Bófarnir í BYR

Mbl. birti ágæta grein um málefni BYR í dag. Meginatriðin tek ég upp hérna.

„Í næstu viku verður lögð fram greinargerð fyrir Héraðsdóm Reykjavíkur í máli nokkurra stofnfjáreigenda í Byr sparisjóði. Íslandsbanki hefur höfðað mál á hendur nokkrum stofnfjáreigendum til að fá úr því skorið hvort bankinn geti gengið að öðrum eignum þeirra sem tóku lán hjá Glitni til kaupa á stofnfjárbréfum í Byr í kringum áramótin 2007-2008.

Á fjölmennum  fundi sem Samtök stofnfjáreigenda í Byr stóðu fyrir í gær sagði Hróbjartur Jónatansson hæstaréttarlögmaður, sem fer fyrir tilteknum hópi stofnfjáreigenda, að krafa hans skjólstæðinga væri einfaldlega sú að bankinn tæki stofnfjárbréfin í Byr á móti lánum. Hann sagði að lánin sem veitt voru til stofnfjáraukningar í Byr hefðu verið veitt með veði í bréfunum eingöngu og því verði þess krafist fyrir dómi að ekki verði hægt að ganga að öðrum eignum stofnfjáreigenda.  Á fundinum, sem haldinn var í húsakynnum Byrs sparisjóðs í Borgartúni, kom fram að líklega sitji um 500 manns uppi með skuldir vegna kaupa á stofnfjárbréfum þannig að margir aðrir tengjast þessu máli .  

 Hróbjartur tók dæmi af máli sem lagt verður fyrir héraðsdóm í næstu viku og varðar ekkju fædda 1932. Glitnir ráðlagði ekkjunni, sem hefur ekki aðrar tekjur en ellilífeyri, að taka lán í erlendri mynt til 18 mánaða til að fjármagna kaup á stofnfjárbréfum í Byr sparisjóði. Að sögn Hróbjarts vildi þessi kona ekki taka lán en henni hafi verið sagt að tæki hún ekki þátt í stofnfjáraukningu Byrs myndi hún tapa 86% af því stofnfé sem hún átti fyrir. Hann segir ljóst að Glitnir, sem var umsjónaraðili stofnfjáraukningar í umboði Byrs, hafi enga skoðun gert á greiðslugetu einstaklinga. Í dæmi ekkjunnar sé t.d. augljóst að hún hafi ekki haft möguleika á að afla sér tekna til að standa undir afborgunum. Þá hafi henni verið tjáð að engar tryggingar lægju að baki láninu aðrar en veð í stofnbréfunum sjálfum. »Þetta mál lýsir því að það hefði ekki getað komið til nein önnur ábyrgð en bara stofnbréfin sjálf,« sagði Hróbjartur.“

 Það liggja margir vitnisburðir fólks sem hníga alfarið að því að því hafi verið talin trú um, að það, að engra annarrar trygginga yrði krafist en veðs í bréfunum sjálfum, væri samstofna því að engin önnur áhætta fylgdi lántökunni. Ég hefði sjálfur aldrei farið að taka lán fyrir mínum hlut hefði ég trúað öðru eftir viðtal við ráðgjafa í bankanum, svo gersamlega fannst mér þetta gráupplagt og sjálfsagt að styrkja mitt fyrirtæki í harðri samkeppni við risana.

  Ég var þá algerlega grunlaus um að svo væri í pottinn búið sem svo kom á daginn. Að „the convicted whitecollar criminal, Jón Ágeir Jóhannesson „ eins og hann kallast í málsskjölum Hæstaréttar New York Fylkis, þar sem honum er borið á brýn að hafa stolið tveimur billjónum bandaríkjadala af Glitni og bandarískum fjárfestum,  væri búinn að tryggja sér öll völd í báðum stofnunum, Og það væri verið að hafa mig bæði að fífli og að ginna af mér fé. Sem mér auðvitað svíður, einkanlega það fyrra af því maður þykist auðvitað vera svo sniðugur. Egóið er í lágmarki eftir svona atburði. 

En það mega íslensk útrásarþjófagengi best vita, að Bandaríkjamenn sumir hverjir líta það öðrum augum en Íslendingar að vera snuðaðir um stórfé og selja egóið dýrt. Ekki myndi ég að minnsta kosti vilja vita af sumum þeirra á eftir mér vegna ógreiddra skulda þó þeir geti hlegið að okkur ræflunum í BYR. Og Bandaríkjamenn líta allt öðruvísi á glæpamenn en við Íslendingar. Þeir telja að glæpamenn eigi að vera í fangelsum en ekki á hvíldarheimilum.

 

Dómarnir yfir Maddoff voru að minnsta kosti lítið í ætt við íslenska þriggja mánaða skilorðsdóma  þannig að það gæti orðið eilítil bið á að sumir færu til að skoða frelsisstyttuna þegar Hæstiréttur New York fylkis hefur talað.

Stofnfjáreigendur í BYR telja sig hart leikna af bófunum í BYR og ætla að minnsta kosta að verjast saman til síðasta manns.

Athugasemdir

[Júlíus Björnsson, 12.6.2010 kl. 07:22]

Hvað finnst þér um ríkisverndaða NegAm grunn lánaform 1 veðréttar að meðaltali 30 ára heimilislána?

Vissir þú að til að verðtryggja sparifjárreikninga sem eru bundnir í fimm ár nægir að leiðrétta 1,5% raunvextir um verðbólguvöxtinn á fimm árum? 

Vissir þú að raunvaxtakrafa öruggra langtíma lána í löndum, sem búa við litla verðbólgu og flokkast undir vestræn lýðræðisríki þar af leiðandi er um 20% gangvart milli stétt upp í 30% gagnvart efri millistétt. Það er 1,79% til 1,99% á ári.

Hér í skjóli NegAm lánsforms er sama raunvaxtakrafa 120% minnst.

Kommúnsta ríkistjórnir virða ekki eignarétt almennings.

Íslendingar verða að læra að það er ekki hægt að verðtryggja verbólgu og greiðsluerfiðleika leiðréttinga vexti.  Nema fella gengið reglulega og hrynja efnahagslega á 20 ára fresti.

Tilgangur NegAm ríkis lánaformsins var að að færa eiginfé almennings yfir í gervi einkaframtakið og Seðlabankann og réttlæta erlendar lántökur. Þjóðar tekjur hér á starfandi hafa hrapað 40% niður fyrir þær í Færeyjum. Nokkuð sem tekur minnst 100 ár að vinna upp og þá og því að eins að þess hálfvita fjármálgeiri sé skorin niður um 90%. Það er heimsfrægt í hinum þroskað fjármálaheimi að raunvaxta krafan á húsnæðis útgjöldum Íslendinga er 6 sinnum hærri minnst en hjá þeim ríkjum sem ég vil tilheyra.

Svo fyrir þá sem ekki þekkja sögu stórborga meginlandisns þá átti almenningur aldrei fyrir útborgun né hafði aðgang að yfirvinnu til að kaup sér þak yfir höfuðið hvað þá byggja sjálfur. Heldur var það svo kölluð millistétt um 20% sem átt kost á þeim munaði.

Kommúnismi er ekkert annað en viðskiptaleg eyðni. Ræður ferðinni í flestum Íslenskum stjórnamálaflokkum í dag.

Litla Gula hænan er vinur hinna réttsýnu.