Ég stilli mig

um það að gusa á Jóhönnu og ríkisstjórnina útaf stjórnlagaþinginu. Þetta er svo guðsvolað, gersamlega glatað, gríðarlegt gabb að maður er klumsa og kjaftstopp yfir vesaldómnum. Ræfilstuskurnar, þær geta víst bara ekki betur.

Ég stilli mig og held að við ættum bara að gera það sem flest. Þetta er ekki sú auglýsing fyrir þjóðina sem okkur vantaði útávið.  Það er líka ljótt að sparka í vesalinga og hrekkja minnimáttar. Stundum er best að grjóthalda sér saman. 

Ég held að við þyrftum að fá Jóhannes eftirhermu  til að koma í sjónvarpið og flytja okkur stjórnlagaboðskap í gervi Þorvaldar Gylfasonar, sem var kominn með leiðtogahlutverkið á þinginu á tæru fyrir sitt leyti.  Það myndi hjálpa okkur að hlægja hressilega eftir þennan farsa allan saman.

Skál elskurnar, og gleðilega framtíð eins og "Ranka Sótt" hefði kannski orðað það einhverntímann.

 

Athugasemdir

[Helga Kristjánsdóttir, 25.1.2011 kl. 23:57]

 Já það þarf að þjóðnýta Jóhannes eftirhermu. Heita allir merkismenn Jóhannes,Jóhann eða Jóhanna,svona fyrst þú ert á léttu nótunum,Halldór minn. Upphafsstafir hæstráðenda er;  S.J.S.J.S. það má setja kál og á milli til skiptist. Skál.

[Ómar Bjarki Smárason, 26.1.2011 kl. 06:17]

Og kannski kemstu nú inn á stjórnlagþing hið síðar, Halldór, eftir allt saman...!

Það þarf ekki lengur að semja skemmtiþætti. Þeir sjá um sig sjálfir!

Kveðja frá New Mexico.

[Halldór Jónsson, 26.1.2011 kl. 07:44]

Takk Helga,það er gott að heyra í gamansömu fólki, eginlega bráðgott hjá þér.

Já Ómar Bjarki,

Hinn óbærilegi léttleiki tilverunnar er þannig að hann er yfirleitt óséður fyrirfram. Er ekki gott land og fagurt þarna? Rawhide country?

[Ómar Bjarki Smárason, 26.1.2011 kl. 15:05]

Fagurt en ö7°C núna í morgunsárið!