inn. Lögreglan hættir sér helst ekki inn í þessi hverfi Múslíma og engum innfæddum dettur í hug að reyna að blanda geði við þetta lið.Sama sagan allstaðar á Vesturlöndum. Múhameðsliðið er til vandræða og samlagast ekki. Fyrr eða síðar rís innfæddur almenningur upp með ófyrirséðum afleiðingum. Það er því löngu tímabært að hægja verulega á innflutningi þess til landsins okkar áður en þeir fara að heimta að stofna nýlendur í Breiðholtinu með Sharíalögum eins og þeir nú heimta í Bretlandi.

Íslendingar hanga hinsvegar á Schengen samningnum eins og hundar á roði. Eins og um sé að ræða einhverja Magna Carta sem við verðum að verja með því að hafa landið galopið fyrir hverjum sem er. Við erum oft kaþólskari en Páfinn þegar kemur að kreddufestunni.

Mér leikur forvitni á því að vita hvort þær Angela og Jóhanna hafi rætt upptöku Dana á tollgæslu á sínum landamærum. Þetta þykir ekki gott mál hjá Evrópusambandinu þar sem fjórfrelsið tekur til frjálsa för fjármagns og för fólks.Þetta höfum við uppfyllt í mörg ár þangað til ríkisstjórn Jóhönnu Sigurðardóttur tók við og Alþýðulýðveldið Ísland tók á sig mynd.

Danir virðast því ekki í vandræðum með það að réttlæta frestun á þessu grundvallaratriði í sáttmála sambandsins. Þannig að gjaldeyrishöftin á Íslandi og átthagafjötrar á Íslendinga ríma bara ágætlega við aðgerðir Dana og enginn yrði hissa þó við tækum upp vegabréfaskyldu. Þjóðin sættir sig ekki við að ana áfram í blindni til að búa hér til sömu vandamál og Danir eru að berjast við. Og á eftir þeim munu Svíarnir koma með sömu höft því ekki er ástandið betra hjá þeim.

Það virðist því ekki vera tiltökumál að taka upp vegabréfaeftirlit hérlendis, til að sporna við innflutningi glæpagengja sem er löngu orðið tímabært. Hversvegna hafa Bretar aldrei afnumið vegabréfaskylduna ? Liggur það ekki í augum upp hvert hagræðð er af því að búa á eyju? En Arabavandamálið hjá Bretum er orðið svo skelfilegt að margir sjá fyrir sér að England verði íslamskt ríki á næstu öld.

Við erum við ekki í neinu tollabandalagi við EU. Við þurfum ekkert að vera með látalæti eins og Danir sem verða að beita tollvörðum sínum fyrir sig til að blöffa félagana í EU þegar alir vita að aðgerðirnar beinast að því að stöðva aðstreymi óþjóða á danskan sósíal.

Fjöldi erlendra stúdenta frá fátæku nýlöndunum í A-Evrópu við danska háskóla hefur sexfaldast á örfáum árum, úr þúsund í sexþúsund,svo að Danir komast ekki lengur að sjálfir en verða að borga reikninginn. Þeta mun koma niður á Íslendingum fyrr en síðar ef Dönum tekst ekki að stöðva þessa þróun og vera kann að Danir verði að taka upp himinhá skólagjöld í varnarskyni.

Allir vita sem vilja, að fjölmenningarsamfélagð hefur ekki gengið upp í Danmörku. Múslímarnir hópast saman í Gettóum og hata Danmörku og allt sem danskt er. Lögreglan hættir sér helst ekki inn í þessi hverfi og engum Dana dettur í hug að reyna þetta. Sama sagan er allstaðar á Vesturlöndum. Múhameðsliðið er til vandræða og samlagast ekki. Það er því löngu tímabært að hægja verulega á innflutningi til landsins áur en þeir fara að heimta að stofna nýlendur í gettóunum með Sharíalögum eins og þeir nú heimta í Bretlandi.

Íslendingar hanga hinsvegar á Schengen samningnum eins og hundar á roði. Eins og um sé að ræða einhverja Magna Carta sem við verðum að verja með því að hafa landið galopið fyrir hverjum sem er. Við erum oft kaþólskari en Páfinn þegar kemur að kreddufestunni.

Við verðum að styðja Dani í varnarviðsleitni sinni, enda munu þeirra ráðastafanir beina auknum straumi af þessu liði til okkar stranda. Við verðum að grípa til varna líka.

Útrás til Akrópólis

Kaupum Akrópólis !

Reisum þar styttur af Agli Helgasyni, Jóni Ásgeiri og Pálma Haraldssyni og seljum inn.

 Nýja útrás! Tökum Grikkland yfir!

Heiladautt samfélag?

kemur mér í hug þegar maður veltir fyrir sér fréttaflutningi af síðustu transaksjónum þeirra Pálma og Jóhannesar í Fons. Hirða þrjá milljarða bara si sona og afskrifa útúr búi Fons. Aurinn bara gufar upp í Panama. Hvað sagði Eva Joly? Pálmi er hérna allavega en fréttmenn virðast ekki einu sinni nenna að hringja í hann til að fá útskýringar. 

Engum bloggara finnst þetta þess virði að velta þessu fyrir sér. Er þetta bara allt í lagi? Ísberg dómari búinn að stimpla svona gerninga sem venjuleg viðskipti? Sigrún Davíðsdóttir skrifar um Exeter málin í bresk blöð og það vekur athygli þar. Ekki hér. Bara ósköp hversdagleg viðskipti eins og var í Baugsmálinu.

Ég held að íslenskt samfélag sé heiladautt þegar afskriftatalan fer yfir milljarð. Kerfið okkar ræður ekki við nema innbrot í sjoppu og tuttugu hassplöntur.

Ég held að við verðskuldum núverandi ríkisstjórn. Okkur er ekki við bjargandi. Þessvegna kýs fólkið að ganga í Evrópusambandið. Þetta er heiladautt lið í þessu landi.

Lánið afskrifað í bókum Fons!

er varla fréttnæmt þegar fréttir berast af því að Pálmi í Fons og félagi Jóhannes hafi lánað Panamafélaginu Pace 3 milljarða og afskrifað það samdægurs. Væntanlega séð of seint að þeir hjá Pace myndu ekki borga því þeir væri líka í forsetabísness eins og Pálmi og Jói. Enda smáupphæð á þeirra tíma mælikvarða hjá Fons. Nú eru nýjir tímar og Pálmi hefur miklu hlutverki að gegna með því að eiga og reka Iceland Express til að flytja fölann landann í sólina. En hið sterka fjárfestingarfélag Fons með fjárfestingargetuna uppá 10 milljarða er löngu farið á hausinn og kröfuhafar mega éta það sem úti frýs. Einhver leiðinda skiptastjóri er með kjaft.Skilur hann ekki eðli og nauðsyn aflúsunar? En skuldafráganga er kölluð aflúsun á æðra bísnessmáli sem menn geta lært um í Ameríku í MBA námi ef ekki á Íslandi.

Ef ég hefði þegið 71 milljón frá einhverjum vini mínum og skrifað jafnvel málamyndareikning á hans fyrirtæki til að setja í sitt bókhald þá hefði ég farið beint í grjótið ef ég hefði ekki skilað 14 milljónum til ríkisins í formi virðisaukaskatts.Og ef ég hefði ekki talið afganginn fram sem skattskyldar tekjur, þá hefði ég líka farið í steininn fyrir það.

Ef hann vinur minn hefði lánað mér þessa peninga og látið sitt fyrirtæki afskrifa það jafnharðan í sínu bókhaldi, þá hefði hann lækkað skattskyldar tekjur sins félags um sömu upphæð. Ég hefði hinsvegar orðið að telja upphæðina fram og borga tekjuskatt af gjöfinni. Farið í steininn ef ég hefði ekki borgað í öllum tilvikum.

En ef ég héti til dæmis Pálmi og væri einskonar þjóðfrelsari í Glóbal bísness og þyrfti endilega að tapa þremur milljörðum á einni transaksjón, þá bara afskrifar maður og borgar bara skatt af því sem eftir er. Gæti þýtt svona 600 miljónir í sparaðan tekjuskatt hjá mínu þjóðþrifafyrirtæki. Og ef svo vildi til að félagið sem maður lánar er í útlöndum, þá getur skattstofuna hér ekkert vitað um það hvort erlenda félagið borgar tekjuskatt af niðurfellingunni.

Maður skilur vel að menn nenni ekki tala við fjölmiðla eins vtlausir og fréttamennn eru nú annars. Gefi engar upplýsingar um svona smáeinkamál eins og bókhalds-og skattahagræði. Maður sendir kannski orðsendingar á Baugsfréttastofurnar um að þetta hafi allt verið fullkomlega eðlilegt. Ríkisútvarpið og skattstofan vonandi bæði ánægð. Arngrímur Ísberg hefur fyrir löngu sýnt fram á að völundarhús viðskipalífsins er vandratað fyrir óupplýsta alþýðusem sér kannski ekki réttu tenginguna við málin. Vonandi fær Fons að tilnefna Jóhannes í dóminn ef málið kemur fyrir Héraðsdóm?

Á meðan bara afskrifum við svona smáupphæðir í bókhaldi Fons!

Er þetta hægt?

hvernig ríkisstjórnin lætur Þjóðhagsstofnun, sem ætti að vera skipuð hagfræðimenntuðu fólki, senda í fjölmiðla sína tilkynningar í "steingrímskum stíl" um að hér sé landið að rísa og hagvöxtur að hefjast! Þessu er svo blásið yfir þjóðina á öllum miðlum stjórnarinnar frá RÚV og niður.Einkaneyslan og eyðslana á sérignarsparnaðnum eiga að keyra þessa björtu framtíð áfram.

Aðeins Morgunblaðið vekur athygli á því að einkaneyslan dróst saman um 1.6% á fyrstu 3 mánuðum ársins í ar og frjárfestingin, sem á að bera þetta allt uppi, hrundi saman um 7 %

Er þetta hægt?

Góður, betri, bestur !

burtu voru reknir

Illur, verri verstur

voru aftur teknir.

Mér datt þessi húsgangur í hug þegar ég hlustaði á hann Eirík Stefánsson og Höskuld á Útvarpi Sögu í dag. Eiríkur sagaði að búsáhaldabyltingin hefði ekki breytt neinu. Vinstri menn hefðu getað fengið fólkið til að kjósa sig í stað íhaldsins og framsóknar. En það hefði ekkert breyst? Það væru sömu valdablokkirnar sem héldu öllum þráðum í höndum sér. Lífeyrissjóðirnir sætu á sínum gullhrúgum og gerðu ekkert. LÍÚ heldi um kvótann og gerði út Sjálfstæðisflokkinn sem hagsmunagæsluarm sinn.   Alþingismenn væru ekki hugsjónamenn heldur fulltrúar einhverra sérhagsmuna. Þeir væru þarna ekki af hugsjón. Þeir væru allir að verja einhverja hagsmuni. Stjórnmálamönnum dytti því ekkert í hug sem yrði þjóðinni lyftistöng enda launin þannig að enginn kærði sig um að standa í þingmennsku. Fjórflokkurinn ríkti hér óumbreytanlegur. Nýir flokkar hefðu aldrei fengið nema 4 þingmenn þegar reynt væri að breyta einhverju nema þegar Albert gerði Borgaraflokkinn og fékk 7.  Nú væri talað um að fá ungt og vel menntað fólk til valda og láta það stjórna.

 En hverjir hefðu stjórnað í hruninu spurði Eiríkur? Var það ekki  allt háskólafólkið, hagfræðingar og hámenntamennirnir. Allit voru keyptir í greiningardeildir bankanna til að dásama efnahagsundrið og keyra upp hlutabréfaverðið. Nú ætti að gera Ingibjörgu Sólrúnu að sendiherra.Fyrir hvað spurði Eiríkur? Hún yrði svosem ekkert verri sendiherra en hver önnur kona en hvað hefði hún til þess unnið?

Höskuldur sagði að besta fólkið væri sem óðast að flytja úr landi því það nennti þessu fokki hér ekki lengur.  Fólkið var fjúkandi illt og kaus Sjálfstæðisflokkinn í burtu, kenndi honum um hrun Lehmannsbræðra og glæpaverk bankastrákanna og verstu útrásarvíkinganna. Kaus Jón G.Narr fyrir borgarstjóra.

Það sem það sá ekki fyrir hvernig málin myndu þróast. Hversu illa gengur í þjóðlífinu. Enginn læknir hefur flust til landsins í 3 ár. Umönnunarstéttirnar flytja nú unnvörpum burt. Enda getum við ekki borgað fyrir þær.

Höskuldur vildi velta upp framtíðinni og ellinni upp með Eiríki. Hann sagði að best væri fyrir eldri borgara að gerast glæpamenn og fara á Litla Hraun í sérherbergi með tölvu og sjónvarpi í og fínum baðherbergjum  stað þess að vera sett í fjölbýli með öðrum gamalmennum og verða spúlað með slöngu einu sinni í mánuði þegar væri komin nógu mikil  fýla af því. Því við hefðum ekki ráð á að sjá um gamla fókið lengur. 

Höskuldur fann ekki íslenska orðið brain drain en það hefur verið kallaður atgerfisflótti á íslensku. Og það er áreiðanlega í fullum gangi hjá okkur um þessar mundir. Fólkið er að flýja framtíðarleysið. Þetta fólk mun ekki sjá fyrir okkur í ellinni.

Aldrei þessu vant var ég núna nokkuð ánægður með Eirík Stefánsson enda maðurinn bæði greindur og víðlesinn.  Eiríkur virðist hinsvegar virkilega trúa því að ný stjórnarskrá frá nefndinni gæti bjargað landinu. Ekki deili ég nú þeirri skoðun með honum. Ég held að nákvæmlega ekkert muni gerast. Þó að einhver bitastæð tillaga slysaðist fram þá verður hún kafskotin af hagsmunaaðilunum sem Eiríkur var áður búinn að tala um.

Er það kannski hin pólitíska stefna á bak við tjöldin að keyra hér allt nægilega mikið niður í svaðið þar til að fólkið sem eftir er sér sitt óvænna og samþykkir að ganga í Evrópusambandið? 

Hvað er fólkið að hugsa þegar það kýs eins og segir í vísunni um þann góða og betri?

Arabarnir eru óhamingjusamir!

Þeir eru ekki ánægðir á Gaza. Þeir eru ekki ánægðir í Egyptalandi. Þeir eru ekki ánægðir í Líbýu. Þeir eru ekki ánægðir í Marokkó. Þeir eru ekki ánægðir í Íran. Þeir eru ekki ánægðir í Írak. Þeir eru ekki ánægðir í Jemen. Þeir eru ekki ánægðir í Afganistan. Þeir eru ekkiánægðir í Pakistan. Þeir eru ekki ánægðir í Sýrlandi. Þeir eru ekki ánægðir í Líbanon. Svo hvar eru þeir ánægðir?
 Þeir eru ánægðir á Englandi. Þeir eru ánægðir í Frakklandi Þeir eru ánægðir á Ítalíu. Þeir eru ánægðir í Þýskalandi. Þeir eru ánægðir í Svíþjóð. Þeir eru ánægðir í Bandaríkjunum.
Þeir eru ánægðir í Noregi. Þeir eru ánægðir í hverju landi sem er ekki múslimarrík !.
 Og hverjum kenna þeir um alla óhamingju sína?
 Ekki Íslam. Ekki Múhameð Ekki forystumönnum sínum . Ekki sér sjálfum.
 Það eru löndin sem þar sem þeir eru ánægðir í að búa sem er undirrót óhamingju þeirra.

Ég fékk þennan senda frá Ameríku.  Það fer dálítið í taugarnar á þeim hvernig þessi múslímaheimur lætur alltaf við oikkur á vesturlöndum. En ykkur?

Er það virkilega?

svo að allar ráðstafanir ríkisstjórnarinnar beinist að því að gera okkar veg sem holóttastan og blautastan? Láta okkur þjást nægilega í ráðleysi, úrræðaleysi, atvinnuleysi og landflótta sem helsta efnahagsúrræði uppgefinnar stjórnar heilagrar Jóhönnu?

Gera okkur lífið svo leitt og leiðinlegt að við greiðum inngöngu í Evrópusambandið atkvæði á þeim forsendum að kjör okkar geti ekki versnað né yfirboðarar og leiðtogar okkar ekki orðið vitlausari en þeir núverandi þó þeir búi í Brüssel? Alþingismenn á Evrópuþingi skárri en þeir sem greiddu Icesave atkvæði á okkar þingi? Eigum vð nokkursstaðar skjól?

Við verðum svo uppgefin og vonlaus að við segjum já? Þetta sé allt partur í samsæri Samfylkingar og Steingríms Jóhanns og hans hluta af VG gegn landi og þjóð á leiðinni inn í EU ? Að hugsa sér að maður skuli hafa trúað Steingrími Jóhanni einhvern tímann þegar hann var að þenja sig á Alþingi Íalendinga um vondarf náttúrur Sjálfstæðisflokksins? Hvernig ætlar þessi maður í þessum flokki nokkurn tímann aftur að ná eyrum okkar kjósenda? Hefur hann efnt eitt einasta kosningaloforð frekar en Jón Gnarr? Megum vð þá ekki vera heimskari en allt sem heimskt er?

No problem segir Össur úti í Brüssel og brosir eins breitt og kyndauður lax með kjaftfylli af ánamöðkum. Er ekki dauður lax líka betri lax í pottinn en sleppilax?

Yfirburðir Fréttablaðsins?

eru mikið auglýstir í því blaði. Þar er tekin upplagstala blaðsins og landsmönnum tilkynnt að þetta jafngildi lestri blaðsins.

Læsu menn þetta blað almennt ætti þegar að vera kominn yfirburðastuðningur við inngöngu í Evrópusambandið, svo eindreginn stuðningur er við það mál leynir á síðum blaðsins. Og ef áróður yfirleitt er einhlítur til árangurs. Það má eiginlega segja að evrópusmabandsaðild  sé eina stefnumál blaðsins sem eitthvað að kveður og sker blaðið sig í engu frá Samfylkingunni, sem er einskonar eins máls flokkur þegar sjávarútvegsmálum sleppir.

Morgunblaðið beitti mig lævísri aðferð á dögunum. Það gaf mér áskrift í mánuð.Þennan mánuð les ég blaðið, sem nú kemur með Fréttablaðinu fyrir klukkan sjö á morgnana, með morgunkaffinu og les yfirleitt leiðarann og fleira upphátt fyrir konuna. Svo eru það minningargreinarnar sem maður skoðar á þessum aldri. Maður undrast hvernig blaðið hefur ráð á heilsíðum undir minningargreinar um börn. Verður ekki blaðið að fara að minnka plássið fyrir hvern og einn genginn dánumann, smækka letrið eða selja aðgang? En sálfræðingar segja sumir að það sé þetta sem heldur Mogganum á lífi og víst er að án þeirra vill maður ekki vera. Hinsvegar skil ég alls ekki útgáfu fylgiritsins Finns, sem ég sé engan tilgang í. Ættu ekki framhaldsminningargreinar að vera þar í ?   

 

Ég fletti svo Fréttablaðinu á eftir á vissum stað, lít yfir forsíðuna,  skoða kannski síðu 2, fletti svo áfram,  les Jónínu ef hún er, sjaldan eða aldrei leiðarana sem eru yfirleitt ekki um neitt sem ég hef áhuga á, Þorvald Gylfason tel ég mér skylt að lesa þó ekki nema væri til að æsa mig upp og svo stöku greinar sem vekja áhuga minn. Þegar kemur aftur fyrir miðju hendi ég blaðinu. Ef það dettur á klósettgólfið og baksíðan snýr upp sé ég hugsanlega auglýsingu án þess að leggja hana sérstaklega á minnið þar sem maður er hættur að safna dauðum hlutum.

Ég held að menn eigi að taka súluritin um lestur Fréttblaðsins á móti Morgunblaðinu með gát. Ég held að fylgi stjórnmálaflokkanna sé betri mælikvarði á lesturinn en upplagstölur. Svo er Mogginn með einn stærsta vef landsins þar sem landsmenn koma margir við á. Mogginn rekur líka bloggsíður okkar og þar geta hinir minni spámenn eins og ég fengið útrás fyrir geðvonsku sína, sem ekki er þá að þvælast fyrir skoðanamyndun í landinu.

Ég held bara að það verði erfitt að venja sig af Mogganum eftir að hann hefur beitt mann þessari lævísu aðferð sem hefur verið kennd við fíkniefnasalana, með að gefa fyrstu skammtana fría. Allavega kvíði ég því ef hann hættir að koma.