Einleikarinn

Mér gengur illa að skilja framgöngu Steingríms J. í Icesave málum. Fyrst fær hann sér nýja samninganefnd í samráði við stjórnarandstöðuna. Á sama tíma er hann skrifandi bréf til kollega sinna eerlendis um að hann vilji taka upp samninga við þá eftir helgina þegar þessar þjóðarkosningar eru frá.

Er verið að vinna að þessu Icesave máli á fleiri vígstöðum ? Steingrímur með eina stefnu og hinir með aðra ? En þjóðin fer á kjörstað að kjósa um eitthvað í plati eins og ríkisstjórnarforystan segir?

Er Steingrímur sá stjórnmálamaður íslenzkur sem mest sjálfsálit hefur haft af öllum ? Jafnvel þó Helgi Seljan spyrði óvenju ákveðið eftir samræmi komst hann upp með að svara engu en útlistun á eigin skoðunum um víðan völl.  

Er Steingrímur einleikari fremur  hljómsveitarstjóri? Hvernig virkar það til lengdar í heilum sjórnmálaflokki eins og VG ?

 

Athugasemdir

[Anna Sigríður Guðmundsdóttir, 7.3.2010 kl. 02:44]

Halldór minn. Það gengur ekki hjá Steingrími blessuðum. Því fyrr sem hann fattar það, því betra fyrir alla Íslendinga. M.b.kv.Anna

[Ómar Bjarki Smárason, 8.3.2010 kl. 00:08]

Þú ert nú glöggur, Halldór, að koma auga á einleikarann sem greinilega er ekki mjög lagviss. Spurning hvort hann er með réttu nótnaheftin...?

En það er nokkuð ljóst að fjármálaráðherrann er á leið í flóttamannabúðir VG-sinna.....