Hvaðan kemur fjármagnið

sem kostar risavaxna auglýsingaherferð JÁ hópsins fyrir Icesave?

Heilsíðu auglýsingar dag eftir dag . Fyrst er hryllingsmynd þar sem hákarlinn rís úr djúpinu til að hremma vesalings Ísland ef það dirfist að segja NEI. Síðan koma myndir af 20 ráðherrum sem hóta okkur öllu illu ef við segjum ekki já. Svo hafa áður birst myndir af Tryggva Þór Herbertssyni með æluna í hálsinum. Og svo auðvitað fallegar myndir af Bjarna Benediktssyni hinum glæsilega formanni Sjálfstæðisflokksins. Allt til að hvetja okkur sauðina til að segja JÁ.

Að vísu voru þessar myndir af 20 ráðherrum að minni hluta ráðherrar úr Sjálfstæðisflokknum, þannig að meirihluti liðsins hefur verið til lítillar nytsemdar fyrir þessa þjóð að mínu mati.  Sérstaklega vekur athygli myndin af Jóni Sigurðssyni krataráðherra sem mann mest mærði "gargandi snilldina" í Icesave.  Einnig var hann forstjóri Fjármáleftirlitsins sem átti að passa bankana svo þeir gerðu ekki skammir af sér. Aldeilis sem við eigum honum mikið hrun að þakka.

Marga þessara ráðherra  vil ég helst ekki muna að hafi verið hér ráðherrar, svo lítil tilþrif sem þeir sýndu í mínum augum sinn ráðherraferil. Þeirra ráð fundust mér illa gefast þá og hef ekki séð ástæðu til að ætla að hafi þau batnað við makræði eftirlaunanna.

Þessi herferð er studd á yfirþyrmandi hátt af RÚV, útvarpi allra landsmanna. En´Útvarpið og Sjónvarpið hagræða allri umfjöllun þannig að JÁ-ið er ávallt í forgrunninum en mögulegt NEI kemur aftar. Þetta borgum við þú oig ég  auðvitað með nefskattinum.

En auglýsingahroðinn í Fréttablaðinu og Morgunblaðinu er yfirþyrmandi. Og svo áróðusrgreinarnar í Fréttblaðinu sem hvetja til JÁ  eru mjög umfangsmiklar. Og Fréttablaðið er víðlesnasta blað landsins segir það sjálft.  Allt slíkt er ekki ókeypis. Þarna hljóta að liggja miklir hagsmunir að baki. 

 Svo koma yfirvegaðar röksemdir Péturs Blöndal svona inn á milli en fá lítið pláss sem von er. Samt finnst mér ástæða til að benda fólki á þær hafi það ekki þegar gert það. Þetta verður í mínum auigum sýnikennsla í því, hvernig maður snýr fávísum almúganum með auglýsingaskrumi ef sú verður niðustaðan að þjóðin segi JÁ. Ef svarið verður samt sem áður NEI, þá þurfa einhverjir að éta hattinn sinn. 

En hvaðan kemur allt fjármagnið sem kostar þessa herferð JÁ-manna? 

 

Athugasemdir

[Ómar Bjarki Smárason, 3.4.2011 kl. 16:42]

Þetta fer nú samt 60:40 fyrir okkur NEI-urum.... Nema Já-ararnir grípi til þess ráðs að keyra fólk á kjörstað.... Hver ætti svo sem að fara á kjörstað til að samþykkja það að borga 30 milljaðana þeirra Björgólfsfeðga í apríl og halda áfram að borga vexti til 2016.... og hugsanlega hundruði milljarða eftir það....?

 Vonandi hefur þjóðin vit fyrir sjálfri sér og segir NEI.....!

[Hrólfur Þ Hraundal, 3.4.2011 kl. 20:34]

Já hún er mögnuð þessi heilaþvottavél ríkisstjórnarinnar. 

Jafnvel þó að einhverjar einingar í henni séu dálítið skrítnar þá er magnið svo mikið og svo munar um að hafa Gróu á Efstaleiti eins og skriðdreka á móti rekum, heykvíslum og pálum.

                                                             

[Halldór Jónsson, 3.4.2011 kl. 20:50]

ÓmarBjarki,

nú líkar mér við þig, sannur Íslendingur.

Hrólfur

myndræn lýsing á Gróu frá Efstaleiti. Einn gamall framsóknarmaður vinur minn talaði oft um Gróu frá Háaleiti og vildi þá kenna visst hús við það hverfi. En það storma núna Gróur af öllum háaloftum peningafurstanna og bylgjur landvinningatsúnamísins frá austri skola öðrum Gróum á land með fullar skjóður af lygum og hræðsluáróðri til að hræða auðtrúa sálir um það, að það sé alltaf "betra að vera rauður en dauður" eins og undanlátsstefna hét í þá daga.