Margrét vill ekki hýsa þá

Það var eiginlega léttir að heyra svo skýra rödd og skilmerkilega eins og hennar Margrétar fangelsisstjóra Frímannsdóttur, fyrrum Samfylkingarleiðtoga. ´Hún áttar sig á því hvert lýðræðið er komið í landinu ef lítill hluti þingmanna getur tæknilega ákært og sakfellt meðþingmenn sína fyrir sérstökum byltingardómstóli sem þeir handvelja sjálfir að meirihluta.  Fyrir jafnvel þær sakir helstar að hafa ekki skilið hvað fram fór í kringum þá.  Af einhverjum ástæðum virðist núverandi  forsætiráherra helst ekki minnast á að hún hafi setið í fyrri ríkisstjórn með hinum ákærðu.

Ég hef heyrt af manni  sem hafði verið sviptur flugréttindum vegna galgopaháttar. Sagt var að lögmaður hans hefði fengið þau aftur vegna þess að það væru stjórnarskrárvarin réttindi manna að vera hálfvitar. Skyldi stjórnarskráin ekki gilda líka um þingmenn ?

Sovétríkin voru lengi fyrirmynd íslenskra kommúnista. Þar voru mikil réttarhöld fyrir stríð til að hreinsa stjórnkerfið af spillingu. Ekki var það talið hafa skilað árangri þegar vantaði tilfinnanlega fólk með reynslu skömmu síðar. 

Það var eiginlega upplífgandi fyrir mig að uppgötva að þjóðin átti þó einn fangavörð til að hafa vit fyrir  hæstaréttarlögmanninum Atla Gíslasyni og meðreiðarsveinum hans.

Svo er Margrét líka húsnæðislítil á Eyrarbakka fyrir sína núverandi biðlista þó Alþingi fari ekki að lengja í þeim.

Fráleitt að sækja ráðherrana til saka

Athugasemdir

[Sigurður Haraldsson, 12.9.2010 kl. 20:59]

Sælir já þingmenn fyrrverandi eru of góðir til að gista á Lita-Hrauni því að sum svín eru jafnari en önnur!

[Ómar Bjarki Smárason, 12.9.2010 kl. 21:37]

Nú er ég hissa á þér, Halldór. Hélt að þú sæir þarna gulli tækifæri til að efla byggingariðnaðinn á ný því það þarf augljóslega að stækka Kvíabryggju, því þangað fara "þeir dæmdu" væntanlega frekar en til Margrétar. Og kannski er það einmitt það sem setur Margréti í vanda í þessu máli, því hún sér í hendi sér að "þeir dæmdu" verða ekki hennar gestir því þeirra bíða betri rúm á norðanverðu Snæfellsnesi.....

[Ybbar gogg (IP-tala skráð) 12.9.2010 kl. 22:42]

Ef þessi lög eru úrelt, eins og MF, hélt fram, því hafa þingmenn þá ekki fyrir löngu breytt þeim eða fellt úr gildi? Þarna fær þingheimur eigin ábyrgð beint framan í sig. En sjálfsagt reyna þeir að "haarda" sig út úr þessu eins og venjulega.

[Kristinn Karl Brynjarsson, 13.9.2010 kl. 13:02]

Hvort sem að lögin um Landsdóm eru úrelt eða ekki, þá er málið komið í þann farveg að, verði Landsdómur kallaður saman, þá fara fram hér á landi pólitísk réttarhöld, svo ég vitni beint í orð Lilju Mósesdóttur þingmanns Vg.  Hún lætur hafa það eftir sér á pressan.is, að þetta verði pólitísk réttarhöld og uppgjör við markaðshyggjuna, en samt réttlæti.

Er það virkilega svo að Alþingi Íslendinga, ætli árið 2010, rúmum tuttugu árum, eftir fall Berlínarmúrsins, að taka upp það réttarfar er tíðkaðist árum saman í ráðstjórnarríkjum þeim er staðsett voru austan járntjalds?

 Ef svo er, getum við þá talist til siðmenntaðra þjóða, með réttarkerfi er grundvallast á mannréttindum?

[Halldór Jónsson, 15.9.2010 kl. 19:01]

Já Kristinn Karl, mér finnst þetta líkt og þér. Ég hélt að stjórnarskráin leyfði mönnum að vera hálvitar, letingjar eða sérvitringar. Það er nýtt ef það er orðið refsivert ef maður er þingmaður.