Efnahagsstefna Seðlabankans

lýsir sér í því að fikra sig í átt til afnáms gjaldeyrishaftanna. En til þess verður aflandsgengið og handstýrða gengið hjá Mávi að nálgast hvort annað. 

Nú er aflandsgengið á evrunni sagt um 258/288 en innlenda 158.  Þá sést með hálfu auga hvílíkt gengisfall þarf að eiga sér stað áður en hægt er að sleppa höftunum. Það er nokkuð ljóst að það er ekki að gerast í ágúst í sumar og líklega heldur ekki í ágúst 2012 þó ekkert nýtt kæmi til. Það hefur verið rætt um að láta fallið gerast í einu stökki til þess að hægja á útflutningi eignamanna sem færu með gjaldeyrissjóðinn með sér að óbreyttu að maður tali ekki um jöklabréfin.  

Nú heimta verkalýðsforingjarnir allir verkföll og tugaprósenta launahækkanir fyrir sig. Enda gengur hagfræði Alþýðulýðvelda út á það að launahækkun opinberra starfsmanna skili svo auknum skattatekjum í ríkissjóð að dugi fyrir tilfallandi kosningaloforðum og vopnakaupum.

Svo auðvitað koma allir smáhóparnir í kjölfarið og þá er Seðlabankinn búinn að varða veginn. Verður búinn að fella gengið fyrirfram í rólegheitunum eins og hann er byrjaður að gera.  Hugsanlega hangir aflandsgengið eitthvað uppi þar til að útlendingar uppgötva að hægt sé að græða á íslenskum bréfum í staðinn fyrir Icesave.   Engu er spáð um það hvort bólusetningin gegn Íslandsflensunni dugar ennþá eða hvort einhverjir nýir sjóðastrákar í útlöndum og íslenskir bréfaguttar fari að spekúlera í Íslandi aftur.

Einhversstaðar úti frerum framtíðarinnar munu krónan og aflandskrónan hittast og þá getur efnahagslífið farið að stauta sig til baka. Ef þá einhver verður þá eftir á lífi eins og séra Jens á Setbergi sagði þegar neftóbakið var búið en  allir fjallvegir ófærir. 

Þá hefur hagfræðin gengið upp og allir ánægðir. Nema náttúrlega aldraðir og öryrkjar, sem væntanlega verða þá sem flestir dauðir úr hor til dýrðar norrænu velferðarstjórninni.

Útlitið fyrir þjóðina í núverandi mynd sinni er þannig ekki glæsilegt. En það er þó þaulskipulagt af Seðlabankanum.  Við þurfum því  að styðja við fólksútflutninginn sem mest og best og skynsamlegt væri auðvitað að skrúfa fyrir innflutning á útlenskum velferðarsugum sem streyma  hingað úr allsleyssþjóðfélögum heima hjá sér. En stefnan er auðvitað fremur að skipta um þjóð í landinu heldur en að varðveita þá upprunalegu þannig að því verður erfitt að breyta með Alþjóðahúsið yfir sér.

Þannig léttum við á atvinnuleysisbótunum og minnkum þjóðina niður í þá stærð sem getur lifað á landbúnaði og fiskveiðum. 250 þúsund manns er líklega of mikið en getur dugað sem markmiðssetning.

 Slík þjóð  þarf færri spítala, færri skóla og minna af öllu.  Við þurfum aðeins það fólk sem sjávarútvegurinn þarf og landbúnaðurinn og núverandi stóriðja.   Fjármálageirinn og skilanefndirnar þurfa ekki fleira fólk í bráðina,  byggingariðnað þurfum við engan,  minni  skóla og færri kennara og lækna.  Fótafærir gamlingjar verða að fara að reyna að vinna aftur og það verður að verða  höfuðsök að neita manni um vinnu á grundvelli kennitölu eins og landlægt herfur verið og hið opinbera gengið þar á undan.

Þannig getur þjóðin unnið sig út úr vandanum til betra lífs í Alþýðulýðveldinu Íslandi og horft björtum augum til framtíðar..  Efnahagsstefna Seðlabankans vísar veginn undir hergöngulagi nýrra Icesave-samninga.   

 

Athugasemdir

[Júlíus Björnsson, 11.2.2011 kl. 02:25]

http://en.wikipedia.org/wiki/List_of_European_countries_by_GDP_(nominal)_per_capita

Ráðstöfunartekjur Ísgeymslunnar í framtíðinni á borgara, haf fallið niður um 17 sæti frá 2007 og 11 sæti frá 2008.  Aðild var samþykkt miðað við gengið 2009.   

Erum við að toppa Þjóðverja eftir fyrri efnahagssyrjöld?

Hvers vegna er ekki búið að skipta um heila í stjórnsýslunni? 

Þetta er ekki spurning um stjórnmálaskoðanir heldur "common sense"

Hver ber virðingu fyrir fávitum. Hver vann keppnina um að tapa sem minnst? 

Tactic frá um 1980 er augljós í dag. Þeir sem eru með mest í varasjóðum og hafa mestu hollust í sínum fjármálgeirum lifa af hagræðinguna í stjórnsýslum og fjármálageirum heimsins.

AGS minnist ekki á Icesave sem aðalatriði það minnist ekki á það í janúar.

Það má túlka sem það sé í höfn.  

Verst við þetta er að bak við tjöldin er þverpóltísk samstað um framtíðina.

Þótt mjög gott sé stjórnmálalega að geta sagt síðar ég var á móti lágkúrunni.

[Arinbjörn Kúld, 11.2.2011 kl. 12:43]

Þetta er auðvitað tær snilld

Kveðja að norðan.