Náttúrufasismi

birtist í enn einu frumvarpi fáránleikans á Alþingi um breytingar á lögum um náttúruvernd.

Kristjana Bergsdóttir skrifar þarfa grein Í Mbl. í dag. Hún segir m.a.

"En gamanlaust þá er þetta hugtak rauði þráðurinn í hrollvekju frumvarpsins sem boðar afnám frelsis einstaklingsins til gróðursetningar og ræktunarstarfa á Íslandi. Það eru boðuð áður óþekkt höft á ræktun í landinu, þar sem miðstýring ráðuneytis og hugmyndafræði um »ágengar framandi lífverur"

Öfl sem vilja eyða opinberu fé í að eyðileggja handaverk þúsundanna, sem eyddu fé og fyrirhöfn í að rækta og bæta landið, eru til of mikilla áhrifa komin í stjórn landsins. Ríkisstjórnin er holdgerfingur niðurrifsaflanna og bandamaður uppblástursins í þjóðlífinu sem nú herjar til viðbótar öðru.

Þetta frumvarp er Náttúrufasismi af verstu gerð. Vonandi klúðrast þessar fyrirætlanir eins og fleira. Ríkisstjórnarinnar verður lengst minnst fyrir það sem landsmenn sluppu við vegna klúðurseiginleika hennar. .

 

Athugasemdir

[Sigurður Alfreð Herlufsen, 26.1.2011 kl. 17:50]

Hvað yrði gert í dag við vin minn Símson ljósmyndara á Ísafirði?

Ég held hann hafi verið gerður að heiðursborgara, vegna mikillar skógræktar sem hann var frumkvöðull að.

Hann var svo duglegur og ósérhlífinn og reyndi að fá okkur letingjana til að leggja smávegis starf fyrir hugsjónina.

Nú sér hann frá Efri byggðum að allur hans dugnaður er orðið lítils metin, ef ekki beinlínis orðin að óþurftarverki.

Við vorum á árum áður, að dásama þennan gróður sem hafði verið plantaður í fjallið og inni í skógi, þar sem hann gerði sérstakan garð með fjölmörgum ólíkum tegundum, að ógleymdum styttunum.

Maður er eiginlega alveg hvumsa.