Er spillingunni lokið?

á Íslandi ?

Í öllum bönkum nema MP-banka starfa skilanefndir baka við luktar dyr. Öðru hverju fréttir almenningur að þetta eða hitt hafi verið selt. Blokk hér, fyrirtæki þar. Hagar, Sjóvá, Steypustöðin,, allt á að seljast í opnu og gegnsæju ferli. Ekkert gerist nema sölur eru dregnar til baka af einhverjum ástæðum sem fást ekki uppgefnar þó svona að Alþingi spyrji. Enginn veit hverjir eru á bak við kröfuhafa gömlu bankanna. 

 Ríkisstjórnin stælir sífellt um keisarans skegg. Stjórnlagaþing, skjaldborg um heimilin, atvinnumál, landris. Selur óverðtryggð skuldabréf til 20 ára með 6.6 % ávöxtunarkröfu. Hvern skyldu þeir fá til að kaupa? Hver vill veðja á þennan hátt nema sá sem trúir á höft og helsi í mörg ár til viðbótar?

Skilanefndir taka tuttuguþúsund kall á klukkustund fyrir hvern mann.  Enginn veit hvernig þetta fólk var valið, enginn veit hvernig tímaskráningin er. Enginn veit hversu mikill tími er skrifaður á sólarhring, viku, mánuði eða ár. Hverjir græða mest? Hvað er þetta fólk að gera?  Telja menn líklegt að svona gósenverkefnum ljúki nokkru sinni?  Er einhver með heildayfirsýn? Örugglega ekki Steingrímur J. Finnst mönnum það líklegt að skilanefndarfólk hætti sjálfkrafa á svona rokaflavertíð?

Ég held að spillingunni hafi ekki lokið með hruninu. Hún hafi bara skipt um leikendur. Lok lok og læs og allt í stáli, lokað fyrir Páli. Og Pétri líka. Pukur og leyndarhyggja einkennir líka allt stjórnunarstarf vinstrimanna í ríkisstjórninni og handlangara hennar.  Allt grugg er hrist upp í hverri flösku þannig að enginn sér í gegn um mjöðinn.  Trúir almenningur því að allt sé uppi á borðinu hjá hinni nýju stétt?  Hinni nýju Nomenklatúru í Alþýðulýðveldinu Íslandi?

Er spillingunni  lokið eða lifir hún sem aldrei fyrr?

 

Athugasemdir

[Alfreð K, 9.2.2011 kl. 21:39]

Spillingin lifir sem aldrei fyrr, Halldór.

Fullt af háttsettu fólki í gömlu bönkunum sem starfa nú í nýju bönkunum eða í skilanefndum þeirra, margir þeirra ýmist fjölskyldumeðlimir, vinir eða tengdafólk, jafnvel makar, hinna og þessara embættismanna svo og fulltrúa almennings á Alþingi.

Man e-r eftir Tryggva Jónssyni sem sat í Landsbankanum svo mánuðum skipti eftir hrun? Hvað ætli séu margir Tryggvar Jóns. (ekki eins þekktir) enn að störfum í „endurreistu“ stóru bönkunum að aðstoða fjárglæframönnum gamla Íslands endurreisa veldi sín (leynt og ljóst) í hinu nýja?