Áróður RÚV fyrir Iceasave JÁ

var opinberaður í kvöldfréttunum. Orkuveita Reykjavíkur, sem er nýbúin að ljúka við svívirðilegar hækkanir og aðför að almenningi sem á hana á einokunarþjónustu sinni og hækka gjaldskrá sina undir forystu besta flokksins og Samfylkingar um þriðjung, vælir hástöfum yfir því að húna fái ekki lán í útlöndum. Það vantaði bara beinlínis, en lá í orðunum, að þetta sé allt útaf Icesave. Ef við segjum já þá fær Orkuveitan lán. Annars ekki.

Er hægt að hafa þetta svívirðilegra? Fá það í andlitið að maður sé svo heimskur að það megi segja manni hvað sem er? Orkuveitan sem selur heitavatnið helmingi dýrara en Seltjarnarnes vælir og lýgur í þetta gjallarhorn misupplýsinga og ætlast til að við trúum! Kunna þeir ekki annan?

Svo stendur Steingrímur J. á Alþingi og segir það blákalt að engar sérstakar skatahækkanir séu á leiðinni ! Maðurinn sem sagði: "You ain´t seen nothing yet" Hver nennir að hlusta á þennan mann yfirleitt lengur?

Hvað ætlum við geðlausir Íslendingar að líða þetta liðónýta Alþingi lengur? Er ekki kominn tími á að það hypji sig allt út. Er ekki rétt að við reynum að kjósa okkur annað fólk þangað inn. Ég kem varla auga á nokkurn brúklegan mann þarna lengur sem maður getur sett traust sitt á.

Ef ég gæti sagt RÚV upp hefði ég gert það í kvöld. En ég er fangi þar eins og í Alþýðulýðveldi Steingríms Jóhanns.Fangi í gjaldeyrishöftum hjá Mávi Seðla með enga framtíð næstu 4 ár.

Loforðum Jóhönnu um 4300 ný störf trúi ég ekki engur. Yfirlýsingum Steingríms um batnandi hag trúi ég ekki lengur. Ég er búinn að tapa trúnni á þetta fólk.

Áróður Óðinsvéa fyrir Icesave JÁ verkar ekki á mig lengur.

Ég segi NEI!

Athugasemdir

[Helga Kristjánsdóttir, 29.3.2011 kl. 00:52]

  Ég segi NEI, því fylgir ekki einu sinni takk.lengur.

[Emil Hannes Valgeirsson, 29.3.2011 kl. 10:58]

Veistu ekki hver sagði og hvenær:

„You ain´t seen nothing yet“ ?

[Emil Hannes Valgeirsson, 29.3.2011 kl. 11:10]

þ.e.a.s. ummæli Steingríms „You ain´t seen nothing yet“ voru tilvísun í orð Forsetans sem notaði þetta í einni af sínum útrásarvíkingalofgjörðarræðum árið 2005.

[Ómar Bjarki Kristjánsson, 29.3.2011 kl. 13:02]

Ja, eg gat reyndar alls ekki lesið útúr frétt RUV að tengdist skuldamáli ísland er varðar lágmarksbætur til innstæðueigenda í B&H. 

En þegar þú segir það að - er þetta útaf því?

Allt lánshæfismat komið í ruslið vegna vitleysisgangs  í kringum skuldarmálið?

[Júlíus Björnsson, 29.3.2011 kl. 13:29]

Skattar hækka hlutfallslega miðað við ráðstöfunartekjur á hverjum degi. Vaxtaskattar, söluskattar [vsk] , skattar óbeinna ríkisfyrirtækja.  Hér átti að setja allt á hausinn sem ekki skilar beinum þjóðartekjum strax. Hér átti að lækka lífeyrissjóðsgreiðslur og hætta að lána lífeyrisjóðum skatti af lífeyrissjóðstekjum selja allar eignir sem hægt er að selja í útlöndum. Leita að nýjum mörkuðum til að auka tekjur af útflutningi. Segja upp EES í ljósi reynslunnar af keppninni um Þjóðartekjur síðan 1994. Þjóðnýta allan okur fjármálageirann og gervi einkafyrirtæki. Reka svo allt ríkið á lámarkslaun í 5 ár.  Lækka öll fölsuð veðlán, setja þak á raunvaxta kröfu innanlands. Handstýra genginu. Segja upp Schengen. Hér er þeim fyrirtækjum sem veðjað er á að hafi sem mest sjóðsinnstreymi hampað [fákeppni]. Hinsvegar er ekki hægt að veðja á sjóðsinnstreymi og smáfyrirtækja eða einyrkja. Þessi óráð eru talin koma langbest úr fyrir þingheim og sýna ráðdeild stjórnarinnar. Besti flokkurinn er fljótur að læra hjá Samfo.

[Kristján P. Gudmundsson, 29.3.2011 kl. 18:42]

Góður pistill kæri bloggvinur, Halldór. Það er sorglegt fyrir Reykvíkinga að sitja uppi með trúð sem borgarstjóra á svona erfiðum tímum. Allt er þetta arfur frá tíma ISG og R-listans, þannig , að við íhaldsmenn berum ekki ábyrgð á þessu hneyksli.

Bestu kveðjur til Florida, KPG.

[Elle_, 29.3.2011 kl. 19:28]

Ætti í alvöru að stefna ICESAVE-STJÓRNINNI og þó löngu fyrr hefði verið.

VIÐ SEGJUM NEI VIÐ KÚGUN.  

[Björn Birgisson, 29.3.2011 kl. 23:06]

Lengi lifir frjálshyggjan! En ekki endilega allt sem henni fylgir! Af hverju fylgja henni svona mörg ótímabær dauðsföll? Er ekki HHG hér til að svara því? Þetta er ekkert mál fyrir langafa! Til hamingju með langafabarnið!

[Júlíus Björnsson, 30.3.2011 kl. 03:32]

Það getur verið gott að halda í góðu og arðbæru gildin.