Halldór Jónsson

11.3.2010 | 02:55

Hvaða fyrirbæri er Steingrímur eiginlega ?

Í Mogga les ég eftirfarandi staddur útí í Florida:

" Eftir Agnesi Bragadóttur agnes@mbl.is

BJARNI Benediktsson, formaður Sjálfstæðisflokksins segir að ef ríkisstjórnin ætli að samþykkja að veita ríkisábyrgð fyrir höfuðstól vegna Icesave, fjármagnskostnaði, og að Ísland taki á sig alla áhættu í málinu, hvort sem er af framtíðarvirði eigna Landsbankans eða vegna lagalegra óvissuþátta, »þá verður sú niðurstaða ekki fengin með samþykki Sjálfstæðisflokksins.« Þetta sagði Bjarni í samtali við Morgunblaðið í gærkvöld.

Hann sagði jafnframt að sér virtist sem ríkisstjórnin væri svo einbeitt í því að ljúka málinu, að samstarf við stjórnarandstöðuna um málalyktir væri »orðið algjört aukaatriði. Ríkisstjórnin hefur í tvígang, án aðkomu stjórnarandstöðunnar, gengið frá málinu og það kæmi mér ekki á óvart að hún hygðist gera það í þriðja sinn,« sagði Bjarni.

Sigmundur Davíð Gunnlaugsson, formaður Framsóknarflokksins, tekur í sama streng. »Það veltur á ríkisstjórninni hvort hið þverpólitíska samstarf um Icesave-samninga kemur til með að halda. Ef ríkisstjórnin ætlar að hverfa frá því sem ákveðið var í byrjun, þá er ég ekki viss um að þessi samstaða haldi. Það er í raun og veru ekki hægt að hverfa frá því sem lagt var af stað með, sérstaklega ekki þegar við horfum á hina afdráttarlausu niðurstöðu þjóðaratkvæðagreiðslunnar,« sagði Sigmundur Davíð."

Hvernig er hægt fyrir "formenn stjórnarandstöðuflokkanna minna"(sic!), að reyna að hafa samstarf við svona fyrirbæri eins og Steingrím Sigfússon virðist vera ? Mann sem er búinn að semja við Breta og Hollendinga í gegnum samkomma sína með þvílíkri fáránlegri niðurstöðu að þjóðin stendur á öndinni. Þegar hann svo horfir framan í alvöruna og skoðanir þjóðarinnar á ágæti framgöngu sinnar, þá samþykkir hann með semingi að skipa nýja samninganefnd, kallar til sín stjórnarandstöðuna og frægan útlending til að breikka hópinn.Byrjar svo umsvifalaust að niðurlægja nefndina og útlendinginn.

Á sama tíma er hann sjálfur á fullu, að semja enn aðra samninga, sendandi skilaboð til "starfsbræðra sinna" og eyðileggur þannig auðvitað trúverðugleika samninganefndar Íslands. Gefur svo alþjóðlegt frat í þjóðaratkvæðagreiðsluna sem forsetinn og samkommi hans þorði ekki annað en samþykkja eftir að InDefence-samtökin sýndu mátt sinn. Og heldur svo áfram að reyna að semja á bak við stjórnarandstöðuna og samninganefndina í blindri þjónkun sinni við hagsmuni Breta og Hollendinga. Hann vantar lán fyrir afborguninni 2011.

Er þetta bara í lagi ?

Ég skammast mín ofan í tær fyrir sem Íslendingur að hafa þennan mann í forystu fyrir mig og lýsi yfir algjöru vantrausti mínu á honum til allra stjórnarverka. Þessi maður verður að fara frá. Hann er stjórnmálalegt stórslys sem þessi þjóð verður að gera eitthvað í. Hvað skyldu Bretar og Hollendingar annars halda um þjóð sem hefur svona illa lyntan sveitamann í forystu ? Mann sem greinilega kann ekki A,B,C í samskiptum við aðrar þjóðir. Einhverskonar Hugo Chavez Íslands. Þetta bara gengur ekki.

Ég er farinn að óttast það, að á meðan Steingrímur Sigfússon heldur áfram að vaða um völlinn með þennan VG flokk sinn í stjórnlausri sjálfsánægju sinni verði lítið um vitræna niðurstöður í hvaða málum sem er, hvort sem þau heita Icesave, gengismál, atvinnumál eða orkumál.. Þessi maður er einfaldlega fyrirbæri þeirrar gerðar sem er ónothæft við þær erfiðu aðstæður sem við er að fást. Hann veldur ekki verkefninu hvernig sem á það er litið.

Því miður er Steingrímur J. Sigfússon ónothæft fyrirbæri á öðrum vettvangi en stjórnarandstöðu.

Flokkur: Stjórnmál og samfélag | Facebook

Athugasemdir

Hann er hættulega mælskur.´Vinkona mín í Borgarfirði sem er algerlega á móti Esb. og Ags.var svo trúuð á Steingrím því hann talaði svo vel,ég fræddi hana um allt sem ég veit um málið,frá Icesave 1 til 2 og 3. Nú veit hún betur. Kveðja.

Helga Kristjánsdóttir, 11.3.2010 kl. 03:23

Mikið er ég sammála þér Halldór. Ég dauð skammast mín sem íslendingur að þurfa sitja uppi með þessa fígúru í ríkisstjórn landsins.

Hrafna (IP-tala skráð) 11.3.2010 kl. 09:25

Sammála, ríkisstjórnin á að endurspegla vilja þjóðarinnar og maður skammast sýn gífurlega!

Sævar Guðbjörnsson, 11.3.2010 kl. 14:10

Hann fellur fullkomlega undir hugtakið "Loose Canon" Ef hann verður ekki haminn eð hent útbyrðis, þá mun hann sökkva dallinum. Svo einfalt er það nú.

Jón Steinar Ragnarsson, 11.3.2010 kl. 14:26

Er ekki gott veður í Flórída? Voðalega liggur illa á þér. Hvern viltu sjá sem fjármálaráðherra?

Björn Birgisson, 11.3.2010 kl. 14:54

Halldór. Ekkiu ætla ég að lofa Steingrím og því síður Jóhönnu. En hvað hefur þú út á sveitamenn að setja?

Gissur Þórður Jóhannesson, 11.3.2010 kl. 17:19

Björn Brgisson

Það mígrignir hér og þessvegna nenni ég að skrifa þetta.

Það getur hver sem er verið fjármálaráðherra ef hér situr ríkisstjórn sem hefur einhverja stefnu.Ég myndi alveg treysta þér til dæmis til að gegna embættinu ef við þín ríkisstjórn væri sammála um það sem þarf að gera til endurreisnar atvinnulífsins.

Það gildir um sveitamenn líka Gissur Þórður sem vilja gera eitthvað af viti. En fornmönnum hef eg ekki trú á á þessari öld.

Halldór Jónsson, 11.3.2010 kl. 17:39

Halldór minn, það hefur aldrei rignt svo mikið að ekki hafi stytt upp að lokum! Ég fer þá að haska mér í ráðuneytið. Vilt þú verða aðstoðarmaður, eða ertu sestur í helgan stein? Með kveðju úr vorblíðunni í Grindavík!

Björn Birgisson, 11.3.2010 kl. 18:20

Tek þig á orðinu Björn, þú kallar bara. Bið að heilsa í Grindavík. Hér eru nokkrir úrvals Grindvíkingar, Jenný og Reynir skipstjóri

Halldór Jónsson, 11.3.2010 kl. 19:01

Halldór, bestu kveðjur til þín og þeirra góðu hjóna! Fyrsta verkið okkar verður að lækka skatta á Sítróni og hækka skatta á Framsóknarmenn! Þú reiknar áhrifin út. Ertu ekki með reiknistokkinn?

Björn Birgisson, 11.3.2010 kl. 19:36

Hann er alltaf með Björn minn. Við verðum að láta okkur mannval í öllum stórnmálaflokkum varða,það er úrelt að skipta sér bara af einum flokki og kjósa þar hina besu menn. Það geta komist upp svo hættuleg fífl í hinum flokkunum ef við ekki pössum uppá það að svo verði ekki. Ber kveðju þína.

Halldór Jónsson, 11.3.2010 kl. 21:34

Bara spurning hvað áttu við með "Hann vantar lán fyrir afborguninni 2011."? Ekki er það afborgun af Icesave? Því það er ekki greitt af henni fyrr en 2016! Ert þú þá að tala um önnur lán sem við erum með ? Ef svo er finnst þér að við eigum ekki að borga af þeim?

Magnús Helgi Björgvinsson, 11.3.2010 kl. 23:17

Björn Birgiss,

Hitti Jenný og Reynir og tóku þau kveðju þinni mep mikilli vinsemd. Nú veit ég frá Reyni að þú ert kapítalisti og auðvald en ekki kommúnisti og uppreisnarseggur, umboðsmaður Trygginamiðstöðvarinnar í Grindavík.

Halldór Jónsson, 12.3.2010 kl. 02:36

Þá verð ég bara að taka því. Ekki kann Reynir að skrökva! Flæddi mikið Sítrón hjá ykkur í rigningunni?

Björn Birgisson, 12.3.2010 kl. 09:46

Ja við Reynir vorum fyrst að fá okkur sítrón núna áðan. Hann segir að þú sért góður kall þó þú sért að stríða mér stundum.

Halldór Jónsson, 13.3.2010 kl. 03:54

Þarna sérðu, Reynir kann ekki að skrökva! Farið þið ekki í golf saman, eða er kannski alltaf mígandi rigning þarna? Hér er 10 stiga hiti, lygnt og notalegt veður.

Björn Birgisson, 13.3.2010 kl. 15:20