Af hverju vextir?

Nú hefur ríkisstjórnin lögst hundflöt fyrir framan guðinn sinn AGS sem lofaði þeim nú smávegis lánagusu. Hundrað milljarða sem engu breytir til eða frá í Icesave pakkanum sem hún vill borga. Nú lofa ræflarnir að borga vexti, sanngjarna vexti ofaná höfuðstólinn. Hvað er sanngjarnt ? Hvað er sannleikur spurði Pétur postuli? "How smooth is smooth? " spurði Guðmundur Einarsson verkfræðingur Kanann á Vellinum og lagði heimsveldið.

Nú hefur verð á skuldabréfum gamla Landsbankans hækkað úr núlli í 0.10. Einhverjir spekúlantar eru búnir að finna út að það verði afgangur þegar búið er að borga Icesave af búinu. Sem eru góð tíðindi. En Bretar borga ekki vexti né bætur á kyrrsett fé? Af hverju vill Steingrímur endilega borga vexti ?

Er ekki verið að borga vátryggingu ? Það er verið að bæta hlut sem tapaðist. Það eiga engir vextir við í slíkum viðskiptum

Bretar er nú búnir að fá plenty ash í stað cash sem með naumindum tókst að forða þjóðinni frá. Er cé-ið bara ekki 25 % afsláttur? Höfuðstóllinn greiddur á táknrænan hátt. Skuldum við þeim nokkuð meira ? Vill Steingrímur og VG kannski borga kolefnisskatt á þap líka og draga það frá losunarheimildunum sem hann ætlar að afsala þjóðinni?

Án gamans þá borgaði Landsbankinn tryggingar eftir breskum lögum. Þeir eiga enga kröfu á íslensku þjóðina eins og Loftur Altice Þorsteinsson verkfræðingur er margbúinn að færa rök fyrir.

Steingrímur getur legið flatur fyrir framan guðinn sinn AGS og Jóhanna fyrir framan Brüsselvaldið. Þjóðin telur sig ekki skulda neinum neitt útaf þessu Icesave þó að þessi hjú vilji óð og uppvæg leggja á hana drápsbagga til frambúðar. En fyrst gætu þau svarað grundvallarspurningunni.

Eiga einhverjir einhliða vextir við í Icesave deilunni ?

Athugasemdir

[Ómar Bjarki Kristjánsson, 19.4.2010 kl. 16:45]

Ísl. ríkið ber að sjálfsögðu ábyrgð á að umrædd alþjóðleg skuldbinding sé uppfyllt.  Að sjálfsögðu. 

Um er að ræða bein réttaráhrif varðandi 20.evrurnar er ísl. bar ábyrgð á.

Varðandi vexti sérstaklega þá væri sanngjarnt að ísl. greiddi 20-30% vexti á skuldinni vegna skaðans er sjallar ollu B&H.

[Skeggi Skaftason, 19.4.2010 kl. 21:24]

Það er vel hægt að fá vaxtalaust lán til 15 ára til að greiða upp Icesave lánið.

Við tökum bara til þess lífeyrissjóði okkar. Ég meina, þeir sem telja eðlilegt að B&H veiti okkur vaxtalaus lán til 15 ára, hljóta að vera reiðubúnir að bjóða sömu kjör sjálfir?

[Anna Sigríður Guðmundsdóttir, 19.4.2010 kl. 23:11]

Halldór minn. Ég held við verðum bara að fara á sjóinn?

Ég get lagt og dregið net og jafnvel eldað ef í hart fer og heilsan leyfir? Áttu ekki lítinn bát sem getur bjargað lífum á Íslandi með því að fiska? Snýst þetta ekki um það núna?

Eða þekkir þú ekki einhvern sem á einn slíkan bát?

Ég lagði og dró net með kunningja mínum í Noregi! Skötuselurinn beit mig illþyrmilega þegar ég var að losa hann úr netinu en sárin eru gróin! Þau voru nefnilega bara líkamleg og á hendinni? Andleg sár eru lengur að gróa?

Ég auglýsi eftir aðgerðum af viti?

En hver hefur peningana, kjarkinn, vitið, reynsluna og ó-notaða kraftana? Allt í sama pokanum?

Ég er með ef einhver S eða B-maður skaffar bát og veiðarfæri, því ekki nokkur venjulegur ómenntaður verkamanna-þræll sem ekki hefur flokks-tryggingarskírteini hefur völ á slíkum auðæfum, og hefur ekki haft vegna vanefna af ýmsum prinsipp-réttlætis ástæðum?

Ekki allir geta til dæmis lesið sig til lífvænlegra launa á Íslandi af ýmsum ástæðum, og vilja ekki fara í svindl og þjófa-bransann til að hafa eðlilegt líf á þessu landi! Og það fólk er þræla-liðið sem á sér enga von í dag!!!

Þetta er ekkert nýtt á Íslandi, þetta kúgunar-vald yfir þeim sem ekki eru skólagengnir!!!

Hvers vegna ertu þarna ennþá segja vinir mínir í Noregi?

Ef ég hef enga ástæðu í framtíðinni til að vera hér með mínar ekki-gráður og heiðarleika, er það auðvitað vita vonlaust að bíða með að fara héðan? Ég er ekki ein um að hugsa þannig! M.kv.

[Guðmundur Ingi Kristinsson, 20.4.2010 kl. 01:04]

Sæll

Sagan kennir okkur að án lánsfés og sjóða sem hægt er að tæma geta vinstistjórnir ekki lifað nema í mjög stuttan tíma. Hef talað við marga slíka og einhverra hluta vegna skilur þetta ágætis fólk ekki fjármagn og heldur að uppspretta fjármagns sé ríkissjóður eins og karlinn í tunglinu komi og leggi þar inn reglulega. Vænt þætti mér um að einhver útskýrði fyrir þjóðinni hverrnig Svavari fannst 5.5% vextir litlir á Iceseve láninu þegar hann var jú í ríkisstjórn sem tók Barnalánið sem er loksins á gjalddaga á næsta ári.

Kveðja 

Ingi

[Kristinn Pétursson, 20.4.2010 kl. 02:34]

Kommarnir telja sig hafa  -  leyfi til að skuldsetja okkur uppí rjáfur - 

 ...og gera hvaða andskotans dellu sem er...

.... - því "þeir eru fulltrúar fólksins"....

allt er kommum  í stjórn leyfilegt -  í augum kommana sem kjósa þá - "því þeir eru fulltrúar fólksins" - og eiga bara að  halda stólunum...

hvað sem það kostar....

[Júlíus Björnsson, 20.4.2010 kl. 05:51]

Ef hollendingar vilja ál og UK fisk þá verðum við að fá það sem þar til að útvega það.

AGS lánið eykur ekki lánstraust Íslands ef reiðufé í náttúrauðlindum gerir það ekki. Verðmæta Íslensk mannauðs tekur meir en eina kynslóð að uppfæra. Ísland er komið í spjöld sögunar fyrir að gera út skipulagða alþjóða glæpafjármála starfsemi. Þökk þeim sem óttast dómstóla.  Hinsvegar væri betra að viðurkenna að heimskan hér varð fjármálgeiranum að falli.  Sá sem lánar án trygginga hlýtur að vera fífl eða krimmi sem lánar annarra fé í vasa sinna umboðs aðila.

Hinsvegar gæti það verið framlag Seðlabanka Útbúsins á Íslandi í dollara varasjóð Seðlabanka Evrópu sem mótar stefnu Seðlabankakerfis EU, þ.e þeirra Meðlima Ríkja sem láta skammta sér evrur miðað við innritekna framlag til heildarinnar síðustu 5 ár.

Í mínum augum svipað og gjaldeyris höft.  EU er í eðli sínu  menningarlega Miðstýrður stofnanna sósíalsimi. Sem fyrir eða síðar drepur allan fídus kraft alls almennings. Valdið sem kemur að ofan skapar þrælslund. Einkenni hér eru augljós.  EU er akkur í því að hér sé allt sem einfaldast og lofar því hagstjórnafræðinga Íslands. Hagnaður fyrirtækja og stærð í evrum minnkar með stærðinni. Þótt lánskostnaður vaxi.

þroskuðu ríki gera út á sinni eigin almenna tekjuhá neytendamarkað. Stunda útflutning á gífurlegum kostnaði til að tryggja sér meiri orku og hráefni til að spara sín eigin.

Þetta er hinn sanna frjálshyggja. Andstæðan er hinn hreini kommúnismi

Lífeyrissjóðir gera út á sinn eigin markað en ekki annarra ríkja í langan tíma nema búa yfir miklum hernaðarmætti. Afætur eru hvergi liðnar utan síns heima.