Er Krónan kúgunartæki

eins og prófessor Þorvaldur Gylfason heldur fram í Baugstíðindum í dag?

Ég ætla ekki að fara í neina fræðideilur við evruspekinga. En ég spyr enn og aftur:

Á hvaða gengi verður skipt ? 100, 150, 250 eða 300 ? Oft felldi Jóhannes gengið ríflega til að eiga borð fyrir báru á móti "kjarasamningum".

Getur einhver svarað til um það hvort krónan sé kúgunartæki fyrr en Þorvaldur leggur þetta  fram ?

Athugasemdir

[Haraldur Hansson, 23.9.2010 kl. 13:00]

Það er greinilega krónu-árásardagur í dag. Þetta mun dúkka upp reglulega þar til kosið verður um ESB.

Þorvaldur er í Frbl. og Vísi í dag og Eyjan tekur þetta upp líka. Silfur-Egill vill vera með og birtir bloggfærslu Andra Geirs frá því í gær.

Skyldi Þorvaldur aldrei verða leiður á sjálfum sér? Þetta krónuhatur hans hlýtur að eiga sér skýringar í öðru en hagfræði.

[Hrafn Arnarson (IP-tala skráð) 23.9.2010 kl. 19:28]

Krónan getur augljóslega verið kúgunartæki. Við gengisfellingu rýrnar kaupmáttur launa og erlendar skuldir mældar í íslenskri mynt aukast. Skuldir eru óbreyttar í erlendri mynt. Því fylgir gífurlegur kostnaður fyrir íslenska lántakendur að búa á örsmáu myntsvæði. krónunni er haldið á lífi með víðtækum gjaldeyrishöftum og verðtryggingu. Hinn raunverulegi gjaldmiðill er verðtryggð króna. Svo eru sumir sem lifa í Evrulandinu eins og flest stærstu sjávarútvegsfyrirtæki landsins. Hrun krónunnar hefur leitt af sér að Ísland er algjört láglaunaland.

[Halldór Jónsson, 23.9.2010 kl. 21:41]

Haraldur, ESB er búið að veita hingað 4 milljörðum til að boða trúna. Við erum að horfa á fyrsta þátt í innrætingarferlinu.

Hrafn, lág laun eru lág laun hvort heldur er greitt í evrum eða krónum. Á Davíðstímanum styrktist gengið og kaupmáttur jókst í krónum, erlend vara lækkaði.Þú gast keypt eins margar evrur og þig lysti en þú vildir það ekki af því að verðið á gjaldeyri var alltaf að lækka. Þú gast átt krónur á vertryggðri bók með raunávöxtun, nokkuð sem hvergi annarsstaðar var hægt í heiminum öllum.

Nú er komið hrun og vinstristjórn og við erum flest orðin fátæk. Þeir sem geta fara úr landi, 8000 í fyrra og yfir 7000 það sem af er þessu ári. Þúsund manns bíða eftir matargjöfum á hverjum degi. Skattar hafa verið stórhækkaðir en ríkissjóðshallinn er óbreyttur. Þingið rífst um hvort eigi að skamma þá sem gerðu eitthvað ekki sem þeir hefðu hugsanlega ekki gert þó viðurkennt sé að þeir hefðu ekki getað afstýrt heimskreppunni.

Ráðvillt þjóð sér engar leiðir framundan. Meira að segja bloggið er að dragast upp og kommatittirnir hættir að nenna að skamma mann.

[Hrafn Arnarson (IP-tala skráð) 24.9.2010 kl. 14:05]

Laun eru ekki há eða lág nema í samhengi við verð á vörum og þjónustu. Hrunið varð í lokin á mjög löngu valdaskeiði Sjálfstæðisflokksins. Aðalmaðurinn á valdaskeiðinu var að sjálfsögðu Davíð Oddsson. Hann er arkitekt og helsti höfundur hrunsins. það er hinn sári sannleikur. Á Davíðstímanum var krónan leiksoppur vogunarsjóða. Enginn (nema kannski Davíð) trúði því að íslenska krónan væri sterkasti gjaldmiðill heims!!! Viðvörunarbjöllur gullu úr öllum áttum en allt kom fyrir ekki. Glórulaust frjálshyggjurugl hefur haft skelfilegar afleiðinar. Fólk missir eigur sínar, fólk flýr land, fólk er atvinnulaust og margir eiga ekki fyrir mat. Þetta er árangurinn af stjórnartíð Davíðs. Vinstri stjórnin reynir að bjarga því sem bjargað verður.