Hvaða tilgangur er með farsanum

sem er leikinn í Kastljósinu í kvöld?

Ríkisstjórnin er með meirihluta á Alþingi segir Árni Þór þó að Lilja og Atli hafi farið. Ekki hefur náðst í Jón Bjarnason eða Ásmund Daða. Veit þá Sigmar nokkuð um hvort Árni Þór sé að fara með staðreyndir um meirihluta?'

Þetta er eins og billeg framhaldssaga í sveitaróman. Nær Heimasætan ástum Flokkseigandas fríða? Kemur Ásmundur Djarfi fram óvæntu útspili? Hvað gerir Jón á Nautaflötum?

Á meðan getið þið áhorfendur góðir lifað í spennunni sem þið fáið fyrir nefskattinn til RÚV og skemmt ykkur við að spyrja hvort annað, hvort hefnd vondu drottningarinnar komi núna eða síðar. Allt kemur svo fram í næsta Kastljósþætti hjá Sigmari sagnaranda.

Á meðan líður einn dagur í viðbót.Hallinn vex og vextirnir hlaðast upp. Vandamálin eru einum degi lengur. Uppboðin halda áfram á morgun. Þetta fólk er að sóa tíma okkar, afli þjóðar og áræði, og fær borgað fyrir það af okkur.

Af hverju er ekki náð í Jón og Ásmund og þeir spurðir hvað þeir ætli að gera? Hvaða skýring er það að ekki náist í þennan né hinn sem skipta heila þjóð öllu máli? Má ekki láta lögregluna finna þá? Eru þessir og hinn svo fullir að það sé ekki hægt að hafa við þá viðtal? Hvað þvæla er þetta?

Þetta er rumpulýður sagði einn ágætur þingmaður einu sinni um samstarfsmenn sína á Alþingi. það er rumpulýður sem böðlast á þjóð sinni og sýgur blóð hennar.

Róm er að brenna!Hver er tilgangurinn með svona framhaldsfarsa?

Athugasemdir

[Alfreð K, 21.3.2011 kl. 23:32]

Ég hef oft spurt mig sömu spurningar, eiginlega svo oft að ég er löngu hættur að hafa tölu á því í sambandi við Kastljós (þó svo að hann sé ekki alslæmur, hann Sigmar), þau eru ófá kvöldin sem mér hefur bara fundist eins og það hefði alveg mátt sleppa Kastljósinu, kannski væri alveg nóg að hafa það bara á mánudögum, miðvikudögum og föstudögum, þ.e. annað hvert kvöld, og ná þannig fram enn meiri sparnaði á RÚV.

Annars er ég sammála Halldóri, tíminn líður og þetta er farið að reyna töluvert á þolinmæðina, öll þessi sápuópera sem virðist engann enda ætla að taka (hún er samt ágætiskona, hún Lilja, og gott hjá henni að kalla eftir nýjum kosningum!).

Var það ekki fyrrverandi landsliðsmaður (og krati) sem sagði rumpulýður á Alþingi fyrir mörgum árum? Mig minnir að hann hafi verið fyrstur til að taka þannig til máls, síðan kom „sk**legt eðli“ fyrir svona 15 árum og loks „gungan og druslan“ fyrir ekki svo mörgum árum. :)

[Halldór Jónsson, 22.3.2011 kl. 00:04]

Já Alfreð, minnið bregst þér ekki. En ég vildi bara vekja athygli á því að þessi stjórn tapar fyrir hönd þjóðarinnar hagvexti á hverjum degi meðan tímanum er eytt íþetta japl og jaml og fuður, samráð,nefndir eða KJAFTÆÐI á góðri íslensku. Fjölmiðlarnir kyn da undir vitleysunni eins og þeir sem mæla upp vitleysuna í krakkaskjátum sér til ánægju.

[Kristinn Karl Brynjarsson, 22.3.2011 kl. 10:15]

Núna stefnir í smá þras, eða mikið eftir atvikum, um svokallað umboð þeirra tveggja frá kjósendum sínum.   Allir þeir sem um umboðið efast, gleyma þó Þráni Bertelsyni, sem situr jú samkvæmt kenningu þeirra í þingflokki Vg í umboði þeirra er kusu Borgarahreyfinguna.

Þó svo að kosið sé inn á Alþingi eftir listum, flokkum, Þá er í rauninni ekki einn einasti þingmaður bundinn flokki sínum, hafi hann sannfæringu fyrir öðru.

47. gr. Sérhver nýr þingmaður skal vinna ... 1) drengskaparheit að stjórnarskránni, þegar er kosning hans hefur verið tekin gild. 1)L. 56/1991, 16. gr. 48. gr. Alþingismenn eru eingöngu bundnir við sannfæringu sína og eigi við neinar reglur frá kjósendum sínum. ... 1) 1)L. 56/1991, 17. gr.

Hins vegar stendur hvergi í stjórnarskránni að stjórnmálaflokkar skuli undirrita drengskaparheit að stefnuskrá sinni.