Tunnurnar bylja !

á Íslandi eftir hrunið. Landslagið breyttist mjög við hrunið.Þá rann upp öld tunnunnar. Þá komu á kreik sérfræðingar eins og Reynir Traustason, Jónas Kristjánsson, Steingrímur J. Sigfússon,Jóhanna Sigurðardóttir, Ólína Þorvarðardóttir, Ólafur Arnarson, Guðmundur Andri Thorsson, Þorvaldur Gylfason,Þór Saari, og haugur af sérfræðingum úr Háskólanum,sem öll verða sérlegir sérfræðingar í skítlegu eðli Sjálfstæðisflokksins og allra sem nálægt málflutningi fyrir hann koma. Bumbuslagarar síbyljunnar sem skiptir vitinu út fyrir hávaðann. End bylur hæst í tómum tunnum.

 

Samananlögð sírenna þessa fólks dynur á Sjálfstæðisflokknum eins og stöðugt öskufall úr eldfjalli. Ekki bara fyrst eftir hrunið heldur viðvarandi síðan. Þessi Sjálfstæðismaður er flæktur í þetta, þessi hitt, þetta eru allt þjófar, þetta er þjófaflokkur, þjófaflokkur,þj........og allt sem honum tengist, endalaust. Guðlaugur Þór er svona, Þorgerður hinsegin,Tryggvi Þór þriðji, Bjarni þannig, og Davíð Guð hjálpi okkur, og þannig bylja tunnurnar áfram. Svo ætlast tunnuslagararnir tl þess að þetta sama fólk komi með töfralausnir sem geti bjargað því frá eigin aumingjaskap ! Ef til vill er skiljanlegt að Sjálfstæðisflokknum vaxi fylgi jafnt og þétt eftir því sem lífdagar þessa Alþingis verða fleiri?

 

Svona er samt þjóðmálaumræðan og hún mótar starfshætti Alþingis og alla þá strauma sem þaðan ættu að koma. Enda líkist árangur þess árangri alþingis götunnar meira með hverjum degi. Gersamlega úr takti við tilveruna og þjóðina eins og sannaðist í tveimur þjóðaratkvæðagreiðslum. En það breytir því ekki í málflutningi framangreinds liðs að hrunið var Sjálfstæðisflokknum að kenna, fall Lehmansbræðra,heimskreppan og allt það líka. Það var Sjálfstæðisflokkurinn sem kom í veg fyrir að Jóhanna Sigurðardóttir og Ingibjörg Sólrún hefðu getað bjargað þjóðinni úr klóm útrásarvíkinganna sem fóðruðu vonda stjórnmálamenn á fé. Krossfestum Geir Haarde og atvinnuleysið lætur undan síga! Stjórnlagaráð gerir líf láglaunafólksins bærilegra! Kvótann til okkar manna er krafa fólksins!

 

Fréttablaðið, DV, RÚV, Silfrið, Stöð2 og háværir bloggarar hamast á Sjálfstæðisflokknum með slagorðum eins og Hitler var tamt þegar kom að Gyðingum. Bara halda íhaldinu frá áhrifum!

 

Hvernig er hægt að reka stjórnmálabaráttu við þessar aðstæður? Hver hlustar á rök þegar tunnurnar bylja?

Athugasemdir

[Sigurður Hreiðar, 24.5.2011 kl. 11:06]

Slæmt þegar menn eru hættir að fallbeygja mannanöfn. -- Kannski Sjálfstæðisflokknum að kenna?

[Halldór Jónsson, 24.5.2011 kl. 14:04]

Það er sosum rétt hjá þér Sigurður enda margvís.En burtséð frá því, hvað finnst þér?

[Vilhjálmur Stefánsson, 24.5.2011 kl. 14:24]

þú gleimdir einu Halldór Sjálfstæðismenn og þá sérstaklega Davíð Oddsson bera ábyrð á Gosinu í Grímsvötnum....

[Theo, 24.5.2011 kl. 14:56]

Hvað áttu við með því að titla persónurnar í  "Spurt er" með virðingarheitinu "Fyrirmenni"? Í mínum huga uppfylla fæstar þessar persónur þær siðferðislegu og mannlegu kröfur sem maður gerir til þess að geta verið kallaðar "Fyrirmenni". Annars bara allt gott....

[Sigurður Hreiðar, 24.5.2011 kl. 15:22]

Burtséð frá rangri notkun nefnifalls? Ja, það er nú það. Ég hef ekki séð hina nýju spámenn koma með neitt gáfulegra en þeir sem við höfðum. Burtséð frá gasprinu sem á rætur að rekja í eftirávisku -- ef það á einhverja undirstöðu.

[Sigurður Hreiðar, 24.5.2011 kl. 15:23]

Annars ertu maður að meiri að vera búinn að breyta setningunni til rétt falls.

[Sveinn Egill Úlfarsson, 24.5.2011 kl. 18:28]

Takk fyrir skelegga umfjöllun um einhvern mesta þjóðarheilaþvott síðan nasisminn heilaþvoði Þjóðverja á sínum tíma.

Eftir að Jón Ásgeir keypti stærsta hluta fjölmiðla landsins og fjárfesti í fjölmiðlamönnum með ránsfengi sínum af almannafé, gekk hann í bandalag með Samfylkingunni og vinstri öflunum í landinu. Hann hóf hatursherferð gegn Sjálfstæðisflokknum sem barðist við að halda græðgi hans í skefjum. Í staðin fékk hann pólitískt skjól og að sjálfsögðu ímyndarpússun sem gerði hann að hetju í augum fólksins.

Samfylkingin hefur alltaf haft gott auga fyrir góðri nútíma áróðurstækni við að tryggja að aðrir taki skömmina sem þeir skilja oftast eftir sig. Steingrímur sá að þarna var komin maskína sem sló Sjálfstæðisflokkinn útaf laginu og hoppaði á vagninn sjálfum sér til dýrðar.

þessari áróðursvél er haldið vel smurðri og malandi enda tryggir hún að Sjálfstæðisflokkurinn þarf að spila varnarleik, leikaðferð sem ekki er í anda og eðli flokksins að leika.