Múslími í frítíma?

G.Pétur Matthíasson er upplýsingafulltrúi Vegagerðar Ríkisins. Starfsmaður almennings,

Hann skrifar svona á vefsíðu sína 16.desember:

„Og hvað felst í þessu hjá þremenningunum þegar litið er lengra fram á veg? Jú það þýðir að eftir tilvist þessarar ríkisstjórnar má ljóst vera að ekki verður mynduð ríkisstjórn á Íslandi næstu 20 - 30 árin án þátttöku Sjálfstæðisflokksins. Sá flokkur, sem hefur einmitt haft töglin og hagldirnar í íslensku stjórnmálalífi - vegna tvístringseðlis vinstri manna - og þar með lífi þjóðarinnar, fær þetta allt aftur fært á silfurfati. Þannig leiðir þessi vitleysa þremenninganna, sem halda að þeir séu svo sjálfstæðir, til þess að íhaldið, með sitt 30 prósenta fylgi, ræður öllu áfram - aftur. Fær aftur völdin til að leiða okkur í nýtt hrun, nýja þöggun, nýja skoðanakúgun gegn þeim sem ekki eru valdinu þóknanlegir, vegna þess að flokkurinn veit að hann mun alltaf halda völdum hvort sem hann fær 30 prósent eða 33 prósent eða 38 prósent upp úr kjörkössunum. Alltaf.“

Er þetta bara í lagi að opinberir embættismenn taki þátt í pólitík með þessum hætti? Ég er kannski svona gamaldags, en þetta var ekki svona. Opinberir starfsmenn tóku ekki þátt í stjórnmálaumræðunni.

Getur forsjóri Hafró verið félagsmaður í Sea Shepard utan vinnutíma? Gæti biskupinn verið múslími í frítíma sínum? 

Athugasemdir

[Ybbar gogg (IP-tala skráð) 20.12.2010 kl. 21:08]

Þetta er skelfilega gamaldags hugsunarháttur hjá þér: Að opinberir starfsmenn megi ekki orða hugsanir sínar á almannafæri. Tjáningarfrelsi fólks er ekki bundið við starfsvettvang þess. Við lifum nú einu sinni á 21. öldinni, ekki þeirri 19.

[Björn Birgisson, 20.12.2010 kl. 21:18]

Halldór minn,  góður vinkill. Ég kýs að vera álíka gamaldags og þú ert í þessu. Góðir embættismenn eiga að geta þjónað mörgum herrum með ólík sjónarmið. Þess vegna er þeim betra að tjá sig í jólaboðum, erfidrykkjum og fermingarveislum og halda sig við það. Sleppa blogginu og Andlitsbókinni.

Hins vegar eru þeir, þegar upp er staðið, jafnstæðir borgarar þessa lands á við hvern annan og þeim fullkomlega frjálst að hafa skoðanir á mönnum og málefnum samtímans. Það eru réttindi sérhvers manns.

Þeirra líf verður því línudans.

Einu sinni sagði góður maður: Umburðarlyndið verður alltaf upphaf friðarins.

Góðir embættismenn ættu að haga sér samkvæmt því. 

[Kjartan Sigurgeirsson, 21.12.2010 kl. 08:36]

Ég verð nú að segja að ég undrast bjartsýni G. Péturs nokkuð og vona að hann hafi eitthvað til síns máls, hvað varðar aðkomu Sjálfstæðisflokks að stjórn landsins næstu 20 til 30 árin.

Ég hef hinsvegar talsverða samúð með honum fyrir það að koma ekki auga á augljósa kosti þess.

Hvað varðar rétt hans til að tjá skoðanir sínar, hann verðum við að virða, enda er tæra velferðarstjórnin búin að setja fordæmi með pólistískar hreinsanir í stjórnkerfinu þegar þeir tóku við völdum, þeir hirða þá kannski með sér svona fólk þegar þeir hætta.