Evrópusamstarfið

og íslensk stjórnvöld hafa fært okkar landi margt sem við hefðum líklega viljað vera án.Auðvitað hefur margt jákvætt fylgt með.

Annað sem miður er má að stórum hluta rekja til okkar sjálfskaparvíta. Óhindrað flæði fólks án vegabréfa inn til landsins á grundvelli Schengen samkomulagsins er eitt af þessu. Vandamálin sem þessu fylgja bætast ofan á peningasvelti til lögreglu og fangelsa og leiðir af sér að nú eru engir borgarar lengur óhultir fyrir ofbeldi. Þeir geta ekki lengur treyst því að lögregla geti sinnt þeim vegna liðsfæðar og styrk undirheima sem hafa fengið öll tækifæri til vaxtar í skjóli oftrúar embættismanna á kerlingabækur regluverksins frá EU.

Menn hafa ekki þorað að standa i lappirnar og neita að fylgja heimskupörum út í æsar.Kljúfa RARIK í tvennt og svo framvegis.

Í Morgunblaðinu stendur:

...";Lögregla á Íslandi hefur handtekið menn frá Austur-Evrópu sem bera húðflúr sem vitna um tengsl þeirra við austurevrópsk glæpasamtök. Félagar í rússneskum mafíum og glæpahópum í ríkjum A-Evrópu auðkenna sig oft með húðflúri. Samkvæmt upplýsingum Morgunblaðsins hafa nokkrir austurevrópskir glæpamenn, sem hafa tengsl og starfa með skipulögðum glæpahópum í heimalöndum sínum, sest hér að. Lögreglumaður sem rætt var við sagði að þessir menn hefðu komið sér vel fyrir hér á landi, ækju um á fínum bílum og byggju vel, en væru samt sem áður skráðir atvinnulausir.

Þeir væru með menn í vinnu fyrir sig, yfirleitt landa sína, sem þeir gerðu út til innbrota, fíkniefnasmygls og fleira.Þá hefur Morgunblaðið fengið staðfest að hópur glæpamanna frá Póllandi og Litháen starfi saman, m.a. við að framleiða amfetamín. Þetta séu harðsvíraðir menn, hiki ekki við ofbeldisverk, og að aðrir glæpamenn á Íslandi óttist þá.Menn af þessu tagi eru augljóslega mikil ógnun við íslenska lögreglumenn.

Lögreglumaður sem rætt var við benti á að skemmst væri að minnast grófrar árásar sem óeinkennisklæddir fíkniefnalögreglumenn urðu fyrir á Laugavegi í janúar 2008 en lögreglumenn áttu fullt í fangi með að verjast árásinni. Lögreglumennirnir bentu á að þeir hefðu bæði verið með lögregluskilti og hrópað að hér væri lögregla að störfum en árásarmennirnir, þeir þrír sem voru ákærðir, sögðust ekkert kannast við það.."

Hversvegna eru okkar stjórnmálamenn svo skyni skroppnir að geta ekki tekið á neinum málum sem blasa við að hægt er að leysa vegna þess að Ísland er eyland eins og Stóra-Bretland? Bretum datt ekki í hug að afsala sér þeim kostum sem Ermasundið hefur fært þeim æi sögunni. Er stjórnkerfið orðið svo gegnsýrt af kratisma að það er ekki hægt að breyta neinu nema hækka skatta og gjöld?

Af hverju erum bara við svona kaþólskari en páfinn þegar kemur að Evrópusambandinu ?

Athugasemdir

[Kolbrún Hilmars, 5.3.2011 kl. 16:03]

Sæll Halldór. Það versta við þetta ástand er að þegar við gagnrýnum þetta dekur við erlenda og alþjóðlega glæpamenn hér á landi, þá eru dregnir fram til fjölmiðlaviðtala saklausir nýbúar sem eiga að sanna okkur það að við séum ótíndir rasistar og þjóðernissinnar af síðustu sort.

Enda fer þeim sífækkandi sem þora að spyrja hvort heilindi eða annarlegir hagsmunir búi að baki hjá sumum þeirra sem kalla sig talsmenn fjölmenningar.

[Halldór Jónsson, 5.3.2011 kl. 16:55]

Sæl Kolbrún

Þeta er hverju orði sannara. Það má ekki minnast á innflytjendamál þá dynja klisjurnar á manni. En við verðum bara að taka því, þetta er komið út fyrir allan þjófabálk.

[Hrólfur Þ Hraundal, 6.3.2011 kl. 00:39]

Þakka þér Halldór.  Ég og mín frú ráðum því hverjir koma til okkar í hús.  Þannig er það líka með þjóðir, þær ráða því hverjir koma á þeirra land.

  Geri einhver samning um annað, þá þarf samþykki húsráðanda, landeiganda.    

Það er alveg ljóst að núverandi þinglið ber enga virðingu fyrir vinnuveitanda sínum.   

[Kristján Hilmarsson, 6.3.2011 kl. 13:25]

Það sem Hrólfur er að segja, er einmitt það sem gefur "andrasistum" byr undir undir báða vængi, ég er samt alls ekki að væna hann um rasisma, en að einangra sig og "loka" landinu er í raun ekki það sem nein okkar viljum, heldur hitt sem Halldór bendir á, peninga og áhaldasveltið til löggæslu og útlendingaeftirlits.

En þetta sem Halldór er að nefna í sambandi við Bretland, er líklega sú stranga vegabréfalöggjöf sem þeir eru með, en það hjálpar þeim nánast ekkert varðandi ólöglegann innflutning, til þess eru vegalengdir svo stuttar og samgöngur allar svo gífurlega umfangsmiklar, að þeir þurfa öfluga löggæslu og útlendingaeftirlit til að fást við sín vandamál af þessum toga, eða munum við ekki þessa frétt: http://news.bbc.co.uk/2/hi/uk_news/england/lancashire/3464203.stm

Hvernig og hvar haldið þið að þetta blessað fólk hafi komið inn í Bretland ?

Við vitum hvar þessir komu inn: http://news.bbc.co.uk/2/hi/europe/810210.stm

Svo það að halda að öllu sé hægt að bjarga á Keflavíkurflugvelli og/eða Seyðisfirði er varasamt, jafnvel þó vegalengdirnar frá umheiminum séu meiri en til UK.

Að vera utan Schengen, myndi líklega ekki hjálpa Íslandi sérlega mikið, vegna þess hve opið er frá hinum norðurlöndunum, sem eru nú þegar í stórum vandamálum vegna ólöglegra innflytjenda, en kannski eitthvað, ekki gott að segja, en að spara til löggæslu, eins og heimurinn er að þróast, er beint fram barnalegt, eða átti ég kannski að segja "kratalegt" hver er munurinn ??

MBKV

KH 

[Halldór Jónsson, 6.3.2011 kl. 17:13]

Hrólfur, þú ert að segja það.

Kristján, mér finnst ekki rétt að segja að það þýði ekkert að vera með vegabréfaeftirlit vegna þess að einhverjir svindli.Sjálfur hef ég aldrei séð neinn fídus í því að Norðulönd séu ekki með gagnkvæma passaskoðun, sérílagi eftir að mál þróuðust á þann veg sem þú lýsir.

[Kristján Hilmarsson, 6.3.2011 kl. 19:35]

Nei ! Halldór það er ekki rétt að segja það, enda gerði ég það ekki heldur bara benti á hvað það hjálpaði Bretum "nánast ekkert", og var eiginlega setja stoðir undir það sem mér finnst vega mest í innleggi þínu, þetta með að efla almenna löggæslu og útlendingaeftirlit.

það er miklu mikilvægara en að halda að hægt sé að "loka" landamærum eins og veröldin er í dag, en hvort herða megi á landamæraeftirliti einnig er svo vel umræðuhæft, en þau mál eru miklu meira háð samvinnu við umheiminn, en t.d. eigin löggæsla í eigin landi, og með því væri þá ekki verið tortryggja alla né fordæma bara af því þeir koma frá einu landi frekar en öðru, eða hafa annann húðlit en við erum vön.

Og það sem þú kallar "fídus" er reyndar frjálst samkomulag norðurlandanna frá þeim tíma þegar hlutir voru einfaldari og saklausari og t.d. járntjaldið var lokað, vandamálið núna er að aðgangur alls heimsbyggðarinnar að hinum norðurlöndunum er orðinn svo miklu auðveldari og þar með áfram til Íslands, svo kannsi er kominn tími á einhverskonar eftirlit/skilríkjaskoðun varðandi það.

Flestir þeirra  "Ólöglegu" flótta og innflytjenda sem vísað er útfrá Noregi, eru fólk sem lögreglan finnur í landinu, þó margir séu einnig stöðvaðir á landamærum og vísað tilbaka.

Ef hávaði og skammir frá "andrasistum" fara í taugarnar á ykkur að ekki segja gera það að fólk þorir ekki að segja meiningu sínu, svo vitnað sé í Kobrúnu, er bara að vanda mál sitt og sleppa klisjunum og alhæfingunum og láta þau um það, þá dettur þeirra "öfugi" rasismi um sjálfan sig.

MBKV

KH 

[Halldór Jónsson, 7.3.2011 kl. 01:01]

Það yndi hjálpa okkur , það held ég að ekki sé spurning. Þá hefði líkstungumaðurinn Thomas ekki valsað hér út og inn að vild og geðþótta. Og gengin væðu ekki svona inn fyrirhafnarlaust.

Viltu ekki vegabréfaeftirlit Kristján?

[Kristján Hilmarsson, 7.3.2011 kl. 10:15]

Jú Halldór ! eða allavega skilríkjaskoðun frá hinum norðurlöndunum,  en það er til lítils ef við höldum að það sé nóg,  það þarf líka og ekki síður, að vera mannskapur og heimildir til að taka "stikkprufur" innanlands líka, ekki bara á "landamærunum" þ.e. KEF og Seyðisfirði, þá myndu margir fara að hugsa sig um tvisvar við að koma til Íslands með glæpi í huga.

Ég hef ekki tölu á hversu margir vegir eru inn í Noreg frá Finnlandi og Svíþjóð (ESB), (Rússlands "grensan" er pössuð nokkuð vel) en þeir eru margir, og ekki mannskapur til að manna öll landamærin, en tollarar og lögregla hafa heimildir til að taka þá sem hugsanlega eru með óhreint mjöl í pokanum, hvar og hvenær sem er, þetta er og gert í fleiri og fleiri tilfellum, og nú er verið að beina athyglinni sérstaklega að smábátaumferðinni yfir Skagerak, þar kemur margt og mikið berst yfir, nýverið fjárfest í hraðskreiðum tollbátum til að fást við það betur.

Svo þó að strangara verði á KEF og Seyðisfirði (gott mál ekki misskilja mig), er langbesta "signalið" sem hægt er að senda glæpagengjunum og öðrum með vafasamar hugmyndir, það að á Íslandi sé virk, þjálfuð og mannsterk löggæsla, þá velja þeir önnur mið, að treysta eingöngu á landamæraeftirlit, er hættuleg "svefnganga".

MBKV

KH