Alfreð gegn almenningi !

Nú er verið að senda almenningi reikninginn yfir þá spillingartíð Ingibjargar Sólrúnar og R-listans, þegar hún mokaði krásunum stöðugt í gin Alfreðs Þorsteinssonar og Framósknarflokksins til þess að halda R-listanum á lífi. Alfreð barst mikið á og mokaði milljörðum í allskyns fantasíur sínar eins og Risarækju, LínuNet, TetraLínu, ljósleiðara og byggði Orkuveituhúsið og margt fleira sem maður er farinn að ryðga í núna. Allt þetta reyndist svo uppsafnaður vandi sem hlóð utaná sig eins og snjóbolti í hláku.

Lengst af hefur heitavatnið hjá Orkuveitunni kostað um helmingi meira en heitavatnið á Nesinu sem hefur hagnast á því verði. Einokunin á rafmagninu hindrar samanburð á því sviði en er áreiðanlega af sama stofni. Nú boðar einhver Guðlaugur Sverrisson að Orkuveitan þurfi að hækka 37 % bara sí sona.Nú er verið að rétta almenningi reikninginn yfir spillingartíð R-listans og Alfreðs Þorsteinssonar. Geyser Green og flottheitin í kringum forystumennina. Nú á að sæta lagi þegar fíflaflokkurinn hefur fengið völdin og láta almenning borga án þess að nokkur taki eftir því. Mátulegt á kjósendur.

Nú borgar almenningur reikninginn fyrir að hafa kosið R-listann. Nú fær almenningur að finna fyrir því hvað Alfreð Þorsteinsson kostaði  þegar þessi reikningur er réttur fram. 

 

 

Athugasemdir

[Alfreð K, 3.6.2010 kl. 10:30]

Mér fannst Alfreð alltaf sleppa billega við gagnrýni í fjölmiðlum þau ár sem hann var (yfirborgarstjóri) í R-lista.

Ég man þegar hann var í Kastljósþætti einhvern tímann ásamt öðrum gestum, þar sátu þau öll brosandi og hældu kallinum, sögðu hvað hann væri klár o.s.frv.  Engar óþægilegar spurningar, engin gagnrýni.

Þau fáu skipti sem hann hlaut opinbera gagnrýni, svaraði hann alltaf af yfirlæti og benti bara á aðra, eitt sinn afsakaði hann bruðlið með OR á þá leið að Davíð Oddsson hefði á sínum tíma látið reisa Perluna fyrir ógrynni fjár og borgin þyrfti árlega að greiða með henni!

Þannig varð málið bara dautt í fjölmiðlum og borgarbúar sátu áfram uppi með bruðl og R-listann.

[Magnús Helgi Björgvinsson, 3.6.2010 kl. 20:30]

Kannski má nefna í þessu sambandi svona smækkaða útgáfu af þessu. En hún er að Garðbæingar borga um 50% lægra verð en kópavogsbúar fyrir kalda vatnið sem þeir fá frá Vatnsveitu Kópavog vegna þess að hér vorum við með einráðan bæjarstjóra. Sem og að Kópavogur skuldar milljarða vegna þess að Kópavogsbær lét hafa sig í að kaupa upp hesthúsahverfi á okruverði á svæði sem hestamenn leigðu af bænum. Bara vegna þess að einhverjir fjárglæfra menn höfðu auðsjáanlega vilyrði fyrir að fá að byggja háhýsi á landi Kópavogs í Glaðheimum. 45 fimmár 120 fm. hesthús keypti bærinn fyrir 3 árum á 35 milljónir. Sem var andvirði um 4 til 5 herb. íbúðar í nýju húsi þá. Ítekar að Kópavogur átti þetta land.

Þessi mál svo bæði tengjast svo samningi við Vatnsenda sem gæti kostað Kópavogsbúa milljarða tugi í viðbót.

Minni svo á drauma um Óperhús, Knattspyrnakademíu og fleira og fleira.

Voru það ekki sömu aðilar og nú eru að fara frá völdum í Kópavogi sem seldur hlut bæjarins í OR vegna þess að þeir voru reiðir OR og Reykjavíkur fyrir einhverjum tugum ára. Og fengu nokkrar milljónir fyrir?

Þannig að það virðist hver bær eiga sinn Alfreð.

[Kjartan Sigurgeirsson, 8.6.2010 kl. 10:47]

Ég verð að viðurkenna að mér fannst þetta furðulegur farsi, þegar tveir fulltrúar R- listans,  sátu í Kastljósi og þráttuðu um hvort fráfarandi meirihluti Reykjavíkurborgar hefði átt að segja frá  bágri stöðu Orkuveitunnar fyrir kosningar.  Það virtist alls ekki vera í umræðunni hver kom þessu flotta fyrirtæki á rassgatið.  OR. var stofnað til  að sjá höfuðborgarbúum fyrir vatni (heitu og köldu) og raforku.  Ég man ekki betur en að þegar Sjálfstæðisflokkurinn var hrakinn frá völdum (illu heilli) hafi fyrirtækið staðið vel alltaf skilað rekstrarafgangi þrátt fyrir lægstu verðskrá á norðurhveli jarðar.

En síðan hefur OR. þurft að eignast allskonar fyrirtæki sem þú getur um, auk þess sem keyptar hafa verið hitaveitur hingað og þangað um landið, jafnvel á svæðum þar sem hefur aldrei verið grundvöllur fyrir sölu á heitu vatni vegna mikils kostnaðar við uppbyggingu dreifikerfis.

Þetta hefði að mínu mati verið málið sem þurfti að ræða, ekki hvenær tilkynnt var um bága stöðu fyrirtækisins.